迷途小羔羊

Originally posted by 28083003 at 2007-1-15 08:58 PM:


曼聯D青訓勁過哂氣啦,你仲以為而...

講起青訓，我又諗到D野

我覺得其實而家既英超青訓系統（特別係曼聯）同以往既青訓系統係好唔同
以往（可以話七小福年代）的青訓系統係有咩球員起預備組踢得好就升上一隊
而家呢？起預備組踢得好根本未夠，要起外借期間都踢得好，先有機會返上一隊
咁係咪代表曼聯既青訓系統弱左呢？定抑或在篩選年青球員方面更加審慎左呢？
正如曼聯而家有好幾個潛質優厚既年青球員（羅斯、伊雲斯、科士打等）都係起外借當中
如果說曼聯既青訓真係失敗既話，咁曼聯預備組起上季起預備組包攬三冠又如何解釋呢?

我諗原因有好幾個
1)英超聯既競爭越來越大，根本就沒有空間給像曼聯這般的大球會去慢慢畀新球員吸取實戰經驗，特別係後防球員，新仔始終係新仔，有乜事上黎好大濟
2)預備組的實力漸漸被英超聯所拉遠，舊的方法（備預組直接上一隊漸變得不可能）
3)曼聯近年開始同安特惠普合作，利用衛星球會去幫自己球隊吸收實戰經驗；而曼聯財政又無問題，買入強人，借出新仔，何樂而不為。難道真的要「因為有青訓而一定要用青訓」？
4)最為人忽略既一點係，用七小福時費格邂都只係放手一搏，加上曼聯當年並無現在咁光榮，賭輸左都唔會有乜野，最多重頭黎過，所以用大量新人都咁大壓力；而家既曼聯又點樣承擔到咁既壓力呢

說到尾，曼聯既青訓做得好唔好，好難單單用「費查、奧沙」兩個人既起曼聯既情況去說明，有更多既地方值得我地去注意。

附帶說說阿仙奴，無錯他們的一隊中有很多新人，而且好有質素，特別欣賞伊保爾
雲格眼光受肯定之際，其運氣也不弱於當年起用七小福既費格遜
不過班新人多數係買入黎就直接用起一隊，我個人覺得這存在過多賭博成份
一隊波健康的接班方法一定唔會係雲格呢種方法
阿仙奴穩定性無復當年可見一斑

另外據我所知，起05年既統計，阿仙奴起全球最富有球會中排第六
雖然搬遷主場後支出增加，但講到阿仙奴好窮，似乎值得商榷。