specificness

Originally posted by 極樂 at 2007-8-9 10:44 PM:
1/8 bb終於出世啦!

呢個就係我同老公既 "愛情結晶品"~

哈哈~~

恭喜哂你呀！！！大家都等左好耐啦！

哎呀，佢真係勁得意！！！！！

一切都順利？唏，我問黎都多餘，你上得黎報喜，一定係一切順利啦！

多謝哂告訴我們！話比bb聽，佢幾勁，佢一出世就在網絡上掀起龐然大波，掀動了好多哥哥姐姐（同叔叔伯伯………）的心！！

祝福佢健康快樂，快高長大……記得時時upload相呀

ta姐，係時候考慮為bb專設一個post置頂（如果唔係設一個區的話），方便媽媽時時upload bb相……

[ Last edited by specificness on 2007-8-10 at 11:30 AM ]

specificness

我又長氣啦……極樂姐，記得補身呀！呢個月開支一定好大，但點都要使架勒，千祈千祈唔好喺呢度慳。bb要有一個健康有精神既媽媽去照顧架！

哈哈……呢個post一定係我今日遇到最開心的事！

仲有，如果方便的話，就最好餵人奶；就算沒有這個長遠的打算，我看過一些文章都講到醫生也建議最好在最初的階段（起碼）餵人奶，因為人奶有bb最需要最合適的營養，是formula奶粉無法配製的，bb剛出來，最好先給他餵一陣。而且，他從胚胎開始就在媽媽的肚子裡吸收媽媽的養份，人奶應是他最熟悉的東西。他出來到現在，離開了媽媽的身體裡，已經有太多的東西要適應了，如果可以的話，給他人奶也可以幫他去適應新環境新世界。再者，在餵人奶的過程，bb貼近媽媽身體，令他感到媽媽的溫暖、聽到媽媽的心跳、得到最大的安全感，這是奶粉永遠無法給予的，也是對bb最重要的。餵人奶也不必顧慮近日奶樽有問題影響bb健康的種種考慮，而且慳了奶粉錢！

講咁多，都係想講，情況許可的話，試下餵人奶啦（咁我都明白可能媽媽要工作，實際環境未必許可；但在坐月時也許比較能夠做到）。希望我沒有太多事。

再祝bb聰明伶俐！

[ Last edited by specificness on 2007-8-10 at 10:58 AM ]

specificness

Originally posted by 我愛章小慧 at 2007-8-10 10:59 AM:

餵人奶 ...

喂喂喂，甘生，唔好諗埋一邊呀 我講正經架………

specificness

Originally posted by 極樂 at 2007-8-10 02:08 PM:


我都知餵人奶有好多好處, 我都試過餵.......但係, 餵人奶果日, bb差唔多全日都食唔飽....我想泵出黎俾佢食架, 但係.....呢排佢已經食緊奶粉, 我媽咪反對我又轉返人奶.....因為轉黎轉去會攪壞bb既腸胃喎!!

到左今日, 我都仲好想餵人奶.....但係感覺上有心無力咁.....

唉~~~

我bb成日食唔足奶, 成日唔想食.......都好擔心佢!!...

極樂姐，唔使太過担心，太担心對自己身體唔好的，就算唔影響身體，肯定影響心情同心理狀況，對你對bb都唔好架！無論如何一定要保持心境開朗呀……你諗下，bb過左咁多關都黎到你既懷裡，已經表示他是多麼的堅強了，你還需要替他過份担心嗎？ 關心當然是正常的，但一定不要過份，唔係會產後抑鬱架！bb需要的是你的疼愛，唔係你的過份担憂！

另外，我有一個朋友現在仍是餵人奶的；跟據她的經驗，剛生的頭一兩日（當時她也是第一胎）因為未上奶，所以bb不斷的啜也不飽，好慘；不過當時她不知道。可能你當時也只是因為未上奶啫，所以唔使太過担心。

咁我又唔知道是不是轉來轉去會整壞腸胃，唔敢評論。可以試下問下專家意見啦。如果你真係想餵的，問清楚是沒事就得啦，唔好太担心

specificness

Originally posted by 極樂 at 2007-8-10 02:14 PM:
另外, 我應該生一個就算啦......
我見到我老公, 第一句係同佢講: 生一個咋, 唔生啦!
因為.......真係好痛好痛................

所以各位兄弟, 對你老婆, 女朋友好d丫~~
生bb真係一件好痛好痛好痛好痛既事~~
有你地係身邊支持係好重要架!!
...

對極！男人就算幾錫個女人，到呢啲時候都係乜都做唔到，淨係可以喺一旁企住等，痛苦都是女人受哂……媽媽真係好偉大！

不過，有一樣野：就係女人通常對呢樣野都好無記性，生完嗰刻出黎，個個都話以後唔再生，但係，都係一個黎完又一個……好難講 我意思係，可能決定唔再生，但係最後決定會係基於其他原因（e.g.唔中意小朋友，經濟問題……），而唔係因為「真係好痛」……咁唔表示我睇小呢種痛，我知道這可能是人間最痛的痛楚；但正因為咁，我更覺得女人好勁同好偉大……1. 咁都忍受到；2. 咁都可以唔記得，而有更多願意重蹈覆轍

specificness

Originally posted by 極樂 at 2007-8-10 03:26 PM:


我差唔多日日吹風, 出院第一日就洗頭.....10日未夠洗左兩次頭......
我阿媽話: 我真係唔再俾你洗頭啦!
坐月期間冷病就好長手尾丫....老左你就知啦.....

d 阿姨話: 真係大膽....

其實我第一次洗完頭之後, 第二日頭痛 + 周身痛....當然呢d我無同阿媽講啦!!哈哈~~...

哎呀，你真係唔聽話呀………講真，可能佢地講啲野真係無乜科學根據，但肯定是經驗之談。至於例子，大家上面都舉過啦，我有個親戚都係，生完唔肯補身，過左成十八年到今時今日都補唔返，成日病……真係要聽話呀！忍下啦！咁好快就會好，到時你咪做乜都得囉壞左個身子真係以後做乜鬼都唔靈呀……我都知我長氣……

specificness

Originally posted by 極樂 at 2007-8-10 03:22 PM:


其實我知道我夠奶俾bb飲........
但係, 因為之前幾日轉黎轉去.....一時飲人奶, 一時飲奶樽, 令到bb唔識吸吮.....所以依家一定要用奶樽去餵佢!! 問題係我好唔好買個泵返黎轉人奶.....
醫生只係講左句: 飲奶粉比較飽, 飲人奶要飲多兩餐囉......我話: 咁我一餐人奶一餐奶粉得唔得?! 佢又話無問題, 我都唔知信唔信佢好!...

我會選擇信醫生架……佢都話無問題，想轉就不如早啲轉勒，咁你順手買埋個泵，咁就一了百了。

Originally posted by 極樂 at 2007-8-10 03:22 PM:

其實, 你問返我係咪好痛, 其實.....我都忍到既.....當然, 我係我老公面前梗係撒嬌啦!! 生唔生....隨緣啦~~~...

哈哈哈哈哈哈……果然係咁！都話女人真係勁！

宜家諗梗係過早，不過生多個有個兄弟或妹妹，對bb的成長其實是好事來的……咁當然，做爸爸媽媽就幸苦的咁囉………

不過宜家唔好諗咁多勒，搞掂呢個先啦

specificness

Originally posted by 我愛章小慧 at 2007-8-10 04:29 PM:

我又講d唔岩聽既野 ...
生一個唔係唔得 , 但切勿過寵~~

啱聽！點會唔啱聽……持寵生嬌的細蚊仔好鬼乞人憎……

其實只要小孩知道對錯的概念，而大人持之以恆、奬罰分明，並以身作則，則小孩是沒可能會懷到哪裡去的。

但我知道講就容易………

specificness

Originally posted by 極樂 at 2007-8-11 04:38 PM:
原來餵人奶要屋企人既支持,
連我媽咪都唔支持我果陣, 我都幾灰.......
雖然佢口口聲聲話我自已決定,
但係之後又講一大輪野黎 ban 你....
其實有好多媽咪想餵人奶但係無奶.....
自已有, 但係又唔餵, 真係覺得係一種浪費...............

係呀，係好需要屋企人支持，但係孩子是你的，你應該堅持你覺得對佢最好的做法，如果唔係第日就後悔。不過話分兩頭，我有啲奇怪點解伯母會咁返對餵人奶；你有無了解過？可能佢好有道理都未定架，不過我地經驗淺唔理解。所以不如你平心靜氣同佢講下，了解下點解佢覺得餵人奶唔合適，再跟佢講下你既立場，點解你想咁，然後大家一齊找出一個對bb最好的做法囉。無論如何，要理解：你和伯母都是疼bb的，都是想bb好，對不？別為這個覺得灰……

我同意架，既然可以提供，自己又願意餵，又可以加強bb抵抗力，唔餵就真係一種浪費。另，如果你真係轉到的話，返工之後其實都可以泵定啲奶比bb食，唔一定話要轉奶粉格（純粹想像，無經驗）。

Originally posted by 極樂 at 2007-8-11 04:38 PM:
另外,
bb幾日人仔已經識扭抱.......
好奇怪!!
可能佢係醫院果陣, 喊到死死下都無人理...
依家知道屋企有人理佢,
所以佢會出盡力喊.......
我地個個話唔抱得, 由佢喊..........
但係當佢喊到唔收聲,
超辛苦果陣.........
我阿媽第一個話唔好抱慣佢......
但係永遠都係佢第一個去抱佢......

真係有排教lu~~~~~
...............

哈哈，唔好以為bb唔識野！其實真係架，比佢知道一喊就有人抱，佢就知道點樣要脅你地架勒……不過，尤其是第一個，點忍心話由佢喊丫。而且，由婆婆或麻麻湊的bb更加容易過寵，因為老人家傾向就bb，而且粒孫是心肝丁麻。我聽過人話，有些bb，出世時因為要留院幾日，醫院姑娘鬼同你時時刻刻去抱住咩，喊極都無人理，咁返到屋企之後，從來都唔扭抱，幾爽！

仲有呀，千祈唔好成日抱住佢搖佢訓，又或帶佢去街行下喑佢訓………佢慣左的話，你都有排煩…… 咁又唔係話要刻薄佢、唔比飽飯佢食嗰種，只係要記住，bb未識野，在你錫佢的同時，你要用方法去控制佢，包括控制佢既情緒，唔好比佢反轉頭控制你……比個未識性既孩子控制自己既情緒既話，可以想像幾慘！記住記住，呢啲要由細細個開始架，大個左，識左性，領略到控制人的滋味，你就點打都無法力挽狂瀾架勒。

[ Last edited by specificness on 2007-8-11 at 05:09 PM ]

specificness

Originally posted by 極樂 at 2007-8-11 05:19 PM:


我面前就已經準備左碗藥啦....
...

我明白你既心情。事到如今，唔好諗太多啦……不如咁樣：

如果係未飲既，試下同老公再商量下先再決定，好無？因為我覺得你老公如果都認同的話，有多一把口同你媽媽傾。

萬一如果真係已經飲左，咁雖然係有啲遺憾，但係記住，不要太影響情緒，因為這個時候媽媽的情緒管理是很重要的，同埋bb的情緒也會很受媽媽情緒所影響（別忘了在一星期前他不但是你生命的一部份，他實實在在是你身體的一部份！他的情緒當然會受你影響）。一切事情都不夠你和bb的健康重要。人奶麻，我們之前的討論，是基於在可能的空間情況下盡力給予最好的給bb；現在如果是實然地不可能的話，則我們也不需要太不開心。即是說，我們都覺得，可以的話，餵人奶應該是比較好的，但不表示奶粉是非常不好，不表示吃奶粉會對bb健康有壞影響。所以，既然不可行了，就不用再去想它勒；因為，除了人奶，媽媽仲有許多愛心關懷同其他好多野可以比bb的，不是嗎？人奶只是其中的一項而已。如果因為呢件事影響媽媽情緒，從而影響到bb，咁仲唔係因小失大嗎？所以，如果已成事實，就唔好諗咁多勒，ok？

希望幫到你啦。