娛樂滿紛 26FUN - Powered by Discuz! Board

標題: [轉貼] 夜更的士 [打印本頁]

作者: garycheung 時間: 2005-6-22 11:10 AM 標題: [轉貼] 夜更的士

「司機唔該h華富村。」

　兩年前一個深夜，阿成駕駛著的士向香港仔行駛。「咦？成三點幾，點解有個女仔會企係呢度截車？」阿成看見一個女子，站在瑪麗醫院病理大樓附近。女子上車後，吩咐阿成去華富村附近一幢私人大廈。「咁口岩，真係天意！」很快到了華富村。「司機唔好意思，我帶唔夠錢，我可唔可以放低張身分證作抵押，我上樓去囉錢畀你。」阿成覺得有點奇怪，因為的士咪錶只顯示三十多元，為何這樣少也不足夠呢？「算啦，可能佢一時唔為意啦。」於是阿成應承女子的要求。

　過了三十分鐘，阿成還不見她出來，阿成忍不住氣進入了大廈。「阿伯、阿伯，你有冇見過身分證上的女仔上樓呀？」阿成弄醒熟睡的看更。看更說：「我唔多覺喎。」阿伯說，她好像住在七樓B座。於是看更帶阿成上樓找那女子。叮噹！門開了，阿成看見一個老婦人，就向她說自己要找身分證相中的人。這老婦人叫醒了另一個女子出來。

　阿成覺得很奇怪，問道：「你頭先係咪搭過的士，話唔夠錢要上屋企囉，點解你唔落來畀返錢我？」這女子樣子雖和剛才乘阿成的士的女子有點相像，但卻清楚是另一個人。

　「司機，點解你會有我張身分證？我前兩日唔見左喎！仲有呀！我今日一直係屋企，根本冇出街，點會坐過你架的士呀？」這時，阿成無意中看到了屋內安了一個神位。「唉！點解會咁呀！頭先坐我車果個女仔，我認得就係佢呀！」阿成載過的女子，原來就是神位中的那個，即是這名女子的姐姐。或許這名已去世的姐姐，知道妹妹遺失了身分證，於是靠著阿成的幫忙，將這證送回給其妹妹。阿成已嚇得半死，但心裡不停安慰自己，他做了件好事。不過，這事卻令他以後再不敢當夜更了。

作者: 左輪仔 時間: 2005-6-22 05:27 PM

支持支持

歡迎光臨娛樂滿紛 26FUN (http://26fun.com/bbs7/)