karam

[quote]Originally posted by 無咒 at 2006-2-10 07:06 PM:

若兄台係一個神功弟子,

尊師一定有教你點去打坐，點去通神或通鬼，
你發詢的話題，似考人多過問人，
請問你是邊派神功弟子?
佛？道？茅？仙？
尊師怎稱呼？
其實任何宗教入門，應有人會講解所屬宗教的要知既野，你無理由唔知？

你講，
眾仙神佛係唔係要由 "人"(學法之人)去幫 "人"?
因為眾仙神佛既能力一定可以自己去幫人,
無需要靠學法之人既因果緣分去幫其他人.
或者可能可以令到整個世界無病無痛～ 不需經由學法之人之手

雖然眾仙神佛之心意我無可能可以領略到..
或者你明白故中道理～所以唔該幫幫手解答 ^^"

我話，
眾仙神佛唔係一定要由 "人"(學法之人)去幫 "人"?
因為眾仙神佛既能力已可以去幫人,
無需要靠學法之人既因果緣分去幫其他人.
幫人及被幫嗰個都有各自因果，
若眾仙神佛令到整個世界無病無痛，又駛乜經由學法之人之手，但又變成乜野世界先？
萬物皆有定律，對不對?
有誰個敢講能領略到眾仙神佛之心意?

karam

Originally posted by 無咒 at 2006-2-11 08:07 PM:




AR.. 小弟唔敢考人..
只是好...

唔介意，
冇得罪， 唔駛對唔住，大家傾談下，

但若你門派冇人教過你，你要問番下，
因唔知大家不同宗教所學方式有冇唔同，
不小心會走火入魔，所以多左聲講下，
就算神功弟子所教所學既野就唔同，
我得罪至啱。

karam

你尊師有教你，
但你還未開始練習，
你做左神功弟子唔係好耐？
講唔講得邊派？
研究下，冇惡意。

你多方面了解及
參考一下各門各派不同既法眼方法，
係好既，
但若果你學人家既野，而你又有神功底怕有相阻，到時人地幫你或會變成害你。

機密兄見識比很多人都多，知多啲係好事。

karam

據我知，六壬是拜三清，
元始天尊，太上老君，靈寶天尊，對不對？
而且是以寫符為主，沒有請僮及僮身，
請問貴派館址位於何區？
貴派怎稱呼？
因全港有太多六壬館，有好有壞，
希望尊師是位明師，那你便好運，

其實任何宗教都有他的方法去解決難題，
work 唔 work 都要睇下佢個人修慧與道行，

我都係發下嗡風，唔好見怪！

karam

你話，六壬可分為兩類，
一類是只行符法, 一類是符法與僮身，
而你所學的是包括了僮身，

六壬所拜的，各門派也可能有差別，

那你要不要先請僮後打座，
所以每派的打座姿勢有可能差唔多，
但所唸囗訣就未必同，
識多啲係好，但萬事小心為上，唔明要問，免走火入魔。

karam

那敢指導 ，講笑好了！

karam

無咒兄，話事話，你因乜學神功？
講來知下，
你又想學啲乜？及得到啲乜?

karam

1. 有些人學神功為名為利，
2. 有些人學神功為幫人，
3. 有些人學神功真係唔知為乜，
4. 有些人學神功為想與鬼神溝通，
5. 有些人學神功為溝女，

1. 有些人學神功以為可天下無敵，
2. 有些人學神功為認叻，
3. 有些人學神功學到 SHORT 左，
4. 有些人學神功為想不墮地獄，

機密兄，
小弟個人認為，學神功是用來保命防身，用神功或神打去揾錢的人，是害人或是幫人呢？
神棍就大把，是神是鬼要佢門派先知，
害人或是幫人往往是一綫之差。

神功弟子操縱眾多鬼神，或眾多鬼神操縱神功弟子，就不敢下定論，死後去邊？真係佢自己先知，

法力高，法力低又點？唔駛死咩？咪又係人一個！

是否神功弟子個個好人？乜人都有好有壞，有正有邪，佛口蛇心大把，

話事話，若不是有必要，做個凡夫俗子仲好，有時用神功去做些不當的事，日後付出比得到的更多，咪周團係啲 FRIEND 面前，話係神功弟子，傳出去，其他門派神功弟子，同你鬥法，而你又技不如人，到時真係揾人打救你喇，你返師父度求救？你師父勁過人就無問題，唔係？
哈哈！你就大大穫！

以上純粹小弟自己意見，得罪！

大家討論下，冇所謂！

karam

無咒兄：小弟是否神功弟子並不重要，有否宗教信仰更不重要，祗是我比你清楚一些事，
要做一個神功弟子，首先入門利是，有些每次開壇收一次錢，
註：每星期開一次壇或逢初一，十五開壇各門派不一，
過教又收一次錢，學每條符咒，又每條收錢，每請一件法宝又每件收錢，
各門派收費不一，有些收了入門利是一次就唔再收錢都有，

終之錢字行頭，到你想過教又要喺你門派壇前擲聖杯問下你既師公等得唔得，有冇得過教，到你有機會做師父已用左好多錢，做師父你以為好易，哈哈！

你中三就想到太遠囉，多些修行及修心才是第一步，萬事小心啦！

萬物皆是緣，在此相遇也是緣，一切因果就看在每個人做每件事喇！

karam

有得揀，就乜教都唔信，做個無神論者唔係仲好嗎？哈哈！
少左好多無謂煩惱及爭抝，不是嗎？