amigofans

算啦, 唔算佢既唔著, 可以開幾個 topic 啦....

人家都落左獲啦...

其實要怪, 怪四年前法國已經應該要換血, 至於重心應該放係亨利之上,
果時無, 仲繼續重用施丹同杜林一班老將, 即係碌卡...

好彩06比佢地碌到個世杯亞軍, 但08已經要找卡數...

換血啦, 好彩仲有列貝利同亨利, 法國未死得晒既..

amigofans

大家雖然好火滾, 但小弟又想幫佢講番d說話...

用艾比路打中堅, 係因為佢打得唔好, 又紅牌輸12碼,大家都覺得係杜明歷玩野之過,
但其實問題係杜林身上, 對荷蘭輸4球佢包辦兩球, 呢場再用佢更加之無腦...

要鬧杜明歷係應該鬧佢, 熱身賽連外圍賽咁多場仲睇唔到個問題,
如果一早棄用杜林, 相信尋晚艾比路事件唔會發生...

而列貝利傷出, 換拿斯利走亦無可厚非, 此子上陣雖短短幾分數,
但佢既隱形情度唔可以忽視, 雖然佢係好有潛質, 但事實上難擔大任,
情形好似賓斯馬, 兩場正選既表現都係不知所謂!!

至於人人講, 唔入選既查斯古特, 個人覺得唔選佢無咩大問題,
反正近年佢踢國家隊表現奇差, 選左佢亦唔見得佢係救世主...

最後講到"星座小王子"問題, 呢d正一炒作新聞, 巧合多過真實, 不提也罷..

至於, 重用沙洛同杜蘭拿, 無選麥薩斯, 我就同大家一樣意見,
尤其杜蘭拿, 居然踢足3場仲要馬基利尼就佢踢前一格, 真係痴線非常!!

amigofans

Originally posted by fderek at 2008-6-19 02:15 PM:


我唔覺得查斯古特踢得差WOR
佢今...

賓斯馬係必然入選, 皆因係法國最有希望新星, 聯賽神射手同足球先生,

值得斟酌既係聖伊天既高美斯, 係咪應該試個新人, 都唔應該用查斯古特...

不過我覺得法國既死因唔係前鋒線既把握力,
係中場既輸送不足, 組織默契欠奉, 同嚴重不穩既, 3場波就失左6球既後防...