標題: 人工低注定孤獨終老 [打印本頁]

---

作者: tlkwan    時間: 2011-4-11 07:35 PM     標題: 人工低注定孤獨終老

我今日真係好憤怒,真係唔明點解而家呢個社會會變成咁樣??係咪我地呢D窮等人家就註定一世要單身??
永遠唔能夠有愛情,有另一半,甚至唔能夠建立自己家庭呢??

   廢話少講,事緣尋晚我朋友Alex終於能夠同拍左拖3個月的女友雙親見面啦,事前梗係要做足準備啦.Alex已經在能力範圍之內細心挑選左一支認為最好紅酒同埋一合燕窩給女友父母,但點都估唔到,呢一切只係惡夢GE開始...........

   尋晚食飯時間,佢地2個滿心歡喜咁拎住見面禮去見他們,仲笑笑口咁同佢地打招呼,點知...............

女友阿媽一見到Alex手上的紅酒,Alex已經感覺到佢當堂面色一沉,跟住開始用很不友善GE眼光望住Alex...當時Alex都不以為意,仲笑騎騎咁同女友去廚房開飯,點知到開飯後,戲肉上演了...

   首先係佢母親開始發炮,不過Alex都仲未為意..因為最初只係問下佢地點樣識,Alex幾歲,住係邊度咁呢D好COMMON GE話題,咁Alex咪照常咁答話今年28歲,同父母和妹妹住公屋,同佢個女係幾個月前係KARAOKE一個共同朋友GE聚會邂逅啦...

係呢個過程裡面,Alex都覺得佢老母越聽就面色越沉架啦..果然之後就開始講D越來越侮辱,令人非常難堪GE說話....
   "你揾幾錢個月呀???"
   "8000左右啦.."
   "8000??咁你有冇諗過同我個女結婚呀??"
   "暫時未有計劃,因為我覺得我地拍左唔係好耐,仲未了解得夠.."
   "冇計劃???咁你同佢拍黎仲咩??"
   呢個時候Alex已經覺得好唔妥架啦....咪話: "咁我覺得我地情投意合..咁咪一齊囉,但至於結婚,我仲未想咁快,要好好考慮一下.."
   "OK,咁你話同父母住公屋,係咪??"
   "係呀."
   "係??仲話係..住公屋想同我個女一齊??咁你地第時想係邊度住呀??冇樓仲想同佢拍拖??你憑咩養佢呀???
    仲有呀,我地得佢一個女咋,第時旨意佢養我地架...你而家咁樣,又冇錢..你憑咩養佢呀???我地點指望第時我地老左可以養到我地呀???我唔該你,食完呢餐飯好走啦,唔好再揾我個女,知道未呀??"
   
嘩,果一刻Alex聽到,真係即時忍唔住發炮, "x@@臭x呀..你講乜x野呀???你地係d咩新鮮羅白皮呀???你個女好巴閉呀??? 塊野鑲金架???你地都痴膠花GE...你食x啦..仲有,呢 兩合野我當俾乞兒啦....x@@杏加橙.."
   
果一刻Alex真係頂唔順啦....就連女朋友叫我,都阻止唔到我奪門而去....我真係好心up..點解而家會變成咁......
   
尋晚Alex成晚就係咁自己一個係咁隊到啤啤夫..真係.........天啊..點解呀??????

就係咁,今朝瞓醒,Alex就忍唔住打比我同我控訴啦......

我真係想各位明白我此刻Alex的感受.......同呢個世界係咪已經變得咁樣..個個都狗眼看人低呢??

---

作者: tlkwan    時間: 2011-4-11 07:39 PM

我建議Alex加油﹗努力賺錢，然後娶左佢個女，之後一個仙都咪鬼益佢老母，叫佢食屎﹗再唔係，搞大佢個女個肚，等佢掉轉頭求你要佢個女﹗

寧歉白鬚公,
莫歉少年窮,
今日褲穿窿,
他朝龍穿鳳 !
  
將壓力化作動力吧 ! 兄弟 !  可能Alex你是下一個誠哥 !

---

歡迎光臨 娛樂滿紛 26FUN (http://26fun.com/bbs7/)

Powered by Discuz! 7.0.0