Board logo

標題: [愛情診療室] 想借個位呻下.....如有意見﹐不妨留言.... [打印本頁]
作者: ThomasKoon    時間: 2009-4-8 03:37 AM     標題: 想借個位呻下.....如有意見﹐不妨留言....

整件事太長篇﹐我長話短說啦.....

大約3年前﹐我俾一齊咗7年嘅女朋友飛咗﹐我當時真係好愛佢架﹐不過佢同我講分手嗰陣﹐我因為佢對我講咗2句﹐我覺得令我好心碎嘅說話﹐所以冇追返佢﹐第一句係"你放手啦"﹐第二句係"你唔好再搵我喇"﹐(當時佢同我係同一間公司工作﹐只係唔同分店)﹐事隔幾個月之後﹐我無意中得知﹐佢同另一男同事 ( 以下稱F君 ) 拍拖﹐咁我嗰一刻有個感覺﹐我係俾個F君撬牆腳﹐個女仔就話唔係....我當時都諗﹐如果F君對佢好﹐真係愛佢嘅﹐我痛苦都冇所謂......咁喺大約1年前﹐我仲收到風﹐佢哋已經註咗冊添...

咁之後其實都冇野架喇﹐我同佢之間﹐亦都已經完全冇晒聯絡(當然啦﹐佢仍然喺我腦海入面)﹐點知到咗今日﹐我竟然聽到一個消息﹐就係呢位F君﹐當日同佢一齊冇幾耐﹐就已經2個人去咗澳門玩(當然係有過夜啦﹐而佢哋去澳門玩呢件事我都有收到風)﹐去過夜都唔緊要﹐問題係竟然俾我知道﹐呢位F君喺澳門之旅返黎HK嘅第二日﹐就將嗰晚同佢喺房度做過嘅野(大家應該知我指邊方面嘅野)﹐都算幾仔細咁講晒俾班同事聽﹐我一聽到﹐真係火都黎X埋呀﹐大佬呀﹐你係咪男人黎架﹐咁賤格嘅野都做得出﹐o趙完鬆已經夠賤﹐o趙完唱呢下就更加係賤上加賤(呢位所謂嘅人﹐仲有做過好多衰野﹐只係個女仔俾佢呃咗﹐乜都唔知)﹐呢一刻令我更加對呢個F君恨之入骨﹐我突然間亦都好後悔當日肯忍痛放手﹐我仲更加有少少覺得自己對個女仔唔住添呀﹐如果當日我追返佢﹐或者佢就唔會跟咗呢個賤人.........

唉.....

[ 本帖最後由 ThomasKoon 於 2009-4-8 04:52 AM 編輯 ]
作者: slwong3    時間: 2009-4-8 04:01 AM

well....there is no point to feel regret right now because it has the past already....

The thing is you will probably need to ask yourself "do you still love this girl anymore"?

If you still love her, then it is still not too late to chase her back.
If you don't love her anymore, then this is probably not your business and just move on for your life.
作者: ThomasKoon    時間: 2009-4-8 04:15 AM

我都唔知.........喺呢2年黎﹐好多人都問過我﹐對佢仲有冇感覺﹐我每次都話冇﹐而且講真﹐我而家自己都有鍾意嘅人﹐不過聽到呢個"人"咁樣唱佢﹐我又真係嬲得好緊要﹐從未試過有人令到我咁嬲.....我真係唔知自己係咪其實仲鍾意緊佢.......

[ 本帖最後由 ThomasKoon 於 2009-4-8 04:50 AM 編輯 ]
作者: hwkeung    時間: 2009-4-8 05:02 AM

每個人做每個決定都係自己選擇的, 佢當日同你講果兩句說話都幾肯定,
證明左你就算"早知係咁"果時追佢都唔會影響到佢,
所以你唔駛睇得自己咁重要, 覺得咁自責, 佢選擇左呢個決定,
揀左個賤人失去左個有情有義的你, 就要佢自己承擔,
而且佢都唔值得你留戀啦, 你地段感情係無左feel先會同你分手姐,
你繼續諗都無補於事, 無得返轉頭, 能夠做o既就係勇敢繼續走下去,

而家你無左一棵樹, 擁有成個森林, 俾自己一個機會啦.
作者: vv1668vv    時間: 2009-4-8 07:21 AM

陳刀仔先生。唔駛自己吉大髀既（ 何必自尋煩惱 ）

既然大家一早無痛分手，有需要為她背負不必要的罪名嗎？

“快樂”是一種很過癮而又可以選擇的東西。當然不單指你。可能是對方。





“ 情深義重 ”   難得！..................................................　不過最重要的可能是“釋放得宜”。

　過去的過去，即使再費力氣撓“過去”翻泥。撓到既都系“過去”泥姐。 ......................又有乜野意思呢？
作者: cheery    時間: 2009-4-8 09:19 AM

版友...贈你一首歌抒發下




歌名： 於心有愧

如果我聽歌可眼紅 何以待你好偏不懂
自細做過多少美夢 慈悲的偉論
連乞丐喊窮心也痛
竟怕放懷擁抱你 讓你露歡容
追悔無用 轉眼發現 你失蹤

曾聽說過 你某夜結婚 未曾露笑容
實在不敢知道我是元兇

大概當初我未懂得顧忌
年少率性害慘你
令人受傷滋味 難保更可悲
這心地 再善良終生怎去 向你說對不起

良心有愧 原來隨便錯手
可毀了人一世
立志助世人脫貧以為
便偉大到像多麼有為
這種剌蝟 連誰曾待我好
都可帶來傷勢
被我害過來接受我跪
是我在製造眼淚居然想救世

就算積儲獻盡飢荒赤地
而太多債沒處理
累人累己滋味 餘生也記起
數一數 我實情不只得你要說句對不起

良心有愧 原來隨便錯手
可毀了人一世
立志助世人脫貧以為
便偉大到像多麼有為
這種剌蝟 連誰曾待我好
都可帶來傷勢
被我害過來接受我跪
是我在製造眼淚居然想救世

於心有愧 原來隨便錯手
可毀了人一世
立志助世人脫貧以為
便偉大到像多麼有為
這種剌蝟 連誰曾待我好
都可帶來傷勢
內疚內疚內疚沒作為
直到某年某日我能安息於葬禮

仍想你一家可到齊

[ 本帖最後由 cheery 於 2009-4-8 09:22 AM 編輯 ]
作者: admin    時間: 2009-4-8 09:31 AM

註咗冊應該冇乜好唸了 重有成個森林
作者: Azuma    時間: 2009-4-8 09:55 AM

我明白你的心情，但係請你理智一點。不要把所有的責任放到你自己身上，雖然你愛她，但係不要盲目的喜歡。你現在的情況就好似同人講尋日無買六合彩有買你就中o左一樣。佢要變心，你追佢係未必會同你係一齊，唔追係因為你覺得你自己已經比唔到更多的幸福佢。佢gei路係佢自己選擇，你唔可以一生一身係佢身邊提點佢。每個人都要做錯，才知道咩係好咩係唔好。
最後送你一句
唔好為過去的事情執著
因為你不能改變
要執著的是你未來的事
作者: adamboyhk    時間: 2009-4-8 11:06 AM

我明白你7年 經歷左好多 , 會好唔捨得 。其實衰d講句 差多幾年結埋婚都得囉 ,但係 係第七年佢既然選擇左F君 而放棄左你 姐係個F君有野比你好 ,或許你應該為佢開心 ,因為你同佢一齊都係想佢幸福快樂 ,佢依家只不過搵過第2個 比到佢 更幸福更快樂!!! 另外一面 ,你咪睇到 同左自己七年既 竟然會係咁 ,你真真正正睇穿左佢內心份人係點。 姑勿論 ,佢承認或否認 係F君 撬牆腳 ,佢係走左就走左!!!"
佢地兩年已經去左註冊 ,或許佢地真心相愛 兩年好比你既七年 ... 但係佢已經走左 唔屬於你 其實可以 唔理佢 ...
我明白你係好痛恨 F君所作所為。講真呀 作為男性的我 我都覺得 性依樣野 雙方知道已經夠啦 ,唱比朋友聽 依d人無品到嘔 ,番家食香蕉啦佢!!! 真係要咒到佢染性病!!"
其實你唔洗怪自己當年點解冇咁做, 因為 即使你做左 佢90%都唔會番黎 ,因為佢既然講到出口 咁白...佢當時額頭已經有3個字 "無彎轉" !!!"
我覺得樓主依家 唔好再去諗F君同你ex再係點 ,你依家 如果你想拍拖 既 慢慢再去搵過一個真心既 好過依個既女朋友 , 唔係既你咪專心係事業 睇下有冇職可以升到 ...
作者: 12d3    時間: 2009-4-8 11:28 AM

著人舊鞋都可以咁自豪?! 正豬兜
作者: easy_man    時間: 2009-4-8 05:26 PM

樓主, 你嬲好應該, 我聽到條 F君GE 行為我都嬲
作為一對曾經GE 戀人,
如果係我的話,
我一定會透露番呢件事畀個女仔GE 朋友知,
即使唔係戀人, 都唔需要互不理睬,
就算係普通朋友, 見佢踩落個陷阱都會提佢小心啦,
何況係舊日GE 戀人 ?

不過你亦唔駛自責, 當日你並唔知呢件事,
而且當日係佢放棄左你, 選擇左F,
即使個結果係點都係佢自己揀GE, 與人無尤.
至於樓主會保持沉默,
亦或直言直說,
都係由自己決定啦, 但求心安就係 .
作者: 自由神    時間: 2009-4-8 09:13 PM

大家繼續努力~
言之有物，實有分加
作者: ThomasKoon    時間: 2009-4-9 12:26 AM

原帖由 12d3 於 2009-4-8 11:28 AM 發表
著人舊鞋都可以咁自豪?! 正豬兜
呢位朋友﹐你錯喇﹐呢次係個女仔嘅第一次....
作者: ThomasKoon    時間: 2009-4-9 12:27 AM

好多謝大家嘅寶貴意見﹐我都明白﹐而家佢嘅一切都已經唔關我事﹐不過我知道呢件事嗰陣﹐真係忍唔到﹐嬲到爆炸呀....
作者: hwkeung    時間: 2009-4-9 03:38 AM

原帖由 ThomasKoon 於 2009-4-9 12:26 AM 發表



呢位朋友﹐你錯喇﹐呢次係個女仔嘅第一次....
你同佢拍左7年拖喎....我有無get錯, 第一次喎?
作者: ThomasKoon    時間: 2009-4-9 06:05 PM

原帖由 hwkeung 於 2009-4-9 03:38 AM 發表

你同佢拍左7年拖喎....我有無get錯, 第一次喎?
係呀﹐我冇打錯﹐你冇GET錯﹐佢真係第一次......
作者: ThomasKoon    時間: 2009-4-9 06:08 PM

其實我第一個POST﹐打漏咗少少野架.....我覺得後悔﹐係因為當日我同佢分手嘅一個月之後﹐佢曾經SEND過SMS問我﹐到底對佢仲有冇感覺﹐(呢一個月入面﹐我哋基本上一樣有傾電話﹐只不過視對方為朋友)﹐我當時其實好想答佢﹐我仲好鍾意佢﹐不過我喺嗰段時間入面﹐每日都會諗起嗰2句說話﹐而呢2句說話﹐真係直插入我個心﹐所以我嗰陣講咗大話﹐呃佢話我已經唔鍾意佢...之後佢就同咗呢個F君一齊....

[ 本帖最後由 ThomasKoon 於 2009-4-9 06:11 PM 編輯 ]
作者: hwkeung    時間: 2009-4-10 04:19 PM

原帖由 ThomasKoon 於 2009-4-9 06:08 PM 發表
其實我第一個POST﹐打漏咗少少野架.....我覺得後悔﹐係因為當日我同佢分手嘅一個月之後﹐佢曾經SEND過SMS問我﹐到底對佢仲有冇感覺﹐(呢一個月入面﹐我哋基本上一樣有傾電話﹐只不過視對方為朋友)﹐我當時其實好想答佢﹐我仲好鍾意佢﹐不 ...
響呢個年頭, 點解你同佢拍左七年拖都唔搞佢?
我認為呢個係一個好大問題, 係你有問題定係佢有問題?

曾經有一個女人告訴我一個秘密, 女人之所以會跟佬走,
唔好以為係錢咁膚淺, 只有兩個原因,
一係男人對佢差, 二係男人上床唔得,
(何謂差同埋何謂唔得就個個女人唔同, 自己去了解啦)
之後我觀察發現十居其九情侶們分開又真係咁,

唔好以為果個係淫婦先咁講,
只係多數女人心事男人又知幾多呢?
其實道理亦好簡單, 性愛本是一體不可分割,
有性無愛或者有愛無性的關係都是有缺陷,

女人口是心非, 女人矜持唔會開口,
男人唔搞佢, 女人會諗係咪自己唔夠吸引,
係咪男人唔再鐘意佢, 係咪點點點......胡思亂想,

雖然你們已分開已經無補於事,
但現在都好讓你明白咸濕唔等於衰人呢個真相.

[ 本帖最後由 hwkeung 於 2009-4-10 04:22 PM 編輯 ]
作者: ThomasKoon    時間: 2009-4-10 06:53 PM

樓上﹐好老實講﹐我同佢一齊咗大約2年幾嗰陣﹐我都有搞佢呢個衝動﹐當時我亦都向佢提出過﹐不過當時佢同我講"唔想咁快住"﹐咁我諗住咁算啦﹐我愛佢﹐所以唔想夾硬黎﹐最後拖下拖下﹐咪冇搞到佢囉....或者我咁諗真係錯啦......
作者: 自由神    時間: 2009-4-11 06:58 PM

原帖由 hwkeung 於 2009-4-10 04:19 PM 發表

響呢個年頭, 點解你同佢拍左七年拖都唔搞佢?
我認為呢個係一個好大問題, 係你有問題定係佢有問題?

曾經有一個女人告訴我一個秘密, 女人之所以會跟佬走,
唔好以為係錢咁膚淺, 只有兩個原因,
一係男人對佢差, 二係男 ...
唔可以用呢個原因既
咁女方都有責任既姐
作者: 自由神    時間: 2009-4-11 06:59 PM

原帖由 ThomasKoon 於 2009-4-10 06:53 PM 發表
樓上﹐好老實講﹐我同佢一齊咗大約2年幾嗰陣﹐我都有搞佢呢個衝動﹐當時我亦都向佢提出過﹐不過當時佢同我講"唔想咁快住"﹐咁我諗住咁算啦﹐我愛佢﹐所以唔想夾硬黎﹐最後拖下拖下﹐咪冇搞到佢囉....或者我咁諗真係錯啦...... ...
我個人就覺得呢樣一定唔會係個原因
我個人會覺得係佢其實可能係果陣太長時間，覺得悶左

人地註冊左就算嫁啦！唔好諗咁多
作者: zane88    時間: 2009-4-13 01:24 AM

................睇到第2頁 我就好暈 好頭痛.
唉......唔知講咩好~
作者: kakeidevil    時間: 2009-4-13 12:08 PM

而家2009年,仲掛住06年既野
3年入面你冇識到其他女仔咩?
舊時由佢沖走啦.......
呢個世界咁多女
作者: ThomasKoon    時間: 2009-4-17 10:05 AM

原帖由 kakeidevil 於 2009-4-13 12:08 PM 發表
而家2009年,仲掛住06年既野
3年入面你冇識到其他女仔咩?
舊時由佢沖走啦.......
呢個世界咁多女
老實講﹐其實喺呢3年入面﹐佢同我之間嘅野﹐一直都冇喺我腦海消失過﹐不過我對佢嘅感覺﹐已經慢慢、慢慢咁淡﹐只係我聽到呢個消息之後﹐我覺得好嬲﹐佢同咗第二個唔緊要﹐最弊係揀咗個賤種.....

其他女仔？有就有GEI﹐都係公司同事﹐不過呢個女仔﹐我同佢最多只係曖曖昧昧、唔清唔楚﹐都唔知算係咩關係嘅關係﹐真係做情人就冇可能........



歡迎光臨 娛樂滿紛 26FUN (http://26fun.com/bbs7/) Powered by Discuz! 7.0.0