【07-08英超】曼聯出閘脫腳

locklock

　http://soccernet-akamai.espn.go. ... e=ENG.1&cc=4716

雷丁果然係硬骨頭，打小個前鋒，都可以死守到底，堅呀！
看來施治個頭真係要小心小心，唔係又比雷丁打爆！

紐記　３：１
車仔　３：２
利記　２：１
工廠　２：１
紅魔　０：０　出閘脫腳！

　　　　　　　　　　　人類出世也是一個離開也是一個

[ Last edited by locklock on 2007-8-13 at 01:02 AM ]

locklock

Originally posted by edward1906 at 2007-8-13 01:02 AM:
曼聯一樣都冇前鋒haha

打小個孤獨？　打佐半場就變佐小矮人蘭尼！

　　　　　　　　　　　人類出世也是一個離開也是一個

locklock

Originally posted by filter-052fans at 2007-8-13 01:22 AM:
但想到下場又係兩回事, 佢地會覺得自己主場可以偷雞,
一定唔會再打龜縮, 咁就o岩晒車仔踢法!!

下場最驚過個一定係施治，所以車仔一定會以保護施治為目標。
或者可能唔出施治都唔定，因為真係有陰影架！
不過我始終都睇好車仔會贏，因為車仔Ｄ兵源好多。
而摩帥可以打的陣式比以前更立體多變！

其實紅魔唔只黎場有危機，下場要對老樸更加老危，
因為老樸Ｄ新兵好實用，而Ｄ老將唔同保頓Ｄ咁廢！
英超  07/04/2007　老樸 主 勝 曼聯　 2:1(1:0) 馬菲泰萊30' 里奧費迪南(烏龍球)89'  

　　　　　　　　　　　人類出世也是一個離開也是一個

[ Last edited by locklock on 2007-8-13 at 01:27 AM ]

locklock

Originally posted by 地力 at 2007-8-13 01:55 AM:
車仔兵源好多咩??
都ok多傷兵喎...曼聯夠多兵源啦
兵源多又唔一定贏既
都要睇下磨唔磨合到...
如果夏利文keep到呢個態去下一場,車仔一樣冇甜頭...

曼聯唔只鋒無力，其實後防替補都唔係好多！
左閘和右閘，甚至係中堅都只有一個一級球員，替補全部不入流！
車仔後防勁多人用，依家只係球員有傷，但傷愈後，全部都係一級球員！
還有我唔多信車仔真係咁多傷，始終都係有Ｄ古惑，
因為車仔下年年頭要打小四件黑仔，所以依家留一留都唔奇。
車仔前鋒多人到爭位都無得打！　比沙路都開齋了！
杜奧巴第一主力，第二主力比沙路，第三主力舒夫真高打歐聯先用！
平時舒夫真高要上英文補習班好忙！
中場防中攻中乜都有，但係紅魔防中只有夏格維斯一個，而攻中就好多。
講到翼先係紅魔強項！但係翼多破密集無乜用，破密集係要沙夏Ｄ咁既中鋒，
或雲尼斯達萊Ｄ咁既中鋒先可以，因為要高點和講身位去控定個波！

　　　　　　　　　　　人類出世也是一個[/coloar]離開也是一個

[ Last edited by locklock on 2007-8-13 at 02:10 AM ]

locklock

Originally posted by filter-052fans at 2007-8-13 02:10 AM:
車仔後備全完係一...

正選得艾華同加利仔，替補軒斯有離心，而其他球員都只可串演！
中堅維迪和里奧，布朗你都叫一級，我無野好講！施維斯達今場都打唔足！
咁唔叫無人替，叫乜？奧沙都唔係中場還是後防，打佐咁多年都無正選打！

今年車仔重點補後防，中堅都有四大件，件件堅料！
賓沙夏，泰利，卡華路，阿歷士，打乜都得！

左閘有Ａ高爾和布歷治，右閘有費拉拿同格連莊臣。
咁都唔勁，我真係唔知乜叫勁啦？

今年車仔後防兩隊人爭位打！

　　　　　　　　　　　人類出世也是一個[/coloar]離開也是一個

locklock

Originally posted by filter-052fans at 2007-8-13 02:31 AM:
施維斯達, 布朗, 奧沙, 軒斯(請注...

施維斯達　＜＜＜廢
布朗　　　＜＜＜廢
奧沙　　　＜＜＜一世後備
軒斯　　　＜＜＜永不錄用
比基　　　＜＜＜有待驗證，羅斯都比人賣佐去西甲

賓沙夏　　＜＜＜保頓輸３：１的其中一個原因

　曼聯好多忍憂，連艾歷臣都咁鬼死勁，BIG SAM又咁勁，紅魔真係要比Ｄ心機！
其實蘭尼同安達臣，真係唔多睇好，再加上個泰維斯，乜鬼野高點都無，好難破密集。

　　　　　　　　　　　人類出世也是一個離開也是一個

locklock

Originally posted by filter-052fans at 2007-8-13 07:46 AM:
你收檔啦, 尤其下面叫...

你挺魔，都唔洗叫我收檔咁激麻！
如果要收檔，即係要版大出黎封題！
但係討論好和平喎，無乜爭爻點，
只係我講真相，你唔信之麻？
其實上季紅魔好多場都係反勝或緊勝！
重要係Ｃ朗時不時閃吓光，先有咁勁。
今季一定全世界睇死Ｃ朗，唔會再比佢惡！
所以費ＳＩＲ先走去買多幾個Ｃ朗替代品，
但可惜這些替代品，太多是小矮人，
和Ｃ朗這個高大的帥哥，有甚多差距！

想想９０１密集，甚至是昨晚的９個後衛，
曼聯的水銀瀉地又有何用？
所謂的２Ｘ次射門，有Ｘ用？
你可以看看車仔的數據，經常都係２Ｘ次射門，
但最後都可以險勝１球，或１：０。
何解？因為車仔之強，全世界都知，
一定同佢打密集，唔會對攻，
所以車仔，甚至是阿仙奴，或者是紅軍，現在連BIG SAM，
都各有一個高中鋒，而曼聯的高中鋒，只有長傷不出的沙夏，
同我國青年材進，董方卓！

　　　　　　　　　　　人類出世也是一個離開也是一個

locklock

Originally posted by kaka0310 at 2007-8-13 11:52 AM:
其實昨晚丁仔有講，隆尼幫mu入咗60多...

練有乜用？如果可以練！最應該走去練過個係雲邦美！
又高大又有身形，但偏偏要玩重炮，玩遠射。
都係希帥最聰明，買隻東高番黎，咪乜都解缺曬囉！
雲邦美又可以係後面自己一個玩重炮，玩遠射。
咁先係收購麻！曼聯今季投資同拜仁不相上下！

回想費ＳＩＲ叫阿倫史密夫打防中，簡直是失敗之作。
朗尼身橫，但不高，有重量，對抗性強，
但因身不高，搶點能力自然差。
其實Ｃ朗拿度可以打中鋒，佢係依家曼聯最有身材同重量既一個，
但中場無佐佢，等同實力折半。不過如果蘭尼小矮人可以頂Ｃ朗，
推Ｃ朗上去，咁又可能有一番新景像！

　　　　　　　　　　　人類出世也是一個離開也是一個

[ Last edited by locklock on 2007-8-13 at 12:47 PM ]

locklock

Originally posted by MaxFigo at 2007-8-13 01:04 PM:
雖然大部分90%你o既觀點我係唔...

恩沙基出名屈機皇，屈越位，屈後位，屈籠門，唔關身材高矮事。
奧運入頭球，因為有大師兄係後面斬個靚波比佢頂。
我都估到一定會講泰維斯！剛剛過去的南美國家盃決賽，
泰維斯連個波都惦唔到，好似個群腳仔咁係阿歷史和祖安中間走來走去！
韋斯咸無佐泰維斯可能真係唔多得，但係紅魔多隻小矮人，又唔多見好喎！

　　　　　　　　　　　人類出世也是一個離開也是一個

[ Last edited by locklock on 2007-8-13 at 01:15 PM ]

locklock

Originally posted by filter-052fans at 2007-8-13 01:14 PM:
曼聯打左20年都唔係用你口中果種高大中鋒,
而且破密集在於利用球場闊度, 唔係用高大既人去咩搶點,
呢d係小學生球迷都識既野, 唔係我自己係度齋up...

[center]
我唔係小矮人呀！你知唔知呀梁朝偉！
[/center]
　雲佬：曼联150場 (95球)　１８８ＣＭ身高
2001–2006，可能唔計係２０年內！　唔知邊個齋ＵＰ檔秘級！

　　　　　　　　　　　人類出世也是一個離開也是一個

[ Last edited by locklock on 2007-8-13 at 01:29 PM ]