娛樂滿紛 26FUN - Powered by Discuz! Board

標題: [轉貼] 死人唱片舖[+左] [打印本頁]

作者: milo 時間: 2005-5-18 10:28 AM 標題: [轉貼] 死人唱片舖[+左]

死人唱片舖日期：91年3月14日（星期四）‧地點：上水某屋‧人物：某人香港唱片舖多到數唔晒，只要有錢，唔理係當紅偶像，抑或係冷門歌手o既唱片，都唔難買到。而且依家咁多翻版，唱片商都會出盡法寶搵錢，唱片越o黎越抵買抵聽。但點都諗唔到會有一間專賣死人唱片o既舖頭。有一晚我唔著，覺得有肚餓，咁o岩屋企又冇o野食，於是落街買o野食囉。o係樓下便利店買完o野之後，經過一條走廊，突然見到一個丟空o左好耐o既舖頭有燈著o左，我覺得好奇怪，就行近睇睇。原來係一間唱片舖，而且播緊鄧麗君o既歌。 度好似有一種力量吸引我入去，入o左間舖頭之後，發覺除o左裡面好光猛之外，間舖頭更加係大得出奇，一欄一欄o既唱片分門別類咁擺，好似o岩o岩開張冇幾耐，直情好似唱片連鎖店咁。既然都入到去，咪順便睇囉。我一邊行一邊睇，發覺裡面全部都係賣鄧麗君、鄭君綿、新馬師曾……仲有一不知名o既唱碟，全部歌星都已經死o左好耐。我拎o左一隻鄭君綿o既唱片，問櫃男人：「點解呢度淨係賣死人唱片o既？」個男人好詭異咁笑住答我：「死人當然賣死人o既唱片啦！」雖然我覺得佢古古怪怪咁，但係又驚佢見到我唔買o野會發難渣，咁o岩我個銀包有一百蚊，咪索性買隻唱片，點知個男人見到我錢之後，當堂變晒面色同我講：「我淨係收『冥通銀行』o既錢！」冥通銀行？咁咪即係陰司紙？嚇到我聲丟低張唱片就搏命咁走，但係間舖好似走極都走唔出去咁，到我走到冇晒力，諗住呢次實死冇生o既時候，我個銀包突然金光一閃，個男人o既鬼手好似畀o野嚇親彈開幾十尺。跟住我隱隱約約咁聽到一句「你夠運」之後，我周圍o既環境變返原本空置o既舖位。後來我聽朋友講，原來係我收o係銀包裡面張開o左光o既四面佛相片救o左我一命。事後我將件事話畀阿媽知，聽佢講話間空舖o係三年前，前身係一間唱片舖，後來發生一場大火，店主當場被燒死，買家都驚間舖有污糟o野，所以冇人敢租間鋪位。自此以後，我間中仍聽到個舖位有歌聲傳出o黎，但係我唔敢再行去度。

[ Last edited by 左輪仔 on 2005-5-18 at 02:03 PM ]

作者: waikit1003 時間: 2005-5-18 12:17 PM

咁邪門...

作者: Wallacehk 時間: 2005-5-19 10:50 PM

咁恐怖?

歡迎光臨娛樂滿紛 26FUN (http://26fun.com/bbs7/)