娛樂滿紛 26FUN - Powered by Discuz! Board

標題: 巴塞勝之有理 [打印本頁]

作者: Shaqleung 時間: 2009-5-28 05:19 AM 標題: 巴塞勝之有理

一致被睇淡....後防兩閘無哂,再加一個客串中堅,一個新秀防中,都贏....問你服未!?

無論係戰略,臨場發揮,球員質素,球隊合作.....係呢場都係無懈可擊. 能夠將專心死守既車仔猜到頭都暈,何況要顧埋進攻既曼聯?

車仔迷同曼記迷,如果有睇呢場波...點都應該認同巴塞係值得贏呢屆冠軍~

作者: 樑少 時間: 2009-5-28 05:27 AM

伊度奧10分鐘就入左粒叻仔

作者: goodtime 時間: 2009-5-28 05:46 AM

曼聯敗北
1, 正選出安達臣
2. 傑斯, 史高斯老喇
3. C朗繼續不可一世
4. RIO冇態
5. 缺少一名防中 (如:車仔既essien)

曼聯下季應該無呢股氣勢啦~

作者: c.ronaldooo 時間: 2009-5-28 06:21 AM

"""如果"""C朗留隊, 下屆可能又再發癲,
曼聯輸左波之後既反彈力真係無容置疑.. 記得佢幾年前比AC技術性擊倒嗎? 之後個屆C朗就黎料. 就創出廿幾場不敗..
今晚如是被技術性擊倒, 睇下費SIR會做D咩

我係曼聯迷, 但巴塞真係值得拎呢隻杯(淨計呢場波表現)
但里奧真係打得差, 包位清波我真係冇乜見過,

同時希望下屆可以見到費查 + 夏格 + 卡域克去搶中場而不是傑斯......

作者: cfccfcc 時間: 2009-5-28 07:48 AM

原帖由 c.ronaldooo 於 2009-5-28 06:21 AM 發表
"""如果"""C朗留隊, 下屆可能又再發癲,
曼聯輸左波之後既反彈力真係無容置疑.. 記得佢幾年前比AC技術性擊倒嗎? 之後個屆C朗就黎料. 就創出廿幾場不敗..
今晚如是被技術性擊倒, 睇下費SIR會做D咩

我係曼聯迷, ...

This match
all Man Utd players should be ahsme of what they did on the pitch
They just stand there, wait for the ball, never go to fight for the ball
defenders never tightly mark messi
Players like Vidic and Scholes commit ugly and dirty fouls
What a shame

作者: Raul 時間: 2009-5-28 08:50 AM

Man Utd too action and not really play the ball but just waiting for the chances and their form are extremely bad as they are over confident

作者: tam040046890 時間: 2009-5-28 10:12 AM

曼聯成場都係下風

作者: saron714 時間: 2009-5-28 10:39 AM

just another game

作者: andyho 時間: 2009-5-28 11:37 AM

利益申報，我買左曼聯，輸左之後細心反省，覺得被假象呃左。
最初覺得曼聯班佔優，因為今年成為了英超冠軍，而且粒粒係星，
事實上英國波（指英式踢法）未如想像中高，同強隊一撞就現形。

正如香港人睇世界盃愛追英格蘭，因為粒粒皆星，
實際英格蘭班波是否咁高，睇左多屆世界盃的人心中有數。

撇開咩臨場發揮，曼聯早失球等不看，
假如在短期內擇日由曼聯再戰巴塞，我估仍是巴塞睇高一線，
我以後要逼自己放低呢D情意結。

作者: skbe 時間: 2009-5-28 11:51 AM

今場個中場踢得好差搵傑斯打中場中就係其中個輸波關鍵後防2個中堅又唔集中前面無得講喇根本唔多支援

作者: yutik 時間: 2009-5-28 12:27 PM

佩奧耳超勁.....防手...助攻....清波....頂波射波樣樣齊!!!!

作者: 自由神 時間: 2009-5-28 12:37 PM

原帖由 Shaqleung 於 2009-5-28 05:19 AM 發表
一致被睇淡....後防兩閘無哂,再加一個客串中堅,一個新秀防中,都贏....問你服未!?

無論係戰略,臨場發揮,球員質素,球隊合作.....係呢場都係無懈可擊. 能夠將專心死守既車仔猜到頭都暈,何況要顧埋進攻既曼聯?

車仔迷 ...

尋晚既表現絕對值得贏曼聯~
曼聯所謂“最強後防”
對住巴塞都變得豆腐一樣~
Rio同Vidic都同樣試過被Henry都Eto'o o係心臟地帶“級”過左
反而巴塞條後防唔齊腳但分工清同補位快，仲穩過曼聯
C7被狂人Puyol mark死左仲要後者助攻玩番C7轉頭果下嚇死人

從曼聯、C7既射門都係由禁區外/freekick多，可見一斑
而攻擊線上，曼聯既"無計可施"同巴塞既盡情享受都成好大對比

車仔果2場....
其實好明顯係戰術上車仔贏左....
唔係俾巴塞控球玩死.....
而係巴塞明顯俾車既死守同反擊玩死

作者: R-Star 時間: 2009-5-28 02:15 PM

[quote]原帖由 Shaqleung 於 2009-5-28 05:19 AM 發表

一致被睇淡....後防兩閘無哂,再加一個客串中堅,一個新秀防中,都贏....問你服未!?

無論係戰略,臨場發揮,球員質素,球隊合作.....係呢場都係無懈可擊. 能夠將專心死守既車仔猜到頭都暈,何況要顧埋進攻既曼聯?

車仔迷同曼記迷,如果有睇呢場波...點都應該認同巴塞係值得贏呢屆冠軍~[/quote]
巴塞值得嬴曼聯, 唔代表值得嬴呢屆冠軍

曼聯得10分鐘好波, 全場處於下風, 幫唔倒車仔報仇

作者: HansChan 時間: 2009-5-28 03:22 PM

曼聯實力一樓差唔多o架啦!
我唔覺佢沉晚特別差,只係對方部署,實力都比佢好!!
自從黑雙刹之後,到舒寧咸走埋.....我覺得曼聯就冇咗風格.....哩幾季踼法唔太入流!
雙防中加死扭既所謂球皇C朗拿度...同放棄中場冇乜分別,只側種所謂球皇串連前後......
沉晚對住三把尖刀加上中後場互相補位.....曼聯打法都仲一成不變!!
我記憶之中個所謂球皇真真正正過到對手一次,嗰嘢碧基食黃牌既.....
相反,巴塞沉晚基本上浪費咗好幾個入球機會....享利同佩魯爾嗰兩球,係絕對可以係入球黎...
响聯賽,曼聯俾人入一波,係會好快追返一球之後再入多一兩球甘......
沉晚輸完第一球,有五至十分鐘時間係癡咗線,禁唔返人轉頭....點解呢?!
四強時,巴塞出盡辦法都打唔贏車路士,其實已暴露咗佢哋弱點...就係最強既正選出晒都攻唔入,哥師係唔知點做好.....冇乜板斧去變....車路士成場打斷晒巴塞個節奏,令佢哋攻得唔得凌厲...唔係啲問題十二碼...巴塞都入唔到決賽....
曼聯沉晚基本上冇部署可言.....
其實已經輸得少!!!

[ 本帖最後由 HansChan 於 2009-5-28 03:23 PM 編輯 ]

作者: iris99 時間: 2009-5-28 05:07 PM

四強時,巴塞出盡辦法都打唔贏車路士,其實已暴露咗佢哋弱點...就係最強既正選出晒都攻唔入,哥師係唔知點做好.....冇乜板斧去變....車路士成場打斷晒巴塞個節奏,令佢哋攻得唔得凌厲...唔係啲問題十二碼...巴塞都入唔到決賽....

我係中立球迷.不過我唔認同車仔夠料食到barcelona.第一回合搵晒11個周薪5萬鎊以上既世界級球員喺禁區防守,連波歷克,安歷卡都返黎防,我相信無球隊喺正常情況下可以入到佢地波.第二回合車仔係靠艾辛個幸運球先開到紀錄,對住得10人應戰既殘陣barcelona都唔敢攻,杜奧卞既單刀又屢失良機.相反,barcelona喺絕境中都唔放棄我好欣賞,最後都比佢入到個令波.

車仔唔應該怪晒球証 , 雖然我認同球証因素係戰術係無法預計 , 但艾辛球世界波唔通又係預計得到?戰術成功都贏唔到, 車仔有一方面要為自己的不思進取負責

作者: kuru 時間: 2009-5-28 05:49 PM

後尾c朗輸波兼輸品, 成日借d意起爭打人

作者: HansChan 時間: 2009-5-28 06:39 PM

原帖由 iris99 於 2009-5-28 05:07 PM 發表
我係中立球迷.不過我唔認同車仔夠料食到barcelona.第一回合搵晒11個周薪5萬鎊以上既世界級球員喺禁區防守,連波歷克,安歷卡都返黎防,我相信無球隊喺正常情況下可以入到佢地波.第二回合車仔係靠艾辛個幸運球先開到紀錄,對住得10人應戰既殘陣barcelona都唔敢攻,杜奧卞既單刀又屢失良機.相反,barcelona喺絕境中都唔放棄我好欣賞,最後都比佢入到個令波.

車仔唔應該怪晒球証 , 雖然我認同球証因素係戰術係無法預計 , 但艾辛球世界波唔通又係預計得到?戰術成功都贏唔到, 車仔有一方面要為自己的不思進取負責

其實我覺得你都己經唔得中立!!!
球証有錯點解唔怪得球証??(甘講真你怪唔怪都改變唔到啲乜,只不過有啲嘢大家有眼睇!)
我認同咩嘢世界球係冇得預,單刀唔入係可以自己射得衰又可以係對方龍門勁!
多球十二碼既問題,冇謂多講喇!
起碼車路士對巴塞兩場波, 可以話冇乜壓倒性去贏,但!!亦冇乜一面倒要輸!因為人哋係打得出部署,實力,打法都有板有眼!
再講返車路士對巴塞第一round,巴塞精兵盡出,攻唔入....換hei比同保贊入黎...錯失起碼兩個入球機會.....依你既中立說法所講,佢哋都係自己攞黎,贏車路士,以睇晒兩round黎講,的確頭round係多機會過二round....但我又唔會話巴塞抵死囉....嗰兩個球員都有盡力去踼去射o架!!不過唔入之嘛!!!!!甘又有得抵死??比賽緊呀大佬!!!但我以佢哋頭round去睇,巴塞既弱點就係哥師攻唔入或落後時,佢係冇乜計既!!
所以,車路士二round時,我覺得冇話攞唔攞黎..球世界波有運,雖然佢哋出局,但佢哋既打法係高明既!巴塞打少一人車仔就去狂攻,甩咗巴塞嗰三巴刀其中一把都好大機會死得!!!
曼聯沉晚我覺得佢哋就冇打得特別差,因佢地打法同實力一樓都甘上下!而且,部署方面係一啲都比唔上車路士喇!起碼,沉晚曼聯唔係一面倒輸,巴塞都壓倒性贏!

我都唔中立o架!做人梗有啲偏咗去某一邊既!我就愛華頓球迷黎既!

[ 本帖最後由 HansChan 於 2009-5-28 06:52 PM 編輯 ]

作者: 打狗棒 時間: 2009-5-28 11:29 PM

原帖由 andyho 於 2009-5-28 11:37 AM 發表
利益申報，我買左曼聯，輸左之後細心反省，覺得被假象呃左。
最初覺得曼聯班佔優，因為今年成為了英超冠軍，而且粒粒係星，
事實上英國波（指英式踢法）未如想像中高，同強隊一撞就現形。

正如香港人睇世界盃愛追英格蘭，因為粒粒皆星，
...

有時格食格, 冇得好講, 之前曼聯對巴塞幾次都贏, 我就陰謀論多d, 一場咁重要嘅比賽涉及好多利益集團, 尤其博彩公司, 當大部份人睇好曼聯, 就死俾你睇;

你睇費蛇排陣就涼了半截, 傑斯、安達臣、朴志星打正選? 唔係想輸又想乜 ? 如果決賽係車路士對巴塞, 咁就有古講, 巴塞未必贏到......

作者: slwong3 時間: 2009-5-29 02:17 AM

原帖由 打狗棒 於 2009-5-28 11:29 PM 發表

有時格食格, 冇得好講, 之前曼聯對巴塞幾次都贏, 我就陰謀論多d, 一場咁重要嘅比賽涉及好多利益集團, 尤其博彩公司, 當大部份人睇好曼聯, 就死俾你睇;

你睇費蛇排陣就涼了半截, 傑斯、安達臣、朴志星打正選? 唔係 ...

If the Final is Chelsea vs Barcelona, I am thinking which side would have more people to bet on.

however, in any case, I don't think Chelsea could win over Man Utd or other English team to get into Final.

作者: c.ronaldooo 時間: 2009-5-29 03:41 AM

巴塞既核心係沙維同小白, 車仔仲話有鐵人艾辛同林柏特封殺佢兩個, 用既係體力, 身位,
加上車仔成條防線擺係禁區,

但曼聯呢? 用卡域克同傑斯去對付沙維同小白... 真係好天真.....高下立見
先失一球亦令佢地無可能死守禁區, 空位就越黎越多.. 谷上去又唔夠搶, 退落黎又等死
真係好希望曼聯買個世界級防中, 或者夏格唔好成日傷...下下rio vidic .. 對手打4-3-3 = 佢2個對人3個

作者: andyho 時間: 2009-5-29 12:12 PM

原帖由 打狗棒 於 2009-5-28 11:29 PM 發表

有時格食格, 冇得好講, 之前曼聯對巴塞幾次都贏, 我就陰謀論多d, 一場咁重要嘅比賽涉及好多利益集團, 尤其博彩公司, 當大部份人睇好曼聯, 就死俾你睇;

你睇費蛇排陣就涼了半截, 傑斯、安達臣、朴志星打正選? 唔係 ...

非常同意格食格，但你個陰謀論我就一半一半啦，因場波涉及太多獎金了，冠軍10億港元，輸左都6億，
相差4億，是否打贏佢好過呢？（雖然那10億不是費sir及球員落晒袋）

見到好多人去賽後分析，為何曼聯敗而巴塞勝，覺得有點嘥氣，根本係事後孔明。
等同你每期六合彩開左，就去分析為何開出那6個號碼，一定可以理論化的，
但問題是有意義嗎？根本無助預測下次賽果。
愛分析賽果的球迷麻煩幫我分析N年前點解巴西聖保羅會輸俾和仔有份踢的港聯隊吧。

要理論分析，我寧可buy狗哥你套陰謀論了，至少簡單好多，命中率又高好多。
下次我都蒙著眼買熱門的對家。

作者: 打狗棒 時間: 2009-5-29 10:15 PM

原帖由 andyho 於 2009-5-29 12:12 PM 發表

非常同意格食格，但你個陰謀論我就一半一半啦，因場波涉及太多獎金了，冠軍10億港元，輸左都6億，
相差4億，是否打贏佢好過呢？（雖然那10億不是費sir及球員落晒袋）

見到好多人去賽後分析，為何曼聯敗而巴塞勝，覺得有點嘥氣，根本係事後 ...

其實踢波場場都呃人, 睇吓假得嚟真唔真? 我又唔信d博彩公司咁叻識開盤, 如果唔係傾掂數, 點敢亂咁開? 事後孔明, 曼聯23場歐聯不敗, 初盤開平手高水, 有冇咁著數? 點解我有咁嘅理論, 係因為我當年在美國現場睇公牛對紐約人比賽, 盤係公牛讓7.5分, 比賽還餘大約10多秒, 公牛贏緊7分, MJ博到罰球, 竟然一球抄粉, 一球Air Ball........??? 最後贏7分收檔, 贏波輸盤, 從此我就明白賭波真諦: 「與眾為敵, 贏多輸少」。

作者: andyho 時間: 2009-5-30 10:38 AM

原帖由 打狗棒 於 2009-5-29 10:15 PM 發表

「與眾為敵, 贏多輸少」

呢句啱聽，我用呢個方法投注，過去幾屆世界盃都贏多輸少。
以前我曾懷疑：「球星年入數千萬，唔使打假野吧？」
後來聽到一個睇法：「就係因為在大賽中打假野，所以球星至值每年幾千萬，否則球會點出糧？」
都幾茅塞頓開。

作者: EdwardLee 時間: 2009-5-30 06:10 PM

好少事啫, 吾通全年吾停咁win mei,

作者: ThomasKoon 時間: 2009-6-3 10:35 AM

雖然小弟係死硬派曼聯FANS﹐不過都不得不承認﹐巴塞贏得十分合理﹐雖然兩隊人腳都唔齊﹐亦都唔計球員個人質素﹐因為落場最重要都係臨場發揮﹐呢場淨係計隊友之間猜波﹐巴塞已經發揮得曼聯好好多﹐曼聯喺10分鐘失波之後﹐自己已經踢得好急﹐前線冇落貝碧﹐根本冇人爭頂頭鎚﹐點可能仲下下都放長波﹐即係等同幫巴塞解圍﹐仲要俾巴塞猜到得個"追"字﹐有機會埋門自己又把握唔到﹐輸都無話可說﹐總括黎講﹐巴塞係值得贏波﹗

恭喜晒巴塞﹗

歡迎光臨娛樂滿紛 26FUN (http://26fun.com/bbs7/)