娛樂滿紛 26FUN - Powered by Discuz! Board

標題: [原創] 針對你地話港女問題而寫的溝通suggestion… (1) [打印本頁]

作者: trista_cheong 時間: 2006-8-24 08:54 PM 標題: [原創] 針對你地話港女問題而寫的溝通suggestion… (1)

首先呢d 只係我由女仔ge 角度出發﹐所以肯定會有不足之處~ 希望你地唔好嫌棄~

入o左26fun 咁耐﹐成日都聽到你地d 香港男仔講話港女點唔好點唔好… 其實我覺得有d 係溝通上ge 問題！所以我寫o左呢篇野﹐希望可以幫到

你地理解la~~

我ge 前提係…女仔都係女仔﹐就算幾聰明﹑性格幾男仔﹐都一樣有女仔陰柔ge  一面﹐亦都要被男仔呵護同錫ge 需求ga !但係可惜唔係大部份男仔都一

出世就掌握溝通ge 技巧﹐因為男仔通常鐘意行動﹐女仔鐘意溝通！

關於愛情﹐其實女仔無論做d 咩諗d 咩﹐無論你做d 咩同佢講d 咩﹐大部份都係想feel 到你真係愛佢同關心佢! 所以女仔咪就係咁睇文藝電影﹐睇情愛小說﹐信命埋星座占卜﹐其實都係想一個最知自己心意ge mr.right/ 真命天子! 男仔唔係好理解﹐但係其實就等於男仔鐘意狂睇A片﹐睇靚女﹐睇色情咸濕野一樣道理

因為女仔係由愛入性﹐而男仔基本上係由性入愛﹐男仔首先會由視覺search 自己感興趣ge 女仔… 繼而先係溝通同付出ge 問題

所以無論行動定係言語﹐女仔同男仔理解出黎ge 意思都好唔同ga! 而且社會上d 風氣( eg. 壹本便利之類…) 會令女仔唔小心誤以為男仔咸濕就等於想玩佢﹐then 佢地又唔知道sex 對男仔黎講非常緊要﹐所以如果拒絕其要求或者侮辱男仔呢方面ge 能力﹐就會嚴重咁hurt到男仔… 就好似如果男仔直接同d 女仔講佢地天生係醜女豬扒冇得救﹐一世都冇人要咁﹐個女仔肯定會憎你一世

所以女仔浪費咁多時間打扮﹑化粧﹑減肥﹐其實係因為佢地好希望搵到真愛﹐我相信男仔正常黎講一定會好鐘意研究關於咩咩咩ge 知識~ 哈哈~ 其實係雙方本來ge 需求唔同lor~

如果女仔想搵你傾計﹐係因為佢好需要抒發自己內心不滿﹐如果佢講野冇point﹐可能男仔會覺得唔耐煩﹐但係女仔其實只係想你專心聆聽﹐其實佢講d o野有冇point﹐有冇主題都唔緊要﹐至緊要係有人同佢溝通﹐一旦男仔急急腳想幫佢fix 佢d 煩惱同問題 or 指責/否定佢ge 感受﹐佢就會開始覺得你唔夠/ 冇以前咁愛佢﹐so 佢會好反感﹐then 發脾氣﹐咁男仔又會以為女仔一d 都唔感激…  呢個最後會變成惡性循環

同理﹐如果你為佢著想同佢講出佢d 缺點不足﹐女仔係好好好好敏感﹐好容易以為你o係度對人不對事﹐咁佢又會開始為"你唔愛佢"而不安… 佢不安就開始以為你係因為介意佢呢排肥o左樣衰o左 etc ... 所以女仔會好驚男仔出軌﹐咁樣= 俾唔到安全感

所以我覺得男仔要多d 用言語傳達愛意﹐要溫柔d ﹐尤其係要批評o個時…

就好似女仔o係度狂講自己ge 煩惱﹐問題﹐怨天怨地自怨自艾o個時﹐男仔一聽落會覺得好"梗"耳﹐因為你會覺得佢其實指鹿為馬﹐暗示你冇能力俾到幸福佢!但係女仔其實只係想發洩﹐ 講衰d 就好似你地d 男仔一有需要唔需要講道理理性之類總之就"發洩" o左出黎先！

有d 女仔變得好殘雞因為佢受過傷﹐大部份係一種自我保護﹐既然好好咁對男仔都唔得囉﹐咁咪索性鬧佢話佢大聲喝佢﹐就等於如果女仔拒絕o左男仔個要求﹐男仔寧願自己躲起黎都唔想再hurt!

其實男仔對" care" 有幾care ﹐就等於女仔對" love"有幾care ... 我唔係話男仔冇" love" ge 需求﹐不過我係指初初o個時lor~~ 用黎比喻咁

好鬼累… 針對港女o個d point 聽日先打la ﹐純粹係個人意見~~ 有錯實在難免………  請多多見諒^^唔知你地又覺得點？希望幫到你地la~

作者: pops 時間: 2006-8-24 10:20 PM

寫得唔錯。
我認為男女愛情之緣起，除了眼緣，還要有交流。
雙方懂得互相尊重，自然可避免磨擦，關係細水長流。

作者: 自由神 時間: 2006-8-25 10:01 AM

其實我地港男最缺乏既係風度。
仲然我都努力去做一個有風度既男士。
可能、可能既係大部份既港女都會覺得我係怪人（其實我都係幫下女士開門、上落車讓lady first、同有時o係街見到有人跌左野我會主動幫人執下之類啦），因為大部既港男都知道港女擇偶既條件多數係：有錢、靚仔、高大、幽默、溫柔、有學識！
風度呢？數到佢地搵到老公都未數到！
所以係港男同港女都有問題要改變一下！

作者: cgdmzlam 時間: 2006-8-25 10:25 AM

樓主講既都幾岩
不過呢d都係成熟既女仔心裡既思想
對於一d 17~8 歲既靓妹仔來講
鐘意既男仔多數都係自由神兄講既果一類~~~~~~~~~~~~

其實我自己覺得
理得香港男仔女仔好唔好
唔鐘意既
就去第2度搵~~~~~~~~~~~~~~~~~~~

作者: 12d3 時間: 2006-9-2 12:27 PM

Originally posted by trista_cheong at 2006-8-24 08:54 PM:
肯定會有不足之處~ 希望你地唔好嫌棄~

淨係睇你呢句, 就知你都唔係一般我地所針對的港女.
港女自以為係一定o岩, 我從來冇聽過香港女人(包括我老媽)講過:自己"肯定會有不足之處". 每次都以這種高高在上的態度"溝通", 我地又點會唔"火"

作者: homan~ 時間: 2006-9-3 10:11 AM

Originally posted by trista_cheong at 2006-8-24 08:54 PM:
首先呢d 只係我由女仔ge 角度出發﹐所...

版主, 好耐冇見 !

好多謝依篇野............令小既學識唔少野

作者: SSJAYSS 時間: 2006-9-3 03:01 PM

唉..................如果你係真心愛對方.又點會計較付出呢

作者: trista_cheong 時間: 2006-9-6 05:01 PM

咁我都唔係港女……^^

不過我諗殘雞有殘雞ge 好處ge~~

作者: 自由神 時間: 2006-9-9 04:49 PM

Originally posted by trista_cheong at 2006-9-6 05:01 PM:
咁我都唔係港女……^^

不過我諗殘雞有殘雞ge 好處ge~~

咁都得

作者: kakeidevil 時間: 2006-9-10 11:45 AM

一句講哂！
女人係用耳仔談戀愛既！

作者: 自由神 時間: 2006-9-10 01:27 PM

Originally posted by kakeidevil at 2006-9-10 11:45 AM:
一句講哂！
女人係用耳仔談戀愛既！

你做咩申條「利」出黎呀？

作者: teramishu 時間: 2006-9-10 01:55 PM

Originally posted by kakeidevil at 2006-9-10 11:45 AM:
一句講哂！
女人係用耳仔談戀愛既！

对于呢样野，男生都有共同ge想法！
哈哈哈！
女仔，帮你地唔到，唔好意思！

作者: 自由神 時間: 2006-9-10 01:57 PM

Originally posted by teramishu at 2006-9-10 01:55 PM:

对于呢样野，男生都有共同ge想法！
哈哈哈！
女仔，帮你地唔到，唔好意思！

咁男人用咩談戀愛呀？

作者: teramishu 時間: 2006-9-10 02:05 PM

Originally posted by 自由神 at 2006-9-10 01:57 PM:

咁男人用咩談戀愛呀？

我被你估估下先？

作者: 自由神 時間: 2006-9-10 02:09 PM

Originally posted by teramishu at 2006-9-10 02:05 PM:

我被你估估下先？

我知！用腦！

去「握」女仔！

作者: teramishu 時間: 2006-9-10 02:12 PM

Originally posted by 自由神 at 2006-9-10 02:09 PM:

我知！用腦！
去「握」女仔！

其实依加谈恋爱，为乜？
分分合合。。。令人痛心。。。

作者: 自由神 時間: 2006-9-10 02:17 PM

Originally posted by teramishu at 2006-9-10 02:12 PM:

其实依加谈恋爱，为乜？
分分合合。。。令人痛心。。。

唉！
男人真心女人無心！
男人花心女人上心！

作者: teramishu 時間: 2006-9-10 02:21 PM

Originally posted by 自由神 at 2006-9-10 02:17 PM:

唉！
男人真心女人無心！
男人花心女人上心！

哈哈哈，好句好句！

trista_cheong 版主见到我地离晒题一定呕血！

作者: 自由神 時間: 2006-9-10 02:26 PM

Originally posted by teramishu at 2006-9-10 02:21 PM:

哈哈哈，好句好句！

trista_cheong 版主见到我地离晒题一定呕血！

trista_cheong 版主佢貴人好忙嫁！成廿幾年先上黎一次，唔會知道既！

作者: teramishu 時間: 2006-9-10 02:40 PM

Originally posted by 自由神 at 2006-9-10 02:26 PM:

trista_cheong 版主佢貴人好忙嫁！成廿幾年先上黎一次，唔會知道既！

当真？果然？
话时话，呢排。。。呢道好似。。。好静。。。我都好少来。。。留言。。。

讲句真心话。。。给版主听。。。

呢道拿分几难下，我留意到好多人积极回应(超长个种)都。。。(个人意见，版主唔好介意)
老实讲，如积极回应后有被加一分半分，应该会热闹好多。。。虽然话要用真心来回复，但如再加上一 d 鼓励，反应会唔同晒。。。尤其是对一 d 新手来讲。。。

作者: 自由神 時間: 2006-9-10 02:48 PM

Originally posted by teramishu at 2006-9-10 02:40 PM:

当真？果然？
话时话，呢排。。。呢道好似。。。好静。。。我都好少来。。。留言。。。

讲句真心话。。。给版主听。。。

呢道拿分几难下，我留意到好多人积极回应(超长个种)都。。。(个人意见，版主唔好介意)
老实讲，如积极回应后有被加一分半分，应该会热闹好多。。。虽然话要用真心来回复，但如再加上一 d 鼓励，反应会唔同晒。。。尤其是对一 d 新手来讲。。。

幫你放大佢
新手？我呀！

作者: teramishu 時間: 2006-9-10 03:07 PM

Originally posted by 自由神 at 2006-9-10 02:48 PM:

幫你放大佢
新手？我呀！

你。。。靠害啊，靓仔！

竟然破左我个通关密语！

仲帮我放大，仲放到咁大！

作者: 自由神 時間: 2006-9-10 03:39 PM

Originally posted by teramishu at 2006-9-10 03:07 PM:

你。。。靠害啊，靓仔！

竟然破左我个通关密语！

仲帮我放大，仲放到咁大！

trista_cheong 版主其實都幾好人嫁！
我成日o係戀愛起義亂講野都唔鬧我！

作者: trista_cheong 時間: 2006-9-10 09:59 PM

Originally posted by 自由神 at 2006-9-10 02:26 PM:

trista_cheong 版主佢貴人好忙嫁！成廿幾年先上黎一次，唔會知道既！

咁我真係幾廿萬年先上黎一次﹐因為我唔o係呢度好耐la﹐而且林志玲d 相越黎越少﹐其他野大部份唔岩女仔睇﹐搞到我唔知黎唔黎好~=.=

作者: trista_cheong 時間: 2006-9-10 10:01 PM

Originally posted by teramishu at 2006-9-10 02:40 PM:

当真？果然？
话时话，呢排。。...

你講黎聽o下點先可以吸引到你地講多d 野﹐個版熱鬧d ?
加分呢d 之前個d 我無能為力﹐以後o個d 我諗要同其他版主斟斟﹐我開始忙到嘔血就黎﹐so god gless us la~

p.s. d 字咁q細我照樣會用firefox 放大佢﹐so … …

作者: trista_cheong 時間: 2006-9-10 10:05 PM

Originally posted by 自由神 at 2006-9-10 03:39 PM:

trista_cheong 版主其實都幾好人嫁！
我成日o係戀愛起義亂講野都唔鬧我！

咁你唔係最嚴重o個個ga ma~~

順便問o下聽講男仔天生好似不擅溝通同表達自己…… 咁你地點學識同自己ge 另一半溝通？　我指純粹言語交流上！

作者: 自由神 時間: 2006-9-16 03:31 PM

Originally posted by trista_cheong at 2006-9-10 10:05 PM:

咁你唔係最嚴重o個個ga ma~~
順便問o下聽講男仔天生好似不擅溝通同表達自己…… 咁你地點學識同自己ge 另一半溝通？　我指純粹言語交流上！

聽佢講，自己唔講！

作者: trista_cheong 時間: 2006-9-18 07:24 PM

Originally posted by 自由神 at 2006-9-16 03:31 PM:

聽佢講，自己唔講！

原來個個男仔都係咁… 唔怪得咁難知你o地心入面有咩感受…

作者: teramishu 時間: 2006-9-19 03:38 AM

其实个问题係好多人，
无论男女都唔明白乜野叫沟通，
或者可以讲係根本都唔知一段感情係非常需要沟通。。。

女仔通常。。。收埋收埋。。。唔同你讲。。。或者要你自己估。。。
男生就会讲，小姐，我唔係神啊，你唔讲我掂知啊？

男生通常。。。都係收埋收埋。。。唔同你讲。。。因为讲唔出口。。。或者。。。想一力承担。。。(分别係男仔唔需要女仔去估。。。)
女仔就会讲，大佬，你乜到唔讲，我好辛苦啊，好似同冷血杀手拍拖一样。。。

好多人以为拍拖耐左之后，就唔需要太多沟通，大家都以为已经明白对方个想法。。。
其实个地球日日都响度转，所以人都会变啦。。。
当初对方个想法可能经过一些时间，事情，经历。。。等等事件而改变。。。
你，又有唔有用心去留意到呢 d 足以破坏一段感情的细节。。。？

尤其是女仔，个个都想要个男仔永远用同一种态度，同一种想法来对待个女仔。。。
都讲左人会变。。。(我讲个想法会变)

所以拍拖就好似上课一样。。。
要不断提升自己，留意身边 d 人个变化。。。
再用新的方法去面对对方。。。
永远停留响同一个地方。。。
双方都会好辛苦。。。
时间耐左。。。磨擦多左。。。迟早玩完。。。

P:S 我有个提议，其实大家可以试下响一个固定时间，两个人坐低来，坦诚相对大家讲出呢排有乜问题，对呢段感情有乜新提议，有何不满，对将来有乜打算，自己有乜改变，留意到对方有乜改变，最近对乜野野产生兴趣，提议一 d 新的约会方法，等等等等。。。
比如话每三个月真正的谈一次，咪可以知道对方要 d 乜。。。而且可以早 d 发现到有乜唔妥。。。到时咪有足够时间去面对同解决个问题。。。对段感情都会有更加好的帮助同保障！

你好我好大家都好！～

作者: BOYDWAN 時間: 2006-9-19 10:33 AM

吖...................你幾個衰仔喺個女版主面前就咁活潑，仲馴如羔羊？

又幾有紋有路，講得好好喎~

作者: trista_cheong 時間: 2006-9-19 01:20 PM

Originally posted by BOYDWAN at 2006-9-19 10:33 AM:
吖...................你幾個衰仔喺個女版主面前就咁活潑，仲馴如羔羊？

又幾有紋有路，講得好好喎~

馴如羔羊……

are u joking ?????

作者: 12d3 時間: 2006-9-20 10:27 AM

Originally posted by trista_cheong at 2006-9-18 07:24 PM:

原來個個男仔都係咁… 唔怪得咁難知你o地心入面有咩感受…

唉...我好多時對住女人真係唔敢講有咩感受, 就算講都唔敢講真話.
我照直講我感受,假如一個唔岩聽, d女人又發脾氣, 又話我錯, 又話我唔就佢地...到時候又要我哄返佢地轉頭!

(純粹個人悲慘遭遇)

歡迎光臨娛樂滿紛 26FUN (http://26fun.com/bbs7/)