Board logo

標題: 眾星閃耀麥卡倫 [打印本頁]
作者: amigofans    時間: 2007-11-13 01:12 AM     標題: 眾星閃耀麥卡倫

McClaren must stay, says Taylor

Former England caretaker manager Peter Taylor believes current coach Steve McClaren should not be sacked - even if his squad fail to reach Euro 2008. (BBC SPORT)

之前係雲加, 跟住係雲拿保斯, 而家係比得泰萊, 睇黎麥卡倫人緣非常唔錯,
唔知幾時先會有個正常d既人, 真係行出黎叫麥卡倫收檔....

佢本人亦唔覺得自己有問題, 面皮之厚非想像....

小弟由中一睇英國波至今已經廿年有多, 我深信佢係繼泰萊後最差既領隊,
個人覺得佢更加衰, 因為泰萊果時根本無而家呢d球員既質素...
92年大概只有加斯居尼, 柏列幾件可以入到07年既英格蘭...

由麥生多餘地唔選英軍最好既球員碧咸開始, 我已經知英軍唔會出到線...
之後既 532, 加利仔當卡富黎用更顯出佢完全唔夠班做一級領隊...

之後認衰仔又重選番碧咸, 更顯佢既無能....
贏幾場主場3比0後, 由死老母既面容一變變成, 有鏡頭影到就會偷笑...
小小成績就沾沾自喜, 完全無大將之風...

Don't think negative, England will qualify and that's it
Former England boss Sven-Goran Eriksson

相信只有佢既前boss艾歷臣先覺得佢地會出到線, 其實換句話講,
應該係話"值唔值得"出線, 擁有咁多世上一線球員而打到一劈屎咁..
我認為絕對唔應該出線....



我要發牢騷!!

佢害我呢d球迷要同廣大反英既球迷舌戰, 香港呢個怪地方, 只會睇成績,
無成績就等於無料到, 從來唔會平心而論咩原因佢地發揮唔到...

8 90年代根本無而家呢班英軍既質素, 偏偏最強一隊由兩個"龜縮"領隊黎帶,
英軍戰術唔會及人, 打既係士氣氣勢, "龜縮"戰術改寫一切...
有多3個朗尼, 4個謝拉特, 5個泰利都無用....

最後, 我想同d只會睇成績既朋友講, 82, 86既巴西都8強出局,
由78年到90年巴西成績都係一片空白, 但我從來唔會覺得佢地無料到...
尤其薜高, 蘇古迪斯, 祖利亞果班....

德國近兩年復甦番少少, 有d成績, 反而立即吹到上天...
其實只要成長於7 80年代, 就會知道而家班德國球員以一向德國既標準,
根本平庸到唔可以想信....奇連士文, 一隻腳都好過高路斯....

不過算啦, 我都慣, 香港係咁k怪...
唔論成績會撲出黎讚好既, 只有一隊, 狗屎垃圾既中國國家隊....
作者: eric911    時間: 2007-11-13 01:55 AM

Originally posted by filter-052fans at 2007-11-13 01:12 AM:
McClaren mus...
睇完filter-052fans既言論，我都有感而發﹗點講呢﹗正如我之前在fun講過，英軍有此成績，其實係一層一層咁積壓下來的「成果」。英足總開頭找大菲教，但係又自視過高唔肯出高價又冇盛意，搞下搞下到大菲唔願做，理由係怕左英國傳媒壓力﹗壓力？縱橫球壇幾十年既大菲，怕壓力？所謂山水有相逢，佢都係俾翻少少面英足總至咁講﹗搵無可搵，唯有搵個自己友麥記搏搏啦﹗英總都覺得有點不穩，咁就加個有點料到既雲拿保斯「旁旁」麥記，點知就衰埋一堆。正如你所講，贏兩場3:0好似出左線咁，俾傳媒捧上天(千萬不要發生在利記身上呀﹗8:0，唔係羸左8場，未出線架﹗)。成班英超巨星踢左咁耐波，點會唔知麥記咩料？戰俄軍前個個都話撐麥記，輸波後重有邊位巨星話撐佢？連謝老四都話打定輸數了﹗每年代都要新星湧現，加上不同年代的戰術、思維、球場質素，甚至球員飲食上的營養也不同，所以又很難去比較7、8、90年代的領隊和麥記那位好那位不好。此終覺得英軍的質素極高，只是咁耐以來遇不到伯樂，相信真的給他們遇上的話，國際賽冠軍指日可待呀﹗
作者: Fung2004    時間: 2007-11-13 02:59 AM

Originally posted by eric911 at 2007-11-13 01:55 AM:


睇完filter-052fans既言論，我都...
講就係咁講,但係你諗吓,過多兩年謝拉特,,泰利,李奧等主將都老了....禾確特,連濃等球員雖有潛質,但暫時都未比我信心他日可以接而家呢班主將既班....其實england搵唔到大菲教都真係幾可惜....
作者: f.barthez    時間: 2007-11-13 06:40 PM

睇見佢都唔開胃...... 睇下佢重用Paul Robinson就知啦... 出到線就奇.....
作者: amigofans    時間: 2007-11-13 11:51 PM

今日最新, 又有一個菲立利維爾出黎 "護駕", 話唔可以炒佢云云...

所以我呢條題, 絕對係無起錯, 相信俄羅斯出左線之後, 繼續會有人撐佢...

呢d苦果, 都係英國足總自己攞番黎,
成日有人話英軍fans賴地硬...唔好成績就話無好領隊....

巴西贏世杯, 果個叫史高拉利, 贏過巴西既聯賽好多冠軍...

意大利最近都贏, 果個叫納比, 意甲迷咁多, 唔洗我多講都知佢有幾威...

睇番英格蘭自卜比笠匠之後的領隊...

泰萊, 雲拿保斯, 荷度, 基謹, 艾歷臣同佢老友麥卡倫...
除左艾歷臣贏過意甲之外, 雲拿保斯只係攞過fa cup....

其餘果班友更加係攪笑, 莫講冠軍, 連一個帶過一隊頂級勁旅既都無....

我就係好唔順, 你搵次叫雲加, 摩連奴, 費格遜帶一次比我睇下,
仲係如此不知所謂既, 我就shut up....
作者: 巨根    時間: 2007-11-14 02:34 PM

Originally posted by filter-052fans at 2007-11-13 11:51 PM:
今日最新, 又有一個菲立利維爾出黎 &q...
麥卡侖行運行到腳趾尾你真係吹佢唔漲

米鋪有得打歐洲足協盃要多謝聯賽閉幕戰科拿90分鐘射失十二碼射走左曼城個參賽資格

之後聯賽打得差又撈到個聯賽盃返來
歐協仲殺埋入決賽
加上佢同英足總關係好

最終一位球員時代平庸，領隊成績接近0既平民就做左國家隊領隊
作者: haman    時間: 2007-11-14 08:53 PM

師兄 分析得好
如果 當初搵左奧尼爾教 .......宜家點會淪落成咁
但係英格蘭足總真係千揀萬揀 揀著個爛燈盞
如果佢揀 古比士利 or 艾拿戴斯 應該都會好過呢個
麥卡倫.......係人面前我就會講 哎 出唔到線係抵死
實則我都不知幾傷心,次次大賽 都對呢隊波 期望幾大
但係往往都係換黎傷心,今次仲衰  係將會面臨 缺席歐洲國家杯
決賽周......你話點死.........
睇住  d反英球迷既 氣燄你都咪話唔激氣...........
除非搵個有料教練都教唔掂英格蘭 咁我就無野講喇......
拜託英格蘭爭氣啦.........咪再比人覺得你係二線尾球隊
我並非求英格蘭可以拎到世界盃 只係想你踢得好d啦 拜託
其實我唔係想馬後炮 點解作客對住 俄羅斯要縮呢
難道 俄羅斯比巴西更勁?! 回想你02年 世界杯8強對巴西
你都無咁樣縮過?!  你仲要領先俄羅斯1:0  點解唔可以同佢攻過呢?!
麥卡倫 你真係早d 自己out啦  我真係好憎你
作者: haman    時間: 2007-11-14 09:02 PM

Originally posted by filter-052fans at 2007-11-13 11:51 PM:
今日最新, 又有一個菲立利維爾出黎 &q...
無錯啊  如果有過頂級教練  都教唔掂英格蘭
我以後都shut up!

不過如果數英倫三島  最有料教練  只有奧尼爾
費格遜  不過費格遜幾乎無可能  
當然希望英倫三島既教練教返英格蘭啦  

最好的國外選擇 我覺得係卡比路
作者: cwc_tkd    時間: 2007-11-14 09:39 PM

Originally posted by filter-052fans at 2007-11-13 01:12 AM:
McClaren mus...
佢害我呢d球迷要同廣大反英既球迷舌戰, 香港呢個怪地方, 只會睇成績,
無成績就等於無料到, 從來唔會平心而論咩原因佢地發揮唔到...
英軍有冇好球員? 有; 球員質素好唔好? 好; 領隊質素? 一pat屎!

86 年巴西呢? 樣樣都好, 係衰冇運, 撞正當旺o既法國, 人人都話佢地係好強好強, 我都覺, 因為我都好鍾意巴西, 個個年代o既巴西我都十分喜愛, 特別係條無敵o既中場線, 但可惜點都係贏唔到世界盃, 咩因素? 運氣同領隊都有問題.

07o既英軍, 強唔強我唔敢講, 因為我怕被人標籤為"反英派", 我只係對英軍唔係特別鍾意, 因為球員同球隊風格我都唔太欣賞.. 可能會有D主觀o既網友會話我地呢類人係反英派..

講到睇成績, 足球世界有邊個唔係睇成績? 英格蘭贏到某D賽事o既話, 我相信D英軍迷又會係度講佢地點贏點勁. 咁點解我唔可以話德國贏過d咩, 勁係d咩?? 點解d人可以咁主觀??
英軍近40年未贏過冠軍係事實, 究竟係咩原因, 點解, 大家都已經解釋過. 我亦諗唔到有咩特別理由同動機要討論, 另一方面亦覺得大家分析得岩, 所以冇加把口. 唔通有加就係撐英, 唔講就反英? 會唔會搞笑左D? 主觀左D?

德國球員逐個比可能真係會輸比英軍, 我地亦都唔知逐個秤邊個贏邊個輸.. 咁叻叫佢地1on1, 11個人多d贏個邊贏世界盃好冇? 德國唔好話近年, 歷年黎係國際成績都比英軍好, 我只係事輪事, 但並唔代表我撐德反英. 我欣賞德國國家隊o既紀律性, 領隊戰術運用. 英格蘭我欣賞o既只有佢地o既聯賽. 每人都有欣賞野o既權利同方向, 咁就比人地話自己係反乜反物, 我真係覺得有D奇怪.

p.s. 我並冇指明話係邊個講我係反英派, 可能係我誤會, 但我發o既post我都盡可能做到講出自己心聲但又可以客觀.
作者: amigofans    時間: 2007-11-14 09:43 PM

Originally posted by haman at 2007-11-14 08:53 PM:
師兄 分析得好
如果 當初搵左奧尼爾...
會縮全因為艾歷臣, 艾生只有一招, 守!!

艾生最大功勞, 亦係之前英軍領隊都做唔到既, 就係提拔新人,
英國佬思想保守, 當年荷度連奧雲同杜布連都要揀餐死.....

而家呢班英軍, 全都係艾生門生, 慣左佢果種打法, 就係縮...
02歐國杯, 碧咸係縮到去自己禁區, 最後縮到比人斬中頂入出局....

麥生打法一如佢老友, 所以當日一搵佢, 我就知道死得....

情形好似88-90既巴西, 拉沙朗尼無錯係帶左好多防守意式比巴西,
但巴西同英格蘭, 荷蘭呢d球隊一樣, 係唔可以打守勢波既,
呢個係成個足球文化既問題, 西德意大利可以大打防守, 但佢地唔可以...

巴西好就好在90年輸一獲最金既, 炒左拉沙朗尼,
換番主攻既沙加奴同彭利拿做最高領導, 自此巴西攻強守亦進步,
卒94年一騷20年之癢....

無錯英格蘭籍既絕對無夠班既領隊, 如果有得揀, 我揀雲加教打全攻形...
守左成10年8年, 而家打番英軍最善長既進攻, 絕對係最正確...

意大利06攞世杯, 之前教果位叫查柏東尼, 大打進攻...
雖然失敗, 但換上納比又另一片天, 英國足總應該同巴西意大利學下野....

不過吹還吹, 大家想睇麥卡倫下台, 相信要等2010世杯外圍賽,
英格蘭打3 4場發現唔對路果時, 先會睇到...

基謹, 艾歷臣, 歷史, 是不斷重複的....
作者: haman    時間: 2007-11-14 09:55 PM

Originally posted by filter-052fans at 2007-11-14 09:43 PM:


會縮全因為艾歷臣, 艾...
但始終唔係自己國家既人教個situation都真係好尷尬
我諗都有既就係 奧尼爾 難道 奧尼爾不配嗎
佢以前既神奇事蹟 我相信大家仲瀝瀝在目
睇佢宜家教維拉 教到曉飛就咩事啦
作者: amigofans    時間: 2007-11-14 09:55 PM

Originally posted by cwc_tkd at 2007-11-14 09:39 PM:


英軍有冇好球員? 有; 球員質素好...
sorry, 我不嬲都覺得德國高過英格蘭, 唔係玩野,
當你睇完86 90世界杯, 就算90年英軍輸d運比佢地, 但好明顯可以睇出兩隊有d差別...

但近7 8年, 以德國既水平, 根本係沉輪...
主場1比5輸比仲未有林柏特, 泰利, 朗尼呢d明星既英格蘭, 相信係德國足球既最低點...

無錯可以講德國已經好番d, 但同全盛期仲差好遠, 可以講係似88-94既巴西...


你講到英格蘭既打法, 我唔單止係唔鐘意, 直頭係作噁...

試下叫巴西打901, 意大利係咁攻, 睇下會點?

艾歷臣對於有人話佢打法保守巴睇法係,
進攻? 我唔想咩? 有咁既球員先得架?

睇到朗尼, 林柏特, 謝拉特打番自己球會入波入到彭彭聲, 你會唔會有被吹脹之感?
作者: cwc_tkd    時間: 2007-11-14 10:00 PM

Originally posted by filter-052fans at 2007-11-14 09:55 PM:


sorry, 我不嬲都覺得德國高過英格...
詞不達意, 晒gas
作者: amigofans    時間: 2007-11-14 10:00 PM

Originally posted by haman at 2007-11-14 09:55 PM:


但始終唔係自己國家既人教個situa...
agree, 唔係輸打贏要, 奧尼爾, 艾拿戴斯, 就連古比士利都會好過麥生....

唔係話麥卡倫係無能之輩, 只不過係英軍係艾歷臣時代後要有改變,
用麥卡倫等於無換領隊, 而且佢級數仲要比艾生低兩皮....

睇番過去10幾年英國足總搵既教頭, 可以見到佢地果種愚昧...
作者: amigofans    時間: 2007-11-14 10:04 PM

Originally posted by cwc_tkd at 2007-11-14 10:00 PM:


詞不達意, 晒gas
我無話你反英wor
作者: HansChan    時間: 2007-11-15 12:40 AM

講真....英格蘭現今既人腳實力....唔可以話差.....我個人覺得俾起連里加,加斯居里既年代仲有一大節....
不過......
又係個人認為...英格蘭既踼法根本難响世界成一線球隊!佢哋冇巴西,阿根庭既地波同個人技術,亦冇德國悶還悶但個個年代都有入波保証既前鋒特質....冇意大利般既叠瓦式及穩健防守同高校率既突撃......英軍踼既波.....高q大腳時....中場球員唔知做乜好....地波又唔夠技術.....哩啲永遠只可以半紅不黑!
可以當我亂up,但我夠膽講而家既英格蘭唔好講世界盃冠軍....四強都冇機會入!
死硬派英迷永遠自己呃自己而已!!
今屆歐國盃我依然覺佢有機會入決賽週o架,只係我更希望佢入唔到....我總希望多一場好波睇,好過一有英格蘭賽事一街都有啲人著住英格蘭波衫,跟住睇一場悶波....然係啲人大叫"英格蘭,好波!!!!!"
英格蘭......你叫得到雲加教....教返幾年....教一隊可以捨棄原有沉悶兼冇建設性踼法......甘或許會有番身既!

[ Last edited by HansChan on 2007-11-15 at 12:45 AM ]
作者: amigofans    時間: 2007-11-15 01:14 AM

Originally posted by HansChan at 2007-11-15 12:40 AM:
講真....英格蘭現今既人腳實力....唔...
你會覺得加斯居尼同連尼加果代英國腳, 比而家呢班好既,
身為一個睇左20年英國波既球迷, 我已經無野好講.....
作者: cwc_tkd    時間: 2007-11-15 01:48 AM

Originally posted by filter-052fans at 2007-11-15 01:14 AM:


你會覺得加斯居尼同連尼加果代英國腳, 比而家呢班好既,
身為一個睇左20年英國波既球迷, 我已經無野好講.....
我覺得係, 個陣佢地比人禁踢5年歐洲比賽(球會級),
佢地仍然入到世界盃4強(86年同90年), 佢地個陣踢得有heart,
3線實力唔錯, 前線有連尼加, 中場有加斯居尼,後防有施路頓.
呢2屆世界盃, 雖然唔係踢得好好, 或者好悅目, 但比人感覺好有鬥心.
可能而家個班個個都係明星, 但年代唔同冇得比, 可能十幾20年前個隊,
放落黎而家呢隊踢, 可以輸成條街, 又或者可能贏到開巷, 邊個知?
作者: amigofans    時間: 2007-11-15 09:33 AM

Originally posted by cwc_tkd at 2007-11-15 01:48 AM:


我覺得係, 個陣佢地比人禁踢5年歐...
就算年代唔同, 都有眼睇架ma, 即係我問大家,
歐偉倫好波定胡國雄好波一樣...

90年代, 數黎數去咪得加斯同連尼加果幾件...

可能你地根本無點睇英國波, 90年代,
係唔可以想像都英格蘭會有朗尼, 碧咸同泰利呢d球員....

雖然你會話係觀點與角度, 但總有個客觀標準,
單講腳下功夫, 90年代只有加斯同班尼斯算好少少...

86年只係8強, 90先係4強, 果時有卜比sir, 唔係基謹果班睇球會成績已知無料既領導..
而且我唔會用成績同實力掛鈎, 即係希臘贏左04歐國杯也好, 我未當過佢係強隊一日...
作者: cwc_tkd    時間: 2007-11-15 11:07 AM

Originally posted by filter-052fans at 2007-11-15 09:33 AM:


就算年代唔同, 都有眼睇架ma, 即...
比黎有咩用姐? 羅賓遜同施路頓係咪又有得比??
卜比sir夠贏麥卡倫9條街啦.
但比黎都冇用..

你咁講我將而家呢隊同66年冠軍隊比呀不如~

唉都係唔覆了, 好鬼悶~

[ Last edited by cwc_tkd on 2007-11-15 at 11:11 AM ]
作者: amigofans    時間: 2007-11-15 12:19 PM

我做fans梗會撐啦, 唔係我要去比,
只係我講個事實出黎, 就係英格蘭唔係艾歷臣賴地硬既說法, 無好質素既球員,

而家係有高質球員, 但要用d白痴既方法去打, 仲要打英國最唔o岩既守勢波,呢個一路係我既觀點....

講完之後, 有朋友又話英式係高q大棍打法單調, 戰術亦落伍云云,
我指出現有英軍人材絕對唔洗打呢d波, 可以睇英軍人選既來源,
曼聯, 車路士, 利物浦同熱刺, 我想問以上有邊一隊唔係打地波既?

點解朗尼打曼聯可以同tevez係咁撞場? 點解胡禮菲立斯打車仔可以一個扭兩個?
點解番到國家隊一劈屎咁? 咪因為個白痴領隊鐘意打d簡單守勢波lor...

我係因為咁, 先開呢個post, 大家都識話英軍打法唔好,
但講講大家又話8 90年代果班高q大棍好波d....咁係咪即係點講都係唔得?

呢d咪係英軍fans係香港面對既問題lor...
意大利可以出唔到線, 西班牙可以做一世黑馬, 阿根廷可以10幾件成績一片空白..

英格蘭唔可以, 就因為佢fans多, 就只因為就算打得差d fans都會話佢地好波...
作者: haman    時間: 2007-11-15 08:39 PM

Originally posted by filter-052fans at 2007-11-15 12:19 PM:
我做fans梗會撐啦, 唔係我要去比,
[...
不過90年代初都已經唔算 高Q大棍啦
左邊有華度 呢隻左翼  都真係踢得幾好嫁  

無錯,英軍真係要改下D 咁簡單既踢法啦
正所謂"窮則變,變則通" 如果再用咁既踢法
就算有班幾好既人腳 都係一無事處嫁咋

當務之急,係要搵返個教練 將進攻呢個CONCEPT
灌輸比班球員 有咁多攻擊球員 仲打守勢
點會有出路啊  
作者: HansChan    時間: 2007-11-15 08:46 PM

Originally posted by cwc_tkd at 2007-11-15 11:07 AM:


比黎有咩用姐? 羅賓遜同施路頓係...
次次發表現今英格蘭不事既嘢,嗰位老哥例必大反應o架啦!
唔駛介懷!!!!!
不過,講真......又係個人認為啦
我一啲都唔明現今既英格蘭點解會比加斯居里同連里加嗰個年代強......
我覺得只係而家成日講既係球星....死硬派例必球星=好好波!!
施老頓,華度,加斯居里,連里加........真係唔夠好到要睇咗廿年波既人冇話可說??
可能.....我心目中既球星只有巴治奧啦!!!
作者: amigofans    時間: 2007-11-15 10:18 PM

Originally posted by HansChan at 2007-11-15 08:46 PM:

次次發表現今英格蘭不事既嘢,嗰位老...
哦, 你咪去bbc sport個forum果度, 同d英國鬼歐洲鬼吹下lor...
你話華度好過艾朗連農同碧咸, 連尼加好過朗尼lor,
睇下d鬼佬會同你up咩lor...
作者: HansChan    時間: 2007-11-15 10:37 PM

Originally posted by filter-052fans at 2007-11-15 10:18 PM:


哦, 你咪去bbc sport個forum果度, 同d英國鬼歐洲鬼吹下lor...
你話華度好過艾朗連農同碧咸, 連尼加好過朗尼lor,
睇下d鬼佬會同你up咩lor...
哈!
成熟啲啦你!!
作者: jlinv2002ken    時間: 2007-11-15 11:47 PM

計我話踢走個羅賓遜，用占士
踢三四三陣式．
李奧，蘇金保，泰利
再換埋呀ｍｃ膠輪咁就掂
作者: cwc_tkd    時間: 2007-11-16 01:46 AM

Originally posted by HansChan at 2007-11-15 10:37 PM:

哈!
成熟啲啦你!!
心聲!
連尼加衰得過朗尼?? 笑話
華度差過碧咸同連儂? 荒謬
不如話羅賓遜過陣過施路頓
作者: cwc_tkd    時間: 2007-11-16 01:54 AM

Originally posted by filter-052fans at 2007-11-15 12:19 PM:
我做fans梗會撐啦, 唔係我要去比,
呢d咪係英軍fans係香港面對既問題lor...
意大利可以出唔到線, 西班牙可以做一世黑馬, 阿根廷可以10幾件成績一片空白..

英格蘭唔可以, 就因為佢fans多, 就只因為就算打得差d fans都會話佢地好波...[...
笑話.咁講法意大利 西班牙阿根廷唔洗踢啦, 因為佢地係香港球迷少過英格蘭,
而且佢地踢得差都唔緊要, 因為香港球迷少過英軍, 面對到香港球迷
英格蘭贏晒啦咁講法.最多香港球迷o既球隊一定無敵啦~

真係無稽, 你估英格蘭輸波贏波會顧及香港球迷感受咩~~ 你以為香港球迷真係咁大影響力,英格蘭真係咁重視香港球迷??

繼大魚後又一英軍俘虜~
作者: Kaz00086    時間: 2007-11-16 02:22 AM

Originally posted by cwc_tkd at 2007-11-16 01:54 AM:


繼大魚後又一英軍俘虜~
大魚係盲目歌頌英軍的偉大.........but 另一英軍俘虜佢出發點係想英格蘭好

[ Last edited by Kaz00086 on 2007-11-16 at 04:48 AM ]
作者: amigofans    時間: 2007-11-17 01:33 AM

Originally posted by cwc_tkd at 2007-11-16 01:54 AM:


笑話.咁講法意大利 西班牙阿根廷...
請先睇清楚我up咩先, 我係話因為英軍fans多, 佢地就算次次打得唔好,
仲係有人撐佢地, 亦由於咁樣, 好多人會覺得英軍fans期望過高,盲目云云....
點解意大利可以多次歐洲杯入唔到, 阿根廷可以10多年成績一片空白,
做佢地fans撐番自己愛隊時唔洗比人插? 佢地唔會見到愛隊打到劈屎咁都叫"好"咩??

其實英軍fans係香港地遇到既"禮遇"就如呢個post, 好地地我開條題講麥卡倫有問題,
我指出英軍有好質素球員, 理由係佢地打自己球會完全係兩個人,
而且英軍自艾歷臣後就打法單調, 一味防守同傳統英式主攻相為背....

但我話英軍有高質球員都唔可以, 係要話佢地係屎你地先心釋...
盲目? 叫我成熟d? 一句"我覺得"就係, 你地既point何在??
好在呢個世界有樣野叫"客觀標準"...

一個去到皇馬打足3年正選, 全盛期曾經入選世界足球先生既碧咸,
級數竟然同一個, 踢d歐洲二線隊同英超護級隊既華度係一樣...

一個被英國人譽為50年一遇既, 次次會用球王比利黎相提並論既朗尼,
級數竟然只如一個巴塞人球連尼加...

細個捧英格蘭, 就比人笑, 話班波無創造性球員, 唔夠class,
只會打高波, 中堅轉身又慢, 前鋒只會用頭頂....

無想到過左20年, 有人同我講以前果班人好d, 真係唔知好嬲定好笑
好多謝你兩位帶d全新既思維比我, 我都從未聽過有人話舊果班好,
就等我下次睇英格蘭果時,會認真諗下, 謝拉特係咪屎過麥馬漢,
泰利係咪好得過胡禮....彭馬係咪唔應該淪為英國人既笑柄等等....

我比較鍾意碧根包華果種講法.....

「像是一支學校球隊，沒有交流也不懂得互相支持。」碧根鮑華說。

「這令我感到驚訝，球隊了無生氣。」

而他認為，這與他當年對著的英格蘭有很大分別︰「我首次對英格蘭是 1965 年，然後是 1966 年世界杯，那是有著很高昂的士氣。」

他認為像阿倫波爾等球員，都令球隊充滿動力。

一針見血唔係盲目攻擊....
作者: amigofans    時間: 2007-11-17 01:42 AM

Originally posted by Kaz00086 at 2007-11-16 02:22 AM:


大魚係盲目歌頌英軍的偉大.........but 另一英軍俘虜佢出發點係想英格蘭好

[ Last edited by Kaz00086 on 2007-11-16 at 04:48 AM ]
大魚永遠出post只會一兩野, 佢只會係兩種,

一) 曲線反射講緊英格蘭

二) 模仿sport版朋友既超誇大式吹水

碧咸, 卡卡, 英格蘭, 曼聯, 來來去去果兩三覆被....
佢無次出post, 我都喝住你地咪同佢癲, 你當佢認真既,
只會顯示你 iq 同 eq 都比佢低.....

大魚, not lock lock , not filter-052fans....
作者: feuosma    時間: 2007-11-18 04:05 AM

Originally posted by 巨根 at 2007-11-14 14:34:


麥卡侖行運行到腳趾尾你真係吹佢...
以色列90分鐘入波贏2-1......
人見得多....好似麥生負6成咁既當真世間少有...
仲要呢個係一個廢人尼.......
作者: amigofans    時間: 2007-11-18 11:23 AM

Originally posted by feuosma at 2007-11-18 04:05 AM:


以色列90分鐘入波贏2-1......
人見得多....好似麥生負6成咁既當真世間少有...
仲要呢個係一個廢人尼.......
hey, come on, 唔好以為英格蘭已經出左線...

而家和波就得可能更衰, 佢地會狂縮求穩陣,
呢種係艾歷臣派麥卡倫系打法, 分分鐘比對手符碌入你一球....

歇斯底里既龜縮, 換黎一隊連92年英軍dark age都唔會咁差既,
完全零士氣既英格蘭...

強烈建議出左線fa都應該炒佢....

不過發下夢就得, 記憶中英國足總好似無炒過領隊咁滯...

卜比sir,泰萊, 雲拿保斯同艾歷臣係做到約滿, 荷度同基謹係自己辭職既....
作者: donald15    時間: 2007-11-18 12:53 PM

唔知會唔會由碧咸重演當年對住希臘既奇跡呢
如果呢鋪都係靠碧咸麥卡倫就一定要落台啦
作者: iknow    時間: 2007-11-18 12:59 PM

麥卡倫...唉...
晉級到我都唔敢有奢望...
作者: feuosma    時間: 2007-11-18 03:46 PM

Originally posted by filter-052fans at 2007-11-18 11:23:


hey, come on, 唔好以為英格蘭...
同意...不過英格蘭幾日後贏既機會實在唔細....
近呢幾場外圍賽克羅地亞好似夠鐘收工咁....
面對既係整體實力較高...而且戰意更係101%既對手....唔輸唔係咁易...

只不過見到佢講野真係好忟.....懶打字都打咁多....
賽前呀麥生話出線完全唔需擔心....http://soccernet.espn.go.com/news/story?id=483040&cc=5739
哈...呀麥生你真係咁把炮...連人地完場前會中柱都知???

佢最令我憎的地方....唔係帶得差....而係完全唔覺自己有問題果種態度.......可能大家會話佢咁樣講係維持軍心...私下佢會下功夫搞好隊波.....但大家都比我清楚...佢有冇真係做得到???
睇住黎...幾日後英格蘭真係過度關....佢實又行出黎話成隊波踢得好好呀.....出線係應該係意料之中呀諸如此類.....

[ Last edited by feuosma on 2007-11-18 at 03:49 PM ]



歡迎光臨 娛樂滿紛 26FUN (http://26fun.com/bbs7/) Powered by Discuz! 7.0.0