娛樂滿紛 26FUN - Powered by Discuz! Board

標題: 人性本善還是人性本惡？ [打印本頁]

作者: funglau2007 時間: 2009-2-6 09:28 PM 標題: 人性本善還是人性本惡？

我覺得廣義的善和惡是 ~

善：人做善事多過做惡事
惡：人做惡事多過做善事

曾聽過一種學說，話人性本是惡；但是人類恐怕惡會破壞一切所有，所以便教人如何利用善來抑制惡，因此世上才會有『教養』既出現！

所以我不信有絕對的善，因為人有自私之心；也沒有絕對的惡，因為孟子曰：「無側忍之心，非人也！」

正如我們常常聽到的【善惡到頭終須報】！

標準是人定出來的，那麼天生是善定是惡就是由人的標準來評定！

其實人一出世應該沒有惡可言；但隨著年長及環境的改變，人既心一定有或多或少既改惡！

我們不一定係要用惡去對付別人，但一定要懂得用惡去保護自己。

作者: kaing 時間: 2009-2-6 09:51 PM

lee d 好難評邊個岩邊個錯...
在我個人睇...有本身有良心...所以我覺得人係性本善...

作者: solonely 時間: 2009-2-6 10:26 PM

呢個問題我都諗左好多年......
得出既結論係人性本善定惡唔係最重要
最重要都係出世之後既生活環境
如果出生響索馬里唔想做海盜都唔得啦
又或者出生響香港想做海盜都做唔到

作者: smallsnow 時間: 2009-2-6 10:28 PM

人性本善 la, newborn is like a white paper la, a common thought. If you defined good and bad this way, what if 人做善事 and 做惡事 = same, doh gum dor? So is this person bad or good? As u mentioned, 隨著年長及環境的改變. Thus, there is not a solid answer.

作者: jimjim12 時間: 2009-2-6 11:08 PM

人之初,性本惡!
人出生嘅時候對母親嘅傷害,是為惡
人一出生第一個反應係大喊,唔會對住你笑
(同唔同意隨你)

作者: easy_man 時間: 2009-2-7 02:21 AM

人性本善本惡, 我以前讀中化都有諗過,
個陣討論時自己死撐話人性本善.
到左宜家,
會覺得人性本善本惡,
根本無值得爭論ge 地方.
因為一個標準唔可以套落去所有人度.
有人出生本為善, 有人本為惡.
何必要話所有人出生即要統一分為善或惡?
舉例, 初生嬰孩呱呱落地之際,
各自ge 相貌體格已經有分別,
既然可以接受外在ge 分別, 又何必要統一內在ge 分別,
將人性統一劃歸為本善或本惡?

聽過一個故事,
從前有一個算命師, 有日佢經過見到蘇格拉底,
就話, 蘇格拉底係一個淫亂ge 人.
係四圍所有認識蘇格拉底ge 人都即刻反駁話, 佢地從來未見過有比蘇格拉底更正直ge 人,
繼而開始想要謾罵呢位算命先生.
呢個時候, 蘇格拉底舉手制止眾人,
然後話, 我本性確實係一個淫亂ge 人, 只不過我用意志克制住自己ge 行為.
聽到呢番話, 眾人就散去.

我只係將個故事ge 大意講出黎,
本質對一個人當然重要,
每個人都有不同ge 本質,
但係每個人都可以擁有對善ge 追求,
亦都可以擁有對惡ge 慾望.

唔駛諗太多, 做個自己鍾意ge 人咪得

當然啦, 我唔認同自己鍾意就可以剝奪他人

所以, 強姦殺人個d 全部拉晒去

作者: hwkeung 時間: 2009-2-7 04:45 PM

原帖由 easy_man 於 2009-2-7 02:21 AM 發表
舉例, 初生嬰孩呱呱落地之際,
各自ge 相貌體格已經有分別,
既然可以接受外在ge 分別, 又何必要統一內在ge 分別,
將人性統一劃歸為本善或本惡?

剩係你呢個point就贏晒, 勁同意

善定惡都只係一個定義, 咁個定義邊個定先呢?
究竟條粉皮未定之前個世界又係點運行呢?

其實可能又係上帝搞出來的規律控制人類,

有個傳說話人類本來就是一隻有八隻腳兩個頭o既怪物,
能力足以威脅上帝, 所以上帝就將人類劈開兩半,
從此人一生就要搵到自己o既另一半先能夠完美,

再推論落去, 既然人類能力咁勁, 照道理分開左兩半都唔會弱,
所謂團結就是力量, 所以上帝可能就用善惡來制衡人類o既潛意識,
令人類永遠存在分歧.

呢d都係我o既愚見, 唔鐘意可以當得啖笑.

作者: chong2002 時間: 2009-2-7 10:38 PM

哈哈
討論本來就應該係咁
無奈香港既教育就害左我地依一代
人性本善定惡
點解一定要有立場無立場就0分
搞到d 學生明明有發揮機會都要偏向一面去諗

sorry 離左題

作者: et7311tw 時間: 2009-2-8 11:19 AM

善：人做善事多過做惡事
惡：人做惡事多過做善事
這點我倒是同意!
沒有人是完美的,尤其當和自己本身的利益有關時!
但我還是相信,人性本善的!

作者: GENOCIDE 時間: 2009-9-25 11:45 PM

人性本善,只不过，善这个字的意义又非根据普通人们的铨释。

歡迎光臨娛樂滿紛 26FUN (http://26fun.com/bbs7/)