娛樂滿紛 26FUN - Powered by Discuz! Board

標題: [愛情診療室] 個人白痴經驗分享~ [打印本頁]

作者: pkyon 時間: 2009-1-10 07:11 PM 標題: 個人白痴經驗分享~

覺得自己既經歷都幾白痴.........所以想同大家分享下~
1年前我就鍾意左個女仔..由於我係仲讀緊書既同埋係同一班...所以大家成日都見到面..同埋成日約埋出來玩....久而久之咁就日久生情啦........我記得佢知道我鍾意佢都係靠我d同學玩玩咁講左比佢知...話是話我都幾冇用...唔夠膽同佢講話我鍾意佢....我諗佢果陣對我都有好感既....但係佢又有鍾意既人wo....可是佢又唔知點解會同我一齊wo....話試下一齊wo....咁我咪約佢單獨出街囉.....唉真係慘...出到街我本身約佢食野....跟住佢話食左.....咁ok啦..我咪話咁陪我食囉~佢話好~跟住去左食野....我諗住佢食完都可以飲杯野呀~咪叫左杯奶茶比佢囉(p.s如果我問佢佢實話唔洗)跟住佢話佢唔飲奶茶嫁咁...跟住我就樣衰晒啦

之後就行街啦.佢之前送左隻介指比我咁我諗住自己冇乜送過野比佢就同佢去左買條鍊..一路行一路都想拖佢既手既...但係鼓唔起勇氣拖..買完之後..到走果陣時...終於鼓起勇氣拖落去啦....點知.........比佢飛開左.....跟住就超樣衰咁..陪埋佢搭車返屋企...........
之後返到學校都唔覺得我地似拍拖.........無幾耐佢就同我講話冇得免強..就咁就完左.....之後大家分開左唔同班....我都仲係鍾意佢既....咁到今年聽佢d fd話佢好似又鍾意返我(其實算唔算鍾意返呢=''=?)咁就懷著半信半疑心情咁親手整左聖誕同生日禮物比佢(p.s.佢鍾意既公仔擺設)
咁大家有一日約出來玩...我送左比佢佢又有份禮物(一樽都幾大樽既星星[佢自己揩既])比我..跟著大家就玩成實與大膽啦..(其實只係玩大膽)咁就係咁轉到我同佢..唔知點解....跟住d人要佢對我做d大膽野咁啦...e.g.kiss面...比我抱起佢果d野啦.......佢都肯做....
跟住就到依加啦.....
我想大家幫手諗下..到底佢係唔係鍾意我.....
同埋一個女仔有咩原因會送一樽星比男仔?

作者: ilovesai666 時間: 2009-1-10 08:55 PM

反正唔同班.....
有信心咪表白囉....= =
(就算同班....衰左無話唔得gar?)
小兄弟~人一世物一世...衰一兩次有咩所謂??

你唔好剩係"諗"佢鐘唔鐘意你啦...
你表白左~佢ok咪即係鐘意你~唔ok咪唔鐘意你囉

唔好想太多佢o既行為係對你有意思....想太多也無用

樽星....唉.....大佬呀....點知呀....
有d人唔知送咩又摺~
有d人又可能有意思先摺.....

我識對朋友....都係衰兩次先追到個女仔啦.....

加上你果d根本唔係白痴野....只是想太多了- -
膽大心細面皮厚~gogogo~!

作者: 〥～灝～〥 時間: 2009-1-10 09:09 PM

估估下做咩...想知咪問囉
又唔係無一齊過(雖然好似又唔算咁..)
問左唔怕無面既..再無面既你都做過啦
加油啦~~~

作者: pkyon 時間: 2009-1-10 10:21 PM

說的也是.......感謝大家.....希望今次失敗左2次自製禮物能令佢感動啦

作者: 自由神 時間: 2009-1-10 10:49 PM

原帖由 pkyon 於 2009-1-10 10:21 PM 發表
說的也是.......感謝大家.....希望今次失敗左2次自製禮物能令佢感動啦

小兄弟
我個人覺得你對個女仔其實...只係有好感，未到好中意

提一提你，想做人男朋友要細心d
仲話平時玩開，日久生情
連人地唔飲奶茶你都唔知....= =

個人認為呢個女仔送“星”俾你，你都唔好諗太多個背後意義
之前送戒指俾你，都原來唔係中意你...

所以...唔好因為聽人講佢中意番你所以你先去表白
你諗清楚自己係咪真係想追人中意人先
若果係既，自己確定既，咁你就加油努力啦

作者: ilovesai666 時間: 2009-1-10 11:02 PM

後生細仔.....
加油啦~~
不過唔理你點.....如果成功就一定要對對方好好....
不然便滅了你~hahaha

作者: hing8420 時間: 2009-1-10 11:28 PM

未問過人就送奶茶.....唔尊重+扮熟既表現...扣哂分

咁樣拖拖拉拉唔係好事
你都淡左佢回頭就太遲了

再者未拍拖就送N送M
呢d似物質誘惑多D喎
我有個FD就係咁樣
對女仔有好感就勁送野
D女仔有D收左佢之後當佢水魚咁
有D就好好人唔收又HURT親佢
而家我個FD好似唔敢同女人傾計咁.....

作者: pkyon 時間: 2009-1-10 11:40 PM

原帖由 hing8420 於 2009-1-10 11:28 PM 發表
未問過人就送奶茶.....唔尊重+扮熟既表現...扣哂分

咁樣拖拖拉拉唔係好事
你都淡左佢回頭就太遲了

再者未拍拖就送N送M
呢d似物質誘惑多D喎
我有個FD就係咁樣
對女仔有好感就勁送野
D女仔有D收左佢之後當佢水魚 ...

咁佢又唔係咁....我好清楚佢份人既...
其實我份禮物係人手整..所以冇乜物質誘惑=''=
所以我事後有問佢鍾意d咩嫁=''=

作者: pkyon 時間: 2009-1-10 11:43 PM

原帖由 自由神 於 2009-1-10 10:49 PM 發表
小兄弟
我個人覺得你對個女仔其實...只係有好感，未到好中意

提一提你，想做人男朋友要細心d
仲話平時玩開，日久生情
連人地唔飲奶茶你都唔知....= =

個人認為呢個女仔送“星”俾你，你都唔好諗太多個背後意義
之前送戒指 ...

同意同意...真係要細心~
但係佢係極少送野比人嫁wo=''=

作者: ilovesai666 時間: 2009-1-10 11:50 PM

原帖由 pkyon 於 2009-1-10 11:43 PM 發表

同意同意...真係要細心~
但係佢係極少送野比人嫁wo=''=

都叫你唔好諗佢送野係咩意思= =
細心...唔只而家...就算拍左拖都要....不然...嘿嘿嘿

想清楚自己....加油

作者: anakinchan 時間: 2009-1-11 12:20 AM

其實咁情況，最重要係你係咪鍾意佢，
我話你知，有d事情你唔去做，你大過會後悔
今次好好地計劃下點樣同佢表白，(唔好再求求其其，做定功課)
可能你約佢年30晚食完團年飯出黎行花市(不過要先攪清楚佢怕唔怕迫)
跟住唔好再拖佢手lar，可能行完花市之後正正經同佢講，
得咪拖住佢送佢返屋企，唔得起碼都嘗試過，好過第日怪自己

作者: hwkeung 時間: 2009-1-11 12:27 PM

你唔夠大膽開口表白, 不如試下寫情信表白,
溝女越老土越掂嫁, 咁你表白左再同約佢出街又肯出,
到時就做乜都得啦, 莫講話拖手仔啦......

作者: 自由神 時間: 2009-1-11 05:58 PM

原帖由 pkyon 於 2009-1-10 11:43 PM 發表

同意同意...真係要細心~
但係佢係極少送野比人嫁wo=''=

你仲未明
你覺得一個女仔送隻Ring俾個男仔代表咩意思呀？
但最後果一次結果話俾你知係咩意思呀？

好多野唔可以一廂情願嫁，要細心了解佢既諗法
若果唔係....就算一齊得到你都會好快braek down

作者: anakinchan 時間: 2009-1-11 11:22 PM

朋友，我諗你唔係要知自己有冇機會追到佢，
你要攪清楚你對佢有冇意思
佢送什麼給你也唔影響你喜唔喜歡她
我覺得你唔應該諗得唔得
唔通得你就喜歡佢，唔得你就唔喜歡佢

作者: lywv5 時間: 2009-4-24 10:41 PM

白痴

作者: 豬流感 時間: 2009-4-27 11:52 PM

原帖由 lywv5 於 2009-4-24 10:41 PM 發表
白痴

ADMIN< DO YEA TIME

作者: ThomasKoon 時間: 2009-4-30 07:05 PM

朋友﹐雖然我都自身難保﹐冇咩意見可以俾你﹐不過我覺得﹐女仔個心諗乜﹐外人真係估唔到架﹐所以估黎都冇用﹐點都好﹐如果你真係鍾意佢嘅﹐就同佢表白啦﹐祝你成功﹗得到之後對人好啲呀﹐唔係失去就後悔莫及架喇............

作者: 呀俊 時間: 2009-5-10 03:50 PM

唔知呢位兄弟成功未呢

作者: 艾官 時間: 2009-10-15 02:39 PM

畀多D信心自己~我相信好多女仔同你拍緊拖個陣都只係抱住觀望既態度~其實就連佢自己都唔知有無鍾意你~
但既然佢都肯畀個機會大家係一齊~咁你要做既就唔係成日諗住對方鍾唔鍾意你~而係去用實際行動令對方「更加」鍾意你～

歡迎光臨娛樂滿紛 26FUN (http://26fun.com/bbs7/)