娛樂滿紛 26FUN - Powered by Discuz! Board

標題: 金牌獎金 [打印本頁]

作者: shamanking19 時間: 2009-8-18 11:26 PM 標題: 金牌獎金

香港政府宣佈，將在一啲國際賽，例如奧運會中奪得金牌既獎金加碼
咁樣做，係唔係真係可以推動香港運動呢？
又係唔係真係可以鼓勵香港運動員在比賽中更加努力去奪金呢？
我自己本身都好支持香港運動界的

作者: 打狗棒 時間: 2009-8-18 11:55 PM

如奧運奪金, 獎金由100萬增至300萬? 你估香港政府有咁好死? 用意其實用來吸引一些失意於國家隊的人加入香港隊, 就像當年來香港不到幾個月就代表香港出賽的「乒乓孖寶」般, 就算給他們贏了金牌, 請問這是香港的光榮嗎?

加到3億都冇用, 香港青少年除了打機, 上網, 睇漫畫, 捧0靚模......外, 就乜都唔鍾意, 我可以大胆咁講, 李麗珊已經是「前無古人, 後無來者」, 今後就算香港有人可以在奧運會奪金, 必定是那些前中國隊隊員或受訓於英美的西人, 土生土長的? No Way.........

作者: 打狗棒 時間: 2009-8-18 11:59 PM

補充一點, 點解冇提加殘奧會奪金的獎金? 香港政府正算死草, 明知你班正常友冇可能奪金, 就大吹特吹加獎金, 其實都係一個仙都唔使出......

不如咁啦, 明天再宣佈, 如果香港足球隊能夠贏出世界盃的話, 每名隊員會有一千萬獎金吧!!!

[ 本帖最後由打狗棒於 2009-8-19 12:02 AM 編輯 ]

作者: shamanking19 時間: 2009-8-19 12:06 AM

原帖由 打狗棒 於 2009-8-18 11:55 PM 發表
如奧運奪金, 獎金由100萬增至300萬? 你估香港政府有咁好死? 用意其實用來吸引一些失意於國家隊的人加入香港隊, 就像當年來香港不到幾個月就代表香港出賽的「乒乓孖寶」般, 就算給他們贏了金牌, 請問這是香港的光榮嗎 ...

咁係因為政府根本無意發展運動項目，好多運動設施、訓練場地，甚至乎教練都不足
基本設施、配套都不足，又點可以訓練到好運動員
人地中國、英美等國家，係由細細個幾歲就已經開始trainning
而且配套又十分足，咁又點會訓練唔到好運動員呢
宜家幫香港奪牌果啲，大部份都係「外援」來
好似羽毛球、乒乓球等等呢啲，都係中國訓練出來呢
但佢地好多都係俾國家隊放棄既運動員來

作者: 自由神 時間: 2009-8-19 12:29 AM

India、singapore同沙地次次奧運，其獎牌獎金都係排頭幾位
好多高過中國、俄國、美國、英國數以50-100倍

但最後，三國既金牌都係一個起兩個絕
咁....大家認為香港今次會有用嗎？

中國、俄國、美國、英國<---投資o係訓練同設施配套所使既錢，遠遠多過所謂既金牌獎金

作者: hwkeung 時間: 2009-8-19 01:40 AM

唯一可以幫到香港體育發展的方法, 就是全職運動員的薪金制度,
如果做運動員係足夠糊口, 我深信一定搞得起.

我眼見香港d較為出色(唔係出名)運動員都是死窮鬼.

作者: lalaso 時間: 2009-8-19 04:13 AM

竟然加獎金, 政府真係有米

作者: tokyo1234 時間: 2009-8-19 07:20 AM

某程度上可能會推動到既....

作者: toy3hk 時間: 2009-8-19 02:57 PM

有好多國家都係咁做~係有用

上次奧運都有講過

作者: toy3hk 時間: 2009-8-19 02:59 PM

原帖由 打狗棒 於 2009-8-18 11:55 PM 發表
如奧運奪金, 獎金由100萬增至300萬? 你估香港政府有咁好死? 用意其實用來吸引一些失意於國家隊的人加入香港隊, 就像當年來香港不到幾個月就代表香港出賽的「乒乓孖寶」般, 就算給他們贏了金牌, 請問這是香港的光榮嗎 ...

咁冇咩問題~真係嬴左都對HK有正面影響

何況唔好咁睇死HK人LA~你都可能有後代

[ 本帖最後由 toy3hk 於 2009-8-19 03:01 PM 編輯 ]

作者: tlkwan 時間: 2009-8-19 03:53 PM

事實上，金牌獎金加碼，對一眾本地運動員來說當然是好事。尤其是最有信心奪牌的動員，到時他們既可成為本地年輕人的英雄和偶像，同時亦能獲取一筆豐厚的獎金。事實上，無可否認，利用獎金來吸引運動員創造佳績是一項直接有效的手段。但在整個資源投放上仍應著眼在吸引和培養本地青少年成為世界級運動員所需要的長遠配套和系統。如果本身根本培養不出達到奧運奪金水平的運動員，那麼就算一面金牌值一千萬元，對運動員都只是一個不能得到的數字罷了。同時，奪得金牌既獎金加碼，咁銀牌同銅牌既選手點算呀...佢地好似比人忘記佐咁!!!!
最後，我想講無數商家都希望邀得金牌選手作其產品的代言人，只要一點頭，答應擔任商品代言人或拍廣告，便可收到一張可能比獎金更巨額的支票，稍後再簽多幾份廣告合約，收入將倍增。不過運動員經過多年艱苦訓練才贏得金牌，獲獎金鼓勵可謂無可厚非的。當金牌變成金錢(金牌獎金+其他廣告/代言人收入等)時，我們就當$$$$是選手們多年艱苦訓練的 bonus !!!!!!!

作者: kakeidevil 時間: 2009-8-19 03:55 PM

淨係金牌?
銀銅有冇

作者: tlkwan 時間: 2009-8-19 04:23 PM

原帖由 kakeidevil 於 2009-8-19 03:55 PM 發表
淨係金牌?
銀銅有冇

銀銅牌、前8名、打破世界或香港紀錄的運動員都有獎金。例如香港體院和恒生在「恒生優秀運動員獎勵計劃」下，香港運動員在第五屆東亞運動會中的個人金牌獎金有１０萬港元，而銀牌和銅牌的獎勵也會有４萬及２萬港元；隊際項目獲金牌的隊伍可獲１４萬港元獎勵，獲銀牌和銅牌的隊伍分別獲得６．４萬及４萬港元；全運會個人項目金牌得主可獲三十萬港元，而銀牌和銅牌的獎勵則分別是十五萬港元和六萬港元；在隊際項目獲得金牌可獲四十二萬港元現金獎勵，獲銀牌和銅牌的隊伍則分別獲得二十四萬港元及十二萬港元，款項將由香港體育學院與香港恒生銀行平均支付。(「恒生優秀運動員獎勵計劃」由香港體育學院於１９９４年主辦，自１９９６年起獲恒生銀行贊助，向在奧運會、殘奧會及全運會３項大型運動會中表現傑出的香港運動員頒發現金獎勵，２００５年獎勵計劃擴展至東亞運動會。)同時，香港政府也會向在大型運動會得前8名、打破世界或香港紀錄的運動員發獎金。不過對運動員而言獎金不單是一項獎賞，更是對他們努力的認同及鼓勵。

作者: willali 時間: 2009-8-19 04:29 PM

為何運動員的經費一加再加，政府不斷慷市民之慨，其實運動員作為注重的是運動精神而不是只向錢看，政府大大加所謂獎金，是在侮辱運動員，一個有良心的正直的人是不可接受的，而且政府官員經常用納稅人的錢來為自己加添名聲，是厚顏無恥的。我贊成運動員得獎有鼓勵的獎金，而不是濫用這個概念。政府是不可再在運動政策方面錯的，會害苦那班運動員的，不是嗎？

作者: 打狗棒 時間: 2009-8-19 11:09 PM

原帖由 toy3hk 於 2009-8-19 02:59 PM 發表

咁冇咩問題~真係嬴左都對HK有正面影響

何況唔好咁睇死HK人LA~你都可能有後代

對於阿Q精神的你當然冇問題, 咁不如叫香港政府出30萬英磅周薪請C朗、卡卡、列貝利......等球星加盟香港隊, 咁香港咪可以攞世界盃囉?

如果我有後代, 我會堅決反對他加入香港體育界, 因為在一個以炒股炒樓為正業的社會, 搞體育遲早乞食, 唔關睇唔睇死事;
做人最緊要有自知之明, 吹水喊口號係人都識, 吹得多唔代表會美夢成真!!!

歡迎光臨娛樂滿紛 26FUN (http://26fun.com/bbs7/)