shehboy

其實香港咁多年來都好唔抵, 屆屆都抽中同汶萊, 關島, 澳門呢啲東南亞勁旅同組, 如果唔係一早出左去打世界盃決賽周 !

[ Last edited by shehboy on 2007-11-23 at 03:56 AM ]

shehboy

"睇開啲", 眼界擴闊啲.
可能好多人都好熟英格蘭, 好鍾意英國球星. 但英格蘭是否真係咁強 ?

意大利,法國,德國近年都捧過世界盃,大把盃响手,英格蘭史上只得一次,已係四十一年前 ! 仲要係主場, 仲要係靠個問題球.
荷蘭都打過兩次世界盃決賽,攞過一次歐洲冠軍, 出過三代全能足球, 但英格蘭呢四十年來有乜豐功偉績, 令大家覺得佢非入決賽周不可 ? 佢地上一次打大賽決賽係幾時? 這裡有人看過嗎?

shehboy

Originally posted by brightlee at 2007-11-23 12:00 PM:
cool down please everyone

早知唔開post, 我都知挑戰親英格蘭(或曼聯)既權威, 都係惹火, 實俾人圍.

查實我都係半個英格蘭迷, 同時又欣賞好多其他球隊, 唔知點解, 唔鍾意死硬只撐一隊, 足球之所以過癮正在於各國打出唔同風格, 你話少左巴西, 英格蘭, 荷蘭是但一種風格, 都係全體球迷的損失.

邊有人要邊個認契弟?要認屎波?一黎就辣火頭,將一個幾好既話題帶左去啲無謂爭執,好似唔係咁好.

計大賽往績,呢幾十年, 係幾十年, 唔係幾年, 英格蘭的確唔及歐洲列強, 呢個係事實, 所以就係好的論據, 愈係英迷愈應該諗下. 唔同意呢個論據, 就拿出其他事實, 說明英格蘭雖然大賽成績不濟, 但仍然是歐洲最頂尖...  無問題格, 西班牙在大賽成績夠差啦, 一樣唔代表佢地係二流球隊... 咁樣討論會唔會好啲...  唔好一言不合就話人盲目,貧乏,乜乜乜.

[ Last edited by shehboy on 2007-11-24 at 12:21 AM ]

shehboy

Originally posted by filter-052fans at 2007-11-23 12:20 PM:


其實我唔係特登串佢地既, 不過見...

"睇開啲 " 係有加" " 架, 第一句已經註釋左, 係擴闊啲眼界既意思.

話大部份英格蘭球迷唔覺得失落, 反而好興奮, 我真係好懷疑. 起碼我唔係, 睇到呢度好多人都唔係. 我地唔妥老麥, 唔代表想隊波要同佢陪葬, 如果再黎一個更差的教頭, 你是否會看見他令英格蘭出唔到下屆世界盃被炒而開心 ? 始終英格蘭而家前中後都有黃金一代既球員, 少左一次睇佢地响國際大賽同其他強手過招既機會, 係球迷都會可惜同失落.

shehboy

Originally posted by bigfish at 2007-11-22 11:03 PM:
大家睇到希臘, 土耳其, 羅馬尼亞, 瑞...

如果俄羅斯係响其他組出線, 而英格蘭係俾葡萄牙同瑞典淘汰, 咁又會有人話: 英格蘭抽簽不利, 俄羅斯呢啲咁既球隊都出到線, 英格蘭要與葡萄牙同瑞典呢啲一級勁旅同組真係冇運, 如果對俄羅斯一定晨早出左線. 哈 !

[ Last edited by shehboy on 2007-11-24 at 12:52 AM ]

shehboy

Originally posted by filter-052fans at 2007-11-24 12:35 AM:


你認為佢果班好彩2比2出到線, 入...

咁即係話你真係會為一個比老麥更差的教頭因無法令英隊出線世界盃被炒而興奮, 咁只能代表你個人睇波角度, 唔可以令人相信大部份英球迷都係咁, 有句話叫因噎廢食, 你就係因人廢隊, 因為一個人不濟, 就否定成隊波出賽的機會.
你唔相信有人鐘意睇, 明知會輸, 明知會贏唔到錦標既比賽, 咁你唔相信個地球係圓既, 都無人會理你既. 咁講即係話沙特阿拉伯, 伊朗啲球迷唔會鍾意睇世界盃.

第一, 睇比賽在乎自己球隊輸贏係一個層次, 在乎球隊既表現係另一個層次, 持欣賞球賽心情又係一個層次;
第二, 明知會贏唔到錦標, 就不如唔好出去, 無人喜歡睇, 咁乜野係體育精神;
第三, 波係圓既, 乜野叫做明知會贏唔到? 你唔俾啲傷兵復出後球隊有起色? 你唔俾未來幾個月啲友賽,國際賽輸哂, 教頭都換埋, 隊波會正常番? 你唔俾有一兩個球員忽然上身,力足改變球隊命運? (係有咁既事例,82年羅斯,90年史基拉斯,事前都無人估得到). 仲有成大半年, 幾多事可以發生?
第四,  真的有"明知會贏唔到錦標既比賽"嗎? 上屆賽前有幾多人認為希臘會贏? 結果呢? 事實上佢地打得都唔係特別搶鏡, 但係贏左. 仲有92年丹麥执二攤臨時上陣, 佢地自己都唔信自己有機會, 又如何;
第五, 年青球員少左一次在大賽吸收經驗既機會, 年長球員少左一次在大賽(你估碧咸仲踢得幾多屆)以波會友的機會, 即使踢得好或不好, 對球隊和球迷也不見得是好事.
第六, 自己球隊踢得唔好, 戰術失當, 用人不宜, 教頭唔掂, 全部都係睇波既一部份, 睇佢地既好, 亦要睇埋佢地既唔好, 有低潮有高峰, 足球先至好睇, 好講.

以前老師都成日講, 最失望唔係學生考試肥佬, 而係佢地Abs.

shehboy

Originally posted by filter-052fans at 2007-11-24 05:46 PM:


sorry, 你可以誤會我既意思, 我絕...

好多友仔亂黎既post我唔會回, 或者只會嬉笑怒罵咁回.
相信啲真心討論的人, 總可以响度學到野.

[ Last edited by shehboy on 2007-11-24 at 07:50 PM ]

shehboy

Originally posted by filter-052fans at 2007-11-24 09:17 AM:


雖然出到線, 但佢地都唔好得過英格蘭幾多...

作客以色列一場如果有睇既, 會慨嘆俄羅斯原來同蘇聯差咁遠...

蘇聯時代啲球員唔止跑得快, 仲係跑足90分鐘, 下下三四十碼都射到掛哂網, 好懷疑唔係打針就係食藥.