shaqkobe

Originally posted by nashisthebestpg at 2005-12-11 14:52:

無一個內線finish ge球員,對住強隊...

無錯。。。熱火都正係相同既問題當中。。
好多時去到第四節關鍵時候，如果Wade一有咩失準，就無其他人會有能力救到隊波。
如果Shaq復出既話就好唔同，有咩關鍵時刻，可以穩穩陣陣俾個波Shaq去單打單人地，內線入波始線易過外圍投射。穩定性高既內線得分，拉鋸戰時十分重要。下下靠外圍班射手一無左手感就死梗。。。。
熱火今年十場敗仗，有六、七場都係關鍵時候無人得到分/俾對手少得分而輸。。。原因好簡單，因為只要人地防住你Wade，唔俾佢衝入籃板，就無其他人可以係籃板得分。始終ZO同Haslem都係防守性高既球員，Walker又打外圍多過內線。內線得分穩定性一D都唔強，到左關鍵時候人地就穩穩陣陣用內線去攻你。成日都係咁臨尾香。。。

shaqkobe

Originally posted by nashisthebestpg at 2005-12-11 17:30:

條walker...........關鍵時刻信唔過...

Shaq應該會就快復出。。有消息話係明仗對巫師就會見到佢上場。。唔知真唔真。
依家熱火D三分真係差。當時E.jones係果種平時射三分可能8中1，不過果1球就可能係重要時刻射入既救命波。講三分穩定度E.jones其實唔算好好，不過佢重要既作用係就算佢一場波已經炒左開頭幾個三分，不過到球隊需要佢既時候，佢都仲入到。如果兩個Jones比我覺得佢既三分先至真係熱火唔可以缺少。
至於D.jones就係穩定性較高既射手，雖然唔係場場有表現，不過一入開就無人阻到佢。其實可能有人會有錯覺佢係果種每場有表現既選手，但其實只要睇返紀錄，佢都係果種今日14中3第二日8中5史第三日5中4第四日4中0………既球員，講真呢類射手唔係好難搵，相信熱火陣中會有人適任。仲有D.jones上年既超強表現，某程度上係Shaq+Wade既貢獻。記唔記得上年季尾同季後賽頭兩圈Shaq缺席，令D.jones既三分立即失晒準。所以其實Shaq同Wade聯手真係可以造就到好多外圍射手。

講三分射手，熱火多就多啦。不過就無雙Jones咁既質素，希望O'neal復出後可以帶返起班射手啦。