娛樂滿紛 26FUN - Powered by Discuz! Board

標題: 另一半移情別戀值得原諒嗎? [打印本頁]

作者: Rika 時間: 2005-6-8 12:56 AM 標題: 另一半移情別戀值得原諒嗎?

如果你既另一半鐘意左第個或者某D原因, 直接或間接要求分手
一個咁既人仲值唔值得繼續一齊?
就算放得低, 分手後值得做朋友嗎?
放得低愛都放唔低憎厭, 同唔同意?
放得低憎厭, 可能因為已經變成陌路人
大家有無類似經歷分享下?

[ Last edited by Rika on 2005-6-8 at 12:58 AM ]

作者: gundamman678 時間: 2005-6-8 01:57 AM

又是我的經歷......

我的前女友就是有第三者而和我分手的。之前說過，原本我同佢好好的，一早己視她為終身伴侶，但可惜在我忙於工作和讀書的時候，她就和她的同事搭上了，然後......

後來分手後不久，她想復合，不過反而是我不想一起了......

不想再一起的原因，是因為我在分手後的生活有新境象，令我覺得很自然自在，可能是分手後有新體會，所以心意一瞬間變了，真的很快......

此外分手後我想嘗試和其他女仔交往，這是出於我心中很渴望找到一個最合自己心意的另一半。說實在，前女友雖然和我很夾得來，我們一起時亦很開心，但她始終不算是我心中最理想的一個，再加上經歷過分手的一役，我更感覺到她的善變和多心實在讓我再放不下信心了。

雖然我唔選擇同佢再一起，我卻沒有憎恨她。其實是我完全放低了，放低了我對她的愛，也放低了我可以恨她的權利。可能因為我在分手後仍然過著開心的生活，我仍是自信的我，所以實在沒有需要恨她。是的，我說是需要，因為恨自己愛過的人根本就是對自己的心理治療，讓自己的心好過一點。

亦因為完全放低了的關係，我仍然能以朋友的心去和她聯絡，可是她放不低，所以她不能以朋友的心去對我。不過甚樣也好，我仍然希望她能很幸福的生活，因為我沒有恨她，在我眼中她仍然是個好女子，所以我很希望她也可以開心的生活，快點找到一個好的對象。

如果有一天她也放得低的話，我和她是可以做好朋友的。

作者: Rika 時間: 2005-6-8 03:14 AM

我前女友係耿耿於懷我既過去，一D發生o係我同佢一齊之前既事，佢揮之不去之餘仲加上鐘意左第個，鐘意返一個青梅竹馬既架仔，我不停讓步，我不停說報自己，只要唔一日唔分手一日都仲有轉彎既餘地，幾個月喇，我無得再退喇，我直頭到左崖邊，我都估唔到自己可以對感情可以作出咁大既讓步，我從未試過要就一個人就到咁辛苦，辛苦無所謂，佢唔愛我都無所為，佢鐘意第個都無所謂，乜都無所謂，我唯一既要求就係唔好同第個發生關係，咁都太過份？當佢移左情別左戀，呢個要求對佢黎講真好過份，我真係講唔出口話無所謂，真係無得再讓步，我突然覺得自己好傻，傻仔，笑死，其實我估到會散，一路都唔肯放手，一路都諗住會有轉機，希望左幾個月，最終搶救無效，我諗緊我係咪真係愛佢定係只係好勝，我未比人飛過架，唉！報應？考試前幾日先搞D咁既野，人都顛，我不自覺從心底憎佢憎得好誇，未試過咁憎一個人，我唔想會見到任何關於佢既野，我delete晒三千幾個佢既email，我delete晒佢D相，好興，我唔想再見到佢，我驚我見到佢我會發顛，我完全體會到咩叫因愛成恨，我好似又返返去玩玩下既拍拖心態，我諗我好難再認真，跌左獲咁甘，灰晒，飲D酒早D訓，我相信聽朝訓醒我會無事，我太善忘喇，不過我堅信我同佢無朋友做，我唔係要報服，但係我會盡早畢業，全力搵一個比佢更靚既更好既女仔，我要用時間證明佢睇佢今日既決定係錯晒，好錯，大錯特錯。

作者: kawing01 時間: 2005-6-8 08:47 AM

請問你既前女友耿耿於懷既係咩事?

作者: Rika 時間: 2005-6-8 04:37 PM

Originally posted by kawing01 at 2005-6-8 08:47 AM:
請問你既前女友耿耿於懷既係咩事?

我同我女友一齊前兩個月，我同第個發生左關係，我忍瞞但係佢最後知道左，根本我覺得佢同我一齊係因為要贏，唔係因為鐘意我，佢成日講，我地分手都無所謂啦，你可以搵過第個，我而家明白喇，一路佢都唔係認真，分手對佢黎講當然無所謂啦，同我女友拍既兩年拖其實無愛，可笑，我覺得我只係自欺欺人，可悲，我以為佢係鐘意我，我唔知道佢唔愛我都可以同我一齊，我真係覺得自己好傻仔，可能佢演得太好，我要醒，我唔想自己不停諗同一樣野諗多過兩晚，一個善忘既人能夠完全記得尋日既感覺係一個奇蹟，無論如何過埋今晚我一定要醒，聽日會唔記得架喇。

作者: pkpkpkpkp 時間: 2005-6-8 08:13 PM

我十分之同情你~~
不過你有冇D好朋友??
搵佢地傾下!!等自己心情放鬆D~~
我以前都試過呢D野,
不過好彩係網戀~~
仲有佢唔算好令!!! 我好快就忘記左LU~
不過我覺得自己最好係被動~~
咁先會將傷害降到最低!!!!!

作者: 絕風 時間: 2005-6-8 08:50 PM

其實,我現在跟一個有男朋友的女仔一起,這是因為她男友很忙沒時間陪她,我就做了她空閒聊的陪伴,雖現時沒有發生關係,但我內心有一種罪惡感.你地又會不會做人地的第三者呢?

作者: Rika 時間: 2005-6-8 09:54 PM

Originally posted by pkpkpkpkp at 2005-6-8 08:13 PM:
我十分之同情你~~
不過你有冇D好朋友??
搵佢地傾下!!等自己心情放鬆D~~
我以前都試過呢D野,
不過好彩係網戀~~
仲有佢唔算好令!!! 我好快就忘記左LU~
不過我覺得自己最好係被動~~
咁先會將傷害降到最低!!!!!

我係唔值得人同情，我自己犯賤，無計，個個身邊既朋友加埋我自己都一早知道我只係單方面搶救，當有人問我你有無女朋友呀，我都唔敢一口話我有，呢種遲疑我都知係反影我心入面既諗法，不過一路唔肯面對，分手可能會係將傷害降到最低既做法

作者: Rika 時間: 2005-6-8 09:58 PM

Originally posted by 絕風 at 2005-6-8 08:50 PM:
其實,我現在跟一個有男朋友的女仔一起,這是因為她男友很忙沒時間陪她,我就做了她空閒聊的陪伴,雖現時沒有發生關係,但我內心有一種罪惡感.你地又會不會做人地的第三者呢?

你係咪玩我呀，我唔鐘意第三者，不過都唔怪得晒你，要個女仔肯，第三者先會有機可乘

作者: Rika 時間: 2005-6-8 11:15 PM

分手仲可以做朋友？佢今日問左我一個咁既問題，我真係唔識答，但係如果我唔同佢做朋友，我第時點令佢知錯呢，我都唔知自己諗緊乜，好憎佢之餘又唔想唔搵佢，好矛盾，我亦都唔知佢諗乜，就連一句咁簡單既說話我都要諗咁耐，你話我仲點可以同呢個人傾計，一諗到我之前無論我點樣加倍對佢好，都改變唔到佢分手既諗法，我就好憎佢，就連佢身邊唔識我既朋友都覺得我係一個好男朋友，點解佢會睇唔到架，我好想知道佢新男友係個咩人，我只知道佢係東京人，我唔應該多事，但係如果佢只係普普通通，我會更灰

作者: kawing01 時間: 2005-6-8 11:39 PM

你咁樣講者係話你自己仲放唔低佢,希望佢回心轉意咋啵 .........

作者: Rika 時間: 2005-6-8 11:58 PM

Originally posted by kawing01 at 2005-6-8 11:39 PM:
你咁樣講者係話你自己仲放唔低佢,希望佢回心轉意咋啵 .........

我要佢知錯，然後後悔，我唔會比機會佢就算佢回心轉意，我要佢體會無能為力，無助既心情

作者: sas 時間: 2005-6-9 12:35 AM

唉
我都有咁的經驗
當其時我好嬲，
對住呢d人有乜可能同佢做返朋友
點解你可以咁樣對我？
一段感情未終結就開始另一段？
痴線的，到現家提返我都好興，人渣，垃圾，食屎啦

作者: Rika 時間: 2005-6-9 01:04 AM

Originally posted by sas at 2005-6-9 12:35 AM:
唉
我都有咁的經驗
當其時我好嬲，
...

命苦既人其實好多
唔係男仔先識玩弄感情
女仔好多時係先變心既一方

作者: kawing01 時間: 2005-6-9 01:39 AM

聽幾位咁講,睇黎我都要小心...........

作者: Rika 時間: 2005-6-9 01:47 AM

Originally posted by kawing01 at 2005-6-9 01:39 AM:
聽幾位咁講,睇黎我都要小心...........

小心D靚女

作者: kawing01 時間: 2005-6-9 01:48 AM

咁就一定唔關我事啦=_=Rika哥

作者: dg666 時間: 2005-6-9 01:48 AM

我和你們差不多.
不過我比你們拍得長得多,有成6年.你想想6年的感情有幾深.
我對她好好,是超好,無論時間,心機,金錢也不計較,給她空間,她的家人朋友都好喜歡我.
她也喜歡過我,在拍拖2年後她提出分手,後來又要求再一起,我原諒了她,她好感動.我沒再提去,仍對她好好.到半年前她又識了另一人,只係識了3個星期,又話要分手,而且說了好多好難聽的說話,甚麼已好耐沒愛我,只愛了一兩年,只是做戲般做回女友的角色,我心想你傻了嗎?你唔愛我點可能和我一起,起碼唔會唔愛好耐,只是你現喜歡那人,根本已不清醒.後來又和那人分開,因還是我最好,找了我2次想一起,我說一起時,她又說都係唔好,只想和我做好朋友.

最近竟然和我們的一個好友拍拖,一個她一直完全唔喜歡,又好差的男仔拍拖.(那條PK是我們好友,但當我和她有問題時,就去不斷關心她,追她,其他朋友們都不喜歡他,因太他仆街,但他卻說問心無愧.好嘢.講得出)

我對她的感情好奇怪,我仍好掛住她,因為我們在分手前一個月才說要結婚,問了各方家長.變得太快,最緊要是我們一起相處近七年.感情實在太深,但正如你們所講,女人太善變.我仍愛她,雖然我也恨她.我沒有再找她,朋友都做唔成,你叫我點去面對,她已有男友.我算甚麼?不過最過份是她還有3個月就移民,他倆竟然還開始,根本一定會分開.

她條件根本不是好好,我都唔明我這樣愛她,她仍這樣對我,對一個人好七年,有幾多人可做到?有幾年人可以給你發脾氣後唔理自己感受反而是想緊點令你開心.或許人生就是這樣,我們都要接受.... 幸好我們是同病相憐,不是孤單的.我們有盡力過,只是她們唔珍惜.

作者: dg666 時間: 2005-6-9 01:59 AM

To Rika,

你的想法我也有,我都想她好後悔,想她沒人理,之後向我道歉等.但你唔好傻了,雖然我都有這想法.但沒用的,她們是自私的人,根本唔會理你.而且女追男好易的,想要男友隨時有.

如果她以後的結局好好,有一個好男友,好環境,那你點? 如果他像我結局般,和一個好差的男仔一起又點 ? 我們點都會唔開心,傷心,心痛... 我們只是給她帶著走.我們仍緊張她,我們只會唔開心,她們根本唔會理我們.為了我們自已,最好是唔再理她們.你一日想她死,你一日放唔低.而且你以前那麼愛她,付出那麼好,點解要破壞它?這是你的優點,你的自豪. 因為你對她好.我們不如一起成熟點吧.

作者: Rika 時間: 2005-6-9 02:20 AM

Originally posted by dg666 at 2005-6-9 01:59 AM:
To Rika,

你的想法我也有,我都想她...

我地有好多相同之處，好明顯你已經睇化左，仲講得好有道理，但係我呢件事尋日先發生，我未冷靜到，我唯一既目標就係要佢後悔，除左呢樣，我都唔知我仲可以做咩，諗深一層，你講得岩，我做咩其實佢都唔會再理，矛盾中，煩惱中，無可能咩都唔做，但係又咩都做唔到，我諗我唔夠成熟

作者: jublio 時間: 2005-6-9 02:27 AM

Originally posted by Rika at 2005-6-8 03:14:
我前女友係耿耿於懷我既過去，一D發生...

Kaka....安慰說話我唔知點講…

不如你咁諗，一個女仔可以咁樣做，拖拖拉拉咁鐘意咗第二個，好極有限，早走早著！

就算今日俾你可以keep得返，唔擔保第時又無同一情況發生！

無謂自己騙自己呀，咁樣就算一直一齊你自己都係生活係唔開心之中！兩個人一齊係要開開心心、舒舒服服！

一個人做得一次，實會做第二次，因為佢諗住你會唔出聲，唔會話同佢分手。

同埋我諗緊可能始終culture問題，因為我有個friend佢有個架仔男朋友，個架仔對佢好好，之後個架仔讀完英文班要返日本，我個friend就留係呢邊，個架仔成日寄野俾佢、又講電話咁…有時飛過黎搵佢，超好，個個都好羨慕，直到而家間唔中都會寄下啲日本雜誌、朱古力俾我個friend(因為我個friend鐘意)。但係其間有個男仔(現任bf)追佢，佢就同咗呢個香港男仔一齊…個架仔超傷心，不斷話會等佢，後黎我個friend同我講返其實兩個之中佢係鐘意個架仔多啲，但係佢覺得culture始終有少少問題，令佢最後都仲係同個香港男仔一齊！會同聲同氣啲喎…

而且我覺得做一個好女朋友，第一係要原諒自己男朋友嘅過去，如果連呢少少野都接受唔到，咁你其他嘅壞習慣 etc又點會接受到呢？！

原唔原諒呢樣野就真係睇自己可唔可能over come咗佢背叛你呢個事實。我相信好多人一開始會好憎對方…

Kaka...唔好諗咁多住，考好個試先再諗，到時可以多啲時間同你傾下…唔好俾今次影響你考試呀…你同我都知係呢邊讀書好貴架，唔值得再為佢洗咁多錢啦…加油for ur exam!^^

作者: Rika 時間: 2005-6-9 02:37 AM

Originally posted by jublio at 2005-6-9 02:27 AM:

Kaka....安慰說話我唔知點講…

...

Jub Jub,
我聽日先覆你啦，我心情仲o係谷底，我諗我訓醒無事架喇
希望聽日我會講D積極D既野啦

作者: jublio 時間: 2005-6-9 02:46 AM

Originally posted by Rika at 2005-6-9 02:37:

Jub Jub,
我聽日先覆你啦，我心情仲o係谷底，我諗我訓醒無事架喇
希望聽日我會講D積極D既野啦

早d訓喇咁…都成4:45啦…ttyl..

作者: 左輪仔 時間: 2005-6-9 02:51 AM

纏綿遊戲

夜夜也沒有像這夜那麼靜
似聽見這顆心滴血聲
回味著妳昨晚像惡夢似的話
妳給我的竟不是愛情

是妳說從來無人像我在做盡傻事
竟然仍然認真對這玩意
為何從前愛得極度容易
將來和誰再講這段趣事

* 纏綿遊戲過後為何能捨得放手
是定律或是愛不夠
告訴我這段纏綿遊戲過後
為何情不可永久
是事實並沒有真愛或跟本我未看透 *

但覺得從前情人在世上並沒存在
多年來從未真正去被愛
來來回回我只站在門外
一時糊塗妳只當做意外

作者: kawing01 時間: 2005-6-9 10:05 AM

請問你地幾多歲呀?點解好多次有好多經歷咁既?

作者: gundamman678 時間: 2005-6-9 10:47 AM

Re: dg666

我的case和你有頗為相似，都是拍拖幾年，都係對佢好好，一齊時好開心，但女友移情別戀而分手，後來又是她想復合......

也是的，這麼多年感情，不是一下子可以放得下。如果我不是在分手後有另一番精彩生活，我都不會這麼快便復原過來。但更重要的是我和她分手前己有一段時間在拖拖拉拉，因而消磨了我對她的感覺，所以在分手時己經變成很平靜了。

真的不知為何現在這麼多女仔變心，最奇怪是她們變心後又會想起男友的好而想復合。但既然這樣，為何當初要移情別戀呢? 我覺得不少女仔都頗花心的，只要有人追就會心動。

但每人都要為自己做的決定負責，不理她們是清清楚楚還是糊裏糊塗，總之想要分手就要接受得了別人未必會再回頭復合。我的前女友就曾說過我為何以前一起時甚也不想分手，現在她想復合卻不再和她一起。我只能回答她 ”我變了，我己經不是以前的我”，心想這也不能怪我，為何當初你要說移情別戀?

[ Last edited by gundamman678 on 2005-6-9 at 11:46 AM ]

作者: dg666 時間: 2005-6-9 02:48 PM

首先我仍未放得低,道理明,但做到又是另一回事,而且我和她都是初戀,一拍就6年.
不過我一定會努力的.

女友變心當然心痛,痛在自己沒做錯,對她好好,她同樣認為你好好,再找不到一個對自己這麼好的人,但... 仍要和你分手.這... 你還有咩好講?

她想做回好友,我做唔到,感覺像我小氣,我的愛唔夠. 就因為愛得太深,先做不回朋友,你們都會明白吧,看著一個已當老婆和親人的人,和另一男人一起,可以嗎? 我說起碼現唔得.

剛分手要做到放得低,根本沒可能,最好是和朋友傾下,你最需要是關心.有一點一定要記著,就是一定要向上,唔可衰給她看,這樣你才覺得自己不會白白浪費生命,不然你一定會後悔.你要証明沒了你,是她損失,你要活得比以前更好.

還有不要隨便找另一個,唔好傷害一個真心愛你,但你根本唔喜歡她的人.不然你只是傷害一個關心你的人,你和前女友沒分別.

作者: dg666 時間: 2005-6-9 03:00 PM

我想問點先可以拿到分?我入了年幾,但一分都冇?可教我嗎?

作者: Rika 時間: 2005-6-9 06:40 PM

Originally posted by jublio at 2005-6-9 02:27 AM:

Kaka....安慰說話我唔知點講…

...

佢可能真係唔係一個好女朋友，第一個朋友叫我放手時，我認為佢有問題係佢唔了解，第二個朋友叫我放手時，我話佢地friend底所以意見當然一樣啦，第三個人提議我放手時，我覺得只係巧合，當更多更多更多人都話應該放手既時，我發現我其實只係一直呃緊自己之餘仲不停為佢辨護，一直搵藉口繼續撐落去，諗清楚，我係應該走，今次埋得過，我都唔知幾時佢又發顛，每一次都要我耗盡全力去留佢，夠喇，已經唔講緊三四次既事，而係十幾廿次既事，次次個難度都不斷提升，次次都更加過份，我無得再讓步，拍拖拍到咁灰我都係第一次，情況已經唔受控制，唔係我既野我都無為強求，我初初真係諗住我一日唔開口話分手，一路忍落去會無事，我錯左，而家我醒左喇。

Culture 問題都有可能，對於我黎講，日本D文化我都覺得OK，我無抗拒佢既國藉，唔知佢係咪一樣無問題，不過有時D生活細節都會知道佢鐘意日本多D，佢唔鐘意廣東話，唔鐘意中國菜，同我一齊我可能比緊好大既壓力佢，我都唔想，我仲話年尾學日文黎就下佢，而家唔洗學啦，佢返左去日本我都成日打比佢，我都成日飛去日本搵佢，我盡晒力對佢好架喇，無奈，佢要搵日本人做男朋友，我都無計，我係一個香港人，呢個係改變唔到既事實。

同我一齊之前，佢其實係一個處女，講真，當時我真係唔相信，佢條件真係唔差，佢個樣同身形都極似廣末涼子，我無辦法相信一個喪似廣末涼子既二十歲日本女仔仲會係處女，所以同佢一齊之前幾個星期，我都仲去玩，我諗住我同佢開始前去玩唔會影響到我同佢既關係，因為我諗住佢唔係處女，佢無得介意我之前點玩，當我發現佢係處女，每次佢介意我既過去我都覺得係情有可原，我只能不停道歉，佢亦講過佢唯一接受唔到就係我同令一個女既野，當時有第個日本女仔主動追求我，我又未同佢一齊，一時既貪念就讓成今日既萬劫不報之境，唉，天意弄人。

我無得唔原諒佢，我今時今日可以話係我自己一手做成，如果問我會唔會後悔，我只可以講一句我唔後悔，當時我都唔知個實情，比多次機會我返到過去，我都係唔知都係會做返同一樣錯事，所以唔好問我後唔後悔，我到而家都無做過要後悔既事，不過如果我唔溫書我就真係後悔喇，得返十日就考就喇，我都知好貴，Jub Jub 你都努力啦

作者: Rika 時間: 2005-6-9 06:51 PM

Originally posted by dg666 at 2005-6-9 02:48 PM:
首先我仍未放得低,道理明,但做到又是...

我好讚同你既講法，道理明但做唔到，知而行難，無奈！
不停付出但女友仍然變心，最心痛係痛在自己無錯，更無奈！
無辦法眼白白睇住佢同第個一齊，而被指小氣，更更無奈！

作者: dg666 時間: 2005-6-9 10:44 PM

本來是一體,現分開番兩個,即她與我們已沒關係.不需關心她,不需理她.

作者: jublio 時間: 2005-6-9 11:46 PM

Originally posted by Rika at 2005-6-9 18:40:

佢可能真係唔係一個好女朋友，第...

卡卡…佢俾得佢嘅第一次你即係佢都曾經好愛你，因為女仔嘅第一次唔係咁輕易俾人！仲要佢係日本人，咁靚，條件咁好…

我覺得佢都叫做曾經愛過…只不過經唔起時間同外面引誘…你亦都無謂嬲佢啦…(雖然我知講容易做難)！

其實有時女仔會好介意男仔去玩(i mean one night stand個種玩喇…我唔知你所謂去玩係乜意思，唔好嬲)，因為覺得個男仔好似好隨便咁…

作者: Rika 時間: 2005-6-10 12:38 AM

Originally posted by jublio at 2005-6-9 11:46 PM:

卡卡…佢俾得佢嘅第一次你即係佢都曾經好愛你，因為女仔嘅第一次唔係咁輕易俾人！仲要佢係日本人，咁靚，條件咁好…

我覺得佢都叫做曾經愛過…只不過經唔起時間同外面引誘…你亦都無謂嬲佢啦…(雖然我知講容易做難)！

其實有時女仔會好介意男仔去玩(i mean one night stand個種玩喇…我唔知你所謂去玩係乜意思，唔好嬲)，因為覺得個男仔好似好隨便咁…

我都希望係，如果佢真係真心過我都無為諗太多，我一時亂諗，覺得佢係早有預謀

只能夠怪我唔夠好

我唔係 one night stand，我都唔知點解釋，只不過無拒絕其他主動搵我既女仔，佢怪我兩個月都唔等佢返黎，其實我點講都係藉口，點講都係我唔岩

作者: jublio 時間: 2005-6-10 12:54 AM

Originally posted by Rika at 2005-6-10 00:38:

我都希望係，如果佢...

咁就唔可以怪晒佢喇…

作者: Rika 時間: 2005-6-10 01:08 AM

Originally posted by jublio at 2005-6-10 12:54 AM:

咁就唔可以怪晒佢喇…

無計，我預左散，佢開心就算喇，我唔諗咁多，等下個

作者: Rika 時間: 2005-6-10 01:46 AM

我既故事已經告一段落

作者: gundamman678 時間: 2005-6-10 11:48 AM

Originally posted by dg666 at 2005-6-9 03:00 PM:
我想問點先可以拿到分?我入了年幾,但一分都冇?可教我嗎?

唔係呀，你而家有5分~~

其實多d寫野，寫d野有意義既就有分架啦!
不過我仲唔係好知d分要黎做乜?

作者: dg666 時間: 2005-6-10 12:01 PM

Originally posted by gundamman678 at 2005-6-10 11:48 AM:

唔係呀，你而家有5分~~

其實多d寫野，寫d野有意義既就有分架啦!
不過我仲唔係好知d分要黎做乜?

好開心呀!!! ~.~ 我終於有分啦.
我入了會近2年啦,我之前個account(dg999)有幾十分的,但我忘記了password,所以全沒有了,要開個new account.

以前這裡好方便,現愈來愈多"板"要有分先可看或post投票等,好煩.
有些人copy當自己,有些人為了討好板主加分,唉...

作者: dg666 時間: 2005-6-10 12:17 PM

女人是奇怪的生物.

我前女友說和我一起好開心又舒服,但後來感覺似好友,因為沒有了愛.

試問拍了6年,她性格又深沈有咩辦法?還要有最初那種愛的感覺嗎?

人是貪心的吧.得一想二,拍拖和另一半開心又唔夠,拍得耐又話悶,給你驚喜關心令你感動又唔知足,又不需要為錢煩惱,又給你自由唔管你,和你家人關係又好. 最後說唔愛就唔愛...

或者這就是身在福中不知福,當她要和我分手時,她媽咪也問她,你還想要甚麼,有一個人對你那麼好,這就是年少無知.

不過我已開始放得低,在這裡看見這麼多同病相憐的人,感覺這些事好普遍,自己不是孤獨一人.好想快點找到一個真心及思想成熟的女仔.

歡迎光臨娛樂滿紛 26FUN (http://26fun.com/bbs7/)