謝拉特同碧咸炒大鑊??

flash_2006

英格蘭(相關新聞 - 網站)出現內訌？據英國(相關新聞 - 網站)《太陽報》報道，謝拉特(相關新聞 - 網站)與隊長碧咸(相關新聞 - 網站)在操練中「炒大鑊」，需要隊友勸服及分隔開兩人，令陣營氣氛變得異常緊張，英國傳媒擔心，這次衝突會大大影響英格蘭
廣 告
周日晚十六強對厄瓜多爾(相關新聞 - 網站)的備戰氣氛。

近期人氣急升的謝拉特，在今屆世界盃(相關新聞 - 網站)已取得兩個入球，成為英格蘭陣中的首席射手，上場對瑞典(相關新聞 - 網站)的分組賽，全靠他後備入替射入一球，成功帶領英格蘭晉級十六強，由於奧雲(相關新聞 - 網站)已無緣在餘下的賽事中上陣，故謝拉特在陣中的角度更加重要，難怪他日前會忍不住向碧咸發炮。

據《太陽報》報道，謝拉特最初只是與碧咸交換意見，但經過一輪討論後，兩人看似出現分歧，然後發生激烈爭拗，需要隊友上前勸服及分隔。據悉，謝拉特指摘碧咸在賽事中打太多高空波，經常長傳急攻，使其他中場球員沒有控球機會，而碧咸則作出辯護，令兩人最終不歡而散。

靴斯：碧咸在陣奪盃無望

不過，英格蘭練團則回應，兩人發出爭拗屬健康現象，因為兩人都是為球隊利益想，不會影響球隊備戰周日的十六強賽事。

此外，英格蘭名宿靴斯亦加入批評碧咸的行列，他向傳媒表示，只要英格蘭一日有碧咸在陣，都不用奢望可以贏得世界盃。他認為碧咸不但拖慢球隊節奏，同時長傳打法亦已被對手看穿，故此大力提倡棄用碧咸，希望領隊艾歷臣可重用新人艾朗連儂。

16強前先搞埋d咁既野, 英格蘭危矣~~~

flash_2006

Originally posted by andy020290 at 2006-6-24 12:29 AM:
其實英倫既戰術唔係咁單調嫁=.=
只係...

SORRY 不敢苟同碧咸係最好.
第一同第三場mvp分別係林柏特同j.cole, 碧咸只係第二場mvp, 但係如果無艾朗連儂入黎碧咸都唔會有咁多空位做野. 以而家三場黎講我反而覺得j.cole先係打得最好既英格蘭球員, 佢係左路真係可以比到對手好大威脅, 而且防守亦都好賣力. 如果無左佢英格蘭都唔知點算,,,,

flash_2006

Originally posted by Kian76 at 2006-6-24 11:13 AM:


最慘碧咸無時無刻都覺得有機會，只要自己站在右輔位的話。哈哈！！

謝拉特其實好慘架, 而家屈左去打防中大部分時間都係跑黎跑去做攔截, 我諗佢都係想係攻緊既時候可以係中間用下波啫. 其實碧咸成日太多係右邊三四十碼就斬埋去, 個人認為可以用多d中間短傳攞多d空位先再斬效果會好d.

flash_2006

睇左呢個post咁耐,真係忍唔住要出聲......

老實講, beckham踢法不嬲都係咁, 冇改變過
點解gerrard而家先黎出聲呢???
唔通beckham而家先大部份時間長傳斬波??

老實講, 就係因為英格蘭咁既踢法令佢不足以係大賽中與其他強隊爭一日之長短. 回想上幾次分別係wc同euro面對巴西同葡萄牙, 英格蘭中場好明顯係控球方面輸哂, 所以就算嬴一兩球都好最後都要輸番, 証明英格蘭想捧盃既話唔可以再沿用舊有的中場打法. 以前就話中場無人至要靠碧咸長傳, 但而家中場人才鼎盛, 連左路中場問題都解決埋.不妨可以試多一點變化.

每個人有唔同長處,
beckham要發揮的就是他的斬波,
至於地面組織, 就主要靠其他人了
唔通beckham在陣就等於戰術一定要用高波?
其他球員就唔可以發揮短傳入滲??

老實講又唔認同, 如果中場線一放波比右路碧咸就即刻斬埋去既話又點做短傳組織? 睇番其他用短傳用得較好既球隊如阿根廷每每可以一個攻勢猜成十幾廿腳, 左猜右,右猜左, 唔可以話打右路既就大腳傳, 其他短傳就其他人做. 如果咁樣打法同打街場無分別.

攻唔入絕對唔可以乃晒一個人
而家似負都將責任全歸於beckham了
現事實上,足球是打整體,難道以前曼聯和現在皇馬全都長傳急攻咩?

從泰利同謝拉特分別對碧咸既批評似乎係碧咸係隊中漸漸被孤立.

正於beckham自己所講, 他係配合戰術需要
倚乃beckham傳中的戰術, 明顯是艾力臣的主意
艾力臣理想的傳中戰術係beckham傳中俾crouch頂波,
但可惜到現時為止, 唔算失敗, 但亦講唔上成功

唉, 而家艾力臣開始轉口風, 死味! 好似想搵碧咸做待罪羔羊.

我夠膽講, 如果棄beckham用lennon, England肯定死得仲快!!!
冇精神支柱不在話下, lennon靠佢自己+ 加歷查 "助攻", 睇下出到幾多次波囉 OR 做到幾多次小組入滲

其實碧咸+加歷查效果都唔理想, 話唔定lennon係度唔駛加歷查成日後上助攻出醜..況且效果果真係未知, 或者理想也說不定.

成日話lennon幫beckham拉空位斬波, 咁唔通beckham就冇拉空位俾lennon落底咩?
邊可以咁計架...  呢d叫做互相合作je
簡直多餘!

但係lennon可以係右路過到波係事實, 有左佢之後碧咸斬波斬得幾舒服, 唔似得lennon未入黎之前碧咸下下監硬斬,結果下下省中對方球員個身上面. 講呢樣野只不過係想講番lennon係球隊起到既作用.

flash_2006

Originally posted by Kian76 at 2006-6-24 03:53 PM:


卡域克佢地都冇乜點踢。

替卡域克感到可惜, 係熱刺中路防守八面玲瓏既表現都不足以係wc羸得一次出場機會.

flash_2006

Originally posted by lovesa123456 at 2006-6-24 08:22 PM:


你講得有道理係唔否定冇左beckham...

咁你都可以話碧咸打長波, 其他可以打多d短波. 不過球隊打法一定無咁立體.
仲有英格蘭中場大多是世界級, 況且打短波都係以配合, 默契為主, 我唔覺得而家英格蘭球員既質素做唔到.

flash_2006

Originally posted by andy020290 at 2006-6-24 09:57 PM:


碧咸唔係一有波就大腳傳嫁~講真~...

要猜波猜得好唔單止係中場中間個兩個架, 你睇下阿根廷入個球世紀組織, 係由左邊軒斯開始, 到麥斯洛迪古斯,列基美, 蘇連, 馬些連奴, 之後再猜去右邊甘比亞素, 甘比亞素再猜番比中間馬些連奴再做, 後來係左邊猜到比沙維奧拿, 沙維奧拿再比右邊甘比亞素, 之後甘比亞素再同基斯普既配合就入左球靚波. 睇番成個攻勢左右路球員佔有一定既工作量. 所以猜波一定要成隊做至得. 你又好似將個責任賴左比謝拉特同林柏特.

另外林柏特同謝拉特打唔出球會水準係成隊配合問題. 唔係單單就歸咎於佢地未夠國際賽經驗, 論未夠經驗阿根廷仲犀利, 成隊波極小係打過上屆世盃. 其實唔知艾歷臣點磨合呢隊波.

至於你話碧咸長傳方面, 老實講呢方面林柏特,謝拉特,甚至卡域克既造詣都好好. 睇多d其他球員打法先啦.

flash_2006

Originally posted by andy020290 at 2006-6-24 11:39 PM:

唔係呀化??表演唔好關成隊波事??我講緊既佢地兩個既發揮根本就做唔到英倫中場要做既野~
奧雲朗尼表現唔好係咪都係關成隊波事??

我咪講左lo, 佢地表現得唔好係關成隊波既配合事, 尤其係謝拉特, 要係中場做"打仔", 咁你又睇唔睇到? 你想期望謝拉特打到好似利物浦咁根本無可能, 係利物浦佢後面有施素高同夏文幫佢謝拉特先可以咁生, 周圍走. 林柏特, 係車仔or英超係傳球次數最多既球員, 但係係英格蘭傳球次數大大降低. 似乎球隊唔係經佢組織為主, 反而佢入楔禁區既次數多得好緊要, 比係車仔還要多, 呢個唔知係咪艾歷臣既意思. 至於奧雲, 大家都話佢表現唔好, 有幾唔好先 ? 佢連點到波既機會都唔多, 大家可能只係記得佢一兩下攞失波而咁樣指責佢我覺得唔公平. 所以你講得岩. 奧雲打得唔好關成隊波事. 再比個數據你睇, 成隊傳波次數最多既碧咸頭兩場既傳球分佈: 高治[15次], 謝拉特 [12次], 艾朗連儂 [11次], 加利仔 [9次],泰利[8次], 林柏特 [8次], 加歷查[7次], 奧雲 [4次], 達寧 [3 次].....

連後備打左10分數既達寧得到碧咸既傳送次數只係比兩場打足120分數既奧雲少一次, 可想已知奧雲既機會少到....

p.s.: 其實你expect英倫中場要做d乜野 ?

[ Last edited by flash_2006 on 2006-6-25 at 10:49 AM ]

flash_2006

Originally posted by lovesa123456 at 2006-6-25 05:07 AM:
係呢個淘汰賽階段,
每一個step都足以...

中場除左林柏特同祖高爾有d眉來眼去之外其他既配合唔多, 唔係一級球隊既打法, 所以點解對住巴拉圭同千里達既時候有老鼠拉龜既感覺.

flash_2006

Originally posted by abc123aa at 2006-6-25 12:55 PM:

比波奧雲少呢樣一定係正確
...

所以咪係球隊配合有問題, 球隊比波集中哂比高治, 而且都係碧咸集中比埋去. 打得好就就ok, 但問題係高治處理高波既效果強差人意, 但係英格蘭繼續咁做, 搞到英格蘭愈踢愈悶兼無板斧 至於話雙特問題, 都講左謝拉特主守, 林柏持係中場做分波機會唔多, 因為球隊成日大腳比高治. 打得高波咁兩邊就變左進攻分動點, 你睇溫布頓呢支打高空波時間多過地面既球隊進攻點都係以兩邊為主.

再講番j.cole 同碧咸, j.cole係左邊以突破尋找空位為主, 對對方右路產生好大壓力. 佢係對辨既.反而右邊就...好多波夾硬斬埋去, 結果成日省中人. 見到有時奧雲係右副位幫亦到好少比. 呢d情況係以往英格蘭好少見..以往碧咸成日比波比奧雲. 所以呢度其實唔係批評碧咸, 而係成支球隊既打法, 即係艾歷臣

至於話亨利係國家隊打得唔好, 講真又咪係配合問題, 亨利變左正箭頭, 唔可以係左邊活躍 [個位比左比列比利], 加上控球工作比左施丹, 結果亨利最想做既兩樣野都無得做. 反而無左施丹既法國亨利打得好左. 如果雲加做法國教頭我敢話亨利一定可以脫胎換骨..另外一個例子係列基美, 係比格文未上任時佢打國家隊表現差勁, 但係比格文上任後一心打造以列基美為重心既國家隊, 結果大家有目共睹.

球員係球會既表現黎比國家隊唔相符, 有多種原因, 其中較為主要係領隊唔可以令隊波既打法同球員既特性融合..變相令到球員既作用減半.

[ Last edited by flash_2006 on 2006-6-25 at 01:42 PM ]