娛樂滿紛 26FUN - Powered by Discuz! Board

標題: 大家應為是否將本地足球聯賽列入馬會投注目項？？ [打印本頁]

作者: Thenshin 時間: 2007-12-14 04:27 AM 標題: 大家應為是否將本地足球聯賽列入馬會投注目項？？

本人認為，如果將本地足球聯賽成為投注目項，必定會大大地提升吸引力，從而增加入場人數，推動本地足球的發展？你地點睇？！

作者: negator 時間: 2007-12-14 04:57 AM

唔應該...因為隨時會令到本地足球變左假波~

咁樣反而會搞衰埋本地足球...

淨係意甲已經有版你睇...

作者: 巨根 時間: 2007-12-14 09:04 AM

意甲最近既假波案都係球會為左自身利益攪出來的
好少係涉及賭波

作者: amigofans 時間: 2007-12-14 09:32 AM

絕對有作用, 但可能要承受好大既惡果...

因為本地足球圈人士, 無論球員, 領隊以至係球證,
薪酬都係偏低, 而且香港黑社會干預賭博係平常事...

不排除有人受唔住金錢既誘惑....

韋君龍, 陳子江都係為左果區區兩萬蚊而挺而走險...
香港球員, 真係cheap....

作者: steven999 時間: 2007-12-14 01:22 PM

香港d球員大部分都係業餘的
如果馬會開香港波有得投注
好可能10埸有9埸都會係假波
加上升降班制度名存實亡
對香港波冇哂興趣

作者: wer 時間: 2007-12-14 01:44 PM

Originally posted by Thenshin at 2007-12-14 04:27:
本人認為，如果將本地足球聯賽成為投注目項，必定會大大地提升吸引力，從而增加入場人數，推動本地足球的發展？你地點睇？！

完全唔關事
想人入場睇波,香港聯賽的水準一定要再提升
而d人賭香港波唔代表唔一定會入場睇波,所以兩者沒有關係

作者: iknow 時間: 2007-12-15 11:57 PM

完全唔覺有咩好攪...
就算增加到入場球迷又點,
果班友真係入到睇波GE咩??
咪只係入去睇下自己贏唔贏到錢GE姐...
咁咪攪到旺角場同大球場好似馬場咁...

作者: wer 時間: 2007-12-16 12:02 AM

Originally posted by iknow at 2007-12-15 23:57:
完全唔覺有咩好攪...
就算增加到入場...

依家有咁多傳煤
知賽果唔一定要入場者

作者: al218 時間: 2007-12-16 02:46 AM

倒不如叫政府投放多D資源落本地足球度...

作者: 巨根 時間: 2007-12-16 08:36 AM

Originally posted by wer at 2007-12-16 12:02 AM:

依家有咁多傳煤
知賽果唔一定要入場者

梗係叫馬會係旺角場/大球場 set返個投注站
等d人入場買走地盤啦

作者: kuru 時間: 2007-12-16 11:56 PM

係就好lu, 咁起碼港足會多左好多人睇,
亦同時增加博彩稅收入~

作者: 艾奧羅斯 時間: 2007-12-17 11:10 AM

係人都知係香港搞波蝕到暈........
如果有得賭...係D老闆搵返成本既好路數....
到時有幾多場波可以反應到真正既足球??
有錢搵,隊數可能會增多,但係質數實會下降..
得表面風光就唔好啦~

作者: bigfish 時間: 2007-12-19 01:15 AM

民族劣根性...
英超有賭波咁耐, 都未見有假波出現, 點解有中國人同意大利人o既地方就有假波?

作者: amigofans 時間: 2007-12-19 02:11 AM

Originally posted by bigfish at 2007-12-19 01:15 AM:
民族劣根性...
英超有賭波咁耐, 都未見有假波出現, 點解有中國人同意大利人o既地方就有假波?

有無d新少少既野呀?

作者: b_m_9321 時間: 2007-12-24 03:51 PM

我諗馬會5會搞= =
因為本地波太易賭
好似南華0甘,場場5:0,9:0 0甘賭乜ar
個個見到南華買主主,主其他都蝕到馬會X0甘 la

作者: MaxFigo 時間: 2007-12-24 04:01 PM

本地波形象本身已經差
搵唔到食已經係家長阻止年青人受訓一個好大原因
若果加埋賭博，以中國人傳統對嫖賭飲吹o既睇法
阻止年青人入球圈又多左一個理由
咁搞法，香港青訓仲有得做o既？
咁對球圈根本一d意義都無

況且賭本地波有咩吸引力？
除左賭徒之外，其他普通人會唔會去賭d低級別聯賽？
仲要為左買而場場追黎睇？仲要花錢入球場？

若果賭真係咁有用
想人入戲院睇戲嘛，咪叫馬會開盤睇下金像獎各獎項花落誰家
想人買正版CD嘛，一於又開盤估下4大樂壇頒獎禮結果
想多d人撐2012普選嘛，分分鐘開埋盤估首名普選特首都仲得

如果呢幾樣都可以work o既，先好講開放本地波比馬會開盤

作者: soccerking 時間: 2007-12-24 10:27 PM

可以買本地波, 唔代表可以吸引多d人入場喎....
d比賽水準唔高, 正常嘅球迷都唔浪費時間入場,
其實只可以話令到多人關心本地波 (買咗波果d人)

同埋如果真係有得賭, 我敢寫包單一定有人打假波,
因為香港球員薪不高, 有d得幾千蚊一個月
其實好容易比不法份子利誘

歡迎光臨娛樂滿紛 26FUN (http://26fun.com/bbs7/)