事但

Originally posted by ciger at 2005-10-3 02:04 AM:
唔係關碧咸這個'人'事,但係關碧咸轉會這件事,碧咸轉會之前,皇馬有成績但蝕錢,但碧咸轉會後皇馬由於贊助同廣告收入多左,又開拓到亞洲市場,轉虧為盈,但亦因此改變買人方針,唔理啱唔啱用,總之有市場價值就買左先算,出現之後果D攻守唔平衡嘅怪陣,球員出席商業活動亦都多左,結果皇馬成為曼聯之後第二賺錢嘅球會,但就再冇羸得任何錦標
所以話碧咸轉會完全改變左皇馬嘅政策,就算將來碧咸退休,皇馬都可能繼續搵其他有商業價值嘅球員代替佢

皇馬"一年一球星""施丹+柏雲"的政策始於費高,
因當時的正值皇馬主席選舉,
現時的主席(係唔係叫佩雷斯?)就是提出如他當選就會把費高帶到皇馬,
結果,他真的當上了主席,而一年一球星的政策亦就此而起.

碧咸只係其中之一,但又唔可以講由佢開始,
之前已經有費高,施丹,朗拿度.

事但

我同意“一年一球星”並無不妥，但再加上“柏雲＋施丹”的政策就唔掂，後者意思是只會大手買前線球員，只重進攻而忽視防守的重要，而這就是皇馬近年來越來越攻守失衝的原因。

事但

Originally posted by ciger at 2005-10-3 10:52 PM:
因為有商業價值嘅後衛可以話係冇,所以佢地買親都係進攻球員,但如果唔係從收購碧咸後賺大錢,我諗皇馬一早已冇“一年一球星”政策,佢買奧雲都係睇中英國市場啫,真係覺得佢好波就比佢打正選啦

係足球雜誌睇番o黎,唔知真定假.
施丹加盟第三年,皇馬賣出有關佢球衣和其他精品的收益已經差不多等於施丹的轉會費,這種做法並非始自碧咸(當然佢o既商業價值比施丹可能更高).

至於英國市場依點,我有少少保留.
有幾多英國球迷會唔捧英格蘭國內球隊而去捧西班牙?
今年放走奧雲,唔通又等於佢放棄英國o既市場?
我認為,只不過因為球會的買人權操於主席而非領隊之手,
而主席則不會從球隊的戰術和攻守平衡來作考慮,
才會有這種奇怪的買人政策.

事但

Originally posted by ciger at 2005-10-4 01:49 AM:
三年先返本,碧咸一年就賺突啦,英國市場唔係話叫英國人唔捧英格蘭球隊,好多人都係英超捧曼聯,西甲捧皇馬,意甲就AC,唔同聯賽捧唔同球隊並冇衝突,球員廣告收入皇馬有份分,唔要奧雲唔代表放棄英國市場,因為已經有碧咸同活基治,而且作為宣傳工具三位英國球員已經起到作用,起碼已經開拓到亞洲市場,放棄奧雲係球會政策,現在佢要地實行巴西化,放棄一些球員無可避免

同意放棄奧雲唔代表放棄英國市場,
亦所以我咪唔同意,買奧雲係要取得英國市場囉.
(亞洲市場我就同意)

我未去過英國,不過問過d係英國住o既親戚,
絕少當地人會睇西甲或其他國家的聯賽,
因為有太多本地波.

我亦已經講左碧咸的市場價值一定高於施丹,
我只係講,買大牌球員首為賺錢,次為成績,
並非始自碧咸.

事但

Originally posted by shaqkobe at 2005-10-4 01:39 AM:

始終球隊主席梗係以賺錢為上架啦。。。球星雲集既球隊正好係吸引球迷既方法之一。

又唔係一定架.
有好多球會主席係要成績而唔係為錢,因為佢本身已經大把,
首選例子就一定係油王啦,
仲有富咸個老闆艾法耶滋,紐卡素個主席(唔記得個名).

事但

Originally posted by ciger at 2005-10-4 01:27 PM:

施丹,費高,朗拿度可能都為皇馬賺大錢,但並非冇成績,所以你以上說話並不成立,唯獨是碧咸只賺錢但冇成績,所以我話由碧咸開始已經變質

所以我咪講左一年一球星的政策唔係問題,
但再加上只要中前場球星而忽略防守至係死穴囉.

高價買番o黎自然唔會唔用,
加上廣告商的壓力,亦唔到佢唔用大牌球員,
頭兩年問題都唔大,因為仍可維持到攻守平衡,
但到了碧咸時,為了盡出所有球星,
已經要亂排陣(唔係點會叫魯爾打中場,碧咸打防守中場,施丹要協助搶截,古迪明明係前鋒又變左防守中場).

頭兩三年未出現問題係因為未到turning point,
到左碧咸時,就真係攻守失衝.