娛樂滿紛 26FUN - Powered by Discuz! Board

標題: 【滿天神論】一個講靈異/宗教既頻道 [打印本頁]

作者: 左輪仔 時間: 2005-6-27 04:16 PM 標題: 【滿天神論】一個講靈異/宗教既頻道

成立目的
任何版友在日常生活上,對靈異/宗教方面有咩大小疑難,
又不知找誰傾訢時,或想分享有關靈異既事件都可在此區留言,
常駐人士或是其餘板友皆願意盡最大努力去提供協助

基本規則:

希望這裡能促進26FUN各板友間的和氣及團結, 製造和諧溫暖的討論環境

引言
回覆可以好短,最好就係精簡d啦

呢個主題內無host同聽眾之分

您想發言就go ahead

自由自在分享大家既感受以及睇法:cool::cool::cool:

作者: research2005010 時間: 2005-6-27 04:36 PM 標題: 景教

版主, 收到.

天主教, 基督教都對景教有不同解釋, 我甚至去過d網站話其實景教先係正式跟隨耶穌的教派, 言下之意, 應該係羅馬天主教先係異端(????)

香港唔知仲有無景教徒, 以下呢一個解釋係用yahoo! search 求其撞入一個網站轉貼, 但係我未搵呢個網站有無宗教背景. Post 係度俾大家睇下先

至於景教的教義，包括下列各點:第一、聖母所生者並非聖子，只是耶穌之人體，並非耶穌之神性，因此景教不拜聖母瑪利亞。第二、耶穌有二體:一為有形可見之人，一為無形不可見之聖者，即所謂二位二性也。在世三十餘年之耶穌，是立教之聖人，是盛神之器(Theophore)，並不是聖子。第三、聖堂只設十字架，而不設聖像。第四、反對天主教煉獄之說，認為只有天堂、地獄，而無煉獄。第五、教士每七日一禮拜，每日均為存亡者誦經七次。行禮必向東方，行洗禮，敬十字架。

作者: bengrace50 時間: 2005-6-27 05:36 PM

Originally posted by 左輪仔 at 2005-6-27 16:16:
成立目的[/...

阿彌陀佛，功德無量
作者: 左輪仔 時間: 2005-6-27 05:50 PM

Originally posted by bengrace50 at 2005-6-27 17:36:
阿彌陀佛，功德無量
ben,呢到就交比你喇
幫我搞到熱鬧D喎
作者: bengrace50 時間: 2005-6-27 05:53 PM

Originally posted by 左輪仔 at 2005-6-27 17:50:

ben,呢到就交比你喇
幫我搞到熱鬧D喎
都要佢地肯來我先有得『講佛話』~!
作者: bengrace50 時間: 2005-6-27 05:54 PM

可以幫我搬個《佛法知多DD》入來嗎？
作者: 左輪仔 時間: 2005-6-27 05:56 PM

Originally posted by bengrace50 at 2005-6-27 17:53:
都要佢地肯來我先有得『講佛話』~!
唔一定下下都講佛話既^^"
咁樣會比人覺得禪味重.....唔夠膽入黎嫁
作者: research2005010 時間: 2005-6-27 05:57 PM

呀版主, 我想問佛同禪唔係兩家咩?

祝善有善報
作者: 左輪仔 時間: 2005-6-27 06:01 PM

Originally posted by bengrace50 at 2005-6-27 17:54:
可以幫我搬個《佛法知多DD》入來嗎？
um.....我諗遲d學個佛學專區先移過去啦
作者: 左輪仔 時間: 2005-6-27 06:04 PM

Originally posted by research2005010 at 2005-6-27 17:57:
呀版主, 我想問佛同禪唔係兩家咩?
祝善有善報
我唔係咁清楚呀@@"
作者: research2005010 時間: 2005-6-27 06:08 PM

wait for you 版主
作者: 左輪仔 時間: 2005-6-27 06:11 PM

Originally posted by research2005010 at 2005-6-27 18:08:
wait for you 版主
其實我對宗教都好少有研究(門外漢)
都係等d專業人士解答你呢^^"
作者: research2005010 時間: 2005-6-27 06:16 PM

Oh! 版主, 我的意思係等你將d 佛學的專題移入來, 我諗我上個post寫得唔清楚
作者: 左輪仔 時間: 2005-6-27 06:25 PM

Originally posted by research2005010 at 2005-6-27 18:16:
Oh! 版主, 我的意思係等你將d 佛學的專題移入來, 我諗我上個post寫得唔清楚
係個topic係比人討論宗教既...並唔係專係為左佛學而設....
等遲d呢到反應好,就會開幾個宗教專區嫁喇^^"
作者: bengrace50 時間: 2005-6-27 07:23 PM

Originally posted by research2005010 at 2005-6-27 17:57:
呀版主, 我想問佛同禪唔係兩家咩?

祝善有善報
禪係佛教的其中一門，好似天台宗、唯識宗、淨土宗、律宗、密宗及禪宗。而禪宗的法門就是以參禪為主門，所以叫禪宗。
作者: bengrace50 時間: 2005-6-27 07:23 PM

Originally posted by 左輪仔 at 2005-6-27 17:56:

唔一定下下都講佛話既^^"
咁樣會比人覺得禪味重.....唔夠膽入黎嫁
我知，講下笑
作者: bengrace50 時間: 2005-6-27 07:25 PM

Originally posted by 左輪仔 at 2005-6-27 18:01:

um.....我諗遲d學個佛學專區先移過去啦
隨你啦，我諗住呢度專講宗教所以想放入來，還掂個topic是我開的。  不過隨便你啦
作者: bengrace50 時間: 2005-6-27 07:30 PM

開個topic考下大家，你地估下在宗教的究竟目的上，佛教同其他宗教最大的唔同程度係乜？  記住，係目的、程度。  答中無獎
作者: leeyanta 時間: 2005-6-27 08:03 PM

Originally posted by bengrace50 at 2005-6-27 07:30 PM:
開個topic考下大家，你地估下在宗教的究竟目的上，佛教同其他宗教最大的唔同程度係乜？  記住，係目的、程度。  答中無獎
http://www.buddhanet.com.tw/secret/ggx-1.htm
作者: mememe 時間: 2005-6-27 08:31 PM

既然造0左新版﹐我諗我應該喺呢度繼續我同justin_lun兄既討論:
閣下路軌的假說不能成立啊﹗因為你是預設了選擇的結局只有一個﹐就是說你在否定了未來的不確定性的前提下作推論﹐來認定結局只有一個﹐這不正是閣下說的Circular Argument嗎﹖
真係想請教一0下 - 你究竟認為"全知"呢個詞點解?

簡單嚟講﹐可能發生既結局有無限個﹐但係真真正正會發生既就只得一個。
"全知"對我嚟講就係喺事情未發生前就已經能夠"絕對正確地"預知到0個個真係會發生既結局。
理據 - 因為有先知﹐而佢哋既預言冇話"可能0甘﹐不過亦都可能0甘。。。"

對你嚟講﹐你既選擇控制你既一生 - 未來有無限個。你既執迷在于你依然從人類眼中睇呢件事。
對"全知既神"嚟講﹐你既選擇早被預知 - 知道會發生既未來只得一個。如果你從"全知既神"眼中睇呢件事你就會明白我既論點。

註: 如果"會發生既未來"真係有無限個﹐而係由人既決定所改變﹐即係話神都唔知道我哋會點做而對我哋既選擇有所驚訝﹐0甘即係話末世既神魔大戰中﹐神未必贏硬﹐而先知既預言亦都可能錯。如果0甘既神都算係"全知"既話﹐"全知"同"唔知"有咩分別?
閣下以往的大部份推論都是根據聖經得出的﹐那麼現在說聖經自相矛盾﹐無疑是推翻了閣下以往大部分的推論。
宗教既討論往往都係從接受最基本既假設(全知﹐全能﹐創世主﹐等等)去推論神既用意同矛盾。聖經本身有冇矛盾呢個問題既答案經過你指出既經文同我帶出既資料應該已經好明顯。不過如果你想繼續討論既話﹐你不妨開新Topic。

至于如果聖經自相矛盾既話就會推翻我大部分的推論﹐我既答覆係:推翻0西又點話吖?根本冇(實制上係好少好少)基督徒可以接受"聖經有矛盾"呢個結論。如果得出呢個結論既話﹐早就有基督徒走出嚟話"唔係哩﹐真係冇哩"啦。再加上我既推論係由聖經基本既假設得出既。如果推論被推翻就即係話基本假設有問題(即神未必係全知﹐全能﹐創世主﹐等等)。

[/quote]但聖經多次記載神的設定是可以改變的﹐這與宿命論並不附合。[/quote]

呢0的記載夠同不變定律自相矛盾啦﹐你係唔係想推翻埋不變定律先?見0甘人齊不如推翻埋全知﹐全能﹐全善﹐兼埋創世主吖。基本假設唔係你話推翻就推翻0架。

冇基督徒可以接受神係可以改變0架。如果唔係0的"約"(Covenant)咪冇0西信用咯﹐0甘你重信嚟做乜?
再說﹐閣下既承認人的知識及能力有限﹐並承認神的全知(見原文﹕宿命論本身既所為漏洞可能係因為人類知識同能力既極限而產生出嚟既。如果宿命論加上神既全知全能就會變成無械可擊。)
你誤解啦。我承認人既知識同能力有限﹐但係我只係"假設"神既全知。

討論必需有共識 - 如果你走入嚟話"世上有神"﹐而我走入嚟話"假設世上冇神﹐我哋討論神咯!"﹐你話有乜偈傾啫? 所以我咪要話"假設世上有神﹐假設神係全知﹐全能﹐全善。。。。﹐我哋討論神咯!"。 0甘唔代表我承認0架噃。

宿命論描述既係一個假設性既世界(論者擁有全知既能力)。喺現實世界中"選擇前既因素"同"選擇後既結果"既關係並唔完美﹐因為人並唔係全知既。但係聖經話神唔單至存在喺呢個世上﹐而且亦都係全知既﹐所以對神嚟講﹐宿命論係現實既真相。

第一: 依家唔係要你"信"宿命論(係唔係基督徒對"論"既嘢特別抗拒既呢?進化論係0甘﹐宿命論又係0甘)。宿命論既要點係因同果(註:同佛教既業無關﹐係好簡單既Cause and effect) ﹐只要你認同選擇前既因素同選擇既决定有連帶關係﹐差唔多就可以話宿命論成立。同你信唔信完全無關。

第二: “為何只相信由人所寫的宿命論而不相信由神寫的聖經呢﹖”呢個乜嘢問題嚟0架? 兩樣嘢都唔同﹐點比較?

第三: “若不信神的全知﹐有漏洞的宿命論又怎會可信?” 你好似真係唔知道宿命論係乜喎。請問你知唔知宿命論既所謂”漏洞”係乜嘢?
但閣下並不能反駁“神沒有改變初衷”這論點
好﹐我問你。我要揾到乜嘢證據先至算係反駁到“神沒有改變初衷” 呢個論點呢?

基督徒行運﹐係神對基督徒既恩典。
基督徒0賴嘢﹐係神對基督徒既鍛煉同試探。
異教徒行運﹐係魔鬼作懾。
異教徒0賴嘢﹐係神對異教徒既懲罰。
基督徒病入膏肓而死唔去﹐係神既恩典同神跡。
基督徒病入膏肓死鬼0左﹐係神召虔誠既教徒上天堂。
異教徒病入膏肓而死唔去﹐又係魔鬼作懾。
異教徒病入膏肓死鬼0左﹐係唔信神既懲罰。

0下0下都可以自完其說﹐神既初衷係乜都係你講0西0架啦!
而小弟的見解﹕一﹑基督教的確說了不信神的人是要下地獄的﹐並沒有錯。但這世上真的有一個“做人做到好好”的人嗎﹖只有耶穌。所有人也曾犯罪﹐每一宗罪都要受到相應的報應﹐這才是“公義”。不信神的人要下地獄是為了他們所犯的罪﹐若有人從未犯罪﹐就不用下地獄﹐但世上並沒有這樣的人。那麼基督徒憑甚麼可以逃過審判﹖就是耶穌的犧牲﹐信祂的人就可以因耶穌的死而復活而免被神追究﹐這就是“神愛世人”﹐用自己的獨生子為人免罪。那麼何時會出現審判﹖就是末日﹐ 那是大審判的日子﹐所有人﹕或生或死﹑信與不信﹐都要受審﹐只是信的人不用被追究。“唔聽佢話就要死”是對的﹐因為不信神的人就要有心理準備他一生所犯的所有錯都要被清算﹐若有人在思想﹑言語﹑行為上從未犯錯﹐他確實是可以不怕神的審判的﹐只是這樣的人只有耶穌一個。“公義”就是為自己所做的負責﹐而神 “佢想點”就是希望人類靠耶穌免去本來不可逃避的責任﹐這就是“神的愛”。這“公義”跟“愛”有用沒有﹖
你覺唔覺得你既見解從一開始已經好有問題?

先拋開宿命論(即係人犯罪係唔係依照神既劇本)唔講住﹐基督教既”好”同” 唔好”﹐“啱”同”唔啱”﹐“公義”同”罪”就只有用神既意旨去衡量。做神認為啱既嘢就啱 - 唔使死﹐做神認為唔啱既嘢就錯 - 落地獄。神既愛就係同你講”聽我話。聽我話就獎﹐唔聽話就死” 。

如果係0甘﹐唔好意思﹐我完全感覺唔到佢既愛。

我感覺到既係霸者既權﹐獨栽者既獨栽﹐奴隸既無條件服從﹐納粹黨同共產黨既是非觀洗腦。我從來未見過一種0甘唔似愛既感覺。你可否解識一下點解0甘叫做愛?
作者: research2005010 時間: 2005-6-27 08:43 PM

mememe, 你好似同基督徒有好大仇wor?
作者: karenmoe 時間: 2005-6-27 09:45 PM

Originally posted by research2005010 at 2005-6-27 08:43 PM:
我幫到你,
佢地話一開始就創造天地萬物, 最後先創造人, 所以人的出現的歷史較短, 一開波係阿當同佢d仔女, 跟住慢慢到方舟... ... 跟住阿伯拉罕個班人, 摩西、所羅門王陸續登場... ... 後來先出現耶穌
佢地係咁講,不過越講越唔通囉
作者: mememe 時間: 2005-6-27 10:30 PM

research2005010兄,

仇?咩仇?

除0左中世紀被人綁起然後丟落河浸死既所謂"女巫"。。。
除0左十字軍東征時戰死既異教徒。。。
除0左黑死病肆虐歐州時被天主/基督教徒以莫需有罪名虐殺既猶太教徒。。。
除0左因科學論說與天主/基督教教義產生矛盾而被威脅﹐傷害﹐監禁﹐虐待﹐及殺害既多位科學家。。。
除0左因為科技簡陋而被傳教士種族清洗(Genocide)或文明清洗(Cultural cleansing)既太平洋島嶼以及印加﹐印第安文明。。。
除0左被視為低等人﹐繼而子女被神父/牧師帶走去接受西方宗教同教育既澳州土著。。。
除0左愛爾蘭居住既天主/基督教徒。。。
除0左因為一半宗教理由(令一半係帝國主義)被人用戰火洗禮既伊拉克人民。。。
除0左因為天主/基督教教義狹窄﹐不能容人而被歧視同自由被剝削既同性戀者。。。(喺美國南部可能生命會受到威脅)
除0左因為天主/基督教教義狹窄﹐不能容人而被炸彈襲擊炸死既墮胎診所工作者。。。
除0左因為天主/基督教教義狹窄﹐不能容人而被剝削學習進化論既美國(南部)中/小學生。。。

。。。除0左呢0的人之外﹐我尋時真係諗唔到邊個會同天主/基督教有仇噃。。。
作者: 左輪仔 時間: 2005-6-27 10:37 PM

Originally posted by mememe at 2005-6-27 22:30:
research2005010兄,
仇?咩仇?
...
咁又唔好一竹竿打一船人
作者: research2005010 時間: 2005-6-27 10:42 PM

OK... ...  這樣看來, 天主教/基督教殺的人同拉登有得比
作者: 左輪仔 時間: 2005-6-27 10:53 PM

Originally posted by research2005010 at 2005-6-27 22:42:
OK... ...  這樣看來, 天主教/基督教殺的人同拉登有得比
榭大有枯枝.......
作者: karenmoe 時間: 2005-6-27 10:55 PM

Originally posted by 左輪仔 at 2005-6-27 10:37 PM:

咁又唔好一竹竿打一船人
放心啦,天主教徒同基督教徒到現到一係否認當年做過依d好事,
一係就話個d係邪教徒扮既,
或者會覺得先係正確既行為.

無人出過黎錯歉
作者: karenmoe 時間: 2005-6-27 10:56 PM

Originally posted by 左輪仔 at 2005-6-27 10:53 PM:

榭大有枯枝.......
本身棵樹就係枯既,又點會結到好既果實.
作者: research2005010 時間: 2005-6-27 11:09 PM

好等我今次轉做佢地殺人的research 先... ... 有lah

醜惡的十字軍東侵(上)

美英攻打伊拉克之前小布希曾說此次出兵為"十字軍"的在現……不知道小布希是真不知道還是他決心要跟那史上惡名昭彰的一群暴徒瘋子看齊？總之十字軍東侵之戰是歐洲史上野是人類史上最醜惡也最可悲的鬧劇。無論之後所帶來的影響是如何的好，卻也抹滅不掉他們當時所犯下的罪行。

中古世紀西歐的基督教（天主教）封建諸侯們，為了收復遠在以色列的聖地耶路撒冷所發動的一連串（以國家體系之正規部隊發動的共有八次，不含其他幾次小規模的群眾十字軍）向東方回教帝國的進攻，史稱「十字軍東征」。早期一些廉價的英雄小說將十字軍東征的動機美化為「為上帝而戰」、「收復聖地」，把那群中古騎士給美化為「英雄」、「聖潔的基督教（天主教）武士」。而事實上，他們是再野蠻下流不過的瘋子跟暴徒。十字軍的歷史不是神聖的，而是醜陋且污穢。基督教（天主教）的的宗教大義不過事一個掩飾他們罪行的華麗外衣。更何況，非基督教（天主教）信徒者皆是醜陋該死的異教徒，是在他們的眼中連腳指尖的污垢也不如的畜生，殺之又何妨？

就這樣的，這群基督教（天主教）的狂信者展開了長達兩百年的遠征大戰。至今留給後人的，只有醜陋卑劣的污名與中東民族難以抹滅的千年大仇恨。

首先是一個罪該萬死而不足惜的老修士彼得亞米斯，他在德國西部與法國北部不斷的佈道，宣傳上帝曾經跟他下達神喻，要他率領「聖潔的基督徒」前往東方討伐邪惡的異教徒。不過當人問他所謂的「異教徒」是哪些人的時候，他完全答不出個所以然來，他只回答：「異教徒是撒旦的僕人」來加以搪塞蒙混。沒想到一堆無知的貧農真的相信了他的鬼話，聚集了三萬多人浩浩蕩蕩的朝東方前進。這群烏合之眾的兵器琳瑯滿目什麼都有，但是完全沒有的就是糧食的補給。

為了存活下去，他們在所行經的路上到處燒殺擄掠無惡不作。各地的民眾看他們比看到惡魔還要害怕，紛紛組織防衛軍或是由當地領主親自領兵反擊這群瘋子。為此這批烏合之眾死傷三分之一有餘。

他們除燒殺擄掠之外還一項暴行就是屠殺猶太人，理由是「猶太人是上帝的罪民」。他們劫掠猶太人的財產，將猶太人的小孩串刺在木樁、男人全部斬首或分屍，猶太女人則是姿色好的被輪姦致死，姿色差的就放火燒成灰。史派爾地區的主教看見這群瘋子接近就大開聖殿收容可憐的猶太人加以保護。大概是有教區騎士團保護而安全逃過一劫，可是鄰近的歌隆尼亞地區則沒那樣幸運了。哥隆尼亞的主教也是收容許多猶太難民進入聖殿保護，可是因為缺乏武力的防備，哥隆尼亞大教堂一下子就被攻破。不止猶太人被屠殺，連主教與教士在內的百餘人也全部慘招殺害，該區一共死傷近兩萬人。

這時另一支由德國的下級武士與貧農組成的十字軍此時前來與其會合。這批瘋子部隊更加荒唐，他們用一隻羊與鵝作為前導，沿途碰到的生物（包含人）全部宰殺作為對「神」的獻禮。

會合以後的這一群超級烏合之眾就浩浩蕩蕩的進入了拜占庭帝國的領域，拜占庭的皇帝對他們反感至極，嚴拒這群瘋子進入君士坦丁堡。為了要趕快送走這群瘟神部隊，皇帝下令征招全國的的大小船艦把他們送過博斯普魯斯海峽讓他們登陸土耳其去跟強敵塞內柱土耳其人大戰去。

理所當然的，這群瘋子與暴徒所組合的烏合之眾在土耳其慘招報應，不但感染了瘟疫死傷過半，而且還被土耳其的精銳騎兵團給消滅殆盡，只剩千餘人逃回君士坦丁堡。為了慎重安民起見，拜占庭皇帝又出錢趕快把這群要命的傢伙送出國境。至於那個罪魁禍首彼得亞米斯，在義大利的境內就被這群憤怒的殘兵敗將給活活分屍，讓他光榮的「殉道」去。

另外兩個有名的瘋子分別來自於德國與法國。來自德國的叫尼古拉斯，法國的叫史蒂芬。這兩個瘋小鬼在西元1212年各自招集了二至三萬不等的兒童與少年少女成立十字軍，在部分該死的教士唆使下前往東方「收復聖地」。原因是他們認為前幾次的十字軍失敗是做惡太多所以上帝沒有加以庇護，只有純真的兒童才能獲得上帝的加護順利奪回耶路撒冷。

尼古拉斯這一路多達兩萬之眾，從德國科倫出發翻越阿爾卑斯山到達義大利。半路因為缺乏糧食補給與高山低溫而死傷慘重，到達義大利後被教廷拒絕並遣送回國。有幸得以生還者然有數千之眾，可是也有不少的人在義大利被當地的名產「奸商」給拐騙販賣為奴或為童妓。

史蒂芬這一路就更慘。史蒂芬本人是個牧羊童，一日他自稱受到耶穌基督的「顯靈」所指示要他招集一批全部由兒童所組成的「純真善良」的十字軍前往耶路撒冷收復聖地。他集合了三萬多名童男童女朝馬賽前進，到達馬賽後希望能像摩西渡海一般發生神蹟，大海從馬賽港分出一條路直通一路撒冷。大概是信心不足，或是摩西老兄跟上帝在下棋忘記了要幫助他們，一連等了十幾天大海仍未見分出條路讓他們走。

這時兩名「好心的」基督徒商人出現說能幫助他們渡海到耶路撒冷去，就將這三萬兒童給分別拐騙上七艘商船全部往埃及送去當奴隸。就這樣成為悲慘的奴隸而結束他們的一生。後來教廷發覺這件慘劇，在威尼斯逮到那兩個混帳傢伙，把他們給送上處刑台給砍了腦袋。

看了上述這些，如果以為這些瘋子與暴徒都是那些沒知識的貧農與小孩子就大錯特錯了。真正惡劣的還不是他們，是那群殘暴粗鄙的封建武士們。如果以為那群封建武士都是像「亞瑟王與圓桌武士」裡面那批恪守騎士精神文武精熟的騎士那就更加的錯到底了。

這群封建武士毫無任何的教養水準，貪婪與殘暴才是他們的最佳評語。會出兵參加十字軍完全跟信仰無關，他們看上的是東方的財富。這群批著人皮的野獸最喜歡在聚會上狂飲，互相吹噓自己的本事有多高強。只要一言不合，他們就立刻拔刀互砍逞兇。而參加宴會的貴婦淑女也不同與往後的歐洲貴族婦女一樣有教養。她們半裸著身體跟著這群武士一起狂歡，並且把一些貼身隱密的衣物拋給心愛的武士刺激她們的獸慾，讓他們為了爭奪自己的貼身衣物而比武廝殺。這些不道德聚會的最後，往往是男女裸身群交的淫亂醜惡場面作為收場。

率領這群瘋子與暴徒的封建國王與諸侯們也沒幾個是好東西。就拿頗富盛名的英格蘭「獅心王」李察來說，這傢伙說過的放等於放屁，根本沒有人會去相信。當時法國的一個參戰的貴族曾在法王菲利浦二世面前過一句話批評這個獅心李察：「老天，要是上帝真的顯靈，就請讓那個英格蘭來的騙子閉上嘴巴永遠不要再說話」。

獅心理查跟他的對手薩拉丁比起來只能用一句話來形容，那就是「卑劣」。李察縱容他的手下四處對回教徒燒殺擄掠，對於被俘的的回教徒的對待方式就是全部都宰了。而薩拉丁則是對基督徒保持了寬大與慈悲，除了戰爭的對手外，薩拉丁都盡量減少對於非戰鬥員的殺戮。況且，李察還曾經背叛和約趁著薩拉丁東去平亂之時偷打了杜馬城悶了薩拉丁一記黑棍。

獅心李察說話喜歡臭屁吹噓雖然常被其他聯軍的王公貴族詬病，但是真正會吹噓誑騙眾人的第一名還不是他，而是發動第一次十字軍的羅馬教皇烏爾班二世。烏爾班二世在法國克勒芒的大會上呼籲組織十字軍的時候說：「上帝的子民，現在在東方有一個稱為伊斯蘭的異教徒們，正在迫害我們的東正教兄弟。耶穌聖墓所在的聖地耶路撒冷已被那些異教徒占領。這是世所無比的奇恥大辱！那些異教徒是魔鬼的僕從。主在召喚我們去投入遠征，到耶路撒冷去消滅那些惡魔奪回聖地！為主而戰的人，將來他的靈魂都可以升入天國！」、「主應許你們，那東方的聖地四周國家都是遍地乳蜜，充滿黃金寶石的富裕之地。只要打倒異教徒那些財富都是你們的！去把神聖的十字架染紅，作為你們的聖徽，你們就是主的十字軍，主會保佑你們戰無不勝！」這種無恥的謊言就是出自於當時基督教（天主教）最高貴的教皇的口裡，從此以後就開始了長達兩百年的大災難。也鑄下西方世界與伊斯蘭世界千百年來不曾中斷的仇恨。
北條宗政原著

[ Last edited by 左輪仔 on 2005-6-28 at 05:59 PM ]
作者: 左輪仔 時間: 2005-6-27 11:14 PM

research兄~呢到係比人討論...唔係貼文嫁,貼文返出去貼ok? but anyway thx
作者: research2005010 時間: 2005-6-27 11:19 PM

我剛剛還搵到一篇基督教解釋十字軍東征想貼tim... ...
作者: 左輪仔 時間: 2005-6-27 11:20 PM

Originally posted by research2005010 at 2005-6-27 23:19:
我剛剛還搵到一篇基督教解釋十字軍東征想貼tim... ...
貼係出面都得嫁嘛
作者: karenmoe 時間: 2005-6-27 11:20 PM

Originally posted by research2005010 at 2005-6-27 11:19 PM:
我剛剛還搵到一篇基督教解釋十字軍東征想貼tim... ...
唔緊要,開主題貼囉~
我想睇~
作者: 左輪仔 時間: 2005-6-27 11:21 PM

Originally posted by karenmoe at 2005-6-27 23:20:

唔緊要,開主題貼囉~
我想睇~
係囉^^
作者: 左輪仔 時間: 2005-6-27 11:22 PM

Originally posted by karenmoe at 2005-6-27 22:55:
放心啦,天主教徒同基督教徒到現到一係否認當年做過依d好事,
一係就話個d係邪教徒扮既,
或者會覺得先係正確既行為.

無人出過黎錯歉
之前d教員粉飾得好囉@@"
作者: 左輪仔 時間: 2005-6-27 11:23 PM

Originally posted by karenmoe at 2005-6-27 22:56:

本身棵樹就係枯既,又點會結到好既果實.
又唔一定既,講真咁大既組織..真係好難管理嫁
作者: karenmoe 時間: 2005-6-27 11:23 PM

Originally posted by 左輪仔 at 2005-6-27 11:22 PM:

之前d教員粉飾得好囉@@"
歷史永遠記在人的心中,
佢地就係希望唔提唔講,等大家唔記得佢地做過乜衰野
真係咁易被佢地過到骨就天無眼啦.
作者: research2005010 時間: 2005-6-27 11:25 PM

兩篇我都貼左去政治版 tim
作者: 左輪仔 時間: 2005-6-27 11:25 PM

Originally posted by research2005010 at 2005-6-27 23:25:
兩篇我都貼左去政治版
不是嘛=.="
作者: karenmoe 時間: 2005-6-27 11:25 PM

Originally posted by 左輪仔 at 2005-6-27 11:23 PM:

又唔一定既,講真咁大既組織..真係好難管理嫁
管理唔好?
唔係呀,十字軍東征又好,燒[巫婆]又好,全部都合符天主教基督教既中心思想喎
人地交足功課被上帝,你做乜話人地管理失當?
作者: research2005010 時間: 2005-6-27 11:27 PM

我剛剛加了個tim 字, 所以版主的quote 同大家看到我的post 有d 唔同... ...
作者: 左輪仔 時間: 2005-6-27 11:27 PM

Originally posted by karenmoe at 2005-6-27 23:23:
歷史永遠記在人的心中,
佢地就係希望唔提唔講,等大家唔記得佢地做過乜衰野
真係咁易被佢地過到骨就天無眼啦.
畸會唔題丫,佢地唔係唔想認,不過如果佢地認錯既話....後果會好大
作者: mememe 時間: 2005-6-27 11:28 PM

左輪仔兄﹐

上述每件事情既人物﹐時代﹐背境﹐全部都唔同。
唯一共通點就係佢哋對自己從宗教吸取既是非觀同樣強烈﹐做出既同樣係跟社會共識嚴重矛盾既事。

人通常本身就有基本既是非觀﹐從兒時學習或家庭教育而來。雖然未必完善﹐但係已經足夠去避免喺社會裡面犯罪。

相反﹐吸取強烈及絕對既是非觀反而會令人無法體諒其他人既觀點﹐繼而偏向固執(Bigot)。嚴重0的重可能拋棄社會既是非觀而導至犯法既行為。

本人認為其中一種可以避免呢0的事情發生既方法就係削弱宗教是非觀既絕對性。因此我欣賞佛教"非唯一法門"既諗法﹐而難于接受天主/基督教"眾人皆錯我獨正"既觀點。
作者: karenmoe 時間: 2005-6-27 11:30 PM

Originally posted by 左輪仔 at 2005-6-27 11:27 PM:

畸會唔題丫,佢地唔係唔想認,不過如果佢地認錯既話....後果會好大
左兄說的無錯
神是不會錯的,所以聽從神的說話一定不會錯,
若果認當年做錯,就即係否定左天基二教這麼多年的根基.

一個咁樣既宗教仲可以大談愛與和平,真係想嘔
作者: 左輪仔 時間: 2005-6-27 11:30 PM

Originally posted by karenmoe at 2005-6-27 23:25:

管理唔好?
唔係呀,十字軍東征又好,燒[巫婆]又好,全部都合符天主教基督教既中心思想喎
人地交足功課被上帝,你做乜話人地管理失當?
呢d只不過係當時既宗教政治咋,
宗教係當時權力最高...so有d壞人入教搞事
呢d一d都唔奇,歷史都有記載,唔關宗教本身目的
作者: 左輪仔 時間: 2005-6-27 11:31 PM

Originally posted by research2005010 at 2005-6-27 23:27:
我剛剛加了個tim 字, 所以版主的quote 同大家看到我的post 有d 唔同... ...
有關宗教既topic,最好貼返黎02版
作者: karenmoe 時間: 2005-6-27 11:33 PM

Originally posted by 左輪仔 at 2005-6-27 11:30 PM:

呢d只不過係當時既宗教政治咋,
宗教係當時權力最高...so有d壞人入教搞事
呢d一d都唔奇,歷史都有記載,唔關宗教本身目的
教宗都認可,即係教宗都係壞人?
咁大個教,信邊個好?

點解唔見佛教咁多問題?點解唔見道教咁多問題?
佢地既問題絕對被天基教少得多.
唔通天基二教風水唔好?
梗係教義本身就有問題,所以才會導致佢地會做出咁多錯事
作者: 左輪仔 時間: 2005-6-27 11:34 PM

Originally posted by mememe at 2005-6-27 23:28:
左輪仔兄﹐

上述每件事情既人物﹐...
係既,有時d教徒又真係偏激左d.....
作者: 左輪仔 時間: 2005-6-27 11:39 PM

Originally posted by karenmoe at 2005-6-27 23:30:

左兄說的無錯
神是不會錯的,所以聽...
叫我左仔得喇
我覺得其實都係驚d偏激教徒咋
作者: 左輪仔 時間: 2005-6-27 11:46 PM

Originally posted by karenmoe at 2005-6-27 23:33:
教宗都認可,即係教宗都係壞人?
咁大個教,信邊個好?

點解唔見佛教咁多問題?點解唔見道教咁多問題?
佢地既問題絕對被天基教少得多.
唔通天基二教風水唔好?
梗係教義本身就有問題,所以才會導致佢地會做出咁多錯事
你又知佛道兩教一定冇發生過呢d事件??
五石散,古代毒品,道教發名,歷代幾多文人都係衰在五石散手上.....
佛教密宗都有一支教派係邪教,想一教獨大...(ben兄應該清楚d)
作者: karenmoe 時間: 2005-6-27 11:51 PM

Originally posted by 左輪仔 at 2005-6-27 11:46 PM:

你又知佛道兩教一定冇發生過呢d事件...
我無話佛教道教無發生問題
只係相對來說,他們的問題絕對比天主教基督教來的小.
作者: karenmoe 時間: 2005-6-27 11:54 PM

Originally posted by 左輪仔 at 2005-6-27 11:39 PM:

叫我左仔得喇
我覺得其實都係驚d偏激教徒咋
其實我都知宗教只要好好利用便能產生良好影響,
所以我讚同人應該有宗教自由,
但是,若果缺乏批評者,宗教便會陷入激烈的發展,
所以我才會在這裏發表這些言論,提醒各位教徒和非教徒.
作者: 左輪仔 時間: 2005-6-27 11:55 PM

Originally posted by karenmoe at 2005-6-27 23:51:

我無話佛教道教無發生問題
只係相對來說,他們的問題絕對比天主教基督教來的小.
可能我GET錯左意思=.="
SORRY^^"
作者: 左輪仔 時間: 2005-6-28 12:00 AM

Originally posted by karenmoe at 2005-6-27 23:54:

其實我都知宗教只要好好利用便能產...
我諗其他會員都會明既,呢個亦都係我開呢個topic其中一個目的
作者: 史艷文2 時間: 2005-6-28 01:26 AM

Originally posted by 左輪仔 at 2005-6-27 11:46 PM:

你又知佛道兩教一定冇發生過呢d事件...
左仔兄!
嗰D毒藥係道家發明黎醫病(以毒攻毒)
不過比D懷人用作其他用途!

佛教嗰單嘢好似係政府想控制西藏宗教,
以方便控制人民,長情就Ben兄講下.
作者: 左輪仔 時間: 2005-6-28 01:49 AM

Originally posted by 史艷文2 at 2005-6-28 01:26:
左仔兄!
嗰D毒藥係道家發明黎醫病(以毒攻毒)
不過比D懷人用作其他用途!

佛教嗰單嘢好似係政府想控制西藏宗教,
以方便控制人民,長情就Ben兄講下.
而家咪就係講緊究竟係宗教本身錯,定係有人為成份囉^^
作者: 史艷文2 時間: 2005-6-28 01:55 AM

Originally posted by 左輪仔 at 2005-6-28 01:49 AM:

而家咪就係講緊究竟係宗教本身錯,定係有人為成份囉^^
我估任何一個宗教都一定有人為成份,
掙在  多  與  小之分!
作者: 左輪仔 時間: 2005-6-28 02:04 AM

Originally posted by 史艷文2 at 2005-6-28 01:55:
我估任何一個宗教都一定有人為成份,
掙在  多  與  小之分!
係呀,史兄同我個諗法差唔多
作者: bengrace50 時間: 2005-6-28 02:37 AM

Originally posted by 史艷文2 at 2005-6-28 01:26:

左仔兄!
嗰D毒藥係道家發明黎醫...
嗰D毒藥係道家發明黎醫...
--> 據我所知道係

詳情由ben兄講...
--> 對唔住呀，我只是一個佛教修行人，對呢d佛教野史唔多清楚。據一d佛學課程大鋼都似乎無講

個人意見：

從宗教學角度去看，無論什麽宗教的教徒的行為超出教義，這並非宗教的問題，而是人的問題。就算如當年十字軍東征，都是人借用宗教之名去達至人的野心，這並非該宗教本身問題。有的只是宗教的團體在管理上出現問題，這是很基本、簡單的邏輯，但卻又往往很多人攪錯。

再者，如果很多打著某宗教旗號去做該教本身禁止之事，那人根本就不是該教之教徒。  例如佛教，現在很多假出家人在街上化緣。但他們其實是假出家人。大乘佛教現在巳不准在街上化緣，而現在很多人假扮出家人在街上化緣，又有些只為兩餐而非為修人的假出家人。在佛教來說要進行一些儀式才算出家，而心性就更重要。  若當中缺乏其中一樣也不算是真正的出家人。

同樣道理，其它宗教徒如果不依教義、甚或借教行騙又甚算是該教教徒。  因為他們心底裡根本不信:cool:
作者: bengrace50 時間: 2005-6-28 02:53 AM

Originally posted by leeyanta at 2005-6-27 20:03:

http://www.buddhanet.com.tw/secret/ggx-1.htm
可能我問得唔好，開估啦[/color]

佛教同其他宗教最唔同是在果位方面，你的網頁內容其實有答案，不過d人可能未必明。

簡單d講

信佛去修行你最後可以同佢一樣咁高咁大，一樣係佛
信上帝，你最後是天使，但唔可以做上帝、耶穌，如果唔係會落地獄
信回教，你唔可以做阿喇
信道教，好d，但你頂多可以好似太上老君，但上面仲有個玉帝激死你哋未，但這是事實
作者: karenmoe 時間: 2005-6-28 03:02 AM

點解十字軍東征係遺反天主教教義?
除非聖經有錯,
不然天主殺的異教徒比人類殺的還有多無數倍.
作者: karenmoe 時間: 2005-6-28 03:03 AM

我唔信教,但我接近老莊思想,
依度有無人一樣喜歡道家?
作者: karenmoe 時間: 2005-6-28 03:07 AM

祭祀別神，不單單祭祀耶和華的，那人必要滅絕。
(申命記7:5) 你們卻要這樣待他們、拆毀他們的祭壇、打碎他們的柱像、砍下他們的木偶、用火焚燒他們雕刻的偶像。

我認為大家不應怪責十字軍,
他們交足功課比上帝,應該受到大眾既讚賞,
反而係現在的教會不依從上帝的指示,
他們是邪教~~
作者: bengrace50 時間: 2005-6-28 04:22 AM 標題: 給想知什麽是禪的人參悟體究一下

給想知什麽是禪的人參悟體究一下

福州長慶慧棱禪師之悟道

　　長慶慧棱禪師是雪峰禪師的法嗣弟子，他本杭州海鹽縣人，俗家姓孫，年十三出家。
      長慶禪師往來親近雪峰、靈雲、玄沙諸位禪師，學習事業很辛苦，十五年來坐破七個蒲團，仍未能明白自性之事。
　　雪峰禪師見他的根性如是闇鈍，就對他說：“我賜與你死馬當成活馬的醫治方法，你還甘心也不甘心？”
　　長慶禪師答：“願意依照師父的處分方式行事。”
　　雪峰禪師說：“你不用一日三度五度上來找我詢問，只要如山裡用來燒火的樹樁子一樣去做人，息卻身心的妄動，遠則十年，中則七年，近則三年，必然會有智慧來由。”

　　長慶禪師依照雪峰禪師教導的方式修行，如此過得兩年半。有一日，心中妄念全消，起念止念都絲毫不得（此時妄念歸空），於是他捨卻靜坐，去院外繞茶園三匝，完了之後到樹下重新打坐，忽底裏睡著了。睡覺醒了卻返歸寺院，從寺院東走廊下面上來。剛剛撩捲門簾，進入僧堂，驀然看見燈籠火光，當下大悟（悟明心空之後的自心本妙覺心）。
      他立即走去雪峰和尚住處。
      因為雪峰和尚睡覺未曾起床，長慶只好退轉至法堂門口，依靠著法堂的柱頭站立著，由於心情激動難抑，不自覺地失控出聲。
　　雪峰大師睡中有所聽聞，出聲詢問說：“是什麼人在這裏？”
　　長慶禪師趕緊稱報自己的名字：[“我是長慶。”]
　　雪峰大師問他說：“你又三更半夜來這裏作什麼？”
　　長慶禪師回答說：“弟子有點特別的見解。”
　　雪峰大師當即自己起來開門，握住長慶的手細問衷情。
　　長慶禪師述說覺悟衷情的偈誦說：
　　「也大差，也大差，捲起簾來見天下。
　　有人問我會何宗，拈起拂子劈口打。」
翻譯如下：
　　枯坐也大差，悟空也大差，
　　捲起妄想簾，圓覺照天下，
　　若有人問我，到底會何宗，
　　拈起拂子來，默口當頭打。（知痛心便是，尋找即是差）。

　　雪峰禪師列舉長慶的偈誦對玄沙備禪師說：“這小子徹底去卻妄想啦”。
　　玄沙禪師說：“未必，這或許是意識猜想著所述說的，應該重新勘察過始能確定”。
　　到晚上時，眾僧上來問訊法理，雪峰禪師對長慶禪師說：“還有備頭陀未首肯你的見解，如果你實在有所證悟，當著大眾的面舉出你的見解來。”
　　長慶禪師又作偈頌說：
　　“萬象之中獨露身，唯人自肯乃方親。
　　昔時謬向途中覓，今日看來火裏冰。”

　　（翻譯如下）
　“隱含萬象中，獨露本性身，（闡述體性）
　　唯人心自肯，受用方親證。（闡述悟否關鍵）
　　昔時見解錯，謬向途中覓，（闡述錯謬原由）
　　今日看火裏，自性若冰清。（徹悟離垢本性）

　　雪峰禪師於是回頭對玄沙禪師說：“不可能又是意識猜想著所述說的吧？”

[ Last edited by 左輪仔 on 2005-6-28 at 05:59 PM ]
作者: 史艷文2 時間: 2005-6-28 12:29 PM

Originally posted by karenmoe at 2005-6-28 03:03 AM:
我唔信教,但我接近老莊思想,
依度有無人一樣喜歡道家?
我!佛,道一樣喜歡!

另:ben兄,玉帝不是例在太上老君頭上的
太上老君之上是(元始天尊)(道教最大)
作者: bengrace50 時間: 2005-6-28 12:55 PM

Originally posted by 史艷文2 at 2005-6-28 12:29:

我!佛,道一樣喜歡!

另:ben兄,玉帝不是例在太上老君頭上的
太上老君之上是(元始天尊)(道教最大)
咁玉帝唔係在天道中高級過太上老君咩？
作者: 史艷文2 時間: 2005-6-28 01:02 PM

Originally posted by bengrace50 at 2005-6-28 12:55 PM:

咁玉帝唔係在天道中高級過太上老君咩？
民間神就係,正宗道教係元始天尊最大,太上老君第二,通天教主第三.
合稱:三清
作者: bengrace50 時間: 2005-6-28 01:15 PM

Originally posted by 史艷文2 at 2005-6-28 13:02:

民間神就係,正宗道教係元始天尊最大,太上老君第二,通天教主第三.
合稱:三清
Oh~~~!  道教方面都係你專家d
作者: 史艷文2 時間: 2005-6-28 01:19 PM

Originally posted by bengrace50 at 2005-6-28 01:15 PM:

Oh~~~!  道教方面都係你專家d
佛教方面你就勁我好多
作者: bengrace50 時間: 2005-6-28 01:19 PM

不過以前學校就教老子係道教最大。  而我信佛前，我姨丈帶我去道壇做法事，佢就話只有玉帝可以特赦罪人，咁即是點？
作者: 史艷文2 時間: 2005-6-28 01:28 PM

Originally posted by bengrace50 at 2005-6-28 01:19 PM:
不過以前學校就教老子係道教最大。  而我信佛前，我姨丈帶我去道壇做法事，佢就話只有玉帝可以特赦罪人，咁即是點？
讀書係教老子(太上老君)最大,因為歷史上真有其人,
而道教最大的元始天尊係未有人類之前,盤古初開既第一位神,
所以讀書唔會教,
道壇做法事只有玉帝可以特赦罪人都啱的,
因為始終玉帝係掌管絕大部份神和所有人生死命運,
佢有特別特赦權,(幽冥教主)地藏王也可以的.
其實佛,菩蕯也可以,不過特赦一個人,可能軒連甚廣,所以唔會亂咁特赦!

其實應該話,元始天尊既道,老子發揮得最好,
所以被為道祖

[ Last edited by 史艷文2 on 2005-6-28 at 01:38 PM ]
作者: bengrace50 時間: 2005-6-28 01:36 PM

Originally posted by 史艷文2 at 2005-6-28 13:28:

讀書係教老子(太上老君)最大,因為...
Oh~~!  Thanks
作者: 左輪仔 時間: 2005-6-28 03:35 PM

Originally posted by 史艷文2 at 2005-6-28 13:02:

民間神就係,正宗道教係元始天尊最大,太上老君第二,通天教主第三.
合稱:三清
唔係靈寶道君咩???
作者: 史艷文2 時間: 2005-6-28 04:29 PM

Originally posted by 左輪仔 at 2005-6-28 03:35 PM:

唔係靈寶道君咩???
通天教主=靈寶天尊
作者: 左輪仔 時間: 2005-6-28 04:32 PM

Originally posted by 史艷文2 at 2005-6-28 16:29:
通天教主=靈寶天尊
原來係咁,我真係唔知喔
作者: 史艷文2 時間: 2005-6-28 04:33 PM

Originally posted by 左輪仔 at 2005-6-28 04:32 PM:

原來係咁,我真係唔知喔
好多人都唔知架,
不過道家神仙通常都唔止一個名
作者: 左輪仔 時間: 2005-6-28 04:35 PM

Originally posted by 史艷文2 at 2005-6-28 16:33:

好多人都唔知架,
不過道家神仙通常都唔止一個名
係囉,呢下先慘,有時都唔知邊個打邊個@@"
作者: 史艷文2 時間: 2005-6-28 04:41 PM

Originally posted by 左輪仔 at 2005-6-28 04:35 PM:

係囉,呢下先慘,有時都唔知邊個打邊個@@"
所以開呢版都幾好,可以有問有答
作者: 左輪仔 時間: 2005-6-28 04:43 PM

Originally posted by 史艷文2 at 2005-6-28 16:41:

所以開呢版都幾好,可以有問有答
係呀,不過我驚雷聲,雨點小.....
所以請史兄你多多支持呀
作者: 史艷文2 時間: 2005-6-28 05:00 PM

Originally posted by 左輪仔 at 2005-6-28 04:43 PM:

係呀,不過我驚雷聲,雨點小.....
所以請史兄你多多支持呀
知既咪講下囉,冇乜所謂.
不過遇著D無知又扮知的,我費事啋佢
作者: neptune1122 時間: 2005-6-28 05:24 PM

Originally posted by 史艷文2 at 05:00 PM 17:00:

知既咪講下囉,冇乜所謂.
不過遇著D無知又扮知的,我費事啋佢
甘辛苦你啦～
多謝支持！！
作者: bengrace50 時間: 2005-6-28 05:39 PM

Originally posted by bengrace50 at 2005-6-28 04:22:
給想知什麽是禪...
喂，左兄，做乜hidden左我篇野呀？:o
作者: bengrace50 時間: 2005-6-28 05:53 PM

Originally posted by bengrace50 at 2005-6-28 04:22:
給想知什麽是禪...
仲要

**** Hidden to Credits Lower Than 5000 ****

[ Last edited by 左輪仔 on 2005-6-28 at 04:46 PM ]

唔駛咁下嗎？
作者: 左輪仔 時間: 2005-6-28 05:54 PM

Originally posted by bengrace50 at 2005-6-28 17:39:
喂，左兄，做乜hidden左我篇野呀？:o
我想呢到多d人入黎討論,唔想比人覺得呢到好多字要睇....
追post都慢左時間...咁咪hide左佢囉@@".....
作者: bengrace50 時間: 2005-6-28 05:57 PM

Originally posted by 左輪仔 at 2005-6-28 17:54:

我想呢到多d人入黎討論,唔想比人覺得呢到好多字要睇....
追post都慢左時間...咁咪hide左佢囉@@".....
因為有人問禪我先post俾佢睇ka喎
作者: 左輪仔 時間: 2005-6-28 05:58 PM

Originally posted by bengrace50 at 2005-6-28 17:57:

因為有人問禪我先post俾佢睇ka喎
um.....咁我開返佢啦

p.s.開埋之前十字軍post
作者: bengrace50 時間: 2005-6-28 07:20 PM

Originally posted by 左輪仔 at 2005-6-28 17:58:

um.....咁我開返佢啦

p.s.開埋之前十字軍post
謝
作者: mememe 時間: 2005-6-28 07:46 PM

請問bengrace50兄,

我有幾個問題想請教:

1)佛教主張無我﹐即自身與身外物皆為幻象,所以唔應該有執念。
但若果唔執著成佛之念又如何成佛呢?

2)佛既意念﹐說話﹐同埋行為係唔係應該唔產生業0架?

3)佛法可以講係"成佛途徑既地圖"。但係究竟點知道信佛真係會成佛呢?

4)六道輪迴係唔係一個封閉系統(Closed System)?即係話﹐係唔係一切眾生同埋影響到眾生既嘢都喺呢六道裡面生存?如果係既話﹐點解人類既數量愈嚟愈多既?呢0的人又係從邊"道"嚟0架?

5)"一切眾生皆成佛"係地藏菩薩既願。請問呢個係理想定係預言?

多謝賜教。
作者: bengrace50 時間: 2005-6-28 10:03 PM

Originally posted by mememe at 2005-6-28 19:46:
請問bengrace50兄,

我有幾個問題想...
1)佛教主張無我﹐即自身與身外物皆為幻象,所以唔應該有執念。
但若果唔執著成佛之念又如何成佛呢?

--> 無我並非第等於自身與身外皆為幻象。  只是說一切事物我地要知其性質是空，『空者』並非空空如也的空，而是無常。  即無一個永久不變的性質形態。  例如，一張木如果打爛了之後，木已經不再是木，而是爛木。  所以佛教我們不可以執著一切事物的假象，而這個假象就是指這種不永久的形相。  而佛性是永久不變的，我們的佛性現在與佛是無分別的，沒有誰多誰少，只是我們現在佛性被無明所蓋所以未能顯現。  所以佛教並非一切也不執著。

佛教中有所謂中道，就是不能執『空』，也不能執『有』，要行於中道。  但更不能執中道，所以是要圓融萬變的。

成佛必先成菩薩。  佛有兩足尊之稱。  即褔慧具足，所以行菩薩道時是要修智慧及福德。他在金剛經教我們說：『菩薩有我相、人相、眾生相、壽者相，即非菩薩』。  意思是菩薩如果行六度萬行時，例如布施時執著於我今天布施了多少，有多少人受我布施，這人不能稱得上是菩薩。  所以，他必不能成佛。

所以佛教我們不能執著是指這些。

2)佛既意念﹐說話﹐同埋行為係唔係應該唔產生業0架?
--> 金剛經云：佛，即諸法如義。  法即萬事萬物，行為。佛教我們想成佛要做到，無分別心，不思善，不思惡。同體大悲。

3)佛法可以講係"成佛途徑既地圖"。但係究竟點知道信佛真係會成佛呢?
--> 通常把釋迦世尊一生之化儀，總名為八相成道。也叫做八相作佛、釋迦八相、八相示現、如來八相等。世尊隨其願力能現八種利益眾生相。所謂從兜率天退、入胎、住胎、出胎、出家、成道、轉法輪、入於涅槃。  據梵網經說，世尊今次已是第8000次來我們的世界。  其實目的也就是要做給眾生看，如何修行，修行之後是的確可以成佛。

4)六道輪迴係唔係一個封閉系統(Closed System)?即係話﹐係唔係一切眾生同埋影響到眾生既嘢都喺呢六道裡面生存?如果係既話﹐點解人類既數量愈嚟愈多既?呢0的人又係從邊"道"嚟0架?
--> 六道眾生是受自己的業力引進輪回而不能離開。影響眾生的是業力。  之所以我們會一起出現於地球，是因為我們有共同的業力，我們叫其做共業。  佛教相信不只地球一個世界(佛教叫做娑婆世界)，六道輪回的眾生不一定在地球輪回。  之所以地球越來越多人，原因有二，一動物越來越少，二，地球共業越來越大，其它地方的眾生投胎來了。

5)"一切眾生皆成佛"係地藏菩薩既願。請問呢個係理想定係預言?
--> 地藏經說：『南閻浮提眾生(也是地球的別號)，舉止動念，無不是業，無不是罪，何況恣情殺害、竊盜、邪婬、妄語、百千罪狀。...........佛告閻羅天子：南閻浮提眾生，其性剛強，難調難伏。是大菩薩，於百千劫，頭頭救拔如是眾生，早令解脫。是罪報人乃至墮大惡趣，菩薩以方便力，拔出根本業緣，而遣悟宿世之事。自是閻浮提眾生結惡習重，旋出旋入，勞斯菩薩久經劫數而作度脫。』

故此，如果我們還不爭氣，地藏菩薩就有排都不能成佛了，爭氣吧！早d修行！
作者: mememe 時間: 2005-6-28 10:59 PM

bengrace50兄,

多謝你既解答。你講既我好多都明明哋。唔明既地方如下 -

請問:

1)
佛教中有所謂中道，就是不能執『空』，也不能執『有』，要行於中道。  但更不能執中道，所以是要圓融萬變的。
你講到好玄。。。可唔可以解釋0下點樣先為之"不執『空』﹐不執『有』﹐不執中道﹐圓融萬變"呢? 儒家既中庸之道就話要凡事中庸﹐但係點先做到連中道都唔執呢?

2)
不思善，不思惡。同體大悲。
點解佛既然已經跳出0左六道輪迴﹐已經乜嘢都"不執"﹐都依然會有慈悲心既? 我想問問﹐佛教所講既慈悲係乜嘢?

3)
其實目的也就是要做給眾生看，如何修行，修行之後是的確可以成佛。
點解佢要0甘做呢? 佢0甘做唔會產生業0架咩?

4)
之所以我們會一起出現於地球，是因為我們有共同的業力，我們叫其做共業。
我唔係好明共業係乜﹐你可唔可以詳細0的解釋呢?
其實動物唔見得越來越少。品種可能少0左但係數量就。。。

我聽過話動物無法得道 - 究竟係唔係真0架?

動物點樣先至可以投胎做人?

5) 你講既可能係慈悲心既表現﹐但係我唔明點解呢個願唔係"執"。

多謝賜教。

Edited:

6) 差0的唔記得問 - 可唔可以話我知"業槃"點解? 唔該!

[ Last edited by mememe on 2005-6-28 at 11:05 PM ]
作者: bengrace50 時間: 2005-6-28 11:33 PM

1)

你講到好玄。。。可唔可以解釋0下點樣先為之"不執『空』﹐不執『有』﹐不執中道﹐圓融萬變"呢? 儒家既中庸之道就話要凡事中庸﹐但係點先做到連中道都唔執呢?

--> 例如d人乜都話空，空呀空呀，跟住乜都唔做。咁咪執囉。  佛教連中道都唔執，即是叫人應做就做，唔應該執，就要放下。  如果有事情發生，正確面對，無法改變的，例如死，就要放下。為之中道都唔執。

2)

點解佛既然已經跳出0左六道輪迴﹐已經乜嘢都"不執"﹐都依然會有慈悲心既? 我想問問﹐佛教所講既慈悲係乜嘢?
--> "不執"不等於無佛性、無人性。  佛性才是不生不滅，即使你變成隻蟻，你的佛性也不減。

慈悲: 慈愛眾生並給與快樂（與樂），稱為慈；同感其苦，憐憫眾生，並拔除其苦（拔苦），稱為悲；二者合稱為慈悲。佛陀之悲乃是以眾生苦為己苦之同心同感狀態，故稱同體大悲。又其悲心廣大無盡，故稱無蓋大悲（無有更廣、更大、更上於此悲者）。　

3)
  Quote:
其實目的也就是要做給眾生看，如何修行，修行之後是的確可以成佛。

點解佢要0甘做呢? 佢0甘做唔會產生業0架咩?

--> 慈悲眾生嗎！  當他未再成佛就當然會啦。  但他與我們不同，他知道出世其實是做戲，但凡夫之人就執著自身以為有個真正的『我』。咁就有。  至於點解會咁，要講到唯識，對你來說暫時太深，我想你將來才學才會明。

4)

我唔係好明共業係乜﹐你可唔可以詳細0的解釋呢?
其實動物唔見得越來越少。品種可能少0左但係數量就。。。
--> 共業，謂眾生共通之業因，能招感自他共同受用之山河、大地等器世界，此乃依報之業；而個人之業因，能招感個人受用之五根等正報之業者，則稱為不共業。
例如:  海潚、戰爭，就是因為人類殺生食肉引致的共業。

我聽過話動物無法得道 - 究竟係唔係真0架?
--> 多數，但有些有靈性的有時也會得度。  但如不天龍等也有修行的。  但如果是隻蟻又如何修行？  所以要懂珍惜人身。

動物點樣先至可以投胎做人?
--> 受完報之後

5) 你講既可能係慈悲心既表現﹐但係我唔明點解呢個願唔係"執"。
--> 都可以算係，所以仍未成佛。聖位菩薩就是靠這一絲執才可來回真如法界與我們的世界度眾生。

6) 差0的唔記得問 - 可唔可以話我知"業槃"點解? 唔該!

涅槃: 原來指吹滅，或表吹滅之狀態；其後轉指燃燒煩惱之火滅盡，完成悟智（即菩提）之境地。此乃超越生死（迷界）之悟界，亦為佛教終極之實踐目的，故表佛教之特徵而列為法印之一，稱「涅槃寂靜」。佛教大乘、小乘對涅槃之解釋，異說紛紜。總約之，涅槃即滅卻煩惱之狀態。
其中還有有餘（依）涅槃與無餘（依）涅槃之分，前者是雖斷煩惱，然肉體（意即殘餘之依身，略稱「餘依」或「餘」）殘存之情形；(即佛陀成佛後不立即入涅槃，留世49年度眾生時的就是有餘（依）涅槃)

後者是灰身滅智之狀態，即指一切歸於滅無之狀況。有部等主張涅槃乃一存在之實體，經量部等視涅槃為煩惱滅盡的狀態之假名，而其本身並無實體。
佛的肉身留世49年後入滅的就是無餘（依）涅槃。
作者: mememe 時間: 2005-6-29 12:26 AM

bengrace50兄,

多謝你既解答。我既問題開始煩親你未呀?

請問:

1)
如果有事情發生，正確面對，無法改變的，例如死，就要放下。
何謂正確面對呢? 請問佛教用乜嘢嚟到定"正"呢?

2) 請問何謂佛性?

依你所講﹐佛咪應該會因為慈悲而依然有感情咯? 若然佛已看破世間之無常與因果﹐點解會見蒼生既苦而同感其苦呢?

3)
至於點解會咁，要講到唯識，對你來說暫時太深，我想你將來才學才會明。
。。。好想快0的知。。。點先會明?

4) 我明0左共業係乜但係唔明點解。如素食者死于葷食者既共業報(海潚、戰爭﹐等等)之中應如何解釋?

動物點樣可以"受報"而投胎做人呢? 唔係好明"受報"。。。

5)
都可以算係，所以仍未成佛。聖位菩薩就是靠這一絲執才可來回真如法界與我們的世界度眾生。
明白。

6) 肉體留世既有餘（依）涅槃係唔係好難達到0架?
點先知道一位高僧達到涅槃未?
請問涅槃同神通係唔係有連帶關係0架?
講開又講 - 神通係乜嘢一回事? 點解會有既?

多謝賜教。
作者: bengrace50 時間: 2005-6-29 08:21 AM

Originally posted by mememe at 2005-6-29 00:26:
bengrace50兄,

多謝你既解答。我既...
我現在出門，今或明晚才回答你。  又或看看今或明晚之前有無師兄出手
作者: bengrace50 時間: 2005-6-29 08:48 AM

Originally posted by mememe at 2005-6-29 00:26:
bengrace50兄,

我既問題開始煩親你未呀？...
當然不是啦
作者: bengrace50 時間: 2005-6-29 10:53 AM

mememe兄/妹(唔知點叫)，

不知是菩薩要我答完你問題才准我出街還是其它，總知無端端不用出街可以立刻答你，答覆如下

1)
何謂正確面對呢? 請問佛教用乜嘢嚟到定"正"呢?
即是中正之道，中道。即離開『空』、『有』二邊之極端、邪執，為一種不偏於任何一方之中正之道，或觀點、方法。又作中路，或單稱中。中道係佛教之根本立場，於大、小二乘廣受重視，故其意義雖各有深淺，但各宗以此語表示其教理之核心則為一致。中道之意義稱中道義，中道之真理稱中道理。又因中道乃表示宇宙萬有之真實相，故就中道即實相之意義而言，稱為中道實相。　

在阿含教說而言，因八聖道之實踐是遠離快樂主義與苦行主義等偏頗之生活態度，由此得以完成智慧，趣入菩提涅槃，故稱八聖道為中道。

八聖道又作八正道。乃三十七道品中，最能代表佛教之實踐法門，即八種通向涅槃解脫之正確方法或途徑。釋尊轉法輪時，所說離樂欲及苦行之二邊，趨向中道者，即指此八正道。八者即：
(一)正見，又作諦見。即見苦是苦，集是集，滅是滅，道是道，有善惡業，有善惡業報，有此世彼世，有父母，世有真人往至善處，去善向善，於此世彼世自覺自證成就。
(二)正思惟，又作正志、正分別、正覺或諦念。即謂無欲覺、恚覺及害覺。
(三)正語，又作正言、諦語。即離妄言、兩舌、惡口、綺語等。
(四)正業，又作正行、諦行。即離殺生、不與取等。
(五)正命，又作諦受。即捨咒術等邪命，如法求衣服、飲食、床榻、湯藥等諸生活之具。(六)正精進，又作正方便、正治、諦法、諦治。發願已生之惡法令斷，未生之惡法令不起，未生之善法令生，已生之善法令增長滿具。即謂能求方便精勤。
(七)正念，又作諦意。即以自共相觀身、受、心、法等四者。
(八)正定，又作諦定。即離欲惡不善之法，成就初禪乃至四禪。　

八聖道乃眾生從迷界之此岸渡到悟界之彼岸所持之力，故以船、筏為譬，有八道船、八筏之稱；又如車輪之輻、轂、輞相互助車轉動，故亦譬稱八輪。又此為聖者遊行之所，故又作八遊行、八由行。反之，邪見、邪思、邪語、邪業、邪命、邪精進、邪念、邪定，稱為八邪、八邪行。

2)
請問何謂佛性?
佛性又作如來性、覺性。即佛陀之本性，或指成佛之可能性、因性、種子、佛之菩提之本來性質。為如來藏之異名。
『一切眾生悉有佛性，凡夫以煩惱覆而無顯，若斷煩惱即顯佛性。』

佛性分為三位（稱三位佛性、三佛性），即：
(一)住自性佛性，眾生先天具有之佛性。
(二)引出佛性，通過佛教修行所引發之佛性。
(三)至得果佛性，至佛果始圓滿顯發者。
依你所講﹐佛咪應該會因為慈悲而依然有感情咯? 若然佛已看破世間之無常與因果﹐點解會見蒼生既苦而同感其苦呢?
無慈悲不成菩薩，可況成佛

3)
。。。好想快0的知。。。點先會明?
要懂作業與否就要先明白唯識，要懂唯識就先要知什麼是『八識』。你想知就看看以下的網址先吧。

唯識教學網 - 見晉法師著
http://residence.educities.edu.tw/jenjin/8conscious/index.htm

4)
我明0左共業係乜但係唔明點解。如素食者死于葷食者既共業報(海潚、戰爭﹐等等)之中應如何解釋?
譬如禽流感，你班友殺晒d雞為了保命。之所以你們會一齊殺佢地，前世一定有因緣才會一齊。到你們成班一齊福德損到薄時，你們共同之業便會要你們一齊還。
動物點樣可以"受報"而投胎做人呢? 唔係好明"受報"。。。
受報是指承受自己的報應。  報應有褔、惡之分。  動物因為業報故受報墮入畜道。  在三惡道中，畜道算是最好的了。  不過其實也很難說，在惡道中輪流受報也有。經中有說在地獄受報後再到餓鬼，之後才做人，但仍為下賤人。  但如此可估計到，當受之惡報漸變為薄時可做回人。

6)
肉體留世既有餘（依）涅槃係唔係好難達到0架?
如果你證得果位，即是開悟，成為十地菩薩、羅漢或辟支佛就當然唔難。  但你估開悟難唔難？  各人前世修行善根不同，你自己先知。
點先知道一位高僧達到涅槃未?
只有佢自己先最清楚，我地只可從佢日常中觀察
請問涅槃同神通係唔係有連帶關係0架?
無，但開悟後的副作用是人的六種神通會出現。  而亦只開開悟之人先叫做涅槃
講開又講 - 神通係乜嘢一回事? 點解會有既?
六通：指六神通，為佛菩薩依定慧力所示現之六種無礙自在之妙用。即：神足通、天耳通、他心通、宿命通、天眼通、漏盡智證通。

神足通: 身能飛行，不往而到，一念能至，即大能作小，以小作大等
天耳通: 以此天耳能聞自地及下地之天聲、人聲、非人聲及遠近等一切之音聲，稱為天耳通。
他心通:即證得他心智，能如實了知他人心中差別相之神通力。
宿命通: 能知自己及眾生過去一生、無量生中之受報差別、善惡苦樂等情狀。
天眼通: 以此眼能照見自地及下地六道中之遠近粗細等諸物，稱為天眼通，以眼識相應之慧為體，其性無記，攝於十智中之有漏世俗智。
漏盡智證通: 又稱漏盡神通、漏盡通證、漏盡通。即證得漏盡智，斷盡一切有漏煩惱，依止靜慮而示現威德具足。

註：六通中之前五通於異生之凡夫亦可證得，而漏盡通唯聖者能證得。
作者: mememe 時間: 2005-6-29 06:42 PM

bengrace50兄,

公事煩忙。三日後再見。

mememe上。
作者: bengrace50 時間: 2005-6-29 07:27 PM

Originally posted by mememe at 2005-6-29 18:42:
bengrace50兄,

公事煩忙。三日後再見。

mememe上。
大家咁話，byebye
作者: 左輪仔 時間: 2005-6-29 08:35 PM

BEN兄真係好強@@"
作者: 老鬼X 時間: 2005-6-29 10:29 PM

bengrace50兄
我可能有少少離題
如果宗教係一個以思想(信念)為主既話
咁當年既納稅主意/現在既共產主意又係唔係?
咁....十字軍既野就可以解釋到(只怕係自說其圓)
無人理又無人鬧會唔會晤公平呢?
作者: bengrace50 時間: 2005-6-30 12:48 AM

Originally posted by 老鬼X at 2005-6-29 22:29:
我可能有少少離題
如果宗教係一個以思想(信念)為主既話
咁當年既納稅主意/現在既共產主意又係唔係?
咁....十字軍既野就可以解釋到(只怕係自說其圓)
無人理又無人鬧會唔會晤公平呢?

我認為信仰同宗教是有分別的。  信仰是一種理念，可能亦會加上一種對個人崇拜。此為信仰。其理念亦可以成為一種亦哲學。納稅主義/共產主義就是這種，故此在大學有課程研究。

當對個人崇拜去到神化及超自然的程度，才算宗教。

至於『無人理又無人鬧會唔會晤公平呢?』，其實在學術界有很多著作，絕對不是『無人理又無人鬧會唔會晤公平呢?』

歡迎光臨娛樂滿紛 26FUN (http://26fun.com/bbs7/) Powered by Discuz! 7.0.0