shaqkobe

個人認為kobe既個人技術已經去到無可挑剔既地步。。或者你會話佢命中率略低。不過事實上近4成5呢個命中率，對於佢呢種每晚有成兩個或以上夾攻既後場球員黎講，已經算係好好。加上kobe佢加強左自己既身体強度，上身力量已經強大左好多，睇到佢已經比之前大隻左好多好多，個人既對抗性已經加強左。彈跳力上雖然佢唔係最強既球員，不過佢既騰空力係聯盟中數一數二。係依家nba裡面罕有彈跳與騰空力兼備的球員。射術經過佢自己既苦練之後，依家已經係變得好穩定。籃板有5個已經算係交到功課，不過助攻的確係差左D，但係依家既湖人真係你擺個nash落去，佢都好難幫你做到好多既助攻。依家湖人內線唔掂，外圍唔準，要做助攻談何容易。你話佢剷籃無準頭，不過佢成日搏到罰球，呢個都係佢既恐怖之處，近6季一年平均搏到600個罰球，係現役後場球員裡面相信只有AI會多得過佢。更何況佢既剷籃技巧已經改善左好多，手感亦都好好。。。其實搏罰球既能力都係佢既實力之一，唔通搏到既罰球唔係佢既功勞？？最重要既亦可以話kobe比起其他球員特別出色既，就係佢進攻咁出色之外，防守都一樣難唔到佢。單對單既防守技巧亦都好強，呢方面真係好少球員可以做得到。。好似James、T-mac、Wade……好多好多一線後衛都係攻強防弱既球員。不過Kobe就唔同啦，佢係防守上既功架都好好。

[ Last edited by shaqkobe on 2005-12-28 at 07:20 PM ]

shaqkobe

Originally posted by 甘國武 at 2005-12-27 23:24:

....
我沒話說了
....

x2

shaqkobe

Originally posted by bigfish at 2005-12-28 20:10:

我想問, 彈跳力同騰空力有咩分別?
跟本冇人可以彈跳力差而騰空力強架喎

彈跳力係指垂直跳起既能力，一般由地面向天空計算可以以高度為單位。而騰空力就係一個球員可以係空中停留時間長久既能力。係兩種野黎架。。。。佐敦就明顯係一個有彈跳力兼騰空力佳既球員(雖然佢既彈跳力唔係最出眾，不過就憑住有上佳既騰空力，以致佢可以係空中做出好多高難度動作。)。
有專家解釋兩者:彈跳力係有得練既，但騰空力就無。但都有提升騰空力既方法，就是注意身型上的要點，聽聞身体脂肪比率係一個數字內既騰空力最好，肌肉比率高未必一定最好。。。不過唔記得左=,="
唔係無人會彈跳力差而騰空力強，而係就算佢騰空力幾強，由於跳得唔高所以都唔覺者。。。
至於彈跳力強既人亦都唔代表騰空力一定就會好強。

[ Last edited by shaqkobe on 2005-12-28 at 08:33 PM ]

shaqkobe

Originally posted by jyeung1 at 2005-12-28 20:32:
Kobe 只是得分能力強
其他方面差

領導能力:
2)得Kobe 的 Laker, Playoff 都入吾到
[Laker甘多錢]

Rebound:
1)講真Kobe高度,彈跳力,
得5.1

1)場上態度其差:
上個Season, 成日鬧隊友,
自已經常得3x%命中率
又吾話自已

成日剩想表現自已
你睇Statistic
他命中率高時,Assist多
他命中率低時,Assist少
成日想做雙雙

3我真係吾明成日講到Kobe好勁

Jason Kid 去Net, Net由尾變第一

Oneal 去Heat, Heat由尾變第一

Nash去SUN, SUN由尾變第一

4 AI 那種打不死精神
差20-30分都搏到差
2-3分
尼D就係勁,Kobe 仲差好遠冇leadership能力

雖然我都覺kobe既領導能力唔強，不過你既比較方式就唔多公平。。。。。(紅色者唔同意)
1)kobe咁既身高、彈跳力得5.4籃板好少。。。。。。？？
你如果俾佢成場只顧住搶籃板，佢一定唔止得咁少既籃板，你想要十個廿個，佢都可能搶到俾你(如果佢只顧去衝搶籃板既話)。。。kobe話晒都係得分後衛，搶籃板根本上唔係佢既主要職責。。你有睇過佢打波就知，有好多時候，佢係出面做緊防守，唔通下下要佢返入籃底幫手搶板？？？更何況佢好多時人地一起完手之後就會衝去前場等快攻機會，事實上搶籃板都唔係佢既主要職責。仲有佢地呢D後場球員搶板好多時要有自己內線球員去頂位先至衝搶。湖人係呢方面一D都唔強。。。5.4個算係中規中舉。。。

2)得Kobe 的 Laker, Playoff 都入吾到[Laker甘多錢]？？？
無錯今年湖人既班費係高7千幾萬(全聯盟第六)，不過點解無成績？？咁就要問下湖人個經理或者積遜，今年佢地做球員交易做錯D乜野啦。。。如果依家陣容唔掂都要kobe孭鑊。好似唔關佢事架喎。。。B.Grant白白羅梗湖人1千4百幾萬。。。Odom不過不失既表現又羅你1千二百萬。。。仲有個K.Brown羅你7百50萬。真係見到都吐血。。。。

3)我真係吾明成日講到Kobe好勁，Jason Kid 去Net, Net由尾變第一；Oneal 去Heat, Heat由尾變第一；Nash去SUN, SUN由尾變第一？？？？
你又唔林下kidd、nash、Shaq求其一個黎到湖人換走kobe，咁湖人下年係唔係又第一先？？？根本上球隊既陣容都唔同。咁都做比較。點會公平=.="
kidd果時隊中有Jefferson、 K.Martin、 Kittles 、Van Horn …………nash有Marion 、Amare 、JJ同QR………Shaq有Wade、Jonesx2…………但係kobe有邊個？？？剩係覺得Odom係真係有能力幫到佢囉。。

4)AI 那種打不死精神？？？
你覺得kobe無？依家湖人成日落後，好多唯一仲係度奮鬥既球員就係kobe~~你估kobe未試過落後20幾分之後幫球隊追返上去？？今年都有幾場係咁啦。。kobe既爭勝心一D都唔低。

(籃色同意)
1)場上態度其差上個Season, 成日鬧隊友？
呢方面佢真係好唔成熟，太過自我中心。今年已經算無咁目中無人。。。不過佢真係太過自我，應該同隊友建立朋友既關係，不過照佢同佢既隊友之前所言。就完全唔覺佢有隊中既朋友，超孤辟。。

2)Kobe 仲差好遠冇leadership能力？
kobe既領導能力真係差。。佢唔可以增強隊友既發揮。。kidd、nash……就唔同，一班普普通通既球員，都可以透過佢地既造熟交出好成績。不過kobe就做唔到，仲有種令人覺得佢打壓隊友既感覺。同kobe一隊既球員，好多時都唔敢出手。。上年呢個問題尤其嚴重。。成日有open look都唔敢射！！！

shaqkobe

Originally posted by 甘國武 at 2005-12-28 21:05:

>領導能力:
得Kobe 的 Laker, ...

甘兄。。果時nets無carter。。不過仲有Jefferson、 K.Martin、 Kittles 、Van Horn 。。。大部份同我係#49樓既睇法好似。jyeung1兄 講野有失公平。

shaqkobe

Originally posted by nashisthebestpg at 2005-12-28 20:48:

在開季之前(大約係Preseason), 我上...

可從今年Odom轉打控球前鋒上見到。Odom助攻方亦明顯多左。。

shaqkobe

Originally posted by 甘國武 at 2005-12-28 21:16:
SK果然係SK！
我放監後狀態大不

又唔好咁樣話其他板友。。可能係佢睇得片面左者。。。。
大家都係討論討論。

shaqkobe

Originally posted by nashisthebestpg at 2005-12-28 21:23:

如果你講打不死精神,我諗除左ai 外,...

我仲林到個T-mac~

shaqkobe

Originally posted by nashisthebestpg at 2005-12-28 21:52:

不過除左35秒入13分嗰場之外,
好多球評家都覺得佢爭勝心唔夠,
好似有年係魔術度,佢打到無晒心機,好似得過且過咁,仲放風話唔想打,仲無出全力.....

講講下又係喎。。不過果場對球迷心中既影響力好大。

shaqkobe

Originally posted by 甘國武 at 2005-12-28 22:04:
講講下好奇怪，t-mac又有傷，卡達又有傷
係得KB無乜傷.......

因為KB依家真係大隻過之前好多。對抗性佢真係唔差。。。