娛樂滿紛 26FUN - Powered by Discuz! Board

標題: 一件個人親身經歷俾鬼壓的故事 [打印本頁]

作者: fkfcm123 時間: 2007-8-1 11:31 PM 標題: 一件個人親身經歷俾鬼壓的故事

首先，好簡單講句，你地睇完信就信la..唔信就算數
發生時間：凌晨四至五時(亦即係今朝早發生的事)
發生地點：何文田俊民苑的家中
人物：我、老媽同埋我細佬

我自已本身就信有鬼神的存在，但從來都唔驚鬼，因為我舊日有老師話我本身殺氣大，鬼就唔會夠膽搞我，再加上我自已本身有拜關二哥，人不犯我，我不犯人。所以我亦對呢d野冇乜避忌，只會平日裝下香 (屋企本身有地主)，入廟就拜下神。

近呢幾個月每逢入夜(多數係我地熄左燈之後)，我、阿媽同細佬都會聽到d怪聲，有時候就係我地門口個門有開鎖的聲，但我地行到埋去，又發現唔到門口有乜野特別，亦冇再有開鎖的聲音發出。

有怪聲呢個程況持續左幾個月，由今年6月開始，初時我都唔為意，其後同阿媽傾起就覺得古怪，因為我阿媽話佢除左聽到開門鎖聲，仲聽到一d「索索」聲，我同細佬當時以為係d風吹起d紙，所以亦冇多加理會(至於門鎖聲，當時我同屋企人都覺得係樓上的鄰居返黎，果鄰居向4-5月度就因病唔向度)，直至7月，阿媽同老豆就會搬去另一間屋，同埋屋企要裝神樓，所以屋企d神像需要移動去另一個櫃，直到吉日先至搬去新的神樓。問題亦因而開始變得嚴重，我細佬有時就聽到一d叫聲同埋行路聲，我就只係聽到行路聲，有時就好輕、有時就好沉重，多數係我訓著左唔夠幾耐後，就會出現。我有時遲返屋企(大約3-4點到)，甚至第二朝先至返，我就唔會撞到裡d事。(p.s.我好清楚自已冇飲過酒，亦冇掂過藥物)我隻貓向呢幾個月亦都變得鐘意0匿埋，咁我當係鄰居返黎，摸錯屋.

我又諗住有裝地主，所以都仲未驚，22號晚我仲向省x真堂食齋，做法事轉運。諗住打後都唔會有問題，直至今朝，大約4-5點(我起身後，睇手表的時間係4點28分)，我向訓到懵下懵下時，突然又聽到果客廳有好沉重的腳部聲，慢慢咁行黎我間房，咁我就想起身睇下乜事，當我想起身時，直頭連轉身都轉唔到，成個人係直哂咁郁唔到，只係覺得好似好累，手又郁唔到，乜都郁唔到，想嗌又嗌唔到，全身都覺得熱，除左隻右手覺得好似俾d好凍的野擦過，想叫我細佬又叫唔到，(整段時候係冇腳步聲)唔知點樣咁過左一段時候，我一郁得到，就起身睇手表同埋出廳，跟住我就冇訓，開哂大悲咒d碟，直到今朝7點，我細佬同阿媽起身，我同佢地講番件事，但佢地話乜都聽唔到，仲好好訓tim....

我今日去左廟街的天后廟度繞左一個圈，同埋照阿婆教用椽柚葉沖涼，我自已都買左一斤糯米通屋d轉角位灑，睇下今晚情況會唔會有問題

歡迎光臨娛樂滿紛 26FUN (http://26fun.com/bbs7/)