杜奧巴世界波

locklock

車路士442 1-0 巴塞433

上半場兩隊打成均勢，各有射門，０－０完場。

下半場杜奧巴一球世界波直飛網角，比分１－０至完場。

巴塞上半場踢球不太積極，但當落後，列卡特收起古莊臣，打全小個子陣，就打得十分進取，十分精彩。

車仔入了一球後，４４２打得更堅決，所有反擊只用三人，一個中場加兩個前鋒。其餘全部留守，因此巴塞今場零越位。保拿路斯可話完全凍結朗拿甸奴，下場巴塞主場，可能列卡特要想想如何打活朗拿甸奴了。葡萄牙籠門十分對板，摩帥個然沒有入錯貨。

locklock

Originally posted by 7jai7jai at 2006-10-19 09:45 AM:
請問呢個係咩台.........
尋晚o係pps 搵唔到呢場睇!!!.............
可憐

哈！哈！哈！　你一定係去佐ESPN或廣東體育睇過場悶波，利記客勝紅酒國１－０。

這個台叫 "東方衞視" 即上海電視台的主台，種類唔會有體育顯視出來的。
有點像ＴＶＢ播波，只係為收視而播。而不是上海體育台，專播體育。

locklock

Originally posted by terryjog06 at 2006-10-20 07:54 PM:
車仔個個當打期 連馬基尼尼都可以維持高水平
皇馬球員已過高峰期 朗拿度 卡路士 雲佬 魯爾而冇復當年勇
皇馬果d super star同車仔果d球員係唔同架
皇馬成績不差丫

馬基尼利這種打法打到四十都沒有問題，他不用助攻，亦不會回得比後衞更後，活動範圍主要在中後場和自家大禁區之間，主力搶球攔截，而且佢亦唔係剷球式防守球員，屬技術型搶截，不會太浪費氣力，而且他上腳波甚少，一拿球便向前分，簡直係一個人見人愛既工兵，好似籃板皇洛文咁，搶通天下！

皇馬球員已過高峰！？言之常早，開季無耐，過Ｄ第二三春都未來，等吓啦！
朗拿度已減肥，只欠積極，只要有新女滋潤，佢又會突然上力，佢可以打到３５都無問題。
卡路士始終都係左閘極品，無人有佢咁快，到現時為止還未有，唯一可以話佢係死球得分能力明顯下降了，這才是他要退下來的主因。

雲佬幾好呀，有波入，佢好過馬卡爾好多啦！老實講英格蘭要碧咸，倒不如荷蘭要雲佬，有邊個好似佢咁多大賽經驗，仍然這樣多產。佢現在仍是皇馬入球最多的球員，已有一定承擔，足球不是個人遊戲麻。

魯爾而冇復當年勇，其實當年佢有幾勇？想想佢卓號係乜？死雞皇魯爾。皇馬Ｄ槍手死佐幾耐火，咁佢又有乜野機會可以執死雞，無波入好正常。還有最好笑無死雞佢執，反而叫佢比死雞人地執，咁好大壓力麻！？

Originally posted by cfccfcc at 2006-10-20 09:20 PM:
皇馬幾多年連派仔都未拿過???
點解皇馬咁有錢
年年買咁多人都係咁差?
點解今年會好左?
唯一的可能性
只係領隊變左喇

皇馬錢從何來？你知唔知皇馬拿過多少次歐洲冠軍球會盃，共９次，自法國人進行舉辨歐冠盃以來，皇馬便開個五連勝，近代亦拿過四次。普通球會拿一次歐冠盃，如果唔係亂咁投資，已夠佢玩十年，咁你想想皇馬拿了９次，玩９０年都唔過態，基於這個原因，上任主席便見錢多，實現商業化，每年買一星，主要為了做ＳＨＯＷ賺錢，佢賺Ｄ錢可以比美拿歐冠賺過Ｄ，咁又點會無錢買人，不過成積唔見起色，大家唔ＬＩＫＥ咁解之麻。所以你有無見過朗拿度施丹費高碧咸會好唔開心，話無糧出，討論只係有無糧加，有無廣告拍，有無球迷要簽名，或特別服務。

年年買人唔代表可以奪冠，主要是講配合問題，你想想十個朗拿度加一個簡尼，或十個碧咸加一個保方，會有乜後果。

今年好佐唔單單係一個領隊咁簡單，主因係打回兩個後腰，等中後場人數多些，不會咁易失球。但反之而來前場入球便會減少，針無兩頭利。



[ Last edited by locklock on 2006-10-20 at 10:43 PM ]

locklock

Originally posted by brightman at 2006-10-20 11:07 PM:
不得不提就係保拿路斯..佢係右路無人過到佢咁滯...摩連奴真係好有眼光

你咁講一講，我又想起隻過期漢堡包，保拿路斯都係漢堡中人。

過期漢堡包　http://www.26fun.com/bbs/viewthread.php?tid=128740&fpage=1

locklock

[center][/center]
又係杜奧巴，真神，加時最後一刻入球，２－２作客迫和巴塞，巴塞出線亮紅燈！

不萊梅作客大勝索菲亞利夫斯基３－０，出線從燃希望。沙夫今次有運行，
巴塞ＶＳ雲達將是未來焦點大戰。萬勿錯過。

巴塞依然攻不銳，但朗拿甸奴和迪高已漸上力，經常領先後還是求前場死手，
古莊臣亦傷出，大家祈望的沙維奧拿，可能會在未來賽事出場，
如果連沙維奧拿都傷，咁巴塞真係可以學羅馬打無鋒陣。



[ Last edited by locklock on 2006-11-1 at 02:04 PM ]

locklock

補番幾張相先，摩帥好似棒盃咁ＦＥＥＬ，列卡特就黑口黑面，唔明點解會補六分鐘時。
ＬＥＥ　Ｄ　就叫冥冥中有主宰。註定今季杜奧巴真係世界波，無計！

locklock

都唔係第一次，睇慣了，佢可能色盲，只睇到黑白之分。
其實這個世界還有我依種打緊字既黃種人。

車仔茅我絕對認同，因為對付技術型球隊的方法，只有超技術，即犯規戰術。
但犯規戰術換來的代價就是黃牌紅牌死球十二碼，樣樣都要球員有一定冷靜和經驗，
才可以避免一犯再犯，換來失球或退場的危機，車仔球員做到了，巴塞怨最多只可怨９０分鐘。
當然球證才是這場比賽的攪局教，因為他最後無里頭補了６分鐘時，送給車仔一個反盤機會。

locklock

杜奧巴130萬周薪續約藍軍4年 11月 5日 星期日 05:05

今季屢建奇功的車路士前鋒杜奧巴獲得雙倍加薪回報，該科特迪瓦國腳昨日以130萬港元
周薪（9萬鎊）與球會續約至2010年，與泰利及林柏特等「藍戰士元老」平起平坐。
車路士今晚作客近平平的熱刺，在前鋒拍檔舒夫真高繼續養傷下，杜奧巴自然要乘勝
追擊答謝球會支持。

加薪逾1倍 感謝摩連奴

愈戰愈勇的杜奧巴今季已為車路士攻入10球，更因此贏得價值2.6億港元（1800萬鎊）
的4年合約，由63萬港元（4.3萬鎊）周薪勁升逾1倍至130萬元（9萬鎊）。雖然與
「烏克蘭核彈」舒夫真高的192萬元（13萬鎊）周薪仍有距離，但杜奧巴已經心滿意足：
「我要感謝領隊摩連奴對我的信任，我在加盟球會初期遇到一點困難影響表現。我一直
也希望簽下新約，如今願望已經達成，我當然會繼續交出好表現，與球隊共創輝煌成績。」

有人歡喜有人愁，車路士門將古迪仙尼對未能藉施治缺陣重獲正選大感不滿，
考慮在1月轉會市場重開時離隊。

locklock

杜奧巴已在今季英超完成了兩次帽子戲法，真係勁！

為何杜奧巴今季會在英超和歐冠盃中全面爆發，回到他離開馬賽那年殺入足協盃
決賽時的最佳狀態。

主因歸功於摩連奴今季大打４４２英格蘭經典陣式，四個中場支援兩個前鋒造球所致。

前兩季車仔打４１２２１陣時，杜奧巴演譯一個單前頭中鋒的角式，在４１２２１戰術中，
中鋒不是得分點，反而他是起一個ＨＯＬＤ波的作用，造球給攻中射門。所以為何今年林
伯特好像在入球方面有點下滑，原因是因為今季攻擊戰術的點是在兩個前鋒身上，而攻中
只是偶意殺上做支援角色。

４４２另杜奧巴從生，當日他在馬賽的搭檔就是現在在熱刺踢球的美度，打兩個前鋒。
他在馬賽亦曾打過單箭頭，當時在他身後的就是現在在摩納哥踢球的馬威廉。
由於他在這兩個時期都依然發揮出色，在足協盃中也每場一球，最後便被車路士相中。

現在的杜奧巴不但另球隊報捷，還帶起了初登陸英超的舒夫真高。在英國有傳媒預言，
杜奧巴可能有機會在今季打破車仔球會的入球紀綠４１球。

２００４－０５　２６場／１０球／　５助攻
２００５－０６　２９場／１２球／１１助攻
２００６－０７　１３場／　８球／　３助攻

locklock

車路士作客反勝愛華頓2-3！！！

杜奧巴世界波！！！

ＧＯＡＬ！ＧＯＡＬ！ＧＯＡＬ



[ Last edited by locklock on 2006-12-17 at 11:54 PM ]