Board logo

標題: 卡比路一語道破英軍弱點 [打印本頁]
作者: amigofans    時間: 2007-12-18 12:05 PM     標題: 卡比路一語道破英軍弱點

艾歷臣大打龜縮玩死守, 換黎了無士氣既英格蘭,
最後只能以中庸成績下台, 對於大打龜縮既原因,
竟然係佢認為英格蘭無好既攻擊球員...

麥卡倫厚顏也好, 最後也要倒台, 佢就仲利害,
咩都賴一餐, 當然最叻係賴傷兵多...

佢地失敗唔認衰, 硬係就講唔出或者唔肯講英格蘭既死因...

香港好多反英既盲目分子, 毫不理性既攻擊,
主觀唔係問題, 最慘係要扮客觀...

咩球迷過高要求, 其實係d失敗領隊既借口, 反英迷又跟口講,
要求出線, 咁都係要求過高?

咩英格蘭太多外緩令球員質素下降, 又比反英迷quote黎當係point...
其實係英格蘭保護主義者既借口, 最近恩斯話英國足總唔應該請卡比路,

因為英格仲有好多好領隊, 好似咩大賽冠軍都未攞過既艾拿戴斯,
波都未教過既舒利亞啦, 咩大會都未教過既奧尼爾等等lor..

呢d咪就係白痴英國人既保護主義思想lor....

卡比路一上任, 首道開腔談英軍, 大家可以睇下佢up咩...

卡比路會在週一於倫敦舉行他上任後的首個記者招待會，而他在週日則向一意大利電視台表示，現在的英格蘭國家隊欠缺了自信。

「這支球隊比起幾年前的確欠缺了信心。」

「而這支球隊現在需要的是找回信心，我看過他們對俄羅斯的比賽，實在表現平淡。但他們需要的是找回自己並擔當自己適合的角色。」

「現在像我上季執教皇馬時有一點相似。他們那時也失去了個人的風格和自信。」卡比路說。 (u-soccer)

"I'm going to try to understand what happened by talking to the players," he added. "I believe that wearing the England shirt should be a matter of pride - I want to see all players playing for England like they do for their clubs."  (bbc sport)

場上永遠只有11隻鵪春, 成班人永遠打唔到自己係球會既表現..
呢d都係我成日係度講既, 卡比路而家都講一次....

呢d都唔係咩獨到眼光, 根本係稍為有足球知識既人都睇得出,
當然由頂級領隊口中up出黎, 好過我地呢d市井球迷啦...

盲目? 唔通卡比路又盲目吹捧?

[ Last edited by amigofans on 2007-12-18 at 12:08 PM ]
作者: van仔魚    時間: 2007-12-18 02:13 PM

講真英軍人腳其實唔差ga!我地成人鬧既都係d唔應該失既波!
好似d龍門屙蛋呀,回傳唔夠力咁!我唔覺得呢d野只係人為,
應該仲有信心呢下野,始終英國人可能自尊心比較強,相對會帶黎好大壓力!
一打唔好場波就俾球迷鬧又好似好慘既!(不過我覺得唔好再搵占士守龍會好好多)!!!
所以,我都希望卡比路可以俾番d信心英格蘭既.


最後想講句((((((((((重生啦,英格蘭)))))))))))))



個人見解,不喜勿插!!!!!!thx
作者: sheet    時間: 2007-12-18 03:31 PM

the media and the social community
have bee putting far too much pressure on their nation team for the past...
all of their supporter are tend to expect their team to grab the trophy somehow, no matter which tourment they are in, no matter which team they are facing...there is only one thing in the supporters' eyes."we will win it easily, because we are the best team in the world."
that makes the team are playing under pressure and under performence...
作者: capicapi    時間: 2007-12-18 05:25 PM

我撐卡比路ga!!!
好老實講英格蘭人腳真係唔差...
有老有嫩...以老帶新都仲得!!!
作者: jordi    時間: 2007-12-18 07:03 PM

希望佢仲用 Beckham , 因為我見唔到有邊個取代到佢既傳中球 !
作者: Kian76    時間: 2007-12-18 10:04 PM

Originally posted by jordi at 2007-12-18 07:03 PM:
希望佢仲用 Beckham , 因為我見唔到有邊個取代到佢既傳中球 !
即係想佢本末倒置帶領英格蘭走上末路？？？
作者: Kian76    時間: 2007-12-18 10:05 PM

卡比路太唔了解英格蘭喇。


英格蘭既死因同欣宜一樣。


過份自信。
作者: amigofans    時間: 2007-12-18 10:36 PM

Originally posted by Kian76 at 2007-12-18 10:05 PM:
卡比路太唔了解英格蘭喇。


英格蘭既死因同欣宜一樣。


過份自信。
試下具體一d, 唔好咁抽象, 英格蘭隊點樣 "過份自信" 法?

可唔可以講出一d事例足以証明你既觀點呢?
作者: amigofans    時間: 2007-12-18 10:39 PM

Originally posted by Kian76 at 2007-12-18 10:04 PM:


即係想佢本末倒置帶領英格蘭走上末路？？？
又解釋下閣下既"本末倒置"為何解呢?

點解選左一個球員入隊, 就會令成隊波"本末倒置"呢?

閣下如果認為英格蘭既"本"同"末"又係咩呢?
作者: 艾力克    時間: 2007-12-18 11:07 PM

Originally posted by filter-052fans at 2007-12-18 10:36 PM:
試下具體一d, 唔好咁抽象, 英格蘭隊點樣 "過份自信" 法?

可唔可以講出一d事例足以証明你既觀點呢?
過份自信即係話個個都覺得自己好勁, 就算上半場入唔倒波, 下半場都會入倒; 下半場入唔倒波, 下場波都會嬴倒; 覺得自己勁過人地, 可以睇定黎食
就係缺乏左嬴波o既鬥志同拚勁, 以為嬴梗出倒線, 所以最終就...
作者: amigofans    時間: 2007-12-18 11:27 PM

Originally posted by 艾力克 at 2007-12-18 11:07 PM:

過份自信即係話個個都覺得自己好勁,...
我係英格蘭身上, 完全睇唔到你所講既野wor,

我只見到, 上半場入唔到波, 希望下半場可以唔失波,

今場贏唔到波, 希望隔離既對手和波或者輸波,

我仲見到, 以為和左波就可以出線, 希望唔好輸就得,

客觀講, 英軍果套龜縮, 缺乏自信, 怕輸唔敢攻既戰術,
同上文所講既 "自以為是, 自信爆燈以為一定贏" 完全茅盾...

我只聽過睇過自以為好勁, 係咁去攻, 就係未見過, 自以為好勁, 係咁去縮..


你講緊既, 似82, 98果隊巴西....

香港真係怪地方, 出d怪論球迷....
從未聽過"英軍係衰在過份自信"...

廸西里, 碧根巴華, 卡比路, 舒利亞同一堆國際球壇名宿
都係度彈緊英軍無自信無士氣....

你地d眼光, 真係獨到到無人有....

[ Last edited by amigofans on 2007-12-18 at 11:29 PM ]
作者: khkeung    時間: 2007-12-19 12:17 AM

唔夠自信
其實唔多唔少你因為講到太勁
但係打起上黎又發覺自己唔係咁勁
就更加大 pressure
作者: Kian76    時間: 2007-12-19 12:33 AM

Originally posted by filter-052fans at 2007-12-18 11:27 PM:


我係英格蘭身上, 完全睇唔到你所...
英格蘭過份自信，以為贏硬，跟住個個又以為自己好了不起，尤其雙特，各自為政，打到成pat屎咁，進攻又散又單調，之後次次俾人禁番轉頭黎攻.......


我睇倒既係佢呢隊波既能力就係咁，個別能力勁又點？？以整體組合黎計係廢。唔團結。
作者: Kian76    時間: 2007-12-19 12:39 AM

Originally posted by filter-052fans at 2007-12-18 10:39 PM:


又解釋下閣下既&q...
點解話係本末倒置呢？？

麥卡倫都行出左第一步，第一個夠膽唔用碧咸既人=自殺。

但不無道理，d人淨係識馬後炮，如果佢成功左d人就唔會咁講。


碧咸己經老，能力只會一日比一日差，仲要靠佢？？？就好似德國咁，以前大大個史高爾，點解唔用？？就係唔改革就只會將個傷口拖長黎埋口，但點解唔撤底d快快咁重新組合呢？？英格蘭真係差到冇人才嗎？？

要既係球迷既耐性同時間，人地德國都攪左幾年，而家咪上番正軌囉！！！就係因為德國既低潮期，先會引出波歷克出黎！！！當年波歷克都只不過係一個唔太出名既德國後備仔咋......但自從幫德國手在外圍賽入好多救命波後，就愈打愈順，出晒名......


如果英格蘭死都要用番碧咸，咁你更加唔使指意黎緊5年會有冠軍囉......講真......
作者: amigofans    時間: 2007-12-19 01:12 AM

Originally posted by Kian76 at 2007-12-19 12:33 AM:


英格蘭過份自信，以為贏硬，跟住...
英格蘭過份自信，以為贏硬，跟住個個又以為自己好了不起，尤其雙特，各自為政，打到成pat屎咁，進攻又散又單調，之後次次俾人禁番轉頭黎攻.......

我完全睇唔出雙特各自為政, 進攻又散打法單調等等,
同你所講既 "過份自信，以為贏硬" 有咩關係....

若果謝拉特真係以為自己好了不起, 至少大家會見番佢係利物浦既走動同遠射,
若果林柏特真係以為自己好了不起, 至少大家會見番佢係車路士既入攝同效率,
因為佢地以為自己好了不起, 所以唔理隊友唔理領隊, 大打自己家波..

可惜我所見到既只係兩條怕輸既鵪春, 依足d無能領隊既龜縮戰術..

原來 "夜郎自大" 係 各自為政, 分功唔清, 打法單調既真正原因,
真係牽強得離奇既論點, 可能正因為係咁, 所以,
自以為是但又怕輸唔攻大打龜縮, 呢d一樣牽強既論點同樣都可以成立...
作者: amigofans    時間: 2007-12-19 01:53 AM

Originally posted by Kian76 at 2007-12-19 12:39 AM:


點解話係本末倒置呢？？

麥卡...
即係你認為棄用碧咸係"本", 即應該做既事也,
可能閣下認為麥卡倫夠見地, 為左下一代英軍就敢唔用佢,

但事件拿下碧咸完全係政治上既一種姿態, 即係玩野多過實在,
如果真係為要換血多給年青球員機會, 點解仲會選加利仔, 加歷查同占士呢?
又點解後尾會選番蘇甘保, 菲立仔同希斯基呢埋人呢?
麥卡倫真係如你所講咁有遠見? 其實後尾佢用番碧咸已經答左你...

選人年齡唔應該係一個問題,只要你有水準, 比別人好既, 就自然會入選,
米拿同索夫可以40歲都有正選, 朗尼同美斯17歲都可以係主力就係此原因,

而且唔好忘記一隊波有23人, 有正選也有後備, 仲要睇戰術既配合,
入選唔代表未來都係佢打晒, 只要有一日英格蘭有人好得過佢,
相信選唔選佢, 根本無人爭論....

客觀事實就係無論係連農, 胡禮菲立斯同賓特利等等都無碧咸既級數同作用,
正如當年葡萄牙出左個c7同迪高, 雷哥斯達同費高仍然入選一樣道理...
又如當年出左一個奧雲, 都唔會立即放棄舒靈咸, 要直到出左朗尼先棄用佢

最後一提你講到德國既情況, 德國同英格蘭完全唔同,
97-01完全係德國既黑暗期, 相信問番德國球迷,
都會覺得輸比英軍1比5非常樣衰, 正所謂已經衰到貼地,

而且佢地會大膽用年青人既真正原因, 係因為老果班完全唔掂,
史高爾, 謝利美斯, 贊卡同薜基等等直頭係德國史上最差勁既球員,
棄用呢班人, 根本無人會反對....

而且德國可以大膽玩幾年賭一鋪, 因為戰績輝煌身家豐厚, 玩都玩得起,
但英格蘭無德國既成就, 成績上係窮光蛋, 係求成績之下,
唔去到咁盡, 唔一下子棄用d舊人, 係可以理解既....

而且碧咸地果班球員, 叫"黃金一代",
絕不可以同贊卡果代 "暗黑一代" 相提並論...
如果英格蘭死都要用番碧咸，咁你更加唔使指意黎緊5年會有冠軍囉......講真......
講開又講, 你係咪講緊風水命理? 選佢入去做後備backup隊波,
有個好經驗既球員都唔得? 咁就一定唔使指意黎緊5年會有冠軍?
佢個人有電波影響到球隊既表現? 定係佢樣衰唔順眼?

5年? 我覺得佢2010年都未必去到南非....

[ Last edited by amigofans on 2007-12-19 at 01:54 AM ]
作者: amigofans    時間: 2007-12-19 02:06 AM

Originally posted by khkeung at 2007-12-19 12:17 AM:
唔夠自信
其實唔多唔少你因為講到太勁
但係打起上黎又發覺自己唔係咁勁
就更加大 pressure
你講得o岩呀, 咁咪唔係 "過份自信" lor,
過份自信就唔會有壓力, 因為永遠覺得自己no.1

自信既巴西, 射12碼永遠係贏
鵪春既英軍, 射12碼永遠係輸

睇到有人講英格蘭"過份自信", 令我啼笑皆非,
大家可以講某d英格蘭既fans係 "過份自信",

但"自信"完全唔可以套用係英格蘭呢班鵪春球員之上....

有時好鐘意同有呢類意見既朋友討論英格蘭,
除左一堆謬論之外, 從呢d討論當中,
大家會發現何謂真正既盲目....

[ Last edited by amigofans on 2007-12-19 at 02:08 AM ]
作者: jordi    時間: 2007-12-19 03:38 AM

Originally posted by Kian76 at 2007-12-18 22:04:


即係想佢本末倒置帶領英格蘭走上末路？？？
唔用 beckham , 你o翕得出可以用邊個打右中場 ?
wright-philips 傳中球差都無譜 , bentley and lennon 仲未夠火o侯 ,
gerrard 移過去未盞o麗左遠射能力 ,
joe cole 放右面 , 左面更加無創造力 ,
英國佬一路左邊都無人才 , 係呢一刻 ,
如果 2010 外圍賽再唔用 beckham 踢返 ,
2010 都唔知會唔會又一次見唔到英國佬 .

同埋有多度板斧 , 起碼供應到俾 Crouch !!!!!

[ Last edited by jordi on 2007-12-19 at 03:42 AM ]
作者: 76    時間: 2007-12-19 11:17 AM

joe cole 話過world cup 果時佢地以為自己好勁....不過到左比賽...又唔係想像中順利.....


我諗我唔係d反england迷...不過都覺得有d討論好反智
作者: boysbe    時間: 2007-12-19 01:00 PM

每個新教頭都有自己一套.....
個個都話有咩唔得ga la
最緊要有好成績
作者: khkeung    時間: 2007-12-19 08:48 PM

但係我又覺得如果打到咁攪成咁都只係 focus 係 "唔夠自信" 方面
又好似將所有其他問題完全唔理
好似打法,唔同位置上既實力(係咪真係好似大家認為咁勁)
等等

無自信只係其中一個問題
如果將佢放得太大
講到一有番自信就會好似大家認為咁勁既話
又好似有少少自己騙自己
作者: ahho319    時間: 2007-12-20 01:14 AM

老實講艾歷臣唔係咁差...你睇曼城而加都幾勁...
我覺得佢ok...



歡迎光臨 娛樂滿紛 26FUN (http://26fun.com/bbs7/) Powered by Discuz! 7.0.0