娛樂滿紛 26FUN - Powered by Discuz! Board

標題: 車仔傳聞停不了!!今次玩到去曼聯. [打印本頁]

作者: billy123 時間: 2005-2-18 06:36 PM 標題: 車仔傳聞停不了!!今次玩到去曼聯.

(星島日報報道)艾殊利高爾過檔車路士的傳聞言猶在耳，英國傳媒又傳出藍戰士開始將魔爪伸向曼聯，招攬他們的年輕右翼C朗拿度。有報道指近期表現大勇的C朗拿度，有恃無恐地向曼聯要求續約及大幅加薪，更不惜以跳槽往車路士威脅球會。

英國《太陽報》爆料，指車路士領隊摩連奴極希望擁有C朗拿度，故向球會行政總裁簡朗以及班主阿伯拉莫域提出要求，不惜任何價錢亦要將C朗拿度收歸旗下，甚至傳出車路士將於今夏以破英格蘭轉會費紀錄，超過三千萬鎊的價錢向曼聯「擄劫」C朗拿度，後者為了更優厚的薪酬待遇，亦不排除會提出離隊要求。

如果C朗拿度真的過檔車路士, 我覺得費sir會幾失望,大佬費sir用足成年時間比機會你慢慢適應英超及球會的打法,現在才開始有d成績就話要走,覺得佢有d反骨!!

唔知各位覺得如何?

如果真的過檔車路士,覺得佢的表現會好過在曼聯的時候嗎?

作者: pyliu 時間: 2005-2-18 06:43 PM

Originally posted by billy123 at 2005-2-18 10:36 AM:
(星島日報報道)艾殊利高爾過檔車路士的傳聞言猶在耳，英國傳媒又傳出藍戰士開始將魔爪伸向曼聯，招攬他們的年輕右翼C朗拿度。有報道指近期表現大勇的C朗拿度，有恃無恐地向曼聯要求續約及大幅加薪，更不惜以跳槽 ...

Cristiano Ronaldo如果能聽從摩連奴的整體戰略，放棄個人主義，他必然是車路士欲得之人之一！果然是一個識時務者之年輕人！

圖片附件: 690240.jpg (2005-2-18 06:43 PM, 20.2 KB) / 下載次數 8
http://26fun.com/bbs7/attachment.php?aid=121951&k=3d1fa263421e8a9b4ec07f106b073eec&t=1731754993&sid=Z8BGW9

作者: shaqkobe 時間: 2005-2-18 06:57 PM

唔知佢會唔會過檔呢？我就唔希望啦，我覺得佢留係曼聯反而會有更好既前途，過到車仔有無得踢正選都未知，況且曼聯同車仔既距離又唔係大。

作者: timho 時間: 2005-2-19 12:34 PM

反骨???
反咩骨??????????
都係搵餐飯食o者!
冇理由有魚翅唔食只係滿足於食牛扒嘛

作者: gigg11 時間: 2005-2-19 12:40 PM

我覺得有排都咪到季尾
車仔就係咁傳呢d新聞

好明顯係專登有人做出黎ja~~
又阿祖安奴又 c朗拿度艾殊利高爾
我就唔信佢要咁急2月就要買定哂d人呀
有排轉會市場都咪開
佢呢家咁樣做
我覺得好大可能係目的搖亂人地軍心

作者: brightlee 時間: 2005-2-19 12:41 PM

Originally posted by gigg11 at 2005-2-19 14:40:
我覺得有排都咪到季尾
車仔就係咁傳呢d新聞

好明顯係專登有人做出黎ja~~
又阿祖安奴又 c朗拿度艾殊利高爾
我就唔信佢要咁急2月就要買定哂d人呀
有排轉會市場都咪開
佢呢家咁樣做
我覺得好大可能係目 ...

Good POINT!
Hey, Shaqkobe, I would suggest you should add some points in this post!

作者: pyliu 時間: 2005-2-22 06:01 PM

Originally posted by gigg11 at 2005-2-19 04:40 AM:
我覺得有排都咪到季尾
車仔就係咁傳呢d新聞

好明顯係專登有人做出黎ja~~
又阿祖安奴又 c朗拿度艾殊利高爾
我就唔信佢要咁急2月就要買定哂d人呀
有排轉會市場都咪開
佢呢家咁樣做
我覺得好大可能係目 ...

當然有可能是擾亂別人軍心，但按合理的收購程序，其實需時真的很長，於二月開始商討是合理的，當然不是二月便把球員買下，因為有轉會窗口時段！
但要收購一名球員不是雙方的事而已，首先現在因球會不可直接接觸球員，所以要涉及的利益和人士更多！
還有收購的方式亦要很長時間的協商，相信大家都知道收購條款中包括了轉會費、收購方式（現金或是外加球員，還有攤分擁有權之類）、付款的方式（有時會按球員轉會後的表現再可變動）、期限（很多時球員可能已經轉售，但球會仍未找清其母會的款項）、還有其他其他條款（如回購權或轉售時共享轉會費），當然還有一大堆法律條文和意見！
買賣一名球員，有時與買賣一所公司的複雜程度差不多，所以不要以為如你們玩遊戲機一般，有錢便可以說買便買！
所以二月便有轉會傳聞，也不無合理之處！

圖片附件: 2297555633.jpg (2005-2-22 06:01 PM, 22 KB) / 下載次數 2
http://26fun.com/bbs7/attachment.php?aid=126793&k=4025ab3108d13cc01232ae46fca4ad14&t=1731754993&sid=Z8BGW9

作者: srfqt1 時間: 2005-2-23 12:43 PM

根本車路士就想以本傷人
做法極為令人討厭
以前皇馬,巴塞,ac,國米,曼聯
都唔會去蓄意搞其他的大球會
但是車仔就歐洲各大球會都搞晒

歡迎光臨娛樂滿紛 26FUN (http://26fun.com/bbs7/)