| Source:http://m.eprice.com.hk/mobile/talk/4551/176839/ 最近大家都搶性價比手機，仲要千幾蚊個隻喎。當然，千幾蚊貨仔，你好難要求它是 4G LTE 手機。版主今日行場，發現了一部 Sony 手機，雖然推出時間耐少少，但行貨已減到 $1398，還不是陳列品，大電器店新貨兼有原裝保養！呢部就係。。。。Sony Xperia SP 啦！版主順手 update 一下 ZenFone 5 與華為耀榮 Honor 3C 的賣況，大家要留意了。 Sony Xperia SP 雖然是上年的手機，但比起今年的「性價比」入門機，規格都唔差架。 規格與紅米、ZenFone 5、榮耀 3C 有得 Fight 今日版主講過，Sony 好快會發表一部入部級 Xperia 4G LTE 手機：Xperia M2。它採用 Qualcomm S400 四核心處理器 1GHz RAM，八百萬像素相機再加 30 萬像素相機，跟據台灣售價，相約都要二千頭港紙，不過呢，一年前的 Xperia SP 狂減價，行貨價 $2398，但百老匯清緊貨，$1398 就買到。版主走訪幾間旺角百老匯，在 Display 櫃裡都有貨，問了店員 $1398 的 Xperia SP 不是陳列品，亦不是信用卡推廣。因為是大店，官方保養沒問題呢！規格呢? 跟 ZenFone 5、紅米、與榮耀 3C 都一樣採用 HD 1280 x 720 解像度屏幕，Xperia SP 尺吋為 4.6 吋。8GB ROM，1GB RAM，跟紅米與 ZenFone 5 一致。至於相機，是 800 萬素像素，仲係 Exmor R 鏡頭。Android 版本最近都升至 4.3，唔會差過其他手機。Xperia SP CPU 用比較舊的 Qualcomm MSM8960 Pro 1.7GHz 雙核心，根據紀錄 AnTuTu 跑分都有萬六分，比起紅米還要好，跟 ZenFone 5 及 Honor 3C 不會差太多。最後，當然就是 Xperia SP 支援 4G LTE 啦! 不過，Xperia SP 不支援防水的。 百老匯標價 $1398，不是減價。 ZenFone 5 無貨、榮耀 3C 想得過 剛才介紹的 Sony Xperia SP，支援 4G LTE，但沒有雙卡支援。若果你要買性價比高雙卡雙待手機，又唔等得，似乎榮耀 3C 最易入手。版主知道，早前抽起唔賣的衛訊電訊，已跟華碩香港傾掂數，ZenFone 5 的官方賣價是 $1999，但衛訊電訊繼續獨家銷售，真正賣 $1099，唔駛信用卡，亦沒有 $1299 送Coupon 這回事。不過，版主今日行過幾間旺角區的衛訊，仍然沒有把 ZenFone 5 放在廚窗，當然都沒有貨。店員說最快月中才有貨。網友只有繼續等。 |
| 歡迎光臨 娛樂滿紛 26FUN (http://26fun.com/bbs7/) | Powered by Discuz! 7.0.0 |