sonyguy

我對老一輩果幾個都唔係咁鍾意...
佢地唔肯改變...
仲用舊式既講波方式...
另外...我諗佢地好少上網睇新聞...
我記得阿叔講過...
佢唔會睇報紙/上網果d 資料...
佢剩係講場波發生乜事...
舊時可能得...
但e+唔掂lu...

講後生呢一輩...
我最唔鍾意蔡民堅...
我覺得佢講波太負面...
每逢有入球...
大部份時間佢都會講係防守既問題...
邊個走漏左...邊個防守要負責...
好少會欣賞進攻方便既努力...
總之一場波...
佢好多時間都係搵邊個踼得唔好...
當佢認為踼得唔好果個交錯波或其他犯錯...
佢就會強調多一次...証明佢無睇錯...
每當有換人...十次有九次佢都唔認同領隊既做法...
會問好多問題...點解咁換?

咁多個最鍾意何輝...
佢既分析好好...(可能佢係前足球員啦)
另外黃興貴都係...
佢好識睇晒成個局...(佢都係前足球領隊)

另外..大家對無線果幾個唔好要求咁高啦...
佢地一年有幾多場波講丫..
鍾志光..佢拍電視劇仲多過講現場波...

丁偉傑...可能少少扮專業啦...
但佢真係好勤力...最左好多資料...
講波都ok...

64台...我希望大家唔好當佢地係講波佬啦...
佢地既身份其實係等如你地落酒吧坐隔離果d 人..
吹吹水...大大聲...
你岩聽就笑下...
唔岩聽就覺得佢好煩...
(對於我黎講..佢地好煩!!)

sonyguy

Originally posted by iMacc at 2005-11-4 11:37 AM:
有小小唔同意你嘅講法...我覺得講波佬係對足球有一定認識同埋可以即場分析到場波嘅形勢...我覺得64台班主持大部份d足球知識都好夠...只不過佢哋會討論埋買邊隊...同埋氣氛輕鬆d啫...

我最唔鍾意佢地太過陰謀論...
佢買揀中果場...
就會講到好易中...唔駛睇都中...點買都中...
唔中果場就會講到係踼假波...吹黑哨...
印象最深刻係有一場波...
有個後防球員在自己底線想讓個波出底線...(等自己開球門球...)
對方球員想搶返個波...
所以一腳鏟落去...
最後鏟到腳但救唔返個波...
球証吹罰...
64台班大哥立即好唔高興咁鬧...
<個球証攪乜架...呢D 波係條底線到仲吹乜呀...係唔係想浪費時間呀...>
(佢支持果隊波輸緊)...
我聽到真係呆左...佢唔鬧個球員做乜鏟落去...而係鬧個球証做乜吹罰...!!

另外佢地又太過主觀...
好似上星期有場波...好似係英超利記對韋斯咸...
(我開頭唔知61台得有播..所以被迫睇64)...
好早時間利記已經贏一球...
咁跟住佢地打得好保守...
在未入第二球之前...
佢地不斷講利記唔掂...(可能佢地支持利記贏兩球或以上)
咁早入一球都唔繼續攻等等..
話佢地太保守...
如果你有睇場波...
成場波利記可以叫控制戰局...
或者講韋斯咸跟本成場波都無乜入球機會...
如果你係利記領隊...
週中又有一場歐聯踼...
你會叫班球員繼續狂攻...當決賽咁打...入多幾球??
定係叫佢地慢慢打..控制戰局...有機會入多球...但最緊要唔好輸同唔好傷...??
...

我唔懷疑佢地對足球既認識...
問題對足球有認識唔等如識講波...
另外..."太多陰謀論+太過主觀"...
就變成同在酒吧坐你隔黎果D 人真係差唔多...
你要好笑...在酒吧好多人講野好笑過佢地~~
=)