amigofans

好心你班友啦, 輸就輸啦!!

無錯球12碼係好有問題, 但亦有睇錯既理由,
兩個人痴得咁近, 你地睇埋慢鏡就梗係知道錯啦,
個球証要電光火石間作決定, 吹錯有咩奇?

阿仙奴除左怪欠運之外, 點解唔問下自己, 主場果場點解係1比1?
如果上星期主場贏既話, 相信而家出局既係利物浦!!

其實利物浦輸果2球, 後防完全不知所謂, 阿仙奴要賴欠運出局,
不如話自己捉到鹿唔識脫角好過啦....

amigofans

Originally posted by 古剎之楓 at 2008-4-9 11:45 AM:



如果照你咁講      過程快
但...

個人比較鐘意你下半part既分析, 即使唔係完全同意晒你講既!!

球証吹錯, 係司空見慣既事, 雖知佢地都係人, 做球員既,
都唔會下下無出錯, 球球得心應腳, 球証往往要係少過1秒內作出決定,
有時候吹錯左, 係情有可原...

當然唔係話咩都可以吹錯, 但尋晚果球, 身體係有明顯接觸, 佢吹錯亦唔係好離譜..
要怪既, 就怪fifa, 遲遲唔刻引入高科技...

amigofans

Originally posted by kaing at 2008-4-9 11:40 AM:



道歉都無用啦...事實都出左局.....

喂, 好心你地唔好個賽果一唔合自己心意, 就話係"假波"啦...

咁我又想問下, 點解d球証要幫利物浦? 收左錢?
咁點解利物浦可以洗橫手, 阿仙奴又唔得?

賴球証, 不如話自己第一回合和左好過啦,
吹錯波日日都有架啦, 曼聯星期日有球12碼都無吹到啦,
贏唔到, 不如怪自己點解咁易失2球比人啦...

就算係談得最熾熱既"假波", 02年意大利對南韓,
韋利係生性既入左球單刀, 就唔洗輸比個球証啦...

amigofans

Originally posted by michelle_tom at 2008-4-9 12:33 PM:
係抱不平架啦...輸係輸左....
但我覺...

阿仙奴無錢係一般香港人既想法, 不如check下近幾季,
起新球場影響之下, 每季買人仍然出到幾多錢再講...

球証錯隊隊波都受過, 要講既曼聯都一堆12碼無吹到, 季初利記對車仔都有誤判
球証誤判只能怪運氣, 硬要將阿仙奴出局賴晒球証似乎有欠公道...


不如睇番阿仙奴近期既from line, 由fa cup出局開始計,
12場錄得 2勝7和3負既劣跡, 得14球但失18球,
當中只有3場可以保持清白之身, 對手其中有2次係同樣無from既ac米蘭...

若果你認為呢個反映唔到現實既,
就再無咩好講...

amigofans

Originally posted by michelle_tom at 2008-4-9 01:00 PM:
阿仙奴無錢係一般香港人既想法, 不如c...

我係覺得出局唔係完全因為欠運, 反而同佢地近態唔好有更大關係..

至於講到運, 上次作客保頓果d, 點計?

amigofans

Originally posted by HansChan at 2008-4-9 03:40 PM:
我覺得有啲人講嘢真好低能!
有啲本末...

本末倒置咩? 咁你話我知點解阿仙奴要追番和?
試諗下如果上週係主場贏緊2比1或者1比0, 尋晚輸緊3比2, 洗唔洗出局?
仲洗唔洗成隊谷晒上去輸多球?

個問題係因為自己主場得唔到甜頭, 作客果時唔可以輸,
正因為咁影響到個打法, 一定要狂攻求作客入球, 戰術上已經輸晒..

我再重申, 我都覺得佢地欠運, 但出局要完全賴晒係球証問題, 似乎講唔通,
打12場波贏得果2場, 真係一d啟示都無? 唔通之前12場都欠運?

輸波賴球証, 同賴條柱同門楣, 賴舊草頭賴天氣一樣on居...

就如巴塞若果聯賽最終第2都無, 最好拆左果幾條門柱去燒,
因為上星期, 果幾條柱直接影響佢地和波....

amigofans

Originally posted by arthur8088 at 2008-4-9 04:08 PM:


For me, they are not the main r...

嘩, 真係無留意呢d位wor, 團結同紀律絕對係行先...
呢班友仔都係要教下架啦...

amigofans

Originally posted by HansChan at 2008-4-9 08:01 PM:

咪就係講哩樣嘢!
乜嘢叫點解"...

首先你一開始就睇錯我寫既野, 所以你之後所有既立論都變得無晒意思,
奇就奇在d版主會比你4隻姆指, 呢點幽默亦同本sport版愈來愈冷清有極大關係,
不過此仍題外話, 先回應你及重申我論點一次...

我係話 "點解阿仙奴要追番和?" 而唔係 "點解阿仙奴比人追和?"
請攪清楚兩者既分別先...

我一直講, 阿仙奴當日作客要有如此劣勢, 皆因主場被對手摸和,
假設阿仙奴主場係贏左1比0或者2比1, 當晚作客晏菲路會係另一種形勢,
至少就算被反超前1比2, 根本唔需要急攻, 2比2之時更加係定過抬油...
當然如果你覺得阿仙奴主場係唔應該贏既, 就無野好講...

"個問題係因為自己主場得唔到甜頭, 作客果時唔可以輸,
正因為咁影響到個打法, 一定要狂攻求作客入球, 戰術上已經輸晒.."

呢樣野唔係我主觀既言論, 根本係客觀既事實,
一隊球隊只可以進攻唔可以防守, 戰術上仲有咩變化? 唔係輸蝕唔通好著數?
阿仙奴當晚係一定要有入球, 所以要進攻, 相反利物浦0比0都可以出線!

我好似一路都無話到雲加"戰略失誤", 呢點係你加上去既,
我只係話個形勢令到佢地一定要攻, 戰術上無變化係非常輸蝕..

我覺得球證既判決同門柱門眉, 或至一舊草頭一樣, 都係運氣使然,
明明自己可以踢好d, 但輸波要賴d唔係掌握係自己手上既事情, 好正面?

99年拜仁既古科輸角球, 仲要睇漏蘇斯黑查輸1比2, 賽後佢失控地飲泣,
你估佢係度怪責緊自己多d, 定怨緊無運氣幫助?

amigofans

Originally posted by woooot at 2008-4-11 12:36 AM:
I would say arsenal has been pure u...

你可以睇番曼聯今季, 有幾多次offside吹錯,
因為c7形象唔好, 有幾多球當插水無吹到12碼,

就算利物浦, 車路士被球證吹錯, 個file都有成尺厚....

amigofans

Originally posted by HansChan at 2008-4-12 11:13 AM:
比賽可以俾你甘樣搬弄法......仲可以話係客觀的事實.....
ok啦! 總括黎講,你既立論係:
"強隊,主場, 唔贏=導致強攻=戰略錯誤=自己攞黎=唔駛理會外在因素=抵死!"
"你既主觀=全民客觀=好有意義!"

"個問題係因為自己主場得唔到甜頭, 作客果時唔可以輸,
正因為咁影響到個打法, 一定要狂攻求作客入球, 戰術上已經輸晒.."

第一, 請問以上藍色字既有邊一樣野唔係"事實"? 又有邊一點係 "主觀"? 歡迎指出!!
等於"差包剪揼只可以出包", "捉象棋只可以進", "打卓球只可以pot波唔可以set q",
"請問只可以進攻, 戰術上輸晒" 點樣唔係 "客觀事實"??

我無講過"戰略錯誤", "自己攞黎" 同 "抵死" , 又係閣下自己無中生有,
呢個扣人帽子既係閣下討論既style?

但我亦知老兄你為人自我中心,所以之前一大段亦不失相對你冇理言詞既說話,可能我唔夠班令你睇唔出,以致"被追和"同"主場贏唔到"之間出現意思一點都唔相關

所以要消化別人講既野, 先作出回應係比較好, 就如你呢段野, 我真係唔明你up緊咩,
所以回應唔到...

最後重申一次我立場, 如下:

1. 我無講過阿仙奴出局係抵死
2. 球證電光火石間要作決定, 吹錯唔出奇, 當晚果球亦有吹錯既道理
3. 球證誤判, 係屬運氣一部份, 輸波總唔能夠次次賴"欠運"
4. fans替阿仙奴不值之時, 不可忘記其實出局同近黎既狀態有好大關係