[轉貼]黃興桂：洲際盃避名牌博突尼西亞

leeyanta

信唔信佢好呀?
我要阿根廷:cool:

洲際國家杯今晚開戰，不過大家請勿當係頂級大賽咁玩，表演及熱身味道較濃，與世界杯的激烈程度相去甚遠，賽果較難預料，重槌出擊絕不是明智之舉，只宜小注怡情。

其實洲際國家杯是世界杯的預演，目的係畀決賽周主辦國一個籌辦大型賽事的經驗，發覺有何不妥善的地方就立即對症下藥。大會重保安、交通、危機處理、資訊設備等技術細節，以作為來年舉辦世界杯的演習。賽事方面，各隊都志在練兵，最終目標始終都係世界杯。

參賽球隊來自各大洲，名牌球隊陣容佳，但不代表一定搏，反而黑馬潛質未見底，鬥志較佳更值得留意，如澳洲及墨西哥就是有力爆冷的球隊。由於外流搵食的球員都已歸隊，黑馬有足夠實力與名牌周旋，巴西、阿根廷等熱門稍為鬆懈就會中招。賽事揭幕頭幾場未睇清各隊戰意，實在不宜重槌。

今晚阿根廷對突尼西亞，阿根廷乘世界杯外圍賽擊敗巴西的氣勢被捧成熱門，飛要避，博突尼西亞和波更佳。另一場，主辦國德國對澳洲，澳洲有力摸和。