娛樂滿紛 26FUN - Powered by Discuz! Board

標題: 我這類的男仔有人喜歡嗎..... [打印本頁]

作者: 魔術師 時間: 2005-6-24 07:04 PM 標題: 我這類的男仔有人喜歡嗎.....

小弟成日覺得自己好自卑..... 我唔夠膽面向人...
我既特點..
無野叻電腦識少少(緊係唔係打機啦...我都唔打機)
個人有D肥
樣就唔知...我覺得自己好樣衰掛...有女仔話好得意呀你~我覺得自己好樣衰..
唔識著衫...
唔識運動
我怕醜唔敢望住女仔對眼....唔敢同自己鐘意女仔傾計
識做家務老豆阿媽叫唔做如果係女友叫既一定做(但係我無^^)我都識做家
識煮飯成日都係自己煮俾自己食
唔串人我從來都唔會得登串人人地串我先唔計
唔講粗口我真人唔會對住人講粗口
學業算OK既全班第三,四到
成日幫人人地無帶野又好無錢又好我都會借就算岩岩串完我爆粗罵完我好似有條友係咁爆粗罵我話我整壞佢部機...但我一睇就知係中毒啦....我幫佢解左唔該左之後再串過

我認為無女仔鐘意我....... 所以我唔諗住去鐘意人.... 自己心入面知係鐘意人但係唔會去理 ....我打定左一世都係自己一個算...

[ Last edited by 魔術師 on 2005-6-24 at 07:22 PM ]

作者: kaing 時間: 2005-6-24 07:14 PM

你咁諗法就死得啦.....一定唔方有女仔鐘意....
比d 自信自己先得ga....
重有呀...你lee d 所謂既優點都係收返埋佢啦...
無咩用...依ga d 女唔識欣賞你lee d 人ga 啦...
如果想有女既就比d 心機讀書...將來搵到自己既職業...
搵到下錢自然就有女ga 啦...
依ga 既你有就真係神積....
比多d 自信啦....老友

作者: neitly 時間: 2005-6-24 07:29 PM

又唔會嘅~
只要你自己有自信心,唔理人地講咩,自己過得開心，快樂，有朋友，咁人生就會變得更好你又唔使咁灰心！！！！
記住！千其唔好向自卑屈服，
你對人好，人地就會對你好好桇啦~
知道嗎??

作者: fmchelloauntie 時間: 2005-6-24 07:55 PM

其實都唔錯了...你好人~
係差小小自信...可以識多d朋友
有時有d野係求唔到的~但係都要努力~
無野叻電腦識少少<--男仔識電腦其實無咩用,(除左搵工或者你整電腦好勁)...
唔識著衫<--可以學或者抄...唔好去mk 抄...如果你覺得某個朋友著衫靚既,可以同佢多d去shopping~跟佢去佢鐘意既店舖...(著得好都會俾到你自信的~!)
唔識運動<--tennis,snooker太難既話,tabletennis,badminton,soccer 都識小小掛?
識煮飯成日都係自己煮俾自己食<--你試下搵日煮俾家人食...如果佢地都話好食咁就掂~
俾d自信自己,唔好成日咁悲...

作者: mcsimon0574 時間: 2005-6-24 08:18 PM

其實咩類型的男仔都有女仔鐘意嫁啦...
而且樣貌,打扮,身世,都唔係主要.
我覺得你重要都係幫自己搵番個信心. 多d同女仔傾計,多d關心佢地..
佢地自自然然就會對你有好感...其實我覺得學業沒咩用,d女仔唔會因為你年年考得好而鐘意你,如果你煮野係叻,不仿係依方便發展,試下煮多D特別的野,最緊要好食啦....

作者: 遊戲 時間: 2005-6-24 09:08 PM

記住香港係女多個男既!!

唔識著衫,可以改既
運動DD都可以做多D(雖然我自己都唔係多運動)
其他就冇咩辨法改架la
唯有多D自信la
咁你而家咪專心讀書,女朋友DD野我唔信你大日冇
我都係讀緊書,冇女架
but我唔信我大日冇女囉!
就算你而家拍拖呀,
你大日都未別會同佢結婚架la
所以你睇遠D
冇女唔緊要,你讀緊書,有fd未得囉~

作者: 周衡 時間: 2005-6-24 09:21 PM

做人第一樣野一定要有自信,但千其唔好過份自信
我以前都好似你咁,希望我既經歷可以幫到你
你第一樣野要做就係慢慢主動去接觸別人,如果你覺得對主女仔係好怕醜,你可以慢慢主動同你比較熟既男仔講多d野,訓練到對男仔開始多野講時,就可以慢慢跟你既朋友同d女仔一齊玩,如果成班人一齊玩應該冇咁怕(你咁為人,我絕對相信你可以識到朋友),交際呢方面一定要慢慢訓練架

第二,女朋友呢方面,一個點樣衰點唔受歉歡迎既人都會有女仔鍾意,只係你未遇到姐,女仔唔係一定睇樣架,佢地睇你對佢地點,如果你有才能,肯努力追求,都會鍾意你架,更加唔係sport勁就有人鍾意,每個人既才能都唔同架啦,駛乜咁諗啵

最重要係做人積極,唔好咩都諗到咁灰,遇到問題就避,咁你將來仲點出黎做野

作者: toro 時間: 2005-6-24 11:05 PM

積極回應會員加分獎勵，魔術師兄弟，要人愛你先要自愛，加油！

作者: 樑少 時間: 2005-6-24 11:31 PM

又唔係既~~~
你都一樣會有人鐘意
只要在外表上略加一點努力裝扮
你肯定會有好多女仔鐘意~

作者: kaixinren 時間: 2005-6-25 12:07 AM

唔好亂講啦你！

我可以同你講，你現在可能真系沒幾多女仔注意，但等你學業有成，出來做嘢就大把“好”女仔喜歡你啦！因為在你現在年紀的女仔都唔定性，喜歡靚仔，爛cool或運動好的男仔。你現在要做的是堅持現在平易近人的性格，加強內在脩養。現在個點唔定性的女仔就由得他們搶個包啦，反正都唔會長久。等個點女仔在唔同得戀愛中明白“好男人”得定義，就會註意到你。到時，你就系一個有學識內涵，平易近人，顧傢溫柔的好男人。想穩定，想結婚的好女仔就會撲埋來！慢慢有的你挑！

到時就系煩喜歡你的女仔個有優點，唔知邊個is the BEST!加油啊！

[ Last edited by kaixinren on 2005-6-25 at 02:08 AM ]

作者: gundamman678 時間: 2005-6-25 12:08 AM

我怕醜唔敢望住女仔對眼....唔敢同自己鐘意女仔傾計.........

不用講太多，最重要既只係呢一個point !!

你其他條件不錯，但最阻礙你同女仔交往既只係呢一樣! 我以往都係咁，因此雖然自問條件都不錯，但到大學時都係一個女姓朋友都識唔到。後來開始嘗試自然d同女仔溝通，加上又拍過拖之後，對女仔就無乜隔膜，所以而家都唔少女性朋友架!

因此我覺得知道自己有不足時，最重要的不是惆悵或唔開心，最實際既係改進自己。你一日唔多嘗試多訓練自己，呢個關口始終都唔會衝得過。

作者: sas 時間: 2005-6-25 02:06 AM

嘩，咁你咁樣嫁？
你估呢個世界真係咁多陳冠希同吳彥祖咩？
肥姐同8兩金都有結婚生仔女啦(雖然離左)，你咁樣講，唔通佢地又無人要呀？
人人都有自已的優點同缺點，不過睇下你自已識唔識得利用佢地的姐，你係邊方面叻的，你就落多D功夫，等人地知，仲有你現家無，並唔代表第時無，你知唔知聽日會發生咩事呀？
希望在明天
你可能外弱內強，我意思係家務工作果d。
信我啦，希望在明天！

作者: pkpkpkpkp 時間: 2005-6-25 02:41 AM

都唔係呀~~
以你既條件:
1.識電腦
2.考試第三,四名
3.可愛
4.識做家務
一定會有女仔鐘意LO~
怕羞就好多男仔都會架啦!!!
D男仔唔怕羞係因為接觸得多姐~~
試下留意身邊有冇女仔會有時得登搵你傾計呀~~
有機會係佢對你有好感架!!!
放心WO~
你實有機會既

作者: trista_cheong 時間: 2005-6-25 12:15 PM

Originally posted by pkpkpkpkp at 2005-6-25 02:41 AM:
都唔係呀~~
以你既條件:
1.識電腦
...

同意﹐我甚至欣賞你﹐因為我好鐘意識電腦ge 人

你心地善良﹐呢個我好sure 一定會有女仔鐘意你

女仔樣衰+肥就話難搵d je ﹐但係男仔唔同﹐你放心la

作者: 滅殺之王 時間: 2005-6-25 12:38 PM

Originally posted by 魔術師 at 2005-6-24 07:04 PM:
小弟成日覺得自己好自卑..... 我唔夠...

我同你差不多啦
但我比你識多樣野 ............  我識畫畫..........
我唔係對所有女仔都怕羞  只係對d 我覺得靚 / 我鐘意的女仔怕羞
對d唔靚既女仔  我唔會怕羞..........
都有人話我好得意  但我唔覺 ...........

其他的都同你差不多呀..........

但其實我小學時  成日同女仔玩得好埋  (可能果時仲唔知男女有別啦)

到了中1  我已經開始媾女=_= 但差d成功  最後失敗 (太急進 , 嚇親人)
到了中2  用了 2年時間追一個女仔..........(頭1年半其實係暗戀=_=)
果時以為得米  (因為日日放學都同佢傾電話) 但係  我同佢表白 ........原來佢鐘意左我老友又有d 鐘意我 ( 3/7 比例我3 我老友7 ><)  最後佢簡左我老友做仔.......
果時我好痛心...........最後個女仔  比我老友飛了 ............(原因 : 學業為重)
我果時有d嬲我fd 我咁想同佢一齊但都得唔到佢........但佢得到個女仔  又咁易放棄.......
不過算啦愛一個人唔一定要得到佢 ...........(呢個係個女仔教我ge)

自始我就無再追女  同  有d 自卑, 見到鐘意既女仔  都唔敢同佢講野 .....................  我都想有人幫下我 =_="

[ Last edited by 滅殺之王 on 2005-6-25 at 12:44 PM ]

作者: 天使藍 時間: 2005-6-25 01:17 PM

我可以話係你既復製品-.-"
我係差成績都差埋,打機都ok

我對朋友都係冇咩仇,有次個fd倒哂d魚蛋汁(一包包咁既,連埋x蕉油)
倒q哂落我件校服道(半樽益力多咁多啦),果陣先小息
我果真係想打獲佢.,但結果都係算數...........

作者: ＊薰＊ 時間: 2005-6-25 01:53 PM

Originally posted by 遊戲 at 2005-6-24 09:08 PM:
記住香港係女多個男既!!
唔識著...

但係好多都變左TB呢....

作者: saki 時間: 2005-6-25 02:31 PM

我係一個女仔...睇完你自述之後...
都覺得你係一個好男仔 ~~ ^^
唔好咁自卑先, 你有自信話就咩都易攪 GA LA `~

至於你話自己缺..e.g :唔識著衫...
唔識運動........
我怕醜唔敢望住女仔對眼....唔敢同自己鐘意女仔傾計..........

全部都有得改,一定有得救!!! (睇多 d fashion 雜誌, 行多 d 街, 望多 d 人 !)

最緊要係你...一定要有自信 !!
有自信同冇自信人行出己經有好大分別...
有自信人即使唔係 "靚仔 or 靚女" 都會有人望,留意....

你有自信,又執哂你所謂 "缺點"
就自然會有女仔留意你 !!

加油~~ 支持你 !! >.~

作者: 迷途小羔羊 時間: 2005-6-25 02:45 PM

見到你呢個情況真係好無奈
其實起另一個topic都講開女仔既內在美與外在美
男仔又何嘗唔係呢
你話自己無外在美，我唔質疑你
但你都講左唔少你性格上既優點出黎
呢d咪就係你既內在美囉
你唔好以為女仔淨係睇外表先得架
你可以出下街見下外面唔少靚女拖住條仔根本唔可以叫靚仔
大部分都普普通通姐
只要你個樣唔係十分討人厭其實問題根本不成問題
你應該把你既優點起你鍾意既女仔面前展露下先係嘛
你差緊兩樣野，一樣叫自信，另一樣叫勇氣
既然你有你心儀既人，點解要打定輸數孤獨終老？
兄弟！我以前都好怕望人，但其實只是覺得唔自然姐
你參加多d社交活動，識多d人，了解多d外邊，你會慢慢建立到自信架
至於勇氣，當你有自信時，就會自然翻晒黎…
你唔可以放棄自己架……！

作者: fatfatdragon 時間: 2005-6-26 01:01 AM

你說的欠缺外在美, 和小弟一樣 (看名和注腳

), 但你的內在美比我或很多人多很多啊.
我覺得你如果想改變現狀, 有些很正面和積極的事可以做(過來人

)
1. 多些外出, 少對電腦. 不一定和女孩子, 先自己再多些和朋友出外.
- 好重要, 多見陽光, 人都會開朗些.
- 拍拖, 找男朋友是開心的事, 維想天天見苦面
2. 整齊/整潔就好 (女孩子通常要求, 和樣無關)
3. 保持開心和善良的心境
- 信唔信尤你, 有之於內迎之於外, 你做得到, 一天比一天靚, 是由心發出來
4. 自信心
- 覺得都好重要, 會另人覺得有冇安全感
- 自信心要慢慢建立. 可以先定下易做的事, 完成後記得讚下自己, 由淺入深, 慢慢就ok. 或者可以試下每星期找三件自己好的事讚下自己, 都有幫助(後面是人講自己用前面的)
5. 上進心
- 同安全感一樣, 女孩了有時很看重 (自己覺得成熟些的女孩會更看重)
6. 溝通
- 樣貌是第一眼, 溝通才是王道啊!
- 多些和朋友傾, 可以練出來的. 最重要是傾時, 是否用"真心"去聽和講.

希望幫到你, 你一定可以找到幸福.

因為改變, 我現在都很幸福

歡迎光臨娛樂滿紛 26FUN (http://26fun.com/bbs7/)