【now.com體育】12月12日，唔單止係佳偶天成好日子，身為本地波忠實擁躉嘅你，相信亦會記住3年前嘅今日——香港足球隊歷史首奪東亞運金牌。呢個傳奇一刻，可以話係有今生冇來世。只可惜大多數香港人都係善忘嘅，掌聲過後，香港足球呢3年又試從高峰回落，縱有一班死忠球迷風雨不改高呼We are Hong Kong，仍難改大部分香港人輸打贏要嘅勝利球迷心態。就好似剛結束嘅東亞盃外圍賽，香港隊技不如人，係不爭事實，之但係球員盡咗力去比賽，仍換來部分「球迷」狂嘘同粗口問候，搞到吾港波真係無名火起......
