amigofans

Originally posted by eric911 at 2007-8-23 07:38 AM:
英格蘭再次被睇死﹗我都唔知麥卡倫教...

剩係佢個starting lineup, 已經知佢係廢到無論啦!!

出泰利, becks, j.cole, owen, 一堆傷癒復出全無狀態既球員,
而且佢地仲有一點, 就係已經證明晒佢地既能力,
佢地大大話話都甲左差唔多10年, 要磨合咩?

唔通becks要練斬波比泰利同奧雲? 莫講佢地, 就算落場d隊友,
合埋相眼都知佢地點走位啦, 又唔係有咩新戰術, 仲出佢地做咩??

人家艾歷臣睇到米卡李察士係中路人才, 曼城打比放係中間大放異彩..
阿麥生唔趁泰利傷左試下佢, 真係好有問題....
其實曼聯正副果兩件, 根本已經解決左英倫右閘啦,
搵高大既米卡李察士做加利仔接班簡直係side料之作 !!

中場唔用狀態大勇既胡禮菲立斯更為敗筆, 碧咸之好與作用係路人皆知,
但友誼賽都唔比胡禮仔試, 咁佢點先可以上?
係咪把炮, 當初就唔好懶醒唔選becks....
其實應該胡禮仔打正選, 再換入becks, 試埋胡禮仔打左路作半433會點,
再收番佢比becks打....

前線用一個係曼聯打防守打到無晒入球觸覺既smith更為白痴之作,
個人認為佢自己都未搵番自己, 入選都唔應該, 仲要打正選, 真係好野!!

波已經輸左, 人家作客殘陣半力贏你,  要講面子, 輸清光!!

完全為名而戰, 沒新戰術, 新舊後備也沒機會踢, 講試陣練兵, 全無寸進...

要講士氣, 不單令原來有踢世杯果班士氣更沉, 更有拖埋新進國腳落水之勢...

絕無偏見, 睇左佢咁耐, 完全非一個國家級領隊質素, 仲用佢係浪費好球員既青春,

選人譁眾取寵但戰術保守, 無改善英格蘭球員心理病既大能,
只求保飯碗且眼光短視, 唔炒佢, 英倫只有死路一條....

[ Last edited by amigofans on 2007-8-23 at 10:04 AM ]

amigofans

Originally posted by 自由神 at 2007-8-23 10:00 AM:

因為英國雖然職業球員既人數非常之...

艾歷臣根本係度豬up, 你咪信佢....

英格蘭都無人, 邊個國家叫有人? 法國? 西班牙?
我大膽講英格蘭齊腳過佢地...

我知係香港撐英倫, 一定比人話盲目, 但人家球壇有標準,

我細個睇英倫果時, 完全無泰利,里奧, a.cole, 林柏, 謝拉特,
becks, rooney 同 owen 呢d質素既球員....

係8, 90年代, 你會聽到巴塞黎買林柏嗎?
好似碧咸, 奧雲, 活基治呢d可以去踢皇馬, 更加係發夢!!

試諗下如果泰利, a.cole同rooney呢d人, 話唔係英國踢,
我估歐洲列強黎搶都搶唔切....

其實個身價已經說明一切, 咪聽瑞典佬廢up, 無人?
佢除左識守仲識咩? 無人? 比隊巴西佢帶, 佢都只係會守...

曼城大把錢佢買人啦, 買唔到好攻擊球員咩? 咪又係守.....

amigofans

Originally posted by terry797 at 2007-8-23 10:13 AM:
其實教練出既人選我地根本唔太應該質...

無錯大家係球迷, 吹水唔係專業球圈人士,
但正如去食野, 你唔識煮, 但廚師整d野, 係狗屎定龍肉你總分得開...
即係我地唔識教, 打出黎係龍係虫, 都識睇掛?

絕對同事你所講泰利既地位, 佢100%應該係主力正選, 無異議...
但現在係佢有傷在身, 又明知佢咩功用同咩大能,
呢d友賽都唔用第d球員試下, 幾時試?

加歷查做後備大家知道佢ok, 但佢家下唔玩啦, 仲唔試下李察士得唔得?
萬一泰利同里奧傷左, 搵咩人打? 京治? 布朗? 好穩咩佢地?
仲有你點知道李察士唔可以搶泰利同里奧個正選位?

如果當年艾歷臣學佢咁, 泰利, 里奧, 林柏同rooney一世都上唔到位,
因為果時大家只係識蘇金寶, 阿當斯, 史高斯同舒靈咸....

講到smith, 睇番紐卡素, 有料既艾拿戴斯都知佢未搵番對射門鞋, 唔會放佢打前面...
仲有佢係有好多士哥架, 佢唔係輔鋒, 佢係leeds執死雞同頭鎚入好多波....
佢如果d pass係得既, 卡域克呢世都去唔到曼聯啦....

唔好意思, 一講佢我會興d, 你又點睇??

amigofans

Originally posted by pyliu at 2007-8-23 10:32 AM:

其實按個別球員計，佢地踢得唔錯，...

根本由06世杯開始已經無晒信心啦, 友賽贏阿根廷信心係最高點,
克羅地亞果場可能係最低點, 定低處未見低?

你講佢地好o岩, 疾疾下咁, 06世杯番黎, 果班友無一個踢得好過....

係里奧同泰利好少少, 似番個人...

amigofans

Originally posted by locklock at 2007-8-23 10:41 AM:
其實問題會唔...

係啦, 點解唔試下用卡臣呢....? 無咩經驗o者, 友賽可以試丫....

不過你講拿夫, 我覺得佢....
個計時炸彈未爆咁解o者......

amigofans

Originally posted by locklock at 2007-8-23 12:00 PM:

1 Chris Kirkland (G)...

我又唔覺得卡臣好過佢, 但卻克蘭一樣麻麻啦,
你果d數據太過簿弱....

一來只打三場, 二來兩場主場對弱旅...

我睇佢成日甩甩漏, 又係手法唔正宗果種, 似後生既占士....

反而我覺得而家全英最好係占士, 不過佢神經質, 而且已經太老....

卡臣or你講既卻克蘭都可一試, 但似乎無咩大將之風...

amigofans

Originally posted by Kaz00086 at 2007-8-23 12:19 PM:


維拉領隊係奥尼爾ar~~~

另外麥...

輸呢d友誼賽完全無問題, 問題係輸完之後完全無得著...

講士氣, 輸晒...
講面子, 輸晒...
講試陣練兵, 也輸晒...

艾歷臣前期都友賽都成日輸, 但輸完試左rooney, 林柏出黎,

阿麥生做過d咩??

amigofans

Originally posted by locklock at 2007-8-23 10:59 AM:

計時炸彈？依家咪爆緊囉！
又無小...

我唔係講呢d, 我係話佢仲順風順水...

到番去打d堅既比賽, 例如入左決賽週既時候,
有問題, 佢係咪可以fix到?

佢教咁耐証明唔到d咩wor...

amigofans

Originally posted by locklock at 2007-8-23 12:26 PM:

占士可能唔多願復出，因為當日比人...

好一句接獲, 哈哈哈

amigofans

Originally posted by locklock at 2007-8-23 12:32 PM:

可能你有所不知，奇連士文時代，拿...

睇成績你可以話係復甦既, 睇波同人腳....

真係同以前既德國差九班....