娛樂滿紛 26FUN - Powered by Discuz! Board

標題: 拯救AC米蘭討論區 [打印本頁]

作者: LIUSHEK 時間: 2008-4-1 01:41 PM 標題: 拯救AC米蘭討論區

AC米蘭今季由高峰急轉直下! 由十二月取得世界冠軍球會杯之後, 到歐冠杯出局, 再到現在可能連聯賽第四名都攞唔到! 問題出o係邊?
前鋒: 而家只有柏圖識入波, 但係佢而家既踢法只係顯示佢個人質素, 好多個人突破, 但整體合作欠奉! 基拿甸奴而家好似廢o左武功, 成日都無建樹! 唔通仲要等下季朗拿度康復出山? 定係俾多o的機會新人柏路斯基?
中場: 好明顯, 無o左卡卡, AC米蘭o既威力小o左一半!
後衛: 呢條超過130歲既四人防線仲要踢幾耐? 馬甸尼仲話想踢多一季! 有傳球會仲會同卡富, 沙真奴同費華利呢o的老將續約!!!
門將: 卡歷今季係踢得好, 但係始終唔係一級龍門, 而且今年已經36歲, 又將防線o既年齡拉高!!

各位對拯救AC米蘭有咩高見?

作者: Foxcom 時間: 2008-4-1 02:01 PM

一句講哂, 球隊買人手段太保守, 呢幾年來只買高峯期將過甚至已過的球員, 短期內神仙難救

唯有放手大膽多買一些年青新血, 多捱兩三年沒有錦標, 甚至沒份打歐洲賽的日子再算吧!

作者: brightlee 時間: 2008-4-1 02:04 PM

AC Milan never reach any peak this year!!!!
em.. for me.. I think they should do something like Bayern Munich.. got knock out for champions league next season, wait and reform the team.

welcome Liushek

作者: Overpowering 時間: 2008-4-1 02:42 PM

I think AC should give up those old player...they can't stand anymore in nowaday football style...

作者: capicapi 時間: 2008-4-1 02:57 PM

1.球隊平均年齡太高了...
2.冇左卡卡=大鑊
3.前鋒冇帶射門鞋

作者: chanzhesheng 時間: 2008-4-1 03:33 PM

Milan team is some how like the old engine of Mercedes. Still can on the road but sure lose to many other cars. So, AC Milan must reconstruct + overhaul the whole team. Maldini's era is gone but he is just doesn't want to retire. It will block the other youth products to replace them. The next era is ruled by Kaka and Alexander 'Duck' Pato.

作者: 溫振裕 時間: 2008-4-1 04:09 PM

Originally posted by capicapi at 2008-4-1 02:57 PM:
1.球隊平均年齡太高了...
2.冇左卡卡=大鑊
3.前鋒冇帶射門鞋

好似係叫你拯救喎!你好似係度講弱點咁既?

作者: balachiDavis 時間: 2008-4-1 05:26 PM

前面可以買podosiki , 佢話要走wor.....
可能對ac 有用........

作者: Kaz00086 時間: 2008-4-1 05:53 PM

Goalkeeper should be buy Frey~~

作者: 王晶 時間: 2008-4-1 06:11 PM

其實ac 都唔算衰到貼姐話哂都仲係上屆歐冠冠軍係今年打得差少少姐
你話今年要降班就話要拯救姐一隊波總有新舊交替既時間

其實好簡單樓主已經講左好多重點
前鋒乏力後防年紀大
但係大家要留意一點就係靈魂人物卡卡仲正直當打之年
換咩人都簡單最緊要核心係度我都唔會擔心ac會沒落
同今年都有新發現呀柏圖咁後生你想像過多幾年成熟左既柏圖
搭住大熟大勇既卡卡將會係幾強既攻擊組合
換血再夾熟 1,2年後應該又有野睇

作者: LIUSHEK 時間: 2008-4-1 06:52 PM

其實除o左後防年紀太大之外, 另一個嚴重既問題就係後備席o既深度完全唔夠!
中場線除o左卡卡, 施多夫, 派路, 加度素同岩布仙尼之外, 好似已經無乜可以擔得起大旗
o既中場球員! 而近季AC米蘭o既中場收購成效都係一般, 後生o既哥古夫o既表現未成氣候, 有經驗o既艾馬臣又已經踢唔返以前o係羅馬o既水準! 所以中場o既主力一旦受傷或者停賽, 球隊o既實力即刻打o左折扣! 而且AC米蘭呢條中場線都已經踢o左幾年, 對手都已經習慣哂, 好難會有新o既殺著!
有傳球會傾緊阿仙奴o既法明尼, 唔知大家又點睇?
如果有一個效率強o既中場後腰加盟, 會唔會釋放到派路打前o的參與進攻, 令進攻多o的變化? 雖然同加度素一樣係工兵型球員, 法明尼o既分波會比加度素好!

作者: 羅馬小子 時間: 2008-4-1 07:17 PM

仲有!!! 同一班球員夾得太耐好聽就叫有默契, 實際上就係冇火花!
呢個係除咗年齡問題外既另一個問題!

作者: johnlaisin 時間: 2008-4-1 07:30 PM

前面買阿馬利,賓斯馬或亨特拉爾
中場買波圖摩天奴,阿仙奴法明尼
後防買拉素後防DE SILVESTRI和比哈美......
門將買俄國新星AfXXXXXX.....

總之買一中鋒,一速度技術型中場,中堅和左右閘各一人,龍門.....

作者: Shaqleung 時間: 2008-4-1 07:42 PM

同意大家話一班人夾得太耐無火花.....老係一大問題,班底一樣,俾人睇穿戰術,太依賴卡卡,後備實力唔強........睇唻似係死症多d......

我覺得除非佢地肯俾番兩三年時間去換班,否則連而家當打呢班都過埋,真係唔知點死.用nesta同kaka pato做核心去重建係ok. bonera同埋gorchuff都係有潛質,係需要時間. 不過佢地真係要入番d新血落隊波到,再以老帶嫩既方法去融合lor......我諗呢幾年曼聯用呢個方法,係呢兩年已經入番收成期.....但係就需要高層可以接受到兩至三年既"無盃期" 啦...

作者: Shaqleung 時間: 2008-4-1 07:47 PM

Originally posted by johnlaisin at 2008-4-1 19:30:
前面買阿馬利,賓斯馬或亨特拉爾
中場...

佩服兄台對一眾後生仔既認識~

少少意見

阿馬利應該會係唔錯既選擇,適應上無問題,但係亨特拉爾係有潛質,唔知ac敢唔敢大膽d用佢lor.....如果唔係買番唻都係擺.....賓斯馬有d似後生既inzaghi~
後防我建議試下皇馬既marcelo~~

作者: Kian76 時間: 2008-4-1 08:15 PM

Originally posted by balachiDavis at 2008-4-1 05:26 PM:
前面可以買podosiki , 佢話要走wor.....
可能對ac 有用........

用普度斯基的話，倒不如用自家新秀柏路斯基，入球率奇高。

作者: 心火 時間: 2008-4-1 08:17 PM

買入有份量的中場(進,中,守)各1名射術好前風1名:例:韋拿:好洗好用
後衛:年齡(25-29)有經驗又耐用數名
幾個字:錢錢錢錢錢~

作者: michelle_tom 時間: 2008-4-1 10:36 PM

我覺得佢地要忍下心腸改組..., 大刀闊斧咁去除老將..
始終KAKA係孤掌難鳴...
就連Pirlo, Inzagi, 施多夫都有下滑跡象...

條豆腐老人防線就更不待言...

照現況, 起碼要買粒中場巨星返黎...
仲要再買多至少6個當打既球員...中後至少各2

依家真係唔係操新仔既時候...
買d即食既, 有料到架啦

Originally posted by johnlaisin at 2008-4-1 07:30 PM:
前面買阿馬利,賓斯馬或亨特拉爾
中場...

我覺得Favali, Dida, Bonera, Emerson, Cafu呢d真係唔走唔得..
反而Madilni就算留低都唔可以霸著正選...佢打後備都可以既

阿馬利, 亨特拉爾有意走, 夠$球會亦肯放人, 係FW最佳對象. (賓斯馬唔多黎到)
到時Kaka+ Pato+佢地其1都幾屈

而中場摩天奴真係唔錯, 有意識, 技術, 輸送一流

(如果引入法明尼就最好放棄晒加度素, 艾馬臣2個, 岩布係其中一個AC精神支柱, 亦係好有經驗, 壓場感同重要性)
另外, 哥古夫, 係有potential既...但係就...打後備啦....

邊線其實有好多選擇既...好似porto既哥利斯馬,
仲有唔少英超既邊線球員都係不錯既選擇, 如ashley young, faubert, james milner等等 =]]

左後可以買porto既bosingwa, 德國既pander等
右後可以留番Oddo

DE SILVESTRI好有potential Good

(但比哈美就太衝動...感覺有勇無謀....)
中堅Nesta鐵膽. 小弟冇咩好中堅推介到tim

Keeper大把Choice -
Russia既新秀, Espanyol既Kameni, 拉素既Loris
(個人認為史洛克04個紐亞唔夠穩陣...)

講到尾AC管理層就一定要開水喉!!!

要做到改組至少用7000-8000萬磅!
AC要打到好波, 有杯拎既要有至少2-3名老將既經驗, 2粒巨星, 3-4個當打有料既+ 足夠輪換(6-7個) +士氣+ 運氣!

如果真係可以去除老將呢舊瘀血, 吸納新血
Milan王朝可期

[ Last edited by michelle_tom on 2008-4-1 at 11:19 PM ]

作者: akakak777 時間: 2008-4-1 11:52 PM

方法真係好易~~ 就係球會放$$$~5好咁小家la~~

仲有係sell走基佬~~ 真係好窺條友~

[ Last edited by akakak777 on 2008-4-1 at 11:56 PM ]

作者: michelle_tom 時間: 2008-4-2 12:41 AM

其實直到依家我都唔明點解肥安唔買人...
如果真係管理層問題....
Milan咁有錢...冇理由咁都唔肯開水喉呀.....
唔通仲要靠3張幾老將同C7, Ibramovic踢/跑...
唔好玩啦 = =''

作者: steven1018 時間: 2008-4-2 01:20 AM 標題: AC ??

What' s this ?

作者: 打狗棒 時間: 2008-4-2 01:37 AM

拯救AC...........???
咁邊個拯救d場場畀佢累到輸錢嘅球迷?

作者: LIUSHEK 時間: 2008-4-2 03:22 AM

睇o黎各位都認為AC米蘭需要大換血!
但理想還理由, 現實歸現實, 下季A米會唔會大放水喉的確大有疑問!
如果今季攞唔到聯賽第四名, 下季無歐冠踢, 球會未必肯會o係轉會市場大灑金錢!
加上如果有留意球會買人既方針, 近年都集中o係巴西球會買一o的未成為世界焦點既年青球員好似當年既卡卡同今季既柏圖, 或者買一o的免費轉會既過氣球星好似朗拿度同艾馬臣, 反而以高價買入巨星就真係小之又小, 近季最大手筆都已經係基拿甸奴!
另外, 同一時間買入太多新球員又會產生另一個合作性既問題! 所以我估計新球季有3-4個新球員已經係極限!
法明尼係目標之一因為佢係免費轉會既!

作者: LIUSHEK 時間: 2008-4-2 04:04 AM

漢堡既雲特華治話下季一定走, 不如搵佢返黎接施多夫班啦!

作者: today2028 時間: 2008-4-2 09:48 AM

Originally posted by LIUSHEK at 2008-4-2 03:22 AM:
睇o黎各位都認為AC米蘭需要大換血!
...

其實點止ac, 意甲球隊一同英超球隊一拼, 就隊隊都腳軟
所以第一步係踢意甲班人唔該操起d體能先

作者: amigofans 時間: 2008-4-2 10:00 AM

一個英文字...

MONEY

當年鯨吞車路士3000萬, 放走至尊軍刀, D錢最後洗左去邊?
柏圖洗唔洗3000萬?

跟本係方針既問題, 球迷覺得要救亡, 老細們唔覺得!
佢地唔知後防要買人咩? 佢地唔知幾個都30幾咩?

係因為年年入歐聯, 又似乎梗入16強, 上年仲贏埋...
人家需要既係錢, 唔係霸氣...

AC個方針同里昂一樣, 即係o係度heir...
賣人d錢, 永遠有入無出....

佢地里得你皇馬, 巴塞, 曼聯, 車仔年年洗幾千萬...

作者: Kian76 時間: 2008-4-2 07:51 PM

Originally posted by filter-052fans at 2008-4-2 10:00 AM:
一個英文字...

[size=6...

柏圖冇記錯係二千一百萬歐元，奧利華拉一千七百萬歐元。

作者: zen1986 時間: 2008-4-2 07:52 PM

Originally posted by 打狗棒 at 2008-4-2 01:37 AM:
拯救AC...........???
咁邊個拯救d場場畀佢累到輸錢嘅球迷?

講得好

.......希望馬會可以拯救佢地啦!!!

Originally posted by filter-052fans at 2008-4-2 10:00 AM:
一個英文字...

[size=6...

講得好岩呀~~ac 吸水力都好驚人, 幾乎係有入冇出, 而且冇咩非常成功既收購
講真球會賺得多與少同成績都好有關係, 下下唔付出就想打得好比較難......
二黎佢用人保守得滯, 講真 ac 青訓都好有系統, 我相信佢肯比機會 d 後生仔, 唔難發掘好球員.........
要救 ac 真係要睇班主同領隊既做化啦!!!

[ Last edited by zen1986 on 2008-4-2 at 07:55 PM ]

作者: johnlaisin 時間: 2008-4-3 07:02 AM

不過講還講AC d叫做後生仔多數無料到
哥古夫傳球差勁,波里路&奧利華拉差到被借走(個去第二間球會又重生)
邦利拿成日走漏位和傳球差勁非常不穏
基拿甸奴,唉

個個去到AC好似著魔.......

作者: amigofans 時間: 2008-4-3 09:06 AM

Originally posted by Kian76 at 2008-4-2 07:51 PM:

柏圖冇記錯係二千一百萬歐元，奧利華拉一千七百萬歐元。

即係你認為咁樣叫"有誠意"? 已經"大灑金錢"?

即係車路士季初都洗左錢, 賣左洛賓千幾萬, 買番馬路達千幾萬...

里昂賣左迪亞拉, 都買番卡士唐, 仲有炒炒埋埋一碟人都夠迪亞拉個條數既...

作者: fabric 時間: 2008-4-3 04:56 PM

其實AC要改下佢地個陣和戰術了, 呢幾年都係用名一個陣, 同一個戰術, 其他隊一早就洞悉佢地的打法啦

作者: johnlaisin 時間: 2008-4-3 07:24 PM

Originally posted by filter-052fans at 2008-4-3 09:06 AM:

即係你認為咁樣叫"有誠意&qu...

完全無誠意,AC無考慮買中堅,自我放棄
不如學拉素用少少錢買一大堆人,成績反而重好過AC
打低羅馬,起碼有一段睇吓.......

作者: Kian76 時間: 2008-4-4 12:56 AM

Originally posted by filter-052fans at 2008-4-3 09:06 AM:

即係你認為咁樣叫"有誠意&qu...

唔瓜誠唔誠意事，係更正番你既有入冇出姐。

正確d黎講，近年米蘭係冇乜太大使過錢。

作者: johnlaisin 時間: 2008-4-4 10:35 AM

Originally posted by Kian76 at 2008-4-4 12:56 AM:

唔瓜誠唔誠意事，係更正番你既有入冇出姐。

正確d黎講，近年米蘭係冇乜太大使過錢。

當睇到國米買人而AC重用返班老將
心都寒埋,近幾屆歐聯冠亞d錢都唔知去咗邊........

重傳搵三十幾歲舒夫真高回巢(好似係事實),睇個樣下季又唔買前鋒
當睇到d好球買比AC主要對手買下又一個買下又一個(上季蘇亞素,來季可能阿馬利)
身為多年球迷睇到自己愛隊搞成咁

作者: chanzhesheng 時間: 2008-4-4 11:26 AM

Maybe after resign from government post, Berlusconi needs money to invest in his company. [just kidding.

] But whatever reasons, Milan must regroup the team. They win money from UCF, the boss Berlusconi doesn't face any financial crisis. They get about range from 30M until 50M from the sale of the Nuclear Warhead, they doesn't spend so much exception for the Duck and Oliveira .... From all signs Milan is wealthy. If they cannot enter UCF, hopefully those directors will awaken and spend some funds. Just like Bayern, after they regroup, they doesn't look like they can beat the likes of Real or Man Utd YET! Maybe next 2 seasons the Bavarians and Milanese will come back with more strengthen squads

作者: LIUSHEK 時間: 2008-4-7 01:53 PM

近排盛傳AC米蘭下季會簽朗拿甸奴!
暫時唔理真定假, 但係AC米蘭又好似繼續呢幾年簽人既方向: 簽一o的狀態低迷或者過氣既球星!!
之前已經有朗拿度同艾馬臣, 效果都唔係太好! 朗拿度成日傷, 艾馬臣踢唔返!
而且要簽朗拿甸奴一定唔會平, AC米蘭呢條數好似計唔過!

作者: 艾奧羅斯 時間: 2008-4-8 07:29 PM

又黎一個過氣球星..
不如要返自己D青訓產品好過啦!!
AC巴西老人院..鐘意左十幾年都係咁講
唔明做乜唔搵返個好龍門??留個發波瘟既迪達,卡歷好少少但係年紀重高!!
咁鐘意巴西佬..PSV果個都幾好,冇咩人爭,應該買佢唔難丫!!
朗拿甸奴黎既話真係有D多餘,
中場又夠人用,買都買個後生做接班啦
打前/中鋒收返波里路/買東尼重好啦
係後防難搞D..出色既真係唔多....

領隊都係一個好大既問題,冇新思維
打左咁多年都係4312/4321..
咁多年都應該用下D新陣變下先得架!
同一伙人同一個陣..比人睇死架喎~

作者: amigofans 時間: 2008-4-9 09:15 AM

Originally posted by 艾奧羅斯 at 2008-4-8 07:29 PM:
又黎一個過氣球星..
不如要返自己D青...

點解唔買d新星? 要買過氣球星?
如我係樓上咁講, 咪係無錢lor!!

而家去經營一個球會, 一年用2千幾3千歐羅買人係"基本盤"
拜仁洗左唔止呢個數, 但表現都仍然係未達標...

自從多左艾巴莫域治呢類痴線佬入主球壇之後, 球員身價人工早已炒貴晒...
仲用舊有果種方式只有自取滅亡....

睇番以前係球員買賣上出晒名既祖記, 淪為意甲二線會唔會比到大家d啟示?

作者: amigofans 時間: 2008-4-9 09:17 AM

Originally posted by LIUSHEK at 2008-4-7 01:53 PM:
近排盛傳AC米蘭下季會簽朗拿甸奴!
暫...

細哨而家應該1500萬英鎊樓下就有交易, 唔會再係以前既天價...

最近出既傳聞, tag price只係1200萬....

作者: LIUSHEK 時間: 2008-4-10 01:57 PM

有傳舒夫真高回歸AC米蘭!
貝盧斯科尼都出黎講話舒夫真高好大好大可能下季返黎踢!!
雖然可能以租用形式所使既錢唔太多, 但最大問題係舒夫真高既回歸將會佔用左AC米蘭唯一一個非歐盟球員既名額!!
點解咁珍貴既名額又係用o係一個老將身上!?
若果用舒夫真高, 不如收返波里路啦!! 至少都後生o的同埋當fit啦!!
貝盧斯科尼一方面話要年輕化球隊, 一方面又係咁搵o的老將返黎, 點攪?
季中盛傳新一季會加盟既阿馬利而家無哂聲氣, 聽講仲會加盟祖記, 而法明尼都盛傳會去祖記, 點解有用既人唔積極o的簽佢o地返黎, 反而成日去傾o的過氣球星?
講到最實牙實齒下季會加盟既森保達, 又係一個年過30既球員!!! 問你怕未?

作者: arthur8088 時間: 2008-4-10 03:12 PM

Originally posted by LIUSHEK at 2008-4-10 13:57:
有傳舒夫真高回歸AC米蘭!
貝盧斯科尼...

Like Flamini and Amarui, If Milan cannot secure a place to next year's Champions League, they will probably not joining them~~especially for Flamini~~

Borriello is not really Milan's style player, he may break the chemitry in Milan..
it's like Miccoli in Juventus previously, he's a great player but he doesnt really suits Juventus...that may be a win-win suitation if he is involved in exchange to some players that suits Milan..like a goalie or a defender~~or even Amarui~

[ Last edited by arthur8088 on 2008-4-10 at 03:22 PM ]

作者: saad 時間: 2008-4-11 09:37 AM

各位可能玩CM玩到出神入化，隨便每個位置都可以提供超新星以供參詳．
我覺得一方面AC要改變買人政策，唔好吓吓去買年青球員返黎，有時買一ｄ有實力既球員錢真係唔慳得．
另外後防老化真係幾嚴重，起碼要買個當打既中堅先．

作者: amigofans 時間: 2008-4-11 10:53 AM

Originally posted by saad at 2008-4-11 09:37 AM:
各位可能玩CM玩到出神入化，隨便每個...

係呀, 奉勸各位大佬咪當晒fm果d data係真野,

fm中既美國新星eddie johnson數值都好好, 但去到富咸尤如狗屎一篤...

因為fm既data係由世界各地既fans提供, 美國人自然覺得eddie johnson或者艾度果d係超級新星....

大家可以留意下真實既美職聯賽, 水準之低, 就會明白點解南華可以贏銀河....

作者: johnlaisin 時間: 2008-4-12 07:48 PM

如果我係AC老闆,我會買的兩位球員是阿馬利和卡坦尼亞左閘華加斯
這兩位球員是AC最須要的有技術,速度和身體質素球員....

作者: LIUSHEK 時間: 2008-4-14 06:07 PM

睇完A米對祖記場波, A米後防後備席深度之弱真係表露無遺, 新球季如果仲唔o係防線上作出大改革, 前線真係入幾多波都唔夠後防輸!!
單睇當日出場既陣容, 後防幾乎已經係無人可換, 結果費華利同馬甸尼兩位老將都要踢足全場!!
另外, 加度素o係A米既重要性好似越來越低!! 可能因為多左岩布仙尼上場, 佢既截擊已經少o左好多!! 加上佢既傳送真係麻麻, 失誤都幾多, o係進攻上幫唔到手!! 所以o係落後之下, 雖然踢少一個, 安察洛堤都將佢換落黎而保留岩布仙尼!! 睇黎A米既守將都應該進入改朝換代既時期啦!!

作者: LIUSHEK 時間: 2008-4-20 08:01 AM

(轉載星島日報報道)皇家馬德里射手雲尼斯達萊」最近盛傳被AC米蘭挖角，下季是否續留皇馬成一大疑問。

最近西班牙傳媒披露「雲佬」與皇馬合約中的秘密條款，報道指只要任何一間球會出價七百萬歐羅並提供三年合約而得到「雲佬」的同意的話，皇馬便須要將「雲佬」出售。而據稱，AC米蘭將成為「雲佬」的買家。

究竟係AC米蘭定係傳媒開緊玩笑? 每次傳出A米增兵既目標都係30+既球員?

作者: LIUSHEK 時間: 2008-4-22 12:01 AM

門將是AC米蘭最需要引進的位置。

　　原本AC米蘭準備花1000萬歐元引進波蘭國門博魯什，基爾特人也做好了波蘭人離隊的準備，買來了巴斯克魯塞羅的門將法比奧，但現在看來，AC米蘭有了更好的選擇：艾比亞迪。

　　艾比亞迪本賽季在西甲表現不俗，在絕大多數時間里，是馬德里體育會的主力門將，表現不俗，馬體會有意從AC米蘭買斷他。但兩周前情況發生了變化。

　　先是法蘭高復出後，艾比亞迪被從馬體會的主力名單中迅速拿下，接著《世界體育報》傳出了艾比亞迪決定賽季後回AC米蘭的消息，由于此前只是租借，而他和AC米蘭還有兩年的合同，因此AC米蘭無需花費1分錢。艾比亞迪本賽季的狀態通過在西甲的比賽得到了保証，同時他也在意甲証明過自己，甚至是在祖雲達斯這樣的豪門當中，比起來到意大利還要現學語言的洛里斯和博魯什，艾比亞迪顯然沒有適應的問題。

　　更為重要的是，如果能夠選擇收回艾比亞迪，那麼在球隊的重建資金上，又能多出近1000萬歐元，至少引進朗拿甸奴的談判將有更多的籌碼，而從水平來講，艾比亞迪與博魯什相差不大，他對意大利的適應又更勝一籌，毫無疑問，AC米蘭的最佳選擇出現了。
(轉載自新浪網)

都講得o岩, 艾比亞迪早幾季前打得唔好, 其實當時正值A米既低潮期, 果段時間球隊根本無邊幾個球員係打得好!! 其後佢借左去祖記, 表現的確唔差!! 如果佢願意返A米既話, 的確值得球會好好考慮。正如報導咁講, 與其用一大筆錢買一個有名氣既門將, 不如用返免費既艾比亞迪!! 反而A米既後防真係一定一定要買人, 如果有睇A米對里賈納場波, 雖然係大勝一場, 但係左後衛, 即係費華利個位, 真係同無人防守無乜分別, 每個里賈納球員去到果度都幾乎可以輕鬆出到波!! 若果對手係攻力較強既球隊, 後果真係不堪設想!! 請唔好再要o的老人家跑上跑落咁辛苦啦!!

歡迎光臨娛樂滿紛 26FUN (http://26fun.com/bbs7/)