娛樂滿紛 26FUN - Powered by Discuz! Board

標題: 我聽電台時其中一個最恐怖的鬼故事 [打印本頁]

作者: yanmatthew2006 時間: 2005-6-25 10:22 AM 標題: 我聽電台時其中一個最恐怖的鬼故事

我聽電台時其中一個最恐怖的鬼故事

這個鬼故係我聽電台時其中一個最恐怖的鬼故，驚的話請快快離開此欄！

話說數年前的香港，有一對青梅竹馬的小情人，但係由於他們成日掛住拍拖，因此而荒廢學業，成績一落千丈。他們的家長有見及此，當然十分反對他們拍拖，時時希望他們能夠分開，點知他們不單無分開，感情反而越來越好，直頭到左談婚論嫁的地步。

女方的家長為了讓女兒能夠完成學業後才嫁人，所以決定把她送去澳州留學。個男仔在女友臨離開前一晚上門找她，希望能見她一面，點知她的家長拒絕個男仔入門，最後個女仔奪門而出，同個男仔相相走上天台，然後對情侶決定一齊跳樓自殺，點知當他們起勢跳時，個男仔因為驚，無跳到，只係眼望女友跳左落樓，極哀傷地回望他，然後砰一聲，腦漿塗地！

個男仔當然好傷心，但係又無勇氣再去自殺，只係成日飲酒。ｏ係個女仔死左七日後，個男仔夢見她滿面血漿返ο黎見他，話要他快Ｄ自殺，落去下面一齊生活！初時個男仔都以為自已發夢，點知日日都係發同一個夢，而且個女仔的樣子越來越恐怖，仲用手抓他，要拖他落下面，而一醒來就發現自已雙腳都有抓印！個男仔真係好驚，於是走去救一位道士幫助，道士話個男仔劫數難逃，個女仔ｏ係尾七時一定會帶他走，現在只有個男仔能夠幫到自已，於是道士教他於尾七個晚十二時前一定要走落床下底，合上雙眼，聽到或感覺到任何ｏ野都唔好開眼、開聲或離開，只要個女鬼找唔到他，這樣過左尾七，個女鬼就永遠唔可以再害他。

尾七個晚，個男照住道士教的走落床底，合上雙眼，直到十二時，他聽到一聲‘砰’，一聲‘砰’的聲響，由遠而近來到床邊，他知道係個女鬼到左，所以無開眼去睇，但他好奇怪，點解會係砰砰聲呢？雖然他真係好好奇，但道長講過的話，他仲記得，所以都無去睇係乜！點知Ｄ聲到左床邊後就無左，時間一分一刻的過去，一小時，兩小時，都再無任何聲音，又大月旦又好奇的他，終於望出去，唔望都無事，一望之下，他發現果女仔∕鬼滿面鮮血、腦漿，用好憤恨的目光望向他，就係ｏ禁個男仔活生生的被嚇死了！

點解個女鬼出現時會砰砰聲，而且又知道個男仔藏在床底下呢？如來個女仔係跳樓死的，所以她的鬼云亦以個頭來行路，用個頭來行路，所以隻女鬼睇到個男仔係床底…，一小時、兩小時，隻女鬼係ｏ禁望住個男仔，你都咪話唔恐怖。

作者: gary12 時間: 2005-6-25 12:28 PM

我聽過～類似既～不過係台灣架件事～
件事９０％似～

歡迎光臨娛樂滿紛 26FUN (http://26fun.com/bbs7/)