Board logo

標題: 論英超 [打印本頁]
作者: tree728    時間: 2007-2-5 06:24 PM     標題: 論英超

今年最惹人注目既聯賽一定就係英超
2億比8號仔買左黎緊3年既直播權
令到大家出年可能要用超過三百大元既月費先可以英超(上網睇作另論)
到底英超有咩咁好睇    令到D人用成幾百蚊去睇十來場波呢?

文化
香港曾係英國99年既殖民地    無論英國菜定英國既文化
香港人都學左唔少    足球就係其中一樣
英國講足球帶入近50年既香港人腦海中
英語更係國際既語言
香港人大多都聽得明     唔似得其他3大聯賽咁(意,西,德)
聽都聽唔明

球隊
一隊波最重要既梗係戰績啦     其次就係球員同教練
戰績大家心中有數    雖唔可以話係4大聯賽既球隊中最頂級既
但都係前列分子    如今年回勇既MU 上年歐聯亞軍阿記  前年歐聯得主利記或近年大勇既車仔   都可以話係歐洲強隊

球員方面   近年因英超球隊有新班主加入
令到英超既各球隊都不斷加入有級數既球員
波歷克,舒夫真高,C.朗拿度,路斯基,馬田斯,沙比亞朗素,古治等
不論新星定超級巨星   英超都有唔少

而領隊方面
英超唔少出曬名既領隊
牙擦擦但又教出成績既魔生   
教波幾十年  老練既費SIR   
肥仔多計  場場陣容唔同既賓帥
一手一腳令阿記成歐洲強隊既雲格
呢D領隊真係不可多得   
今年以上領隊教既球隊都歐聯首名出線
係聯賽都排前4     睇下今年歐聯同聯賽最後4強係咪拒地
又睇下今年邊個笑到最尾?

太貴
英超貴係人都知
之前有線   而家既NOW   都比人話貴
唔係我地球迷話貴    D領隊都話貴
不過就唔係睇波貴   係買人好鬼貴
利物浦既賓尼迪斯講過:"係英超買一個本土球員既$$可以係其他聯賽買兩個球員"

睇下   又真係WOO    近年轉會既英格蘭球員
個個都以千萬磅計    唔好話大牌球員
連Ashley Young都要成千萬磅    何况D大牌球員

講左咁耐   英超好定唔好呢?
大家話呢?
希望大家入黎吹下水   比下意見
作者: tree728    時間: 2007-2-5 07:44 PM

大佬們   唔入黎吹下水都投下票啊
打左好耐   自己心水黎嫁
唔係轉貼嫁
作者: lywv5    時間: 2007-2-5 07:50 PM

i voted for yes
support~
作者: iknow    時間: 2007-2-5 08:04 PM

對英超真係有情意結...可能真係活喺英國ge影響之下~
第一次睇聯賽我都係揀英超~
最愛ge, 都係傳統班霸曼聯~

英超球隊真係有種打不死ge精神...
99年歐冠...曼聯無論係對祖記定係拜仁, 都係一場場ge經典, 經典喺邊??都係後上ge力量...
球員冇因為失左一兩球而放棄, 完全一心唔止追和, 重要反勝!!!呢個咁ge精神令曼聯神奇地攞到歐冠盃~
04歐冠, 利物浦喺分組賽好驚險咁出到線, 決賽對AC果場, 果種後上ge精神同能力真係嚇死人, 用左十令分鐘, 就將上半場留下ge殘局完全扭轉, 一班球員ge拼勁, 完全係後上ge動力~
米堡喺上屆歐協雖然衰收尾, 但係喺決賽之前ge準決賽同再前一round, 首回合絕對令佢地處於水深火熱之中, 但次回合呢?睇到ge係...一球接一球咁, 米堡班球員呯呯聲咁入波, 贏埋...

英超d球員無論身價定係人工都真係偏高...曼聯數名英格蘭球員, 里奧...3千萬鎊, 朗尼...接近3千萬鎊, 卡域克...亦都成1860萬鎊, 佢地級數係高...但個數字真係十分之嚇人...
車仔買人郁d就灑千令二千萬鎊出黎...完全視錢財如糞土...
連韋斯咸呢d中型班都可以個個幾百萬鎊咁買返黎, 對於中型班, 幾百萬鎊絕對唔係小數目...
咁樣可能因為外商不停入錢去英超...遲d紅軍又有條友可能入資...資金有成1.5億鎊=口=
人工方面...d球星ge週薪已經邁向十萬鎊...西甲同意甲都比唔上...
作者: lungchimo    時間: 2007-2-5 08:16 PM

I like it very much, 英超 No. One
作者: tree728    時間: 2007-2-5 08:25 PM

Originally posted by iknow at 2007-2-5 08:04 PM:
對英超真係有情意結...可能真係活喺英...
講起打不死
我都記返前年車仔對巴塞
最後補時泰利既頭鎚攻門
令到車仔贏左
作者: kakeidevil    時間: 2007-2-5 09:19 PM

積極回覆有分加
作者: tree728    時間: 2007-2-5 10:35 PM

Originally posted by kakeidevil at 2007-2-5 09:19 PM:
積極回覆有分加
版主你又點啊.....有咩意見
多睇英超嗎?
作者: ychj    時間: 2007-2-5 11:51 PM

記得十幾年前ｄ人話意甲球隊地面組織好防守好，識睇波嘅人就會鍾意睇意甲
英超只係踢到飛沙走石高Ｑ大棍毫無組織香港人睇英超只係因為香港係英國殖民地！！但係英國球隊果一種九十分鐘快上快落永遠唔會係後防〔拉布〕唔會放棄嘅精神實在令人睇得永常投入，英超球隊隨著可以再次踢歐洲賽當時曼聯同阿仙奴係九十年代又再次起飛，特別係曼聯因為當時隊中先有技術出神入化簡東拿，傑斯！加上簡東拿果一腳功夫腳令不少唔睇波嘅人都識佢之後曼聯七小福上位其中碧鹹一腳超遠笠射令全世界嘅女人知到這個美男子原本係踢英超嘅曼聯，令全地球嘅人都注意英超因而聲名大噪
．見到曼聯七小福慢慢成長而且雄霸雄英超仲要係九九年戲劇性擊敗拜仁成為左三冠王，當時真係好開心好震撼真係好似自己有份咁！！

[ Last edited by ychj on 2007-2-5 at 11:57 PM ]
作者: fderek    時間: 2007-2-5 11:58 PM

睇英超某程度上係時間問題啦.....好多人都唔係真係咁瘋狂肯睇到深夜
另一方面可能真係好多睇以前曼聯睇大....
英超比其他聯賽好睇既地方在於埋身多...邊線足球都唔少
總括而言就係力量同速度感十足既足球,呢樣係佢比西甲,意甲好睇既地方
作者: 20001160    時間: 2007-2-6 12:23 AM

認同上面所講
英超隊隊都好有一種打不死ga精神
可能你話利物浦追三球果10分鐘好好睇
但係我覺得追完之後佢地抽曬筋   都用體力追返去回防仲好睇
但係我係其他聯賽好少睇到咁ga情形
可能你話國米有一次係完場前5 分鐘入3球反勝都係la
但係睇得出  英超d人有heart 好多
(仲有利物浦追韋斯咸三球果次)
作者: feuosma    時間: 2007-2-6 12:24 AM

哈哈.....睇左大家既回覆...睇黎我晌呢度真係算係老野.......
我一開始睇果陣都仲係英甲.....我仲好記得我第一次睇果届就係阿記晌最後一週勝利記攞聯賽.........(唔記得89定90......)...我最記得果季佢地一開季已經放離曬....(利記10勝1和.....阿記9勝2和.....我仲好記得架....)
利記真係打到最後一週既聯賽既最後一分鐘先輸果球比阿記.......head左成季.....咁樣冇左個聯賽......
跟住到依家我都係利記fans啦......
不過跟住果十幾年....相信大家都知咩事啦......每年我都睇到吐血.........
到依家我已經比一開始時淡左好多....(十幾年啦大哥...年年都正係話爭踢歐聯....比你心唔心淡???)

特別係呢兩年佢地英國球員越黎越少......感情仲淡......

講咁多...其實都係想講...睇英超....其實真係因為感情架炸.....大家話佢地打得肉緊.....其實依家好多各地聯賽都有呢d睇架啦.........我覺得佢地比其他唯一優勝既只係速度......所以咁多香港人睇....講黎係去都係感情.....(果時又only得英國同意大利波睇呢)..講腳法...技術....戰略安排...都係同西甲意甲差d.....(依幾年車仔同曼聯既成功.....佢地既戰略都係打direct...唔係幼細小組滲入)...

但係就係因為只係感情呢兩個字....所以先係最唔捨得呢個聯賽.......
作者: bigfish    時間: 2007-2-7 12:42 AM

講英超又點少得我呢
我由第一屆開始已經屆屆追看英超, 當年曼聯壓倒維拉捧盃就開始奠定曼聯係全球最強球會o既地位 la
不過最經典要算係碧咸初出道o個季, 反勝以外援為主o既紐卡素捧盃, 當年簡東拿, 舒米高係主力, 不過簡生復出前碧咸真係好重要, 最衰 TVB 冇直播, 否則每個 week 都唔駛訓 la
最經典o個場要算係曼聯 1:0 贏紐記, 全場舒米高救左二三十個必入球, 最後由簡東拿射入
另一場經典梗係贏阿仙奴場波啦, 舒米高同傑斯一齊做功臣, 不過該季最重要一場就係由碧咸兩個角球炮制兩個入球反勝拜仁o個場, 令到全世界球迷都雀躍, 我班 friend 上我屋企睇 espn, 我仲規定佢地要支持曼聯添
近三季曼聯為左引入競爭對手, 先後讓阿記同車仔捧盃, 依家終於造就四強局面, 我可以敢講, 英超最弱o個隊去到其他聯賽都有爭標能力
所以話大家應唔應該俾多d 錢支持呢個歐洲最高水平聯賽? 希望大家出多d 錢, 等下游球隊有多d 彈藥買人, 得益者最終都係我地咋
作者: 王晶    時間: 2007-2-7 12:57 AM

Originally posted by bigfish at 2007-2-7 12:42 AM:
講英超又點少得我呢
我由第一屆開始...
講廢話又點少得你呢
你出過咩錢比球隊買人呢?仲叫人出多d?

[ Last edited by 王晶 on 2007-2-7 at 02:56 AM ]
作者: ronja    時間: 2007-2-7 01:54 AM

Originally posted by bigfish at 2007-2-7 00:42:
近三季曼聯為左引入競爭對手, 先後讓阿記同車仔捧盃, 依家終於造就四強局面, 我可以敢講, 英超最弱o個隊去到其他聯賽都有爭標能力
屈福特嚟HK踢一定贏聯賽冠軍...
作者: chuchu14    時間: 2007-2-7 02:16 AM

"近三季曼聯為左引入競爭對手, 先後讓阿記同車仔捧盃, 依家終於造就四強局面"
呢句眞系精景到無朋友啊
作者: jennifer    時間: 2007-2-7 04:34 PM

英超新赛季新宝贝,是吸引我的一大看点.有没有同感的.
作者: runrun    時間: 2007-2-8 02:17 PM

Originally posted by bigfish at 2007-2-7 12:42 AM:

近三季曼聯為左引入競爭對手, 先後讓阿記同車仔捧盃, 依家終於造就四強局面,
咁都講得出, 你唔止無腦, 你仲無耻添呀!!!
作者: forteserenade    時間: 2007-2-8 08:28 PM

我鐘意英超~因為我鐘意曼聯~同埋接觸得最多
作者: liverster    時間: 2007-2-8 11:53 PM

引入競爭對手不嬲都是英格蘭球隊的一貫手法.利物浦於英甲時候曾18次封王,氣勢一時無兩,但利物浦高層高瞻遠矚,不喜反憂,認為一人獨大對英足運實非好事.故決定策略性引入競爭對手,精心選擇了自67年後從未拿過聯賽冠軍的小矮人曼聯,配合英超成立,做個順水人情,扶植了一代紅魔.
但利物浦的苦心還遠不如其國家隊,英格蘭自66年奪得雷米金盃後,自覺曾經擁有便心滿意足,不應營營役役於永不止息的追求,以志在參與,不求收穫的精神,拋開名利,退位讓賢,屢屢於世界盃,歐國盃等大賽為各盟主報以真心祝福.何等清高.
作者: bigfish    時間: 2007-2-9 12:57 AM

Originally posted by liverster at 2007-2-8 11:53 PM:
引入競爭對手不嬲都是英格蘭球隊的一...
曼聯, 都有因為慕尼黑空難先沉左一段日子 jeh, 何況 man utd 不嬲青訓都好出色, 唔駛點樣外購球員
英格蘭, 近幾屆賽事都係射十二碼輸, 仲係贏形勢輸波, 98 年o個屆仲搞到彭子睛喊添, 因為真係輸得唔柢
作者: liverster    時間: 2007-2-9 09:33 AM

英格蘭, 近幾屆賽事都係射十二碼輸, 仲係贏形勢輸波, 98 年o個屆仲搞到彭子睛喊添, 因為真係輸得唔柢

e句掉轉可以這樣寫:淘汰英格蘭的對手,近幾屆賽事都係射十二碼勝,仲係贏形勢贏波,98 年o個屆仲搞到馬卓安笑添, 因為真係柢贏
作者: runrun    時間: 2007-2-10 12:00 PM

Originally posted by bigfish at 2007-2-9 12:57 AM:

曼聯, 都有因為慕尼黑空難先沉左一段日子 jeh
乜唔係"曼聯為左引入競爭對手", 特登自己撞機, 比機會其他球隊咩?
作者: Teletubbies123    時間: 2007-2-11 12:17 PM

I think that Spanish Liga is more attratcive I think. The atmosphere for RMadaid against Barcelona is totally different from the Permier!
作者: 王晶    時間: 2007-2-11 12:47 PM

Originally posted by runrun at 2007-2-10 12:00 PM:

乜唔係"曼聯為左引入競爭對手", 特登自己撞機, 比機會其他球隊咩?




歡迎光臨 娛樂滿紛 26FUN (http://26fun.com/bbs7/) Powered by Discuz! 7.0.0