娛樂滿紛 26FUN - Powered by Discuz! Board

標題: 10/6加分題「你哋會唔會為咗屋企嘅反對而放棄一段感情」 [打印本頁]

作者: toro 時間: 2005-6-10 12:42 AM 標題: 10/6加分題「你哋會唔會為咗屋企嘅反對而放棄一段感情」

有無試過情人同屋企人夾唔嚟呢？又會唔會為家人放棄情人呢？

積極回應有機會加5~30分

作者: partyjoy 時間: 2005-6-10 12:58 AM

你屋企人對你係好的話就不會反對你同誰拍拖啊!更可況拍拖是兩個人的事又點可能容許其他生物阻礙呢?要揀就揀放棄屋企人啊!你屋企人終有一日會原諒你的一定!

作者: 天使藍 時間: 2005-6-10 04:19 AM

睇下佢點解反對先啦
如果佢驚你讀書成績差既,而你又想讀既,咪揀屋企囉
(如果e樣既,你同個女仔講,如果讀完書,大家仲有意思既,咪一齊囉,
佢為你好既實會等嫁)
如果佢係唔合眼緣既(你有錢既咪搬囉,冇既咪留係屋企囉)
但如果屋企真係勁嬲既話,我覺得揀屋企會好d囉

因為阿媽,阿爸,屋企人,一世人得一個,冇左你永遠都唔會有第2個
但女朋友唔係囉,一世人點都會對第2個有feel

係我心中屋企人比女朋友重要。

揀邊個就睇你自己覺得邊方面重要

作者: gundamman678 時間: 2005-6-10 11:41 AM

絕對唔會! 我鍾意一個人既話就算邊個反對都無用，最緊要我覺得開心!

作者: 【車仁】 時間: 2005-6-10 05:48 PM

雖然屋企人反對實有一定既理由,
但正正因為愛情係盲目的,
所以往往係家人反對既情況下,
死都要同佢一齊,令到自己有少少盲目,
但諗深一層,
家人既理由未必冇因,
但家人有時都會睇錯野既,
所以你要先明白你情人係唔係有問題先,
如果真係冇的話可以試試同家人解釋下,
家人始終都想你好既,
只要你覺得開心,你的家人就會高興,
莫過於此~

作者: jy0620 時間: 2005-6-11 05:44 PM

我會想辦法去解決這件事

沒有家人的支持,這段感情不會長久
不過我也不會輕易放棄真正的感情

想辦法知道家人反對的原因
想辦法化解雙方歧見

如果還不行的話
我是不會退讓的

人的心是肉做的
相信家人會明白的

作者: research2005010 時間: 2005-6-11 11:32 PM

我覺得問清楚屋企人的原因前, 要睇你同屋企人的關係, 大家平時可唔可以理性對話呢? 如果yes, 可以暸解下, 如果no, 係呢d事上都係無謂問.

拍拖影響學業? 咁會考完又有AL, 之後又有大學畢業試... ...跟住又話事業剛剛起步唔想分心... ... 所以呢個其實唔係point. 通常出事都係考試前散拖, 失戀中無心機考試. 咁大家咪成熟d, 事先聲明如要散都要等考完試, 不過呢d都係要同屋企人關係好的前題先可以同屋企人講, 而且點同另一半講都有d難度, 不過呢d技術上的野暫時唔講住. 況且時間分配呢樣野始終都要學, 如果我拍拖拍到晚晚講電話講天光聽朝番唔到學... ..我覺得我地應該學習點樣係十一點半收線仲可以keep住一段關係. 唔係不斷推遲呢個學習而唔開始... ....
而且唔開'拖'--等---會有一定風險, 如果你考試前先知佢等唔切, 同人拍緊拖... ... 咪又影響學業 ... ...

另外一個好重要的考慮係如果堅持要一齊的, 會唔會俾人斷水喉呢? 如果唔會, 你屋企人的反對力量有幾大呢?如果都係講下, 你拍一兩個月拖之後應該無事, 如果唔係, 你可能要考慮搬出去住.
不過搬走好大風險, 如果你散左, 想番屋企食飯, 你屋企人會唔會單單打打呢? 而且有甚麼頭暈身慶, ex 未必會番來照顧你... ... 所以就算搬, 都要冷靜d搬, 例如話想獨立... ...

作者: today2028 時間: 2005-6-14 05:18 PM

我就試過啦! 我同第二個女友d屋企人開頭好夾唔嚟㗎.

冇辨法啦, 鬼叫我同佢一齊時佢就啱啱同舊男友分手. 而佢舊男友又好鬼得佢屋企人鍾意, 特別係佢亞媽, 直頭當佢係女婿咁. 所以佢屋企人以為係我攪到佢地分手. 不知幾憎我.

第一次送佢返屋企, 咁啱係門口撞到佢阿哥, 再加上我嗰時染左d頭髮, 睇嗰樣就好似唔係好人, 佢阿哥d眼神好似想剎死我咁.

不過如果你鍾意得一個人冇理由咁易放棄… 最後咪搵多d時間陪下佢d屋企人, 過時過節咪送下禮. 始終都守得雲開見月明.

作者: karen0123 時間: 2005-6-14 05:53 PM

首先，本人一定唔會盲目遵從父母的意見而放棄一段感情！
因為我們為人要思考，父母所說未必一定對的

我會問清楚屋企人點解反對，查出原因再解決！
若發現是誤會，我當然要對他們解釋！
但是愛情大過天，我真的喜歡一個人，就算和父母意見不同，我也不會順從他們的！
因為愛是人的天性，是無法壓制的。
要放棄一段感情，沒有其他人能迫使我放棄，只有我自己！
愛一個人就是愛，怎樣掩飾都是愛她，怎樣壓制也是愛她，是擋不住的！

要我順從，除非屋企人反對的原因是他們有證據指出我的另一半原來是欺騙我感情的！

作者: kubrick 時間: 2005-6-15 06:50 PM

唔會....因為家下係自己拍拖唔係你屋企人拍拖...
你既幸褔點可以比人地簡呀...
加上即使係你屋企人都無權管你既感情事架嗎.....

作者: Erocky 時間: 2005-6-16 12:09 AM

其實如果家人係持反對態度, 就要充份了解其原因, 可以係理性或者唔理性既:

理性既可能係擔心影響到您既學業或者事業, 或者驚您俾人呃......
咁其實呢d都真係可以同家人坐低談談傾下,
大家溝通了解, 應該都會解決到既;
如果係唔理性既原因, 可能只係話覺得您男友 / 女友唔順眼, 唔0岩feel,
咁就唔使理佢地啦, 呢d根本解決唔倒~

其實可以與家人充份溝通, 問題應該唔大既,
況且宜家都已經唔再係盲婚啞嫁, 指腹為婚既年代,
幸福, 應該係自己去尋找同把握既!

作者: saki 時間: 2005-6-17 04:35 PM

我唔會 ~~

因我係鍾意佢,先會同佢一齊 ~~

再唔係.就問下屋企人點解唔 like him ...
再同男朋友仔一齊諗下 "解決方法"
同埋屋企人面前 "美言" 佢多幾句....等我 d 屋企人對佢改觀 ...加番 d 分俾佢 !!
(佢蝦我,我唔會話俾我屋企人知 ga. 因怕會扣佢分....甘就唔好 la ) he he ^^

我愛佢,希望屋企人會喜歡他...
話唔定,佢 d 優點會係我 d family members 發掘出利 tim...

[ Last edited by saki on 2005-6-17 at 04:37 PM ]

作者: wahaha1234 時間: 2005-6-21 07:16 AM

真係無試過.不過我會暫時放棄ga如果佢地唔like既話.
我諗最重要係女朋友體諒我la.我會表示我好愛佢.
而家不可以自己的榮慾而不惜與家人反面的
等我遲d事業有成,有籌碼講數先再一齊!!
因為有咗事業基礎先可以令佢地放心咁先能夠獨立ar~
而改變佢地源先既想法!!
父母是我們的親人ma...不可傷害的!
唔駛咁絕要放棄gei....

老人家安撫吓就掂la

作者: conversekita 時間: 2005-6-21 10:22 AM

唔會~我會為愛情放棄家庭的
~~~~~~~~~~~~~~~~~~
因為我知道家庭唔會放棄我的iiiii
愛情是very important的
我覺得>＞>＞因為一段真真正正既愛情~
可能....幾年~幾十年都未遇到的iiiiiiiiiiii
同志們~珍惜你身邊的一個

作者: hoho886 時間: 2005-6-22 05:28 PM

我可能會又可能唔會,最重要都係睇下屋企
人,反對d咩.如果反對d只係好小既野,同埋d
無聊野,咁我就未必會放棄一段感情,但係如果
屋企人講d野係令我好/唔放棄呢段感情又會點,
會對你有影響,咁我就會諗下.

最主要都係睇下我係咪真係好鐘意個女仔,如
果唔係,佢又唔係最好,咁放棄都冇咩問題既!!
如果係勁鐘意佢,我諗都幾難會放棄到啦!!

不過我多數係聽屋低人講既,如果佢地講得出
佢又幾唔好,我都會信佢地,因為佢我既父母,
講既野唔會害我既,但係女朋友,有時真係會
好難講ga!!

作者: Rika 時間: 2005-6-23 07:10 PM

除左有兩餐飽飯，有書讀，我唔覺得我有一個家既感覺
有時我只會覺得我屋企係得我呀媽同我呀妹，呀爸同我好似唔識咁架喎
呀爸一係講D有骨既野黎插我，一係唔講野，所以我覺得我係唔需要理佢
我諗我會為左我呀媽而放棄一段感情，而唔係為左屋企
我呀媽係一個比較明事理既人，我相信我好難會有咁既困局
最近我同我呀媽關於我女朋友有一個分歧，就係我呀媽唔係咁鐘意日本人
不過最後我呀媽都叫我自己諗，佢唔會迫我，我細妹又無意見
如果有D更大既問題，我會諗個萬全之策，兩樣都唔洗放棄，我諗兩樣野係可以共全

作者: Edison 時間: 2005-6-24 04:00 PM

有無試過情人同屋企人夾唔嚟呢？
Always gar lar. I like to go east they always like to go west but they always do the wrong things.
又會唔會為家人放棄情人呢？
Of coz no because it is relationship between me and my girlfriend. Why should my family involve to it, everybody have their own personal view point, and we can't expect everyboday to think in the same way, and i wont force them to because i never care about wt they think, if i give up easily on my gf that mean i never love her or trusted her that is a sight of disrespect.

作者: kaigi 時間: 2005-6-26 04:11 PM

有時都會同家人嘈~
但我一定唔會放棄,最多搬出來住
為了一生最愛既人,什麼都會為佢做
間中先同下家人出來飲茶

作者: 心冷之戀＊行 時間: 2005-6-30 12:54 AM

extremely唔會

作者: fatfatdragon 時間: 2005-6-30 06:24 AM

其實大家有咁大個人, 應該要識分家人那些是理性的反對, 那些是非理性的反對.
理性反對像, 她們知道這女孩以前曾經用感情騙了很多人的錢...
非理性比如, 樣唔好, 態度唔好聽....
如果是理性, 大家會知點做 (一般父母家人都是驚自己比人"蝦", 或者影響前途, 所以先會出聲)
對於非理性反對, 要睇下自己兩個人有幾大決心去維持. 如果是一些天生的問題, 我覺得自己要同家人力爭, 始終都喺家人, 如果你最後都喺快樂, 想信早晚都會接受.
如果關於一些行為或者態度是可以改的, 你要睇下你另一半做唔做到你在家人心中的標準. 如果做唔到就要改, 做到就要樣家人知道你兩人都喺同一水平, 唔可以大細超. (當然中間的比較一定要中肯及客觀).
簡單一句, 就是據理力爭, 不可因為第三人(家人, 朋友... 不是指情敵)而輕易放棄.
兩個決定要在一起時, 已經知道要面對將來很多問題, 因今天簡單題而放棄, 兩個點有能力一起走下去.

作者: 雷公 時間: 2005-7-6 01:02 AM

肯定唔會
唔好玩啦!我屋企都唔理我同邊個拍拖
反而個女仔屋企人反對我同個女仔一齊就試過!!
嗰時都幾無奈
個女仔我真係好鐘意,佢都好鐘意我
但係都無辦法,佢阿媽唔比佢敢細個拍拖(中二下學期)
我同佢都係讀緊中二
佢係我初戀女友,為左呢段puppy love佢同屋企嘈左N次
最後捱到中三上學期,我就同佢講左分手
依家諗番起我嗰時真係一個衰仔
佢為左我都付出好多,

不過依家都要多謝佢阿媽
就係佢話我讀書讀屎片
我先至"慶"到唔衰得
中三考得好入到中四架商科班
讀我鐘意架Econ

作者: kakeidevil 時間: 2005-7-7 02:34 PM

冇喎...冇試過...
反而女仔果邊d屋企人唔鍾意就有...
話冇結果...又呢樣又果樣咁....
搞左好耐...最後件事不了了之...
不過最緊啱啱分左手.......
原因唔係屋企...係其他.......
我覺得屋企人反對既要睇下係咩原因.....
我會睇下個女仔值唔值得我咁做....
女朋友冇左可以再揾....
但老母一世人一個........
好采我屋企人唔理我d野

作者: robertchok 時間: 2005-7-8 02:46 PM

有時睇岩左個對象
屋企反對都唔會改
除非佢地以死相迫

作者: ronychan 時間: 2005-7-9 02:26 PM

絕對唔會囉, 完全唔洗討論

除非你要靠屋企養就無得講啦

大個仔靠自己屋企人0既意見 = 當佢無到

作者: 銘少 時間: 2005-7-14 10:20 AM

一定唔會啦…因為我地個老豆老母都知道我地既存左
佢地仲成日飲茶天…

歡迎光臨娛樂滿紛 26FUN (http://26fun.com/bbs7/)