mikeycwebb

大家都講得幾有道理
其實呢 一隊波要係季後賽度生存到 確實有好多因素既

第一，隊波個靈魂一定要揹到飛
火箭係有呢個人 個個人當然就係麥基迪啦
但係 我覺得佢有樣野做得唔係咁好
就係係防守上面成日做左個弱點跟唔切佢既防守球員俾人輕易得分
我唔係想挪揄或苛求一個成身都係傷既好球員
但係 季後賽真係唔會理你傷唔傷
你係防守唔到就會成為弱點 無計
所以 麥基迪好辛苦咁入好多分有時都無用

第二，姚明啦
中鋒黎架嘛 成日俾人推左出黎
搶板又甩手 同保沙一拍埋去就輸哂
腳步又唔夠保沙快 無計 又輸

第三，大家講個d綠葉問題啦
一來傷兵啦
二來就係常規賽有神來之筆的綠葉入到季後賽就走哂樣都係一個原因黎既
艾斯頓關鍵時候例出錯
夏特季後賽三分波失靈
係得巴迪亞交到課
夏耶斯出黎就得個六個個人犯規有用
點贏喎咁...

第四，就係最後個場最後個八秒成班雲遊太空唔去foul
好差好差好差




最後呢
我自己就覺得錯實在不在雲根迪
麥基迪有傷 姚明又唔夠硬淨
雲根迪實在唔可以打太多花巧同幼細波
因為火箭要既係簡單直接得分 唔可以哂兩個主將太多體力嘛
同埋個陣雲根迪呢套係紐約證實係得架嘛
雖然而家西岸同個陣東岸好唔同
但我真係覺得雲根迪無錯架



大家討論得好投入咁呢
希望對小弟的愚見俾多d意見丫=]