HansChan

66年hurst嗰球要還的!!遲咗34年先還,賺晒啦!!
自負既大英帝國俾心機!!八年後黎過!!!
(因四年後都未係火候入決賽週!)
哈哈哈哈哈!!

HansChan

咁你都記得知道
你係人定係鬼啊
勇勇 發表於 2010-6-28 12:11 AM

HURST你都唔識...
我卒之明白點解啲人會認為而哩十年黎既英格蘭做點強點強.....
根本自加斯居里年代打後,除咗98年荷杜教嗰年,英格蘭都未勁過!
而家其實youtube真係好多好難搵既嘢都搵得到....你不如真係睇吓啲經典嘢先!
現今既英格蘭真係歐洲二線o架咋!
唔係話情意結就可以令佢哋要幾勁有幾勁!

HansChan

我意思係話66年遲34年，時間唔多對喎
勇勇 發表於 2010-6-28 12:54 AM

好嘢喎!!抽到水喎!!!
你話
"咁你都記得知道
你係人定係鬼啊"
我就唔係好linkup到你岩岩講既嘢喇!
不過,為抽水而抽水....俾你囉!

HansChan

屆屆都話最強,聽到我都想嘔,佢地出局絕對係應該
殺破狼 發表於 2010-6-28 11:31 AM

1000000000000000000%認同!!

HansChan

Are U sure? 下屆朗尼Still大勇大熟
阿當莊臣, 禾確特Still a 新星?
大邪神 發表於 2010-6-29 11:10 PM

球迷始終係有情意結既...
其實英格蘭邊夠班去有機會攞冠軍??
近十多年都話廿年黎最強....有幾強??
朗尼响國家隊根本可有可冇.....佢响曼聯踼得好,係因為曼聯既踼法係為佢度身訂造或佢係為配合曼聯既打法而買入......佢表現得好...或多或少係因為C朗拿度同蘭尼.......
英格蘭既打法,第一,根本冇一個C朗拿度或蘭尼....第二...根本個個大帝以致冇隊形可言!
朗尼往往响國家隊得個擺字!!
力臣老兄同而家既卡比路都改變唔到哩個問題.....
卡比路出名軍紀嚴重...都可以出現响大賽期間,有球員挑戰佢既權威....謝老四同老林叠晒位死都要一齊出........可見基本上冇一個領隊可以凌駕哩班大帝!!
我由04年join entfun.....一路"唱衰"英格蘭到而家.....而一路唱佢既嘢都冇改變到...
香港人一路都比較多睇英超罷了....根本就少睇其他國家球賽...又或者甘講....有幾多個踼得好出色既英格蘭球員係响英國以外踼??所以個個睇英格蘭球星就睇返英超罷了.....
我覺得英格蘭就算有乜所謂新星....黎緊哩十年八年...世盃都唔駛諗可以越過八強.....入到八強都應開香檳了!
除非可以完全改變晒英式全統踼法...如果唔係....英式踼法...冇加斯居里哩啲中場,同連尼加哩啲前鋒....俾你有多幾個朗尼同老林,謝老四.....都係嘥氣!!

HansChan

22# HansChan
今屆就算冇C朗, 朗尼都踢出大將之風
至於蘭尼, 我想你應該高估佢吧, 佢或多或少都係靠朗尼帶起, 如果佢做攻擊重心, 以佢踢法好易被對手守死 ...
darkensun 發表於 2010-6-30 12:53 AM

我唔係朗尼球迷來的!
何況由02年到而家既英格蘭....我唔見到前線有幾好....奧雲退下,朗尼上.....可能佢响曼聯係有啲乜嘢所謂大將之風.......响國家隊....我覺得佢自己當正自己係大佬....但又交唔到乜貨出黎!!歐國盃如是....世盃如是.....
可能,打球會...可以用好多唔同既人,買好多唔同既人返黎互相配合....但國家隊...球會踼得好就選..但未必可以合得埋....但合唔埋既....係咪應該大刀闊斧唔用呢??如謝老四同老林打法同位置既問題.....朗尼踼國家隊不濟既問題......

HansChan

自問由98世界盃棒英格蘭到而家

戰術同選人係今屆英格蘭一大敗筆
卡比路係意大利人. 自然著重防守同控球, 可惜英格蘭既風格同球員特性都唔可能做到呢樣野

佢地最強係兩翼速度同中場既後上能力. 佢地打返自己優勢,  ...
c.ronaldooo 發表於 2010-6-30 03:37 AM

我細個踼東九時...即90年...親眼睇住英格蘭點樣由不濟,一直打入四強...
我可以話英格蘭20年黎個base都係英式既踼法..(不過講真,而家佢哋啲高q大棍又真係冇以前甘大腳就真!!)..
94年入唔到世盃,96年睇佢歐國盃...第二踼分組賽先上力..當年佢哋踼既模式好簡單但超有效!
後面四個,打修夫基做清道夫,中場....真係超欣賞,中間創造力強既加斯居里+破壞力強又有遠射腳頭既恩斯,左翼比較顥得普通,史東(英軍廿年黎都解決唔到左翼唔掂哩個問題!!),右翼用高效率麥馬拿文,扭得,短傳遠傳又得,射波都得,佢拍當年先當頭超既右閘加利仔...响右路做既叠瓦...經常造就到到位既傳中球...前鋒腳腳中既舒利亞,二傳皇舒寧咸.....成隊合埋就正正係為傳統英式踼法砌出黎似的!!
到98年....最遺憾冇咗加斯居尼...用史高斯...活力夠,係技術,視野同準繩度不及前者,但碧咸加入,分擔咗好多傳送同造波...奧雲當頭起...其實嗰時既英軍已經有少少打唔出最好既英式踼法,但荷杜好嘢,戰略同用人補償返不足...但去後00年既歐國盃小組出局,02年同06年唔係艾力臣既悶波戰略,根本做唔到成績出黎!荷杜過後直至而家,英軍都打唔返96,98既水準...因為英軍既人腳,甚至教頭既戰略都好似想偏離少少傳統英式踼法...多咗地波造波,但係又造得唔好..搞到兩頭唔到岸!觀呼人腳...正正係謝老四,朗尼嗰幾位"大將之風"既球員朝代.....其實或多或少都同英超既發展有關...利物浦,曼聯哩啲都偏好歐陸踼法...我哋睇到朗尼响英超入好多波...係球會踼法張就佢既問題..佢可唔可獨當一面??幾次既國際賽事其實已經俾咗答案出黎!!
所以老土啲講,啲人話今時今日既英格蘭係二十年黎最勁....勁响邊???响二十年黎既國際賽成績已經一次又一次俾咗個答案出黎啦!!球星放埋一齊唔一定勁的,受歡迎唔一定勁的,有埋情意結既幫忙都唔一定勁的!!!
唔講第二個...只講一對前鋒...你而家邊個英軍前鋒都好,有邊個可以如當年踼布力般或紐卡素(前,中期)既舒利亞甘,邊度起腳都起碼中籠先??朗尼???鍊吓先啦再!!又有邊個可以有舒寧咸既二傳同入球能力??希斯基??高治??睇佢兩個我覺得佢哋同波蘭國家隊啲前鋒冇兩樣.......
甘而家既英格蘭我真係唔明點可能同90,96,98哩三年相比??
96年既英軍領隊雲拿保斯高兩日响報紙講,話而家既英格蘭唔適合打442,應打352,佢話中場輸俾人就要靠人多黎填補!!其實都有見地!!當年佢帶英軍打出最靚既442出黎,佢今日講話而家既英軍要踼352,係針對而家既英軍冇踼442 既本錢,創造力強既大腦同破壞力強既防中(即係如加斯居里+恩斯).....
我認同佢甘講!!
而家既英軍要啺442一定要謝老四同老林簡一個做大腦(但其實佢兩個都未係加斯居里哩啲級數),再拍一個正正式式既破壞形防中.....但英軍又有邊個破壞力超然既防中......免強黎講..卡域克都可以(但又係唔係恩斯嗰種又攔得,又射得,又撞得,又揪得.....)
前鋒....唔講了,越講越灰......
可能真係要狠心完全放下傳統英式踼法,完完全全踼352先可以吧...但我還是覺得若英軍踼352...都只會係悶球一隊...因352其實更講中場創造性同前鋒既靈活性...最靈活既我估係defoe吧....但佢真係一撞就飛得開.......
所以我話....英軍黎緊哩十年八年都冇可能越過8強哩關!!!

HansChan

28# HansChan  
計陣容, 連儂可以做到麥馬拿文, 高治可以做舒寧咸, 林柏特/祖高爾做柏列/加斯居尼, 防中可能要用柏加, 朗尼比之舒利亞有過之而無不及(單季入球量已勝過舒利亞), 最大問題依然係左中場, 否則複製96/9 ...
darkensun 發表於 2010-7-1 02:05 AM

師兄你都好夾硬黎.....你所講既人腳冇可否認係現時英格唯一可以用得比較好既人腳而已.....但論級數相比之下...你喜愛嗰一班只係小學生而已......
"高治可以做舒寧咸, 林柏特/祖高爾做柏列/加斯居尼"好似有啲insulting班前輩...可以做同做唔做到係兩件事來的!!!.."朗尼比之舒利亞有過之而無不及(單季入球量已勝過舒利亞)"...哩句我真頭認輸....唔可能淨計入球量黎講...時代唔同...以前英超還是被認為响意甲之下既日子,入球數量遠不及而家....
簡單啲講....舒利亞响國家隊有幾好..人人有目共睹...朗尼....哩八年大家都睇到...今屆更明顯!!都係嗰一樣...舒利亞每每起腳起碼中籠...俾到人信心...朗尼响國家隊??起初全部球迷既心態係"朗尼攞到波喇,掂硬喇!!.....噢..唔入....仲有機會!".....慢慢已經有一班人會諗"朗尼...嘩!!中到籠喎,都好啦,加油!!!"
可能我錯...但又睇下兩年後,四年後英國又點惡得出樣!!我都係嗰句.....8強係已賺!仲要係一如哩十年...入到8強都係冇說服力甘入到...如前,上屆既英軍同今屆既英軍....前兩屆都還可以話係艾力臣功力...但班波真係悶得可鄰....可以滿足到盲目嗰班球迷-->"只求結果!"...但對有期望嗰班係依然失望的.....今屆,英軍出線係更加冇說服力,不用多說!!始終打出冇說力既波....點可以叫得上做"強隊"?????
我預計下屆如是,後屆如是....

HansChan

28# HansChan  
其實呢幾年, 係BECKS淡出以後, 英軍已經唔似以前果種兩翼高Q大棍既打法, 可能同英超歐化有關,
當然呢10年, 除左艾殊頓似傳統英式中鋒外, 似乎出產既FW全都唔係呢類形, 根本要打番80年代既波亦無條件...

唔同意以成績論球員實力, 即巴治奧年代既意大利, 薛高時代既巴西, 球員實力都比奪冠時更強,
說明一點, 係整體合作, 戰術, 士氣同運氣既使然, 足球係team work, 有天才球員都要講發揮...

無意研究雲拿保斯係咪痴左, 點可以提出352如此攪笑既論點, 佢以為英國有馬干呢類左右二閘?
反而英軍已正式成為名領隊既墳墓, 當然卡比路仲有2年時間去反底, 又睇下推到重來黎唔黎得切?

唔同意現在呢一刻就可以批死英軍, 甚至一支球隊係未來10年8年既成績, 因為一般球迷似乎難以理解後起之秀既實力,
就以西班牙為例, 相信02年被踢出局一刻, 相信無人估到10年會有呢一班球員出現, 注意當年最有潛力既祖亞昆, 今日竟係唔入流...

德軍今年亦令人耳目一新, 英軍若敢把心一橫放棄大部分"黃金一代", 之後有咩球星湧現實在未可料...

p.s. 你所講英軍10多年未能解決左翼球員問題, 最大罪人應該係"韋爾遜"先生, 若果唔係佢當年拋妻棄子,
相信今時今日, 施路頓既出場紀錄, 早已被以"懷恩韋爾遜"打破...

filter-052fans 發表於 2010-7-1 02:14 AM

橙色嗰句,認同!
紅色嗰兩句第一句認同,第二句唔認同!難用成績去評好同唔好係80%岩!!但你講既巴治奧同薛高既例子,正正講出要害....睇波既人係有眼睇的!!巴治奧甘...一直都好多好多人為佢難過...可以話有甘好既球員,成績差極有限....打出黎既波係有說服力的!而家英軍,哩十年既英國,點樣有說服力??????8年前已俾人話廿年最強...點最強??唔講所得成績...但一定要以打出黎既波得唔得說服到人....盲目球迷可能會話好好,好有說服力....但我只係用眼黎睇波既人,我冇甘多情意結!但可能你哩句冇話係講緊英格蘭.....甘,當我講下個英軍既情況罷了!
紫色嗰句,我相信佢意思係中場唔夠人黎,就不如罷多啲人黎攞中場....但我亦認為甘係未必攻到波,打出黎會更悶...只係多咗破壞性.....如荷杜帶既98年...冇咗大腦加斯居里..但都有恩斯做破壞....好既防中對英軍係好重要!
藍色嗰句唔多講!等吖,睇吖!!!我甘講係因為我暫時睇到英軍出親既人都係"只限於此".....打球會好似打得好好,但到國家隊就一pat屎甘....如朗尼...我相信佢離開曼聯就連球會都踼得差好多....成班英兵砌埋唔知踼到啲乜出黎....係隊形,人腳...好多嘢配合唔唔到既問題!
你講既西班牙例子,係好岩....但正正亦講出,98年西班牙小組都出唔到線...00年德國又係小組都出唔到線.....10年時間...嗰兩隊都番身....英格蘭呢??依舊傭傭碌碌罷了.................

HansChan

00年德國出局係人材老化, 但98年西班牙出局係輸冇運, 當年希亞路, 魯爾, 古里路等如日中天, 怪只怪遇上神勇芝拉華特
今屆英格蘭出局唔代表實力差, 只怪抽簽冇運, 如果佢十六強唔駛對德國, 後果已經唔同
今屆八強巴拉圭, 同埋四強分子烏拉圭/加納, 實力都唔及英格蘭, 所以話抽簽抽中對弱旅仲重要過實力
darkensun 發表於 2010-7-1 05:08 PM

你唔好玩啦師兄!!
我估世盃前你未必會甘講!
世盃前大部份人都話英軍有運,小組首名出線冇難度.......
而家佢哋自己打得唔好失咗個首名出線(其實幾乎出唔到線)所以要對德國就係'抽簽冇運'??大佬呀!!你都真係好迷英軍喎!!!
而家美國首名跟住俾加納砌低咗....甘你會點演譯呢??嗱,美國就壓到英軍首名出線.....但又輸咗俾你強調實力唔夠強但又死好命抽到好簽既加納(同德國,塞爾維亞,澳洲同組......哈....抽得好簽???好難理解!)........
甘你既講法,唯一一個可能性就係.....強大既英軍唔記得拜神,所以負碌攞唔到首名.....而如果佢首名對加納時又一定贏加納.....所以而家英軍落得如此下場係一次又一次既'唔好運'得出黎既結果!!!嘩,得喎!!!!!!!!!!!
98年西班牙出局可以強而出局.....所以而家既英軍又係一樣??
98年既西班牙第一場就輸俾尼日尼亞2:3..我好記得嗰場波好勢軍力敵....巴拉圭只可以話攻力冇佢甘強....人哋重防守就唔可以戰略成功???最後西班牙贏返保加利亞7:0(好似係!)...總括黎講....我覺得嗰屆西班牙出局係冇話應該定唔應該...對手捕處好過你而已!!!
今屆英軍對阿爾及利亞人人都諗住佢哋贏梗.....人哋一開波守你....打打下仲反客為主同你搶中場.....最後打和...唔通又係"英軍响強大既實力低下俾人落咗降所以又贏唔到???"...又甘唔好彩???
可能係啦....真係要跟師兄你學睇英國足球囉!!!!!!!!!!!