[2006-10-26毎日精選]何謂愛???

自由神

[by Trista 其實呢個topic 係一個好好﹐好值得探討ge 話題﹐而且可以答ge o野非常之廣﹐所以我覺得大家唔好比d 公式答案班兄弟啦~ 不如講o下自己個人由經驗累積而成ge 諗法仲好~~~ ]

愛？對於唔同既人有唔同既睇法！
有人可能會輕視愛，有人會過份著重愛！
愛可以刻骨銘心，同時亦可以淡如清水！
愛可以令一個不斷咁付出！
愛可以令一個分唔清對錯！
愛可以令兩個人一齊盲目！
愛可以好長久，愛亦可以好短暫！
愛可以改變一個人既一生，愛亦可以破壞人既一生！
愛可以令一個人由善良變成邪惡，愛亦同時可以令一個人由邪惡變成善良。
咁大家心目中既愛又係點既呢？



美人唔好睇得咁開心呀！記得加分呀！

[ Last edited by trista_cheong on 2006-10-26 at 01:42 AM ]

自由神

小弟心目中對愛既睇法應該係好奇怪（至少我覺得係），呢個亦可能係而家我無女朋友既原因啦！
愛係一個人最解釋唔到既感覺，但係愛既感覺係點嫁呢？我相信無人可以形容到出黎。
我自己眼見就有好多「愛」係虛假既，好多兄弟都係為左有個女朋友可以帶出黎威同埋用黎「出火」（希望美人你可以原諒我用呢個詞語）。
點解？無既，個個星期六、日一齊出去「搵食」，見到靚女就埋去。溝到？就飛而家果個！溝唔到？咪要住而家果個先囉！
我真係好睇唔過眼，有時真係好矛盾，果頭想有個女人陪，果頭又唔想夾硬溝個番黎。
而另一方面有一個o係論壇既女仔卻無啦啦Msn add左我，講左幾句就問我要相，之後又問我有無睇過某套戲，話不如一齊出去睇！大佬呀，咩事呀！女仔人家咁樣約人出街？如果我係壞人你就咩都無啦！但係…….. 社會上有唔少人都係咁所以拍左一段又一段既散拖！唉！算我跟不上潮流！
【愛】點解唔係神聖嫁呢？而家好似有就得，唔使理質素只求有數量！【愛】係令兩個本身無相關既人走在一齊既，而係用【愛】呢個籍口令所有人都要同你一齊！

自由神

我想分享自己本身既其中一個經歷，雖然你地可能會話我係傻仔，不過正好反映我對愛既睇法！
小弟曾經認識一個女仔，佢同我年紀差唔多（細我一年），我同佢既認識真係緣份（好多巧合），我地既性格好夾，好快就好熟，日日電話、SMS、出街、睇戲…………嚴格黎講我地拍緊拖。
有一日突然佢同我講，佢媽媽想佢去外國升學，佢同我講話唔想去，我知道佢想我留住佢！
我做左一個可能會後悔一世既決定。我俾左一首歌佢聽（BigT就知道係咩歌），係我支持佢去外國，雖然……. 雖然我真係好唔捨得佢，我真係真係好唔捨得佢嫁！不過我卻叫佢忘記我呢個閒人……叫佢去外國搵個好有錢既男朋友，雖然佢覺得我講笑，不過我卻係認真嫁！
我深深咁明白，明白到我係一個俾唔到幸福佢既人。佢老豆係某公司既高層，而我呢？卻係一個連書都未讀得好既小人物。與其要佢為生活而擔憂，倒不如做一個有錢二世既少奶奶吧了！

自由神

Originally posted by trista_cheong at 2006-10-26 01:53 AM:




好老實講句﹐o係呢一刻我話俾...

美人呀！你地做女仔既.....................唔好覺得有愛就可以真係飲水飽先得嫁！
呢個已經唔係一個自給自足既社會啦！一切都係要依賴經濟去支持嫁！
一個真正既男人係唔會要自己心愛既女人陪你一齊去擔憂，相愛唔等如要一齊嫁！只要所愛得到幸福既話，又有咩所謂呢？

自由神

Originally posted by teramishu at 2006-10-26 01:47 PM:



如 果 係 以 前 我 ...

BigT！你講得好o岩嫁！
我一向都將愛同擁有係分開既，愛一個人並唔一定要同呢個人一生一世，只要佢可以生活無憂同幸福，就係我最大既幸福啦！

自由神

Originally posted by teramishu at 2006-10-26 02:02 PM:


老 公 最 怕 老 婆 讲...

人難免會有比較，不過只要問心無愧就可以啦！

誰要愛你 我能攜有武器
若我呃不到自己怎說你
誰更富有　我們惟有奮鬥
若你一生不離開不放棄

自由神

Originally posted by ian2910 at 2006-10-26 04:19 PM:
呢個祇係理想化........身陷其中,有幾人能夠咁理智分開泥諗,失戀後用泥療傷還可以.......

你講咩野呀！我唔明既？

自由神

Originally posted by ian2910 at 2006-10-26 04:22 PM:



將愛同擁有分開泥睇好難做到,係...

你並唔明我想講咩！我老老實實同你講：我所明白既，你唔明！

自由神

Originally posted by ian2910 at 2006-10-26 04:34 PM:



咪刺激佢啦!阿神爺到幾激動下...

佢係我情婦黎嫁！佢激親我，我今晚實教訓佢！

自由神

Originally posted by teramishu at 2006-10-26 04:31 PM:


我 明 咖。。。 我 明 咖。。。
你 讲 乜 我 都 明 咖。。。

BigT！你做緊愛呀？咁少上黎既？

[ Last edited by 自由神 on 2006-10-26 at 04:58 PM ]