娛樂滿紛 26FUN - Powered by Discuz! Board

標題: 足總同澎馬流浪班人係咪香港0既恥辱? [打印本頁]

作者: skjeiw 時間: 2005-9-25 02:03 PM 標題: 足總同澎馬流浪班人係咪香港0既恥辱?

晨曦入到亞協盃四強,足總就玩野,一d配合都無,由得對澎馬流浪場波照開,流浪又話無通知...醒少少啦,人地又唔係特登,第一次入大賽四強竟然做埋d咁幼稚0既野,連少少support,鼓勵都無,一邊好似好有原則,另一邊就扮正義,諸多事實...贏埋咪踢佢出聯賽...
雖然我係支持愉園,但係為左香港球壇一個創舉,同埋反對呢d無聊,無良,無能0既足總加埋d無人性,無智慧,無建設既球會高層,真係要企出黎抱不平!!!

[ Last edited by skjeiw on 2005-9-25 at 02:33 PM ]

作者: Dicksonheng 時間: 2005-9-25 02:07 PM

流浪班人就係想晨曦班人派後備畀佢地著數之嘛
cheap精

作者: skjeiw 時間: 2005-9-25 02:11 PM

Originally posted by Dicksonheng at 2005-9-25 02:07 PM:
流浪班人就係想晨曦班人派後備畀佢地著數之嘛
cheap精

cheap到嘔,如果佢好意思企硬,要搞到晨曦扣分...我支持所有球隊杯葛足總,更加杯葛流浪
擺踢!!!

作者: fffffa 時間: 2005-9-25 02:12 PM

所以hk足球咪搞成咁籮~~~

作者: YUEN_LOUIS 時間: 2005-9-25 02:15 PM

平心而論:
踢波比賽係為3分,佢地又唔係友會,成人之危可以理解的(人性的表現,佢亦冇責任一定要讓期)
足總係冇能~淨係諗住有一方唔肯就唔得~冇晒領導,要佢做乜呀?

作者: 76 時間: 2005-9-25 02:15 PM

你踢流浪都想唔改la..........

作者: michael86 時間: 2005-9-25 02:16 PM

我覺得真係可以就一就law.........

話哂o係香港足球既創舉
我地香港足球每季都要好辛苦搵隊伍踢甲組
唔好再分d咩野la...

作者: skjeiw 時間: 2005-9-25 02:21 PM

難得有隊近年0既強隊揚威亞洲...自己玩寸個party...

作者: Dicksonheng 時間: 2005-9-25 02:22 PM

Originally posted by michael86 at 2005-9-25 02:16 PM:
我覺得真係可以就一就law.........
話哂o係香港足球既創舉
我地香港足球每季都要好辛苦搵隊伍踢甲組
唔好再分d咩野la...

同意聯盟互相合作
你地咪以為自己係曼聯車路士啦流浪 '狼' 心狗肺!

人地或者晋到級對香港球壇真係一個好事啊

作者: YUEN_LOUIS 時間: 2005-9-25 02:23 PM

Originally posted by michael86 at 2005-9-25 02:16 PM:
我覺得真係可以就一就law.........
話哂o係香港足球既創舉
我地香港足球每季都要好辛苦搵隊伍踢甲組
唔好再分d咩野la...

***我相信冇乜本地波忠心fans,我就放d講啦~***

人地流浪係好衰格~大家都係本地球會,就下係應該,但唔係必然~
佢都想爭標~佢都要分,佢如果唔乘人之危,佢都好難係晨曦到搶到3分,而且佢地唔係友會,更加唔會幫佢開方便之門,係人性上...係可以理解~
要鬧就鬧足總!完全唔識領導,唔識佢可以主導!唔識協調!
係外國,通常都係人地足總做野,有幾何係d球會傾完先搵佢???

作者: skjeiw 時間: 2005-9-25 02:27 PM

可能流浪明知唔夠人地勁...咪做埋d小動作lor

作者: IT14 時間: 2005-9-25 02:27 PM

晨曦要求亞足協調停你有你踢我有我走
9月 25日星期日 05:05 更新

【明報專訊】歷史性晉身亞洲足協盃4強的香雪晨曦「再開先河」，球隊昨午起程前往黎巴嫩準備周三亞協盃4強首回合賽事，而放棄出戰澎馬流浪的聯賽，成為本地甲組首支缺席聯賽的球隊。按例晨曦會被判輸0:3及罰款，但足總稱仍須開會研究如何判罰。

事件源於晨曦上周三擊敗黎巴嫩球隊阿爾阿赫德，奪得亞協盃準決賽資格，球隊隨即向足總申請押後昨午對流浪的聯賽，理由是「沒有足夠機位讓球隊起程」，但最後因流浪反對而遭駁回。

不過晨曦22名職球員昨午仍按原定計劃出發，領隊周文曦在機場表示﹕「足總在今次事件上採取逃避的態度，要球會之間自行解決問題，實為足壇的笑話。足總的存在價值何在﹖」

周文曦又指出，亞洲足協盃的賽程一早已經公布，晨曦參賽是代表香港人的榮譽，足總在安排本地賽程時，沒有預算晨曦可以晉級，根本不尊重亞洲足協及晨曦。晨曦將會去信亞洲足協匯報今次事件，並要求亞洲足協就晨曦將被香港足總罰款兼在聯賽失分的事件上調停。

另一邊廂，足總今早視察旺角球場，由於持續放晴及並無嚴重積水，故決定聯賽照原定安排舉行，而流浪亦按平日習慣提早到場熱身。接近開賽時流浪在球證帶領下步出球場，15分鐘後由於晨曦仍未有出現，故球證吹哨示意比賽無法舉行。流浪總監李輝立表示﹕「事實上，只要對賽兩隊先取得共識，然後才向足總申請改期，相信是比較可行，但至今晨曦高層未曾直接與我們溝通，且對方利用傳媒及市民壓力作為申請改期的後盾，我們對此甚為不滿。」

足總有セ理由編賽期，唔一早預空個期俾人打亞洲賽，攪到咁既田地
呢個李輝立真係不知所謂，"對賽兩隊先取得共識，然後才向足總申請改期"，セ都自己兩隊傾好哂，不如傾好賽果先開波好無? 要個足總黎做セ? 咁無制度既野都做得出，仲用黎做借口，不知所謂!

作者: skjeiw 時間: 2005-9-25 02:28 PM

Originally posted by YUEN_LOUIS at 2005-9-25 02:23 PM:

***我相信冇乜本地波忠心fans,我就...

無能足總!!!收工啦!!

作者: skjeiw 時間: 2005-9-25 02:29 PM

Originally posted by IT14 at 2005-9-25 02:27 PM:
晨曦要求亞足協調停你有你踢我有我走...

哈!估唔到有隊奇兵!!!7到喊

作者: twh1110 時間: 2005-9-25 02:29 PM

問題最大都係足總啦~咩都唔做!!!!!!!!

作者: YUEN_LOUIS 時間: 2005-9-25 02:30 PM

Originally posted by skjeiw at 2005-9-25 02:27 PM:
可能流浪明知唔夠人地勁...咪做埋d小動作lor

我都係果句:
佢都係想要3分~佢都要爭標~唔可以話佢有病~只可以話佢
乘人之危!衰格!賤格!卑鄙!本地波的恥辱!

作者: YUEN_LOUIS 時間: 2005-9-25 02:32 PM

Originally posted by skjeiw at 2005-9-25 02:28 PM:

無能足總!!!收工啦!!

你有冇攪錯呀!?叫足總收工???佢收左工咪可以開番工囉!
你叫佢執笠先啱呀!!

作者: skjeiw 時間: 2005-9-25 02:32 PM

Originally posted by YUEN_LOUIS at 2005-9-25 02:30 PM:

我都係果句:
佢都係想要3分~佢都要爭標~唔可以話佢有病~只可以話佢
乘人之危!衰格!賤格!卑鄙!本地波的恥辱!

點都好啦...總知就佢地無乜品

作者: YUEN_LOUIS 時間: 2005-9-25 02:33 PM

Originally posted by skjeiw at 2005-9-25 02:32 PM:

點都好啦...總知就佢地無乜品

我都唔明~晨曦都係幫香港出賽啫~
流浪睇果3分仲緊要過本地足球對外成績~好野!

作者: skjeiw 時間: 2005-9-25 02:36 PM

所以咪話佢無建設lor...就當足總真係要兩隊波同意先可以改,咪算lor,改lor
俾人地聽到都笑死,簡直係家醜

作者: YUEN_LOUIS 時間: 2005-9-25 02:44 PM

Originally posted by skjeiw at 2005-9-25 02:36 PM:
所以咪話佢無建設lor...就當足總真係要兩隊波同意先可以改,咪算lor,改lor
俾人地聽到都笑死,簡直係家醜

本地足球一d都唔團結=.=
巴塞同皇馬都試過夾錢包機送大細哨同卡路士番西班牙啦~
人地死敵都可以夾錢都唔知點解改一改期都唔制

作者: funnygay 時間: 2005-9-25 02:55 PM

寫信去國際足總度投訴香港足總啦,離晒譜
其他國家如俄羅斯咁,莫斯科中央陸軍要打國際賽
俄足總都俾佢地押後兩場league啦(我記得係上季既事)

流浪又係既,驚輸咪出聲囉,凸登唔改期明搶3分,
呢d野有來有往既,第時因住咁而俾人搶分丫

作者: Dicksonheng 時間: 2005-9-25 02:59 PM

Originally posted by funnygay at 2005-9-25 02:55 PM:
寫信去國際足總度投訴香港足總啦,離晒...

得到區區的3分
失去所有的球迷
流浪, 值得嗎?

作者: ming8964 時間: 2005-9-25 03:01 PM

Originally posted by YUEN_LOUIS at 2005-9-25 02:23 PM:

要鬧就鬧足總!完全唔識領導,唔識佢可以主導!唔識協調!
係外國,通常都係人地足總做野,有幾何係d球會傾完先搵佢???

100% AGREE!!!

作者: zz1988 時間: 2005-9-25 03:29 PM

流浪 now no.1 in the league, so want 3 point ma

作者: funnygay 時間: 2005-9-25 04:01 PM

Originally posted by zz1988 at 2005-9-25 03:29 PM:
流浪 now no.1 in the league, so want 3 point ma

係足球場上最忌係贏得唔光彩,佢地如果因此咁而贏左league
又如何呢? 肯定俾人唱衰3年啦

作者: wer 時間: 2005-9-25 04:15 PM

足總冇也過錯
流浪太衰LA

作者: research2005010 時間: 2005-9-25 04:17 PM

我們一人一信寫去行政長官辦公室投訴吧... ...

[center]中華人民共和國香港特別行政區行政長官辦公室[/center]
地址 :香港中環下亞厘畢道中區政府合署中座五樓
電話

852) 2878 3300
傳真

852) 2509 0577
電子郵件 :[email protected]

作者: YUEN_LOUIS 時間: 2005-9-25 04:22 PM

Originally posted by wer at 2005-9-25 04:15 PM:
足總冇也過錯
流浪太衰LA

我同你相反～
流浪的確冇乜要就人的義務～以球會爭標黎講，佢乘人之危係衰格，但佢都係為左爭標～
反而足總冇做好主導同協調的角色,結果整左鑊泡出黎

作者: research2005010 時間: 2005-9-25 04:48 PM

你講得對, 足總以為將過波拋給流浪就可以無事, 係主犯, 流浪為了三分強迫晨曦要和他們作賽是沒有體育精神

作者: singleung 時間: 2005-9-25 04:50 PM

足總班廢物全部都係為名,全無推動足球運動的心,所以攪到已前精工,麗新退出聯賽,
如果晨曦班頭頭是足總班廢柴,肯定所有人都要讓路,機場一定有大 Show 歡送晨曦往黎巴嫩

作者: skjeiw 時間: 2005-9-25 05:05 PM

足總無乜權威...算啦...從呢件事睇得出足壇搞得如何"出色",都睇到有d人為贏就乜都做得出

作者: 左輪仔 時間: 2005-9-25 05:20 PM

真係cheap,仲好無謂,好似睇死晨曦攞唔到冠軍咁

我記得有年歐聯,意甲冇一隊入到四強,之後一年有3隊意甲入到歐聯4強,
AC領隊安察洛堤都講,話無論祖記,AC,國米邊隊拎到歐聯冠軍,都係為意甲爭光,
而其如兩隊領隊都支持安察洛堤呢番說話,人地踢世仇咁,都識為個聯賽團結,香港球壇.......

作者: skjeiw 時間: 2005-9-25 05:22 PM

所以話中國人自私都真係無乜錯...我作為中國人,有呢種性格都覺得自己醜

作者: pakho 時間: 2005-9-25 05:44 PM

好cheap,流浪班友係到舉手慶祝,嬴左都唔光彩....真係低能到極=.="

作者: Flea 時間: 2005-9-25 05:47 PM

我覺得流浪冇品，因為爭標而玩o野
大佬呀，你想贏冠軍，咪大大方方咁靠自己實力去贏囉，而家你係就係有三分落袋，但係你係用實力去贏人咩?唔係囉，個李輝立仲好意思話人地唔搵佢傾，真係當我地傻o架喎，鬼唔知你同足總扯貓尾屈人地三分咩?
點都好，我support晨曦o架啦，至於足總班人唔該反醒下啦，我都唔知咁多錢請你地班人o黎做乜，幾廿歲人，小小o野都搞唔掂。香港踢波屎都算啦，連小小o既management都搞唔好，真係香港之恥。國之將亡，必有妖孽，香港足運之亡不遠矣。

作者: skjeiw 時間: 2005-9-25 05:54 PM

佢都好意思話人...晨曦咪唔好去黎巴嫩lor...亞洲足協到時罰香港足總ja...對佢一dd好處都無

作者: leeyanta 時間: 2005-9-25 06:19 PM

轉自東方日報

足總將今次事件搞到一鑊泡,明星足球隊主將譚校長譚詠麟都睇唔過眼,他表示今次事件反映足總低能,反應慢,又指流浪作為本地球會,好應該幫香雪晨曦這個忙,他們只顧攞三分,卻不為香港足球大局著想.

譚校長直斥今次是足總嚴重疏忽,足總太睇小香雪晨曦,完全無想過球隊可以打入亞洲足協盃四強,晨曦申請賽事改期合情合理,他們又低能反應慢,完全唔知點做,有足總等如無足總.

譚校長亦鬧埋流浪,香港地,大家都是自己人,香港球隊出外比賽,應該一條心槍口對外,為大局著想,流浪為的只是三分,實在太短視.

作者: skjeiw 時間: 2005-9-25 06:22 PM

"今次事件反映足總低能,反應慢,又指流浪作為本地球會,好應該幫香雪晨曦這個忙,他們只顧攞三分,卻不為香港足球大局著想."

大家的心聲嗎?

作者: wer 時間: 2005-9-25 06:50 PM

Originally posted by YUEN_LOUIS at 2005-9-25 16:22:

我同你相反～
流浪的確冇乜要就人...

足總最多咪後知後覺

作者: skjeiw 時間: 2005-9-25 07:00 PM

先知先覺...高等人也
後知後覺...平常人也
不知不覺...低等人也

最怕佢地都係不知不覺

作者: abc123aa 時間: 2005-9-25 07:34 PM

唉,香港人既所謂本性又出黎嚕........為左3分,連香港既面子都唔要,傳左出去真係笑大人地個口

作者: 金魚佬 時間: 2005-9-25 08:00 PM

你個投票一樣無得俾人揀。
你吾係又係用流浪領隊既思維搞投票。

作者: fffffa 時間: 2005-9-25 08:12 PM

垃圾足總~~~~仲話想搞番好本地足球,真係搞左鑊杰既出黎~!

作者: ciger 時間: 2005-9-25 08:27 PM

我覺得要從三方面角度睇,首先香港球壇唔同外國,香港係大家共用兩個球場,所以根本唔可以好似外國一樣星期六日就本地聯賽,週中就杯賽,而且球隊少,編來編去都係那8隊波,所以一早根本好難避免賽程重疊,而且今次問題係在於機位而唔係賽程編排,如果有機位星期日一次過載晨曦去黎巴嫩就冇問題,所以足總編排不當根本唔成立
其次流浪係冇責任遷就晨曦,大家比賽各為其主,人地備戰咁耐都係為依場波,盡可能都唔想改期,歐聯好多球隊在歐聯賽期前都會派副選上陣,唔通曼聯皇馬又可以叫人改期
第三,晨曦魚與熊掌不可兼得,如果係因為賽程頻密而擔心體力應付唔到就要自己取捨,作為職業球員5日3場波應該要有能力應付
最後就係今次事件關鍵,如果係100%因為機位問題,足總應該有行政權力安排改期,因為黎巴嫩唔係一個港人熱門去嘅地方,要安排機位真係唔易,而且香港球圈根本冇能力安排私人飛機去黎巴嫩,所以足總應該確認是否冇足夠機位比晨曦去黎巴嫩,如果係就應該用行政權力去安排改期,唔應該交由球會磋商

作者: 艾奧羅斯 時間: 2005-9-25 09:17 PM

流浪自私,足總白痴!
香港都唔多波打,就一就有幾難啊,
就算拎到呢三分,都唔代表一定有冠軍啦!

作者: Dicksonheng 時間: 2005-9-25 09:29 PM

第1, 我地無話足總原本的編排是不當喎
足總唔通未卜先知晨曦會打得咁好  為香港爭光呢
但人地英超見曼聯周中有比賽既話都會特別為佢地比賽提中少少舉行畀佢地備戰啦!
我都唔明你地話歐洲各大足總唔幫球會的調子!!!
明明外國既足總見到自己國家有隊出國際賽  一定出手拉兩隊出黎慢慢傾
但香港無喎! 足總根本只是逃避自己應該要負的責任!

2. 講流浪啦, 我係流浪我就一定會改期!
而家唔改,  雖然有3分, 但係會唔會因為呢個3分而一定可以拎到冠軍仲未知之數

在理方面, 人地晨曦要為香港爭光, 你雖然話無傾過,
但你話備戰咁耐又乜又墨所以唔肯改  已經表態否決左啦!!!
你流浪  唔通想香港足球個名  唔夠衰咩
這種自私的行為  真是可恥

在利方面,
最重要係整臭哂自己個名!
人地傑志呀用左幾多錢宣傳又搞乜野香港fantasy league, 都只不過幫手搞形象咋!
你一話唔改  跟住可以橋埋雙手  攞3分
人地會點唸你?  仲有人睇你D波咩?  入場人數居次, 球迷會唔會杯葛你地先緊要啦!

第三啦, 5日3場波我睇咁耐波都好少見 (係足球唔係NBA)
都唔明你話乜野  "職業球員可以應付"

機位根本唔係一個大問題, 最重要係D球員唔通一落機即刻踢咩
點都要適應一下天氣環境掛  呢個先係重點
但人地夾埋迫你留係香港同佢地踢, 唔准過去  有乜辦法者  咩走囉
咁你就高高興興攞3分走啦

恭喜恭喜流浪李輝立連中三元, 位置行政總監, 現為神射手大熱門!

作者: bigfish 時間: 2005-9-25 09:40 PM

李輝立仲咬牙切齒話有人只重視出外比賽, 輕視本地聯賽, 又不斷重用傳媒俾壓力流浪, 所以佢無論點都唔肯"屈就"

作者: abc123aa 時間: 2005-9-25 09:40 PM

Originally posted by Dicksonheng at 2005-9-25 09:29 PM:
第1, 我地無話足總原本的編排是不當喎...

5日3場波係高級聯賽先有既啫,我諗ciger係講緊外國既頂級聯賽
講返正題,呢件事點樣睇香港足總同流浪都有不足既地方,香港既聯賽已經好唔掂,自己人都唔支持自己人既話係邊度搵人支持自己球圈入面既球隊先?呢樣野我覺得香港足總同流浪都係應該要首先諗呢樣野,萬一晨曦真係攞到亞協盃冠軍......大家都會開心,但依家搞d咁既野出黎,變相好似香港足總死都唔想香港球隊為香港爭光咁,傳到出去其他國家球圈既人度真係笑死人,自己人都唔支持自己人........仲成日講咩野中華民族要團結喎,真係笑大人個口,我諗足總依家最好做定準備晨曦入到決賽之後點

作者: abc123aa 時間: 2005-9-25 09:43 PM

Originally posted by bigfish at 2005-9-25 09:40 PM:
李輝立仲咬牙切齒話有人只重視出外比賽, 輕視本地聯賽, 又不斷重用傳媒俾壓力流浪, 所以佢無論點都唔肯"屈就"

例如:曼聯出去踢歐聯,英足總比佢地休息暫時打少一場聯賽,又唔見對手唔肯屈就????
唔好話流浪班人驚晨曦攞到亞協盃冠軍,特登咁樣做,自己隊波實力又唔係高,貪果3分黎有鬼用咩,犯眾憎就有佢份

作者: 金魚佬 時間: 2005-9-25 09:44 PM

開這個議題既人。點解順便講埋上次港隊亨應再多幾球大敗給國足呀！咁國足也可以出線為國爭光啦！
點解我地覺得范俊業係好球員，而流流或足總就係壞！晨曦本身自已無計劃的嗎！到贏得出線權後才安排，又才要人讓佢嗎！這個叫制度社會還是人治社會呀！咁我想考試考第一，為家庭爭光，係吾係要全班同學都吾去老試而肥佬呀！咁個班同學吾肯讓我既就係〔無聊,無良,無能0既足總加埋d無人性,無智慧,無建設〕。

要獲得別人尊重，最緊要自己努力，自已懂得計劃！吾係賴別人吾相讓呀！
晨曦想贏亞協盃，吾係要其他三強故意輸波俾佢，而係佢努力去贏取對手！

香港人既恥辱，就係吾努力〔無論事前計劃，及作賽〕大敗給國足才是恥辱。努力下的敗仗叫雖敗尤榮。

[ Last edited by 金魚佬 on 2005-9-25 at 09:52 PM ]

作者: abc123aa 時間: 2005-9-25 09:50 PM

Originally posted by 金魚佬 at 2005-9-25 09:44 PM:
開這個議題既人。點解順便講埋上次港...

家下係流浪唔想晨曦出去比賽,唔係晨曦要人打假波喎

作者: 金魚佬 時間: 2005-9-25 09:57 PM

晨曦佢自已無計劃的嗎！咁點解要人另定賽期呀；要人家讓得一樣，就會要求別隊讓得更徹底啦！不如叫人家自動棄權比賽啦！賽制係早定好：你參加了，就要有參與精神，吾係不斷往最好利益處搖擺！最重要吾依靠別隊。

[ Last edited by 金魚佬 on 2005-9-25 at 09:59 PM ]

作者: Dicksonheng 時間: 2005-9-25 10:06 PM

Originally posted by 金魚佬 at 2005-9-25 09:57 PM:
晨曦佢自已無計劃的嗎！咁點解要人另...

從來無人(包括足總自己)講過賽制係定死的
任何在足球文化方面有相當的國家內足總都應該
以聯盟內每支球隊的最佳利益為大前提

晨曦現在向足總申請望足總將對流浪的賽事改期
以方便已隊備戰, 難道不是一個計劃嗎?

難道人家皇馬計劃定自己入歐冠決賽會對曼聯
係同對巴塞同一日, 所以一早就向足總申請改期嗎?
真不明白你的所謂'計劃'一詞是怎樣理解的

這個公認就是足總逃避責任的問題
一句 '應由兩隊先協商' 根本從就不是慣例來的
難怪聽起來已是怪怪的啦

作者: ciger 時間: 2005-9-25 10:10 PM

Originally posted by Dicksonheng at 2005-9-25 21:29:
第1, 我地無話足總原本的編排是不當喎...

唔好意思,打錯字,係5日2場波,星期六打完聯賽,下星期工再打亞協杯係5日2場波先啱

不過如果你覺得星期六打完聯賽,下星期工再打亞協杯中間有3日時間都唔夠備戰適應我就唔認同,皇馬今晚打完聯賽,星期三又要打歐聯啦,所以問題應該唔在乎賽程,而係機位,照晨曦提出改期嘅理由係星期日冇足夠機位,如果佢地星期六唔走就要星期一先可全部到齊,如果係咁足總應該確定是否屬實,還是晨曦嘅藉口,如果係事實基於亞協杯唔係由香港足總話事,所以要改本地聯賽遷就,若果並非事實就無需改期,因為由星期六到星期三已經足夠晨曦備戰

[ Last edited by ciger on 2005-9-25 at 10:21 PM ]

作者: abc123aa 時間: 2005-9-25 10:12 PM

Originally posted by 金魚佬 at 2005-9-25 09:57 PM:
晨曦佢自已無計劃的嗎！咁點解要人另定賽期呀；要人家讓得一樣，就會要求別隊讓得更徹底啦！不如叫人家自動棄權比賽啦！賽制係早定好：你參加了，就要有參與精神。

比你講晒啦,你擺明就想話晨曦要人打假波,根本冇人要人打假波,係你自己成日係度諗打假波呢d野,就算晨曦計劃晒都諗唔到流浪竟然會咁樣做啦,
上次中國對香港係香港班球員自己打假波,成隊得豬仔一個冇打假波,如果中國連香港個龍門都過唔到就唔好出去"爭光"喇,
晨曦就唔同,亞協盃d球隊同晨曦既級數接近,絕對有機會爭冠軍,但係中國出唔到線去世界盃就只怪自己連香港呢隊波都過唔到,
晨曦入到四強係自己打返黎,並唔係叫人地讓佢攞返黎既野,在情在理,流浪其實都應該就一就晨曦去踢亞協盃,始終晨曦出到去好有機會攞冠軍,並唔係出去什麼分組賽或者32強,依家講緊係四強,呢d例子外國大把,唔通香港就唔可以行呢d例子???
流浪擺明眼紅晨曦,香港足總又冇能,唔通晨曦要流浪就一就個賽期就係想叫人打假波比佢攞亞協盃???我只可以話咁樣諗係多餘,你話"你參加了，就要有參與精神",咁我參加左亞協盃,唔通唔去踢???

其實唔係話要幫晒晨曦,而覺得流浪同足總就錯晒,其實足總佢地如果唔自行決定擇日再賽的話都應該主動聯絡雙方球隊去商討賽期,並唔係一味叫你地球隊自己搞掂,唔關足總事,咁足總要黎做乜???不如廢左佢啦
始終錯果個都係足總

[ Last edited by abc123aa on 2005-9-25 at 10:16 PM ]

作者: abc123aa 時間: 2005-9-25 10:16 PM

Originally posted by 金魚佬 at 2005-9-25 09:57 PM:
晨曦佢自已無計劃的嗎！咁點解要人另定賽期呀；要人家讓得一樣，就會要求別隊讓得更徹底啦！不如叫人家自動棄權比賽啦！賽制係早定好：你參加了，就要有參與精神，吾係不斷往最好利益處搖擺！最重要吾依靠別隊。

依咩靠別隊丫,做人唔係往最好利益果方面去諗去做咁唔通我有一千蚊唔要走去要一蚊咩,再加上晨曦出線四強都唔係今日先知啦,有時間又唔傾,咁唔通讓個位比傑志去踢亞協盃咩

作者: 金魚佬 時間: 2005-9-25 10:22 PM

Originally posted by Dicksonheng at 2005-9-25 10:06 PM:

從來無人(包括足總自己)講過賽制...

說又說個任何賽期可以話改就改呀？
訂一個場是一個月前的事，賣門票呢！流浪球隊為球員作賽拐操練及準備呢！香港球員非全職業，要告假作賽又可一兩天就說罷了算！林林總總的準備，要為了別隊爭光這個理由而報銷。
難度浪流讓出賽期，就保證晨曦必勝呀？既然個多月前，已作的準備，為何硬要別隊讓你呀！

作者: ciger 時間: 2005-9-25 10:27 PM

睇返上年AC歐聯入決賽星期三打,而之前個星期六又要對祖記,唔通又要意甲改期遷就?

作者: cthim83 時間: 2005-9-25 10:27 PM

流浪今次咁"小家" . . . 一眾球迷係咁"媽"

作者: 金魚佬 時間: 2005-9-25 10:30 PM

Originally posted by abc123aa
at 2005-9-25 10:22 PM:

再加上晨曦出線四強都唔係今日先知啦,有時間又唔傾,咁唔通讓個位比傑志去踢亞協盃咩.

乜野邏輯！既然早知道要踢亞協盃，吾係搵後備打港賽囉！佢輸了一場本地聯賽又如何？重乜係都要人家相讓！
你吾睇下歐聯效應，曼聯昨晚吾係又輸波！咁曼聯又要人家改賽期！

作者: abc123aa 時間: 2005-9-25 10:33 PM

Originally posted by 金魚佬 at 2005-9-25 10:30 PM:

乜野邏輯！既然早知道要踢亞協...

依家晨曦咪又係輸左3分

作者: abc123aa 時間: 2005-9-25 10:35 PM

Originally posted by ciger at 2005-9-25 10:27 PM:
睇返上年AC歐聯入決賽星期三打,而之前個星期六又要對祖記,唔通又要意甲改期遷就?

算啦,晨曦又飛走左,流浪又賺左3分,如果晨曦贏左咪雙贏局面囉,嘈黎都冇用,haha

作者: cthim83 時間: 2005-9-25 10:35 PM

Originally posted by 金魚佬 at 2005-9-25 10:30 PM:

乜野邏輯！既然早知道要踢亞協...

我諗晨曦無成十幾個後備上場，仲有晨曦訂唔到機票去就香港賽期。

作者: pakho 時間: 2005-9-25 10:35 PM

Originally posted by 金魚佬 at 2005-9-25 10:30 PM:

乜野邏輯！既然早知道要踢亞協...

成隊波邊可以分開架~一定要團結~團結先有士氣,唔通搵11個去踢咩~個勢都輸哂啦~
流浪班友應該幫下手,~最失敗係流浪(個名果然冇改錯)

作者: 金魚佬 時間: 2005-9-25 10:44 PM

你地又知流浪班主同晨曦班主無牙齒印。出面好多隊伍都係咁啦！
擺係英超曼聯同亞仙奴都會咁做啦！昨晚贏曼聯個隊都叫流浪
勝利既最好時機，就係軫你病，扌羅你命！點可以怪流浪！

[ Last edited by 金魚佬 on 2005-9-25 at 10:48 PM ]

作者: Dicksonheng 時間: 2005-9-25 10:46 PM

Originally posted by cthim83 at 2005-9-25 10:35 PM:

我諗晨曦無成十幾個後備上場，仲有晨曦訂唔到機票去就香港賽期。

支持總好過有D人死都執住一個爛point 係咁煲

作者: ciger 時間: 2005-9-25 11:11 PM

Originally posted by cthim83 at 2005-9-25 22:35:

我諗晨曦無成十幾個後備上場，仲有晨曦訂唔到機票去就香港賽期。

我覺得這就是改期與否嘅重點

作者: ciger 時間: 2005-9-26 12:13 AM

Originally posted by Dicksonheng at 2005-9-25 21:29:
第1, 我地無話足總原本的編排是不當喎...

第1,在第12#post就有網友話'足總有セ理由編賽期，唔一早預空個期俾人打亞洲賽，攪到咁既田地'我只是回應佢,而外國經常都係星期六比賽完星期三又有比賽,同晨曦一樣,改期那些多數係在星期日舉行
第2,流浪真係冇義務就晨曦,除非晨曦有足夠理據,所以我話5日2場波唔算賽程頻密,唔係足夠理據要流浪改期,而我講明機位先係主要問題,如果晨曦星期六比賽完,星期日中午出發去黎巴嫩,我諗去黎巴嫩應該唔會太耐途程,隨時當晚都到步啦,仲有3日都唔適應?而問題就在於晨曦已經表明星期六唔走到星期日就冇足夠機位,佢地有部份球員職員要星期一先可以出發,咁就係問題關鍵,如果屬實流浪在'人情'上就應該遷就對方,足總亦都有權強制改期,因為晨曦提出嘅理由合理,如果只不過係晨曦想留力就唔合理,因為星期六比賽完到星期三晨曦絕對有足夠時間休息同備戰,所以足總應該去確認機位不足是否屬實,如果唔係事實就算流浪肯改都唔應該批

作者: 迷途小羔羊 時間: 2005-9-26 04:46 AM

Originally posted by abc123aa at 2005-9-25 09:43 PM:

例如:曼聯出去踢歐聯,英足總比佢地...

我既評語：
足總：嚴重失誤，不盡本份，理應道歉受罰
流浪，無風度，失人心，手段下流，贏了三分，但失去了全世界

作者: IT14 時間: 2005-9-26 09:35 AM

Originally posted by ciger at 2005-9-26 12:13 AM:

第1,在第12#post就有網友話'[color=...

咁點解利物浦係英超打少其他隊兩場，因為佢要打歐聯外圍賽同歐洲超霸杯，係英格蘭足協改賽期就佢姐!
英格蘭好多時有球隊進級足總杯、聯賽杯，賽事過密都會改期就!
各國足協都係有權改賽期，係HK足協不知所謂要兩隊私下恊相姐!
麾連奴有時都會批評車路士賽程過密，都係講下就算，賽期都係英格蘭足協定哂!

我所講一早預空個期係包括逢禮拜三打歐洲(亞洲)賽事，亦要預空個期以應突發改期之需!

今次無機位，可以算突發事件，HK足協應改賽期就晨曦出外比賽!

[ Last edited by IT14 on 2005-9-26 at 09:38 AM ]

作者: ciger 時間: 2005-9-26 01:06 PM

Originally posted by IT14 at 2005-9-26 09:35:

咁點解利物浦係英超打少其他隊兩...

講真如果唔係無機位,我憝足總編排絕對正確.因為星期六比賽完星期三又有的情況全世界都非常普遍,就算明知你星期三要去黎巴嫩都可以編排你星期六有比賽,因為時間上絕對足夠,而利物浦係因為賽期係星期一,二先可以改期,但今次晨曦撞上無機位嘅問題,就正如你所講係突發事件,三方面都冇能力改變,所以應該由足總去確認事件,再用行政權力去改期,而唔應該由兩會協商

作者: sonyguy 時間: 2005-9-26 02:05 PM

一句講晒...足總問題...
今日晏d 會有個記者會..
睇佢地講乜~~

作者: YUEN_LOUIS 時間: 2005-9-26 02:24 PM

Originally posted by ciger at 2005-9-26 01:06 PM:

講真如果唔係無機位,我憝足總編排絕...

我個人覺得足總係可以做協調,同2會傾下,如果人地傾好先搵佢,咁要佢黎做咩?
晨曦係代表本地出賽~足總應該主動去提供協助...我意思唔係叫佢包機,而係改期

金魚佬朋友我見到你反應好激,話晨曦冇計劃...係晨曦問題~
咁我想問下05"歐聯16強賽事有邊16隊去爭8強?會由邊隊對邊隊?
8強又係邊8隊?又會係邊隊同邊隊爭入4強?
準決賽又係邊4支踢呀?係邊4個城市踢?
決賽又會由邊個國家球隊對邊個國家球隊?
你可以肯定答到全部嗎?
晨曦係未完場前都唔知自己會晉級~你唔通叫佢未踢就買定機票?唔入咁點?一齊去睇波?
如果你堅持你的問題,又答唔到我的幾個問題~我諗你即係話下屆歐聯冠軍係一支沒有計劃的球隊!

作者: 小狗狗 時間: 2005-9-26 02:54 PM

我覺得大家嘈黎都無為......事情已經發生左la!!
既然大家都對本地足運有一絲寄望的話.....不如等亞協盃四強第二回合(晨曦主場)果時
一齊為佢打氣好過la!!!
唔通你地想晨曦主場果時,都係得果小貓三四隻咩.....話晒都四強ar!!!
我本人就一定會入場支持晨曦ga la!!希望大家都會一齊到場支持la!!

作者: YUEN_LOUIS 時間: 2005-9-26 03:00 PM

Originally posted by 小狗狗 at 2005-9-26 02:54 PM:
我覺得大家嘈黎都無為......事情已經...

嗯~
大家忍下火~得下次香港崖場時發洩成吶喊聲

作者: 金魚佬 時間: 2005-9-26 07:50 PM

Originally posted by YUEN_LOUIS at 2005-9-26 02:24 PM:

金魚佬朋友我見到你反應好激,話晨曦冇計劃...係晨曦問題~

咁、這裡有無人提及晨曦自已失當先。

一隊波如果有機會入四強，一個月前吾可以申請改期既，係要等到自己安排失預算，就將全部責任都推係別人身上呀，這個乜野社會呀，你自已諗下晨曦自已做過乜野，而令到件事吾會發生先！
1〕佢有無係一個月前申請改期呀？
2〕佢有無一早book 機票呀，兩星期前有冇book到機票呀？如果有，就算出出吾到線，兩天前吾去confirmed機位，才表示棄權呀？佢如國兩星期前就知無機位，早兩星期前，就會同各方面商量啦！何況book機又吾駛錢！話book吾到機位既人，梗係無出外過啦，我時常都book定三四班機既位啦！
3) 球隊有25個注冊球員呀！兩日就可以做好注冊啦，佢自已吾識臨時又找來一些過氣港腳，只踢一場波咩。佢又做過乜野，令到賽事吾能夠順利進行呀！

呢d吾通又係流浪既責任呀。乜野都係流浪或足總錯呀！駛吾駛怪國泰又無直航機去黎巴嫩呀，搞到要佢隊波提早出發呀？
乜野叫做無賴！今日真係係令我大開界！吾怪得當日國足怪范俊業救了個12碼，令國足無得出線啦！完來做人吾駛勤力，為自己為將來做好打算既，到需時就要別人遷就既，就將責任全推御既！

[ Last edited by 金魚佬 on 2005-9-26 at 08:11 PM ]

作者: skjeiw 時間: 2005-9-26 08:56 PM

Originally posted by 金魚佬 at 2005-9-26 07:50 PM:

咁、這裡有無人提及晨曦自已失...

又唔可以咁講喎...有d野,佢點知佢地入到四強je...都話明係創舉,都無乜人估到架啦...
人地全世界都係出左線,之後足總即刻改賽期...就算流浪乜都唔做,足總都無乜理由乜都唔做lor
仲有,你由頭到尾係咁數佢,好似佢贏波係罪過,得罪左你咁.人地梗係知道有得去先book ga la,你唔好叫d國家隊依家就book定晒08 Euro外圍賽,決賽周d機票ar ma...

PS:睇你都係d好唔負責任0既人,依家機票成日都好緊張架,你唔好係咁book晒d機位,到時唔confirm,累死無得搭0個d,累人航空公司無錢賺,將心比己...咪咁無良啦

大家講下道理,評下件事..

[ Last edited by skjeiw on 2005-9-26 at 09:08 PM ]

作者: ciger 時間: 2005-9-26 09:12 PM

Originally posted by 金魚佬 at 2005-9-26 19:50:

咁、這裡有無人提及晨曦自已失...

晨曦都係前個星期先出到線,我諗黎巴嫩隊波都係差不多時間出線,咁晨曦兩星期前又點知4強會對邊隊呢,唔通兩個可能對手嘅機票都book定?而且今次事件對晨曦黎講可以話係意外(冇機位),加上黎巴嫩咁冷門嘅地方可能大家都預早book位,更加可能冇你所講book3,4班機,隨時一日都係得一班機去黎巴嫩,所以晨曦有責任都係情有可原

作者: skjeiw 時間: 2005-9-26 09:26 PM

金兄,你都好打橫黎講lor
人地救到十二碼又錯
又話駛唔駛怪國泰無直航機去黎巴嫩...
要架...
講無責任ar ma,下次叫佢包架機去lor
乜都唔關足總事,今次都唔關,咁要足總班垃圾臘像呀,叫佢收皮唔好
以後乜都唔好理足總lor
流浪無錯架...咪算lor...趁人地唔踢要3分...要lor,要飽佢lor,下次俾埋個亞洲盃佢,出年俾個官佢地做,成隊當港隊,贏埋世界盃好未?不過我要強調:流浪無錯架!!

[ Last edited by skjeiw on 2005-9-26 at 09:32 PM ]

作者: 金魚佬 時間: 2005-9-26 09:31 PM

第一，book 機位吾駛錢！。book 兩處不同地方係問題咩？我成日都book 定先架啦。譬如我由上海出-天津工作。我會兩處地方，兩處都做出發點及回程咁book法，睇下到時乜野才是最省時間。就選擇出發地點先後。

第二，當一處地方無直航機，我就會睇埋深圳，澳門及廣州機場轉機啦！旅行社另外就會提供搵飛到當地附近既城市再轉機啦。這當然會book定好多種班機兼路線啦。點會吾係book定幾班機呀！

[ Last edited by 金魚佬 on 2005-9-26 at 09:46 PM ]

作者: abc123aa 時間: 2005-9-26 09:32 PM

Originally posted by 小狗狗 at 2005-9-26 02:54 PM:
我覺得大家嘈黎都無為......事情已經...

good,+2

嘈黎都冇用啦,大家入場支持下好過啦

作者: skjeiw 時間: 2005-9-26 09:37 PM

都話"睇你都係d好唔負責任0既人,依家機票成日都好緊張架,你唔好係咁book晒d機位,到時唔confirm,累死無得搭0個d,累人航空公司無錢賺,將心比己...咪咁無良啦",你成日book,係你0既問題..

你唔好去遠d...人地星期三踢,saturday走已經好迫..仲轉機...

作者: 金魚佬 時間: 2005-9-26 09:54 PM

Originally posted by skjeiw at 2005-9-26 09:37 PM:
都話"睇你都係d好唔負責任0既人,...

你吾識既就睇清楚，機位係預大家overbooked ，booked 完重要confirmed架！你吾知運作就收聲啦！吾好話我吾負責任啦！
只係識話浪浪及足總！自己最切身處地既球隊，都吾做好本份呀。反去怪別人！咁你話呀！晨曦有無責任先！

[ Last edited by 金魚佬 on 2005-9-26 at 10:07 PM ]

作者: abc123aa 時間: 2005-9-26 10:04 PM

嘈夠喇,鎖文

歡迎光臨娛樂滿紛 26FUN (http://26fun.com/bbs7/)