shehboy

唔會有人純為佢靚仔唔中意佢, 但好多人純為佢靚仔中意佢.

加卡夠靚仔咯, 但無人會話佢技術唔夠全面, 因為佢真係唔係, 而碧咸真係係.

shehboy

Originally posted by filter-052fans at 2007-9-6 12:34 AM:


因為卡卡係果d一個可以爆過幾個果d ma, 咪叫技術全面 lor....

香港技術既定義係扭唔扭得...

事先聲明我唔係卡卡或碧咸粉絲, 亦絕對唔同意話碧咸廢.

卡卡成就未必高過碧咸, 亦唔敢話比佢好波, 但技術比佢全面, 我以為係一個好明顯既例子, 原來咁都仲有人拗.
技術全面即係技術比較多元化, 瓣瓣都較平均, 如果你懂中文的話.

卡卡淨係扭波好過碧咸咋咩? 佢速度快過佢, 入球能力好過佢, 非死球的遠射威脅力強過佢, 中場小組組織力強過佢...
相反, 佢長傳威脅力明顯唔及碧咸, 卡卡射罰球亦唔及碧咸(但都唔錯), 頭鎚唔算好突出但勝過碧咸, 兩人體能均屬上佳, 水準穩定性大家都算好好, 但防守力都唔算好高.

埋單計數, 碧咸只係响罰球同長傳贏哂, 而卡卡絕對唔係如你所講只識扭波.

技術全唔全面, 扭唔扭得, 同好唔好波係三樣野, 中間無"=".

如果你覺得技術全面既定義就係扭唔扭得, 咁呢個只係你個人好獨特既見解, 唔好強加於別人身上.

shehboy

Originally posted by Kaz00086 at 2007-9-8 11:51 PM:
我諗香港嘅球迷對好波嘅定位係扭唔扭...

又唔好咁講,一樣有好多人當碧咸係神咁拜, 好似耶穌同阿啦咁, 各有所好啫, 有乜好拗. 其實碧咸係一個優點同缺點都好明顯的球員, 搵佢打右中出波, 或射罰球, 真係天皇一樣, 你要佢過關斬將, 或者做柱墩式頂波, 咪盞搞囉. 正如細哨,c7扭得點勁, 佢地去守龍都唔會係一個好球員.

shehboy

Originally posted by Kev at 2007-9-8 10:25 PM:
we have pele, maradona, platini, cruyff in the past with amazing techniques..
but one thing to tell is.. they could never do what beckham could..

你咁講又武斷左啲, 馬勒當拿長傳一樣好得架, 罰球仲下下都彎向死角添.
因為我個年代佢仲踢緊拿玻里, 如果你淨係睇過佢踢世界盃就梗係少見, 佢打攻中架, 咁梗係好少走去邊綫出波架啦.
不過你去youtube搵下都可能搵返佢有次玩野用交叉腳出波, 又勁又遠又準, 電視重播左幾次. 柏天尼射罰球又係好勁, 不過佢係靠苦練返黎, 唔同老馬果隻靠打天才波.

至於比利同告魯夫, 我就未至於老到睇過佢地平時啲表現.

其實你鍾意邊個都得, 無需要攞以前啲球王出黎比, 因為好難相比, 以前啲後衛無而家啲拍得咁緊咁快, 但當年啲波同啲砵又無而家啲加哂料咁好踢噃. 咁你話以前出波射波易啲定而家易啲呀, 咁樣討論法係無乜建設性.

我夠可以話真高拿頂到既波, 比利馬勒當拿告魯夫永遠頂唔到咯, 咁係唔係即係真高拿好波過佢地呀??