franken

我對英格蘭同巴西出局都唔覺得有咩話失望

先講england, 無錯，成隊波geh名氣真係好高
唔好意思咁講, 可能係惟一一隊大家可以好輕鬆咁數晒23個人geh名。
甚至係大家26fun兄弟可以講埋eriksson下場同下下場, even每場世杯比賽geh formation。
點解? 領隊保守！一定要出碧咸, 一定要4個中場, 一定要gerrard同lampard一齊上陣,
但係呢？碧咸活力不再喇, 技術又唔係好, 只有七旋斬呢一路, 係人都輕鬆睇通佢想點啦。
garrard同lampard搞到唔知點咁, 真係唔上唔落。
只有後防四個真叫做對板。
認真講句, 以前人人都話意大利波悶到嘔, 只打防守。
今年係英格蘭踢悶蛋足球。無計, 攻不銳, 無板斧; 守得叫做穩, 惟有踢半生熟足球, 一球起, 兩球止。

巴西，朗拿度可以拜拜喇...全季睇住ronaldinho踢到識飛, 世杯真係疲態畢露喇...
彭利拿又係攬住ronaldo唔放, 大膽d俾robinho同阿祖攻堅咪好囉...
之前confederation cup合作得好好...
後防？巴西有咩？lucio嘈住要再踢前d, 要多d參與進攻
如果前面一班真係踢到出神入化, 以進攻當防守, 對手就唔會搵到空虛贏波啦...
下屆請早啦...

反而自己期待西班牙同荷蘭, 雖然出左局, 自己有少少失望
但係兩隊下屆會有作為！西班牙條中場線真係靚, xavi, fabregas, xabi alonso, joaquin...
攻守兼備, 有創造力, 出局真係可惜...可能係offside tactics係咁俾france破左...
荷蘭雙翼齊飛真係好飛得, 不過係擔心龍門同後防...
如果robben唔再獨食, 晨早贏左葡萄牙九條街啦...