娛樂滿紛 26FUN - Powered by Discuz! Board

標題: 英超球迷留意了!! 揭"now"寬頻電視大騙術! [打印本頁]

作者: marcojoey 時間: 2007-8-14 10:38 AM 標題: 英超球迷留意了!! 揭"now"寬頻電視大騙術!

近來英超可謂炒得火熱
就連麥記也配合來個通宵播放
"now"今季首次從有線手上搶得英超獨家直播權
新平台新氣象氣勢也不錯
確實教觀眾期待
但其經營手法則令人不敢恭維

小弟與不少香港球迷一樣
愛看足球,英超尤甚
所以喺今年年頭
當now宣佈奪得英超後
都興致勃勃到處查詢安裝詳情

當時問得的價錢是$155
已包括英超!
然後是宣稱當時不登記便會加價
且高調宣稱不會開設英超台
個人認為價錢都ok便即時登記並安裝了

半年過去
now一諾千金
沒有開設英超台
只是開了"now sport 1,2,3,4,5,6,7"台
且安排英超在該些新增頻道播放......
然後再遊說我加錢觀看這些新頻道

這簡直就像是在大陸坐長途車
一開始熱情難卻地以很吸引的價錢招徠顧客上車
一旦上了車便變了另一副嘴臉
又不包隧道費又包這個那個的
又甚至不到達你指定的目的地
務求要你再掏錢出來
而通常你已"洗濕個頭"
回頭太難之下只好無奈受範

這些當然不會是愉快的消費經驗
但大陸司機良莠不齊
也就當作破財檔災算了
想不到會在香港地
宣稱優質服務的now寬頻電視上
可以再次體驗這種卑劣消費模式

小弟當然不甘輕易就範
致電該公司客戶服務據理力爭
面對職業兜圈子的背稿員
拉据通話近一小時
答覆都是毫無歉意的
"而家你個月費計劃都有英超呀!不過有某部份(大部份)賽事無之嘛"
意思明顯不過
佢無呃我
$155包英超千真萬確
只係"包英超"的定義不是"包晒全部"
是你不了解是你的責任而已......

再繼續堅持追究投訴之後
好不辛苦得到一個問下經理遲啲覆既結果

然後
倒也不太久
對方主動回覆
說甚麼特別案例酌情處理下
可以獨立以$178的"特惠"價收看
雖然還是比原價$155多了一成幾
但我也沒有力氣再為那廿多元理論了
打算息事寧人接受算了
now便指示我只要繳交之前的月費
然後便可轉用新計劃
我便依言照辦

交了費用之後!

沒有回覆

寬頻電視接收器依舊沒有節目提供

忍唔住打上去
問下對方收到有關費用沒有
幾時開返個電視俾我睇?

當然又少不免一輪拉据
跟進的同事剛巧又放了假
電腦顯示資料又無我所講既記錄......
留低資料call返你吖
(我知道又來了)

幸好我有記下名字
第二天當然沒有收到對方主動來電
又致電上去又是一輪苦戰
才找到承認跟進中的客戶服務員
得出的當然不是一個好答案
"唔好意思,我地而家178真係做唔到"
"要另加租機費,線路費"

!!!!!!!!!!!!!!!!!!!!!!!!!!!!!!!!!

為何要客戶繳費前不一早說明呢?

這次我真的生氣了
這不是又回到起點?
[$155不夠,要另加一筆費用才夠看英超!]
對方還施施然地說
"我地公司一早賣晒廣告宣佈我地會收租機費,線路費"
意思係話我唔知係我既責任
又被騙了一次!
一氣之下只好取消合約算了

這絕對是不良經營手法!

我們喜歡看英超不等於要任由宰割
如果一開始說明要200多再加乜費乜費
有些客戶未必會登記
別忘了有線這些年來英超+意甲+西甲+德甲
再加其他新聞,電影,娛樂等等
還不過300而已

now財大氣粗意氣風發
一個天價奪個英超
是否代表我們消費者便要跟著貼錢陪你去以本傷人呢?

在now宣佈奪得英超之後
新登記用戶大增
我認為像我這案例不是唯一
只是大部份客戶
包括我
也忙個不可開交
沒有太多餘暇去了解
於是便縱容now繼續店大欺客
真正會企出來抗爭投訴的絕無謹有

現在未嘗到now之騙術的朋友
也不要高興得太早
經驗告訴我
吃過甜頭之後當然是陸續有來

現在的"超強體育頻道組合"
講明包括"唔少於幾多場的英超賽事"
即是說now可以照版煑碗
將這模式再運行一次
例如說將曼聯的賽事又放在新頻道播放
"曼聯台"
到時候要真正收看全部英超又要加錢......

再來是歐聯,歐洲國家盃,其他聯賽......
now的現有客戶們!
真的包括以上賽事
及其全部嗎?

......
沉默下去還是辦法嗎?

作者: Rated-R 時間: 2007-8-14 10:42 AM

夠彊每一team開一個台,另加足協台,歐聯台ㄚ
就系知佢咁所以我cut左now,我系有錢都唔會比D西人當我水魚

[ Last edited by Rated-R on 2007-8-14 at 10:43 AM ]

作者: Kaz00086 時間: 2007-8-14 10:52 AM

你講D內容我有少少懷疑.............第一...你查詢價錢的時候.......你係問街邊Sales .....定打上去問客戶服務中心..........因為以我所知..........有D街邊Sales為左做到張單......而係某一D地方上係有所隱瞞.........

第二.....當Now 宣佈奪得英超播映權的時候.....各大報紙亦都有報導...係英超同Now的合約中係需要Now開設至少4條新的體育頻度 ......

第三........你隔左咁遲先講......好難幫

[ Last edited by Kaz00086 on 2007-8-14 at 11:01 AM ]

作者: Kaz00086 時間: 2007-8-14 10:54 AM

Originally posted by Rated-R at 2007-8-14 10:42 AM:
夠彊每一team開一個台,另加足協台,歐聯台ㄚ
就系知佢咁所以我cut左now,我系有錢都唔會比D西人當我水魚

[ Last edited by Rated-R on 2007-8-14 at 10:43 AM ]

唔同合約.....有唔同的要求.........

以我所知........如果要免開機費的話....你要至少買多幾條頻度........令月費再少有$200.....先至可以免開機費等等的費用....

我因為屋企所需........所以申請全包宴........$3xx

[ Last edited by Kaz00086 on 2007-8-14 at 11:19 AM ]

作者: chong2002 時間: 2007-8-14 12:18 PM

之前我簽左個新電視同和記合作既plan 都係咁l 樣啦
拖左我勁耐先開始同我出新plan...

作者: Aristo~ 時間: 2007-8-14 12:34 PM

有線同李生間now
都差唔多姐
唔好得去邊....

now仲貴左, 唉
家陣睇波都咁麻煩..

作者: kaka0310 時間: 2007-8-14 12:41 PM

我二月中打過去查詢英超播放的問題，佢果時都話會係SPORT頻道播，要另裝，重SELL我裝咗睇住J-LEAGUE先 (我本身已有ESPN)。其實果時已經係咁賣廣告有新SPORT頻道，而且NOW不嬲要逐個台買，ESPN、GOAL TV、TVB PAY係另計應該係人都知，如果包埋合約應該寫得好清楚你會有咩台睇，點解你會俾佢昆到簽約？
樂觀D去睇，其實你無損失，因為你都無俾人俾多到錢，個個睇晒全部體育頻道都係咁多錢啦，只係你原本諗住執到平貨，但最後要用原價買返咁。

係人都知好多街SALES唔多老實，有線咪一樣，你無聽過D SALES呃阿婆話唔裝有線無TVB睇咩？所以打上台問重安全，因為有錄音。你可能入世未深，咁易信人，我對你的遭遇深表同情，經一事長一智，社會上更奸的人多的是，多睇新聞，多問下人，最緊要係”白紙黑字”，如果唔係包公都幫唔到你。你打去嘈都無用，口講無憑，你想人地點？
我到而家都未CUT到有線啦，咁又點？反而我對NOW幾滿意，起碼目前佢上台情況都OKAY，未洗好似CABLE大出茅招留客。

[ Last edited by kaka0310 on 2007-8-14 at 01:28 PM ]

作者: shehboy 時間: 2007-8-14 03:14 PM

原先諗住$178都照比,點知打到上去,話我唔係現有客戶(我明明用緊now個hbo同star架),就要$238, 最少簽18個月,仲唔包EURO'08,咁你留番自己睇把啦.

有種學美國pay-per-view播boxing咁, 幾百蚊睇一場呀笨.

作者: shehboy 時間: 2007-8-14 03:36 PM 標題: K保友, cut 左台都一樣要小心 !

K保用盡辦法刁難人客cut台, 早已人所共知, 但cut 到台亦唔好開心得咁早, 記得好好保留交回解碼器張收條, 直至永遠 !
以前試過cut 左佢地個寬頻, 一年半後突然有收數公司電話騷擾追數, 仲好惡, 明明無爭佢尾數, 咁梗係要惡過佢. 之後搞左好耐, K保又話我未交還modem要賠錢, 好彩隔左咁耐都比我搵得番張收條, 塞住佢地把狗口.
一般人好少將呢d收條(好細張)keep咁耐, 咁佢地就有位入, 所以各位要小心.

作者: ronja 時間: 2007-8-14 05:29 PM

我並非笑樓主的慘痛經歷,而係當日now攞咗英超獨家播映權之後,有好多人大彈Cable,仲憧憬Now會有好服務比大家,而家呢個申請睇英超陷阱,咪仲慘過Cut有線!!

天下烏鴉一樣黑,你估阿李生嘅now會係善男順女咩

咪等班儍仔慢慢懷念以前Cable獨攬四大聯賽,歐洲國家盃同世界盃嘅好日子囉

作者: kaka0310 時間: 2007-8-14 05:57 PM

Originally posted by ronja at 2007-8-14 05:29 PM:

我並非笑樓主的慘痛經歷,而...

陷阱唔陷阱，見人見智啦！況且佢無俾貴到，只係無佢想像中咁平。Cut有線慘過100倍啦，個個月俾三百睇一個你已經唔會再點睇的台。

我估無人會懷念畸堡，佢地製作太水皮，睇咗英超round 1，真係見到人地製作認真好多

[ Last edited by kaka0310 on 2007-8-14 at 05:59 PM ]

作者: sas 時間: 2007-8-14 06:08 PM

當初一知道Now拿左都知道唔方好野啦
李生呢幾十個年頭有版你睇
食人唔Lur骨蛇吞象
你地自已諗下佢賺埋賺埋咁多
有無回饋過社會同比市民？

都唔明點解你地唔鐘意有線？
有線之前有得晒所有聯賽
英超意甲德甲西甲
係晒同一個台度咪好囉而且又有其他Channel
Discovery 電影台咁

李生食x啦！

[ Last edited by sas on 2007-8-14 at 06:10 PM ]

作者: shehboy 時間: 2007-8-14 06:12 PM

Originally posted by kaka0310 at 2007-8-14 05:57 PM:

我估無人會懷念畸堡，佢地製作太水皮，...

最低B係整個"無敵比亞路", 仲宣傳話花左一百萬, 原來係馬後砲既所謂賽後分析...
唉, 有邊個入球唔係守方有漏洞,攻方把握得好架? 踢完至黎講, 邊個唔識吹?

仲有個"體育王", 兩條儍仔懶好笑咁讀報紙新聞....

睇埋d咁既野, 令人懷念以前星期日朝早無線既"球迷世界", 起碼有內容, 實而不華.

作者: kaka0310 時間: 2007-8-14 06:19 PM

Originally posted by shehboy at 2007-8-14 06:12 PM:

最低B係整個"無...

重有4條傻西4圍look，去咗咁多國家又點？我睇咗幾集，內容勁無聊，去到塞爾維亞，竟然走咗去個打港甲的外緩屋企，又中途病下，唔見下行李咁，同世界盃有咩關係？重要話洗咗好多錢，noise出唔到，劣評一大堆

2007年走去宣傳2010世界盃，重話咩瞧那星，係咁播d扮型實柒的廣告片﹐大佬，有無早咗少少呀！

榮基話韓國人食咗花旗參，所以咁好力，我笑到而家，大佬，佢有無地理常識嫁？利智對波再大，都唔會係巴西首都啦

有線歌神作d歌先係一絕，係d cheap club唱就話，當係主打宣傳工具真係笑死人，咩係難登大雅之堂？咪畸堡製造囉，可憐我焗睇咁多年，而家我真係勁心涼

柏霖仔，真係可以迫到我聽英文，我英文唔好但真係忍唔到佢十句有十句爛gap，好想叫佢收皮，但佢聽唔到，而家now收咗佢皮，good

NO bad words allow in here

-5

[ Last edited by brightlee on 2007-8-14 at 09:35 PM ]

作者: kaka0310 時間: 2007-8-14 06:29 PM

Originally posted by sas at 2007-8-14 06:08 PM:
當初一知道Now拿左都知道唔方好野啦
...

有線太水皮啦！而家now真係播得好足，重可以一開4畫面，我用個40吋電視睇已經好正，遲d換埋高清一定無得頂。
價錢就貴咗dd，但無問題啦！飲少餐係度，落一晚bar都唔止

我就唔會對李生要求咁高，要佢造福人群，總之有波睇，收費我負擔到，質素令我滿意就得。拯救地球留返俾佢老豆李超人啦

[ Last edited by kaka0310 on 2007-8-14 at 06:31 PM ]

作者: sas 時間: 2007-8-14 06:52 PM

Originally posted by kaka0310 at 2007-8-14 06:29 PM:

有線太水皮啦！而家now真係播得好...

你有$$$$就咁講姐
你估全香港個個人屋企都有部40吋電視睇波呀？？？？
好似你咁富貴呀？
你有諗過普羅大眾的市民呀？

作者: Edgar_Davids 時間: 2007-8-14 07:19 PM

一個曾經有有線電視及現有 Now TV 的香港勞苦市民的心聲：

一年半後我還是看回無線及亞視算了.....

[ Last edited by Edgar Davids on 2007-8-14 at 07:22 PM ]

作者: suntan 時間: 2007-8-14 07:26 PM

半年前 NETVIGATOR EMAIL O左好多'增埴服務' 俾我, 我一時唔為意, 無CHECK EMAIL, 佢地竟然同我自動 SUBSCRIBE , 仲收O左我半年錢!!! 後尾我打去消委會投訴, 佢地先減一部份錢俾我.

佢地O的銷售方法真係離譜.

作者: 迷途小羔羊 時間: 2007-8-14 07:44 PM

其實我地而家唔裝「現在」，一樣上網睇到英超賽事，真係唔值得俾人「据」

作者: eric911 時間: 2007-8-14 08:51 PM

因為歐聯關係，所以我裝now都有3年時間，今屆由now獨家播英超，我重驚唔包睇英超，所以就打電話去問，點知佢哋話已幫我自動提升了英超服務，即係話無問過我就加了費用﹗唉......好想鬧佢，但英超第二日就開波，最後都算數，鬼叫自己係英超迷咩﹗不過提醒各位巴打，曼聯在兩星期前週中的一場熱身賽(好似係對英冠、英乙球隊)，now是有直播的，但我開電視時出現一段「未有此服務，想收看請電XXXXXXXX」，細問之下，原來這場賽事係「無記」收費電視擁有的，即是說你無「新電視」就無得睇這場比賽，所以各位巴打要裝now時記住問清楚﹗

作者: shehboy 時間: 2007-8-14 08:54 PM

Originally posted by suntan at 2007-8-14 07:26 PM:
半年前 NETVIGATOR EMAIL O左好多'增...

佢地俾你個mailbox超細, 但就不斷send野俾你, 你唔定期delete就會掙爆, 然後唔聲唔聲又可以收多你廿幾蚊一個月.

作者: 月月鳥 時間: 2007-8-14 08:55 PM

唔好話睇波, nXw/pXXw的生意手法我都不敢恭維!
就上年之嘛, 我返緊工時開緊會,
咁就有個電話打嚟, 我開頭以為係客, 咁我就聽啦,
點不知係pccw的宣傳,
又問我試唔試下d新plan.又話唔洗錢送你3個月試用(包括: 無線上網、網上相簿、上網保安服務、mxxv音樂等.....百千幾樣新服務)
但係我都話唔洗喇, 仲要係好明顯話''唔需要, 唔該''.
因為現有的服務對我來講已好足夠...

誰不知3個月之後我收到張帳單(我銀行過數的),
)^%&@!~$$%.................
上網收的銀碼比平時我交開的多左成七八十蚊,
之後我上番網上含個網, check番我的服務計畫,
我先醒起, 係喎, 原來上次有條蛋散打黎, 問我要唔要d新plan.....
到哩個時候我先醒悟, 原來果條蛋散不知不覺間幫我加左哩d服務..
咁我咪即刻cut囉, 點知又cut唔到, network又話有問題.

好啦, 咁之後比我cut到, 但又有個死剩種服務''無線上網''cut唔到,
我幾經辛苦先check到原來哩個死剩種係唔可以透過網上解決,
一定要電話解決, 連門市都做唔到!

咁我就打佢個hotline啦,
ok, 按左一輪電話錄音後, 通左....但我一話想終止某d服務,
佢就好有禮貌話: 先生, 我而家要check番你用緊的服務計畫, 請你等一等......
點知等一等就等左好耐, 同''k寶''處理手法相似,
我見要等咁耐, 我就掛線...
之後試過好多次, 都係咁...

好彩, 有日我放假, 見得閒, 諗著博一博,
咁我就用家電打上去, 開左個揚聲筒,
同樣地都係等.............
我就hold左個電話好耐, 我仲去埋大, 慢慢睇完份頭版!
時間岩岩好, 個電話有人講番野喇, 咁我就話我要cut左個無線上網,
咁佢用左1分鐘唔洗就同我搞掂喇!

而我上網check番, 佢真係幫我cut左喇==
掛線時, 我用英文同佢講左句 :
how could that be?!!!!
it seems nothing was in order except the name of your co. -- nxw!
嘩, cut野快到你吖!!!!!!

最後, 我想表達的唔係為左果7/80蚊,
而係佢果種咁唔誠實、唔專業的態度,
搞到我損失左金錢同時間,
但同時又練到我的忍耐力同包容!

作者: wcchan886 時間: 2007-8-14 09:00 PM

百幾蚊睇唒全部英超??
妙想天開!!

作者: ch4 時間: 2007-8-14 11:35 PM

我裝咗,要每月$298

作者: marcojoey 時間: 2007-8-15 04:55 AM

沉默下去不是辦法!

我看完了全部網友的回覆後
更認為這不是我一個人的問題
中招者不在少數
有潛力成為中招者則更多

我們當然不是每一位人兄
都會有閒情逸緻
去消委會,電訊管理局,找議員,找報紙雜誌等
且個人的力量實在有限
一個投訴者對佢地嚟講就只會是"一場誤會","個別案例"......

奸商們就是看通這點
故此更是肆無忌憚接二連三

但如果所有受到不公平對待,被誤導,被騙的客戶
聯合起來
力量就不容小看

所以本人現在呼籲所有中過now招的朋友
將其案例發送到以下電郵地址
[email protected]

只要有一定數字的投訴個案
他們就無容抵賴
總勝過坐以待斃

合則力強,分則力弱
唔想再被無良奸商拑住搶的朋友
沉默下去不是辦法
sd個e-mail過去啦

以下節錄8月15日一日內留言聲討now的網友內容

Rated-R:
夠彊每一team開一個台,另加足協台,歐聯台ㄚ
就系知佢咁所以我cut左now,我系有錢都唔會比D西人當我水魚

Aristo~:
now仲貴左, 唉
家陣睇波都咁麻煩..

shehboy:
原先諗住$178都照比,點知打到上去,話我唔係現有客戶(我明明用緊now個hbo同star架),就要$238, 最少簽18個月,仲唔包EURO'08,咁你留番自己睇把啦.

有種學美國pay-per-view播boxing咁, 幾百蚊睇一場呀笨.

Edgar Davids:
   一個曾經有有線電視及現有 Now TV 的香港勞苦市民的心聲：
   一年半後我還是看回無線及亞視算了.....

eric911:
因為歐聯關係，所以我裝now都有3年時間，今屆由now獨家播英超，我重驚唔包睇英超，所以就打電話去問，點知佢哋話已幫我自動提升了英超服務，即係話無問過我就加了費用﹗唉......好想鬧佢，但英超第二日就開波...........

月月鳥:
   唔好話睇波, nXw/pXXw的生意手法我都不敢恭維!
   就上年電話打嚟係pccw的宣傳,
   問我試唔試下d新plan.又話唔洗錢送你3個月試用
   我都話唔洗喇, 仲要係好明顯話''唔需要, 唔該''
   誰不知3個月之後我收到張帳單(我銀行過數的)......
   ...................
   最後, 我想表達的唔係為左果7/80蚊,
   而係佢果種咁唔誠實、唔專業的態度,
   搞到我損失左金錢同時間,
   但同時又練到我的忍耐力同包容!

醫生(fdzone):
而家都係間間係度鬥呃錢
受害的永遠只有球迷...

spe(fdzone):
香港地做球迷好鬼淒涼,而家奪得英超獨家直播權既仲係最強既奸商,唔算到你爆就有鬼勒,唔好再加錢加台啦,果D毒品黎架,會越食越多架

5891ymc(fdzone):
奸商往往博人唔睇清楚，所以大家真係要睇清楚d細節

yip999(fdzone):
我都係8月頭才申請.$178(用開ims上網)..........因為可能好多人比佢果個$178 咁抵個廣告悟道左.我好多朋有都差點中...........當時佢只係講有英國足球....而無講佢地有英國超級聯賽...但我知道這時已好都人中了佢地既圈套.......雖然我唔係最精明果個........但你都講得好岩雖然我sport 1-7 我都睇到.........唔擔保佢會開個曼聯台車仔台利記台.........到時又一樣比佢地任劈..........

雨頭(fdzone):
睇波都咁貴
最煩係俾左錢...原來唔係睇哂全部....

b4wongto(fdzone):
我覺得價錢唔係問題所在
問題在於.. 這d 奸商 (有x, nxw) 好賤, 成日誤道人, 又濫收費, 強留客, 鄧波鐘..

杰(fdzone):
now用個天價收個英超返黎
緊係鑿你一筆傢

windcva(fdzone):
唉,裝得就預左比人屈......
我最擔心第時會有歐聯台......英格蘭杯賽台.......重點賽事台
又可能學有線,一味hold住英超,其他杯賽又比番有線......咁就真是想唔sopcast都唔得.....

ko168(fdzone):
中咗招果啲兄弟們一齊去投訴佢......... :support: :support:

熱韋浪(香港討論區):
妖....去消委會告9佢地班曲街
打死都唔裝now,
裝左正衰仔

wingyin0998(香港討論區):
以本傷人
跟本都回唔到本.....so now正曲街
睇意甲算啦^^

toracat(香港討論區):
你同我情況差吾多...
話說我同女朋友都睇緊有線..
後黎知道now有獨家播映權..上年12月中經街邊sales裝now..
個sales仲話一定要快d裝...下個月就一定會加價...
於是我咪即刻裝...仲叫埋女朋友都裝..
點知下個月佢真係加價喎...當時仲以為自己好醒...
點知最近無情情多左Sport 123456...
我同女朋友都剩係得Sport 1有得睇...
我當然好慶啦...咪打番比個sales...佢話係公司既決定..佢都冇計..
咁我更係打上now度嘈...仲咪不斷講..係呀你個plan係睇吾晒架..
要睇晒就就要加多$118..
我咪講你地起初都吾係咁講...我無情情比多6個月錢..
佢話咁你呢6個月都有睇野架麻....大老呀..個d野吾係我想睇架麻..
我剩係想睇英超之麻...係你地個sales話早裝有so之麻...
總之講黎講去佢都係話公司政策...想睇晒就加錢...
110蚊個月吾係比吾起...不過我條氣吾順囉..
我已經決定去消委會投訴...咁大間公司咁做生意..

．Ｓ﹒ｋ‧ｙ﹒(香港討論區):
   now真的好狗
   我個plan差唔多要500
   唉!!!

喂係你喇(香港討論區):
羊毛出自羊身上遲下now無人睇
就會平d嫁喇
問題係多唔多人知道依個問題 ~.~

peace2010(香港討論區):
"包英超"的定義不是"包晒全部"
是你不了解是你的責任而已......

以上既野都講得出, 真係只有NOW先做得到. 你班奸商不如話:
1. "包英超"的定義不是"包直播", 係"轉播"
2. "包轉播"的定義不是"包比賽", 係"精華"
3. "包精華"的定義不是"包入球", 係"賽前花絮+賽後訪問"

76217(香港討論區):
我都係痴心球迷，但係我到而家都未裝now，因為我知佢哋梗有Ｄ古惑嘢，
除非你要晒佢哋個全餐，如果唔係梗有Ｄ波睇唔到，
遲Ｄ可能整個足總盃台、歐聯台都唔出奇。

你呢?
幾時企出嚟講?
何不就現在
complain
now
[email protected]

[ Last edited by marcojoey on 2007-8-15 at 05:12 AM ]

作者: Kaz00086 時間: 2007-8-15 05:25 AM

你冷靜少少...........你而家咁做係冇用ga~~~~

你係咁收集D個案再寄過去.....佢有可能唔理你ga~~~

你倒不如去消費者委員會投訴la~~你可以叫人上去投訴.....咁會有效D

我覺得咁樣做好過你而家係咁開post 嘈.........

好似頭先俾人lock post .................你咁做係令人對你有個壞印象ga

作者: cfccfcc 時間: 2007-8-15 08:22 AM

我join　mega sports pack
暫時都ok ar?
無問題bor~
咩都有得睇

作者: kaka0310 時間: 2007-8-15 10:03 AM

朋友，投訴我覺得幫唔到你，如果你想取回自己應得的權利，不如去消委會問下有無計。不過如果你簽咗合約，又無實質証明佢有昆你，我諗你唔好抱太大期望。

我本人就好滿意now的服務，亦有一d網友俾咗d相反意見你，希望係你好激動時冷靜諗下成件事。我唔知你係咪想攪大件事迫now俾你cut台，因為香港有不少野蠻的消費者好喜歡用呢招，如果係的話我更加希望你冷靜下來，諗下自己係件事入面有無責任。如果唔o岩聽，就恕我多言了。

作者: kgkgkg212121 時間: 2007-8-15 01:32 PM

而家一係落bar睇... 一係去餐廳睇...

歡迎光臨娛樂滿紛 26FUN (http://26fun.com/bbs7/)