娛樂滿紛 26FUN - Powered by Discuz! Board

標題: 矛盾旅行無矛盾何韻詩高晧正相處融洽 [打印本頁]

作者: tonychow00 時間: 2016-5-10 03:53 PM 標題: 矛盾旅行無矛盾何韻詩高晧正相處融洽

ViuTV嘅《‪跟著矛盾去旅行》創造出唔少熱話，今個星期就有何韻詩同高晧正呢一pair去愛爾蘭。一個係同志，一個係基督教徒，兩個人喺性取向、宗教觀上都有好大分別，不過相處就無咩矛盾喇。節目播出第一集，兩個人都相處融洽，就算講到宗教同性取向嘅話題，大家都好開放自己去聆聽對方，高晧正時不時都叫何韻詩同佢一齊祈禱，何韻詩又唔抗拒。何韻詩為高晧正安排行程，叫佢去一間同志酒吧到做侍應，高晧正又做得幾開心喎，因為兩個人無咩矛盾，今集都可以話係有啲悶。
最離奇就係下半集，何韻詩唔見咗銀包，高晧正叫佢唔好報警，仲話祈禱就可以搵得返……到底今集又好似之前連詩雅咁係收埋咗呀，定真係唔見咗呢？真係要睇下集先知喇。如果真係唔見咗，高晧正叫人唔好報警去祈禱，又真係幾膠下。不過，係咪度出嚟嘅先？
呢集嘅亮點應該係搵咗上集嘉賓林日曦做旁白，佢講旁白又加入自己嘅用語同語氣，好似講到公投咁。林日曦就用「好激進」嘅公投，都幾搞笑。

歡迎光臨娛樂滿紛 26FUN (http://26fun.com/bbs7/)