|
- 帖子
- 2903
- 精華
- 0
- 威望
- 212
- 魅力
- 379
- 讚好
- 0
|
2#
發表於 2008-11-11 09:53 AM
| 顯示全部帖子
想再係成個局勢, 同曼聯為何會落後成8分都加點補充...
上面有巴打已經講係打少場, 其實係落後5分云云...
但其實11場黎計, 比起上年(開季都係好差), 已經少左3分...
除左對手表演穩定外, 點解曼聯自己keep唔到?
首先, 小弟見好多球迷分析大勢, 都唔會留意編場既重要性...
例如上季阿仙奴, 大家只會集中焦點係佢表現好, 而忽略帶到頭係因為主場好多既關係..
好似今年曼聯表現不及另外big 3, 原因在對碰big 3, 3場都係作客先...
而且最重要既問題係, 季初費格遜已經發大火, 因為每場歐洲賽之後都居然係作客,
對手仲要係big 3, 所以打左5場呢d歐聯後作客波, 只得1勝2和2負...
仲未計黎緊作客維拉里爾後, 對手居然係主場既曼城....
而今季曼聯既表現一般, 到而家都好似未份局一樣, 原因有幾點,
第一, 史高斯既傷出, 加上夏格維斯長休, 令到佢地放棄上季無敵既433改用442,
當然同為左配合貝碧扥夫亦不無關係, 只一變弱在中場掃蕩, 搶截, 控球力都下降...
加上要c7或朗尼安份於邊線係完全side料, 所以唔單係失球多左, 入球火力亦減...
第二, 曼聯今季同以往相反, 後勁係無, 虎頭蛇尾多不勝數, 對利物浦, 車仔, 侯成, 愛華頓同韋斯咸,
都係虎頭蛇尾既例子, 好彩既仲可以靠主場贏, 但作客就唔得, 所以作客成績係好差....
第三, 好似無咩人講, 基羅斯之走人既影響, 要知道真正主管曼聯戰術既係此人,
以往有佢係度, 當有問題發生, 球隊係可以快d搵到方法改正, 而家無左佢, 好似慢左好多咁,
有問題, 要打好多場先有改善, 呢點值得留意....
而家雖然係成8分落後, 但曼聯fans同曼聯本身仲係好有信心,
不過要留意以上問題, 仲有佢地唔係落後比一隊咁簡單, 要追係要追兩隊,
雖然車仔同利物浦亦有缺點, 但今季曼聯要後上一過二奪冠, 似乎難度比上兩季更大,
實力佢地絕對夠有餘, 但能唔能夠克服到以上問題, 係贏冠軍既最大關鍵... |
-
1
評分次數
-
|
