細鳳

我覺得阿仙奴最煞食係佢快速o既打法,
佢呢種打法係不停咁短傳, 不停咁走位,
如是者, 佢點都會有1,2個球員走到空位,
當呢1,2個球員走到空位, 防守一方就會去mark佢地,
咁又會令到另一方面又會有某1,2個球員走空, 有機會入波,
所以我覺得呢種踢法唔需要要求好好波o既球員,
只要有Henry, Pires同Bergkamp在陣,
其他球員只要肯去走位, 根本就唔需要好有腳法o既球員,
佢呢種打法都會好有效~~~
所以我覺得佢重點係在於Pires同Bergkamp,
要贏阿仙奴就一定要凍結到佢兩個,
因為絕大部分o既入波都係由佢地發動,
至於Henry, 我覺得佢始於係個前鋒,
好難o係冇支援之下做到d咩出黎~
好似皇馬, 巴塞, AC, 呢d球隊如果淨係同佢鬥攻都未必鬥得贏,
因為我覺得阿仙奴呢種打法好穩定, 唔會點走樣~~~
我認為重點在於凍唔凍結到Pires同Bergkamp,
只要做得到呢一點,
中游球隊好似保頓, 維拉, 米堡都好有機會贏到阿仙奴~

細鳳

我覺得Henry係勁, 但係就唔算真係好勁,
佢有好高o既速度, 但係其實佢唔係咁有腳法,
佢絕大部分扭過人都係靠佢o既速度,
佢做主動去過人起步o個下已經先過防守球員,
仲要加上佢咁高速度, 梗係容易過到人la~
佢打英超成功最主要都係因為英超d打法快上快落,
而且有Bergkamp呢d球員俾直線佢走,
佢成日都有大把空位俾佢打,
我覺得佢係o個種要有多d空位俾佢走先打到好波o既球員,
而歐聯同國際賽o既打法好多都同英超唔同,
個節奏冇咁快, 相對地冇英超咁快上快落,
空位少咗, Henry o既長處就冇得show出黎.....
唔知大家仲記唔記得Aneka?
佢同Henry其實好似, 我覺得佢地o既水平唔會爭好遠,
當年佢成功都係因為有Bergkamp俾波佢,
情形都而家o既Henry好似, 唔知大家同唔同意?