sonyguy

我都係從86年開始睇...
果時無線播...
時間ok...(果時讀緊小學...下午校)
佢地個節目叫06直播室, 09直播室...
即係朝早六點/九點開波...
時間perfect 到無得頂...
因為老豆返左工....阿媽又比我睇...
所以只要佢播...我就有睇...
考試都照睇..
=)
另外...果屆既水準真係好高...
成個決賽週...直至決賽果場波都好精彩...

經典場合: 係人都講係巴西對法國啦...但我覺得係丹麥對西班牙...
因為丹麥件波衫好形...佢地分組賽既表現又好勁...
亦都係咁...我愛上左丹麥...(亦都係我既初戀)...
16強對西班牙...竟然比大抄...
果種心情...非筆墨可以形容...

90年...讀緊中學...好多波都係好夜打或者零晨...
老豆唔比睇...
特別在考試期間...
所以miss 都好多場...
所以無乜印象...

經典場面: 阿根廷 對 巴西...
巴西攻來攻去都攻唔入...
最後比肯尼基亞一腳踼出局...

94年...當年考完會考...所以場場波都睇晒....
但由於都係夜晚/零晨時間開波...
都成日比人鬧...

經典場面: 唔記得邊沙特阿拉白對邊隊...(好似美國)
果場波好似有一個紀録...就係沙特有個前鋒入四球定五球...
不過我覺得經典既原因...
係因為我果日發高燒...
食住藥...都夾硬起身睇...
最後比人鬧一大餐...
跟住訓左覺...
所以基本上我係無睇呢場波..
亦都係94年我唯一無睇既一場波...

98年...讀緊大學...又係考完試無野做...
所以又可以睇晒...=)
個人覺得無線攪得好好喎...
兩場直播中間既幾個鐘頭...
搵阿叻同智偉佢地攪下笑...唔錯呀...
(當然當年有幾個世界妹真係幾正...一個叫李思蓓...e+唔多得..但果時好正...hehehe...講返正題)
果個節目..搵阿潘宗明去外國做直播..
最記得佢問d 外國女仔...
<你支持邊隊??如果你想你支持既球隊入一球.就鍚我一啖...>
跟住d 外國女仔就係咁鍚...
潘生真係正到暈呀...
都係入返正題...
=)

經典場合: 巴西對荷蘭...
當時既羅馬里奧同白必圖...無得頂呀...
白蘭高一腳洲際飛彈式既罰球射死左荷蘭...正!!
另外當然唔少得巴西對丹麥啦...
丹麥入波先架...我以為佢地可以踼巴西出局架...
開心到癲...
最後巴西用九牛二虎之力反勝3:2...
雖敗猷榮...
=)

02年...由於工作關係...
所以好多時都在返工時間走左去bar/餐廳睇波...
都差唔多睇得晒佢地d 直播...
=)
經期場面: 其實無乜...要講就係巴西對英格蘭...
咁近期...我諗呢到好多朋友都記得啦...
=)

sonyguy

哈..又好似係喎...=)