和仔走火入魔３４３，港隊兵敗如山倒！

locklock

和仔變革？港隊兵敗如山倒！？（和仔以為自己係孫大炮，想係港隊攪共和！）
和仔想學日本仔，打全攻型足球，但他只明此理，而不知此道者！
日職聯八成以上球隊打３４３，試問港甲有邊隊咁夠膽走去打３４３？
香港０８？公民？和富大埔？和仔紙上談兵，港隊兵敗如山倒！
印尼絕對不是什麼強隊，理應小勝或求和，而不是大敗０：３！
看來和仔執教港隊的日子應該不會長，新官上任一把火都無。

卓卓打三中堅的其中之一，肯定是敗筆，此子攻強於守，絕不能升任三中堅！
３４３陣式，最重要是４的左右兩翼，因為進可攻，退可守，這是球隊的命門，
試問當今香港邊路有誰可以進可攻退可守咁勁！一係只攻不守，一任只守不攻，
這是４４２陣式底蘊的根本，因此為何可助攻的閘會咁值租。就算連和仔都只攻不能守！

和仔呀和仔，可能香港現在無大賽，可以話係變革好時機，但變還變，
都要睇吓自己有無貨先得架。你估香港人係巴西佬咩，球會踢一個位，國隊隊又另一個！

友誼賽　－　香港 0：3 印尼

香港隊於今晚(6月1日)假印尼舉行的友誼賽中，0比3不敵印尼。

香港隊今仗以3-4-3陣容上陣，教練李健和表示滿意球隊的整體表現，於防守方面亦能做到
賽前部署，而進攻方面於下半場亦有所改善，組織了多個攻勢，唯球隊最後亦未能取得入
球，以0比3不敵印尼。

香港隊出場陣容如下：

守門員：范俊業

後衛：陳偉豪、高尼路、卓卓

中場：利偉倫、文彼得、梁振邦、潘耀焯

前鋒：朱兆基、陳肇麒、羅志焜

　　　　　　　　　　　　　　

[ Last edited by locklock on 2007-6-2 at 01:26 PM ]

locklock

Originally posted by 自由神 at 2007-6-2 11:59 AM:
我反而覺得咁樣仲好
好過成日打[colo...

３４３打得好就全攻型，打得衰就變成４５１，再衰ｄ和９０１無分別！
印尼仔跑得快，但身材差，用４４２和４３３打係最好，一定要先護邊，
然後善用陳肇麒高度，才能尅敵制勝，一本通書怎能睇到老！
唔通當日孫大炮革命，要中國人先死而後生？孫大炮都要面對現實。

３４３係日本仔學巴西佬既前身，先決條先要聯賽有一大班巴西佬咁既腳法才可以打。
４３３係韓國仔學荷蘭佬既，亦是亞洲人複製歐洲佬最為成功的樣版。
４４２係英國佬改良荷蘭佬全能足球，演變出來一統天下至今既絕活。
香港係前英殖民地，打４４２係學英國佬，可以話係根深締固。

就算和仔要變，都應該效法先祖荷蘭，變４３３，而不是３４３學日本仔和巴西流！
難道迪天奴或南華傑志現在急奏章買入巴西幫，能即時改變香港人的思想和打法嗎？
我們要的是坐和望贏，而不是什麼先死而後生呀！０：３不能接受，一定要加以評擊！

（日本國家隊其中一隻翼係巴西人入籍日本，佢叫三都主，現在還是日本必然正選呀！
　香港要打３４３，唔該叫ｄ巴西佬過黎入籍再議啦！）

　　　　　　　　　　　　　　

[ Last edited by locklock on 2007-6-2 at 01:06 PM ]

locklock

Originally posted by -仔仔仔- at 2007-6-2 01:02 PM:
友誼賽主要都係試陣
今場輸左,下場就唔會再此陣
人係從失敗中吸取教訓!!!!!

如果今次唔係用本土教練，而係用老外，咁你話０：３會唔會可以接受呀！
大家要求真係越來越低，香港足球唔係真係衰到輸比印尼０：３麻！
話曬場波都有兩件外援港腳，都打到咁屎！一定係排錯陣！

香港往積最衰都係輸比印尼２：３，都有波入，再之前更是未常一敗。
今次肯定係港隊近年來恥辱性大敗，最危險的地方是球迷們莫不關心！

還有這是ａ級國際友誼賽，會影響香港排名的，現在還未到總結，
到時港隊排名下跌，和仔一定要執包袱！

　　　　　　　　　　　　　　

[ Last edited by locklock on 2007-6-2 at 01:16 PM ]

locklock

Originally posted by x169169 at 2007-6-2 09:15 PM:
使o吾使o甘激ar你......新官上陣預左輸ga la....
更何況0:3之ma.....輸更多ge都有la.......

照你咁講英軍麥卡倫上台後，比人大數都無所謂！？
你知唔知麥生作客克國就係玩變陣慘敗，外間批評之聲四起！
但今次和仔輸０：３，竟然無人覺得有問題？

Originally posted by 魔術師 at 2007-6-2 08:42 PM:
友誼賽只是試陣 試新人..
樓主未免...

試新陣係事實！重開口講明比你聽，連印尼佬都聽到，３４３！
試新人就肯定唔係！個個都唔係生面口！

　　　　　　　　　　　　　　

[ Last edited by locklock on 2007-6-2 at 10:50 PM ]

locklock

Originally posted by darkensun at 2007-6-5 03:41 PM:
我認為陣式係死, 人係生, 相同陣式可...

卓卓左右無人，一定死，佢攻強於守，再拍賣高尼路經常走去前場頂死球，
咁你話後面還有誰？陳偉豪一個，變係無可口非，但係變到一跌跌落谷底，
咁你話係咪要鬧啦！不知所謂，佢可能想創造香港最差紀錄！

Originally posted by ~心水~ at 2007-6-4 08:50 PM:
其實我又覺得343ok既 . . . 之前香港...

改係無問題！３４３係以攻為守的陣式，理應改變最衰都可以破蛋！
但竟然輸０：３，無人講，無人理，重好似好滿意咁，和黎ｓｉｒ差九里遠，
可能找個小學教師，都會教得好過佢。

　　　　　　　　　　　　　　

locklock

Originally posted by leoglas at 2007-6-5 10:10 PM:
我作為一個香港球迷，支持踢進攻足球...

2006-02-22 (三) 0:3  - 香港 vs 卡塔爾  亞洲盃外圍賽 香港大球場 20:00 ＜＜＜　卡塔爾和印尼一樣咁勁秋！？
2006-03-01 (三) 0:1  - 孟加拉 vs 香港  亞洲盃外圍賽 作客 / 海外 16:00
2006-08-12 (六) 1:2  - 香港 vs 新加坡  友誼賽 香港大球場 18:00
2006-08-16 (三) 2:2  - 烏茲別克 vs 香港  亞洲盃外圍賽 作客 / 海外 19:00
2006-09-06 (三) 0:0  - 香港 vs 烏茲別克  亞洲盃外圍賽 香港大球場 20:00
2006-10-11 (三) 2:0  - 卡塔爾 vs 香港  亞洲盃外圍賽 作客 / 海外 21:00
2006-11-15 (三) 2:0  - 香港 vs 孟加拉  亞洲盃外圍賽 旺角大球場 20:00
2006-11-29 (三) 1:1  - 印度 vs 香港  亞運會 多哈(GMT+3) 17:15
2006-12-03 (日) 1:2  - 香港 vs 伊朗  亞運會 多哈(GMT+3) 19:45
2006-12-06 (三) 1:0  - 香港 vs 馬爾代夫  亞運會 多哈(GMT+3) 17:15
2006-12-30 (六) 1:0  - 廣東 vs 香港  省港盃 番禺英東體育場 15:00
2007-01-07 (日) 4:2  - 香港 vs 廣東  省港盃 香港大球場 15:30
2007-06-01 (五) 3:0  - 印尼 vs 香港  友誼賽 作客 / 海外 19:00
2007-06-10 (日) --  - 香港 vs 澳門  埠際賽 旺角大球場 18:30
2007-06-19 (二) --  - 香港 vs 中華台北  東亞錦標賽 澳門運動場 15:00
2007-06-21 (四) --  - 香港 vs 關島  東亞錦標賽 澳門運動場 15:00

香港隊幾時有經常出現０：０，只有主場對強隊烏茲別克一場！
希望大家唔好想當然，拿出實據！
港隊不是全無入球能力，不過印尼實力一定唔會和卡塔爾一樣，
如果和仔作客卡塔爾，可能要輸６：０！

　　　　　　　　　　　　　　

[ Last edited by locklock on 2007-6-5 at 10:42 PM ]

locklock

Originally posted by leoglas at 2007-6-6 03:01 AM:
你列晒d數據有咩意思？唉 ，...

未來三場對手甚弱，到時你睇吓和仔可唔可以大數對手，就知我依家講乜！
南華勁帶起球市，但末殺了傑志的成長和努力，更蓋過了港隊的成積下滑。
另大家沉醉於自我聯賽的假復蘇中，這是十分危險的事情。

2007-06-10 (日) --  - 香港 vs 澳門　　  埠際賽　　 旺角大球場 18:30 ＜＜＜　３：０？
2007-06-19 (二) --  - 香港 vs 中華台北  東亞錦標賽 澳門運動場 15:00 ＜＜＜　６：０？
2007-06-21 (四) --  - 香港 vs 關島 　　 東亞錦標賽 澳門運動場 15:00 ＜＜＜１２：０？

帶得軍，就唔可以玩玩吓，由其是國家隊，因為國家隊的比賽遠比球會少，
一定要貴精不貴多，所以輸一場就一定好大件事，不論係友賽，還是正賽同樣皆是！
黎ｓｉｒ執教一定唔會３：０輸比印尼咁恐怖！試陣就應該留番練習閉門時試，
而不是出國對魚腩隊試。打少個後衞就可以入多一球，這是什麼丫理！？
３４３係要攻守合一，比４４３和４４２更難掌控，因此為何巴西可以用，
而英格蘭一用就慘死，咁顯淺既道理都唔明？

　　　　　　　　　　　　　　

[ Last edited by locklock on 2007-6-6 at 10:40 AM ]

locklock

排名　中華台北１６４　香港１１５

港隊東亞盃和台北難晉級

由新任教練李健和帶領的香港足球隊，昨日在澳門舉行的東亞盃預賽B組首仗出師不利，
只能一比一逼和世界排名遠遜港隊的中華台北，晉級前景響警號。賽前揚言主攻的
「和仔」承認，球員未踢出賽前部署以致「啞火」。
（和仔唔知會唔會走去打破香港失球最多入球最少的紀錄，不知所謂！）

近兩次鬥香港都落敗而回的中華台北，甫開賽五分鐘便取得首次攻門，中場馮保興接應長
傳於禁區內頭槌攻門，僅被港隊門將范俊業撲出，叫港隊抹一把汗。賽事其後進入膠着狀
態，直至下半場，中華台北前鋒黃瑋儀乘守將高尼路滑倒，接應罰球禁區內銅頭一搖頂破
范俊業十指關，不過港隊六分鐘後即憑一個漂亮組織，由羅志焜門前扭過門將呂昆錡射入
空門扳平。

不過，港隊左中場張健峰六十九分鐘禁區內一次準確攔截卻被球證判罰十二碼，兼「兩黃
一紅」出場，幸好范俊業在重射時勇救極刑，而港隊在人少打人多之下力保不失完場。
（如果唔係球證丈義出手，香港隊今濟連金身都不保！）

對於今次「考牌戰」失利，李健和拒絕歸咎球證，並慨歎：「己隊上半場完全踢不出水
準，下半場雖有改善但不足夠。球員一直以來在訓練時做到的事，在今仗都未能展現出
來。相反，對手部署相當好，穩守突擊頗具成效，體能及力量比港隊更加優勝。」為港隊
保住一分的英雄范俊業附和道：「新陣並沒有問題，我們國際排名比中華台北高，主攻無
可厚非，只是球員表現欠理想。」中華台北的日本籍教練今井敏明，則表示滿意球隊演
出，謂「本有機會釣到大魚」，可惜戰果令人失望。
（「考牌戰」失利一早知啦，印尼都輸得３：０，還可以指望叻得去邊？？？）

港隊下仗需大勝關島最少十球才有望晉級，李健和表示目標鮮明，會努力鼓勵球員盡全
力，又指他們的表現比賽果更重要。
（希望可以入多過１球啦，唔係和仔應該要下台了！）

　　　　　　　　　　　　　回歸10週年了！

[ Last edited by locklock on 2007-6-20 at 01:33 PM ]

locklock

Originally posted by filter-052fans at 2007-6-20 02:32 PM:
莫非樓主常和仔係希汀克or列克革?...

郭家明, 黎祥, 招積同和仔既分別就係在於對住d咁雞既對手，一定要拿下，即係贏波！而唔係和！
和仔執教至今１勝１和１負，得３失５球，看看他還要敗多少家才能重組港隊成功。
我怕到時香港排名會低過中華台北！　（贏澳門因為陳達燊無守籠，唔係又和！）

　　　　　　　　　　　　　回歸10週年了！

[ Last edited by locklock on 2007-6-20 at 07:07 PM ]